Narayaniyam Dashaka 84
നാരായണീയം ദശക 84 - സമന്തപഞ്ചകതീര്ഥയാത്രാ - ബന്ധുമിത്രാദി സമാഗമമ്
Narayaniyam Dashaka 84
നാരായണീയം ദശക 84 - സമന്തപഞ്ചകതീര്ഥയാത്രാ - ബന്ധുമിത്രാദി സമാഗമമ്
ശ്ലോക 1
ക്വചിദഥ തപനോപരാഗകാലേ പുരി നിദധത് കൃതവര്മകാമസൂനൂ ।
യദുകുലമഹിലാവൃതഃ സുതീര്ഥം സമുപഗതോഽസി സമന്തപഞ്ചകാഖ്യമ്
ശ്ലോക 2
ബഹുതരജനതാഹിതായ തത്ര ത്വമപി പുനന് വിനിമജ്യ തീര്ഥതോയമ് ।
ദ്വിജഗണപരിമുക്തവിത്തരാശിഃ സമമിലഥാഃ കുരുപാണ്ഡവാദിമിത്രൈഃ
॥1॥
ശ്ലോക 3
തവ ഖലു ദയിതാജനൈഃ സമേതാ ദ്രുപദസുതാ ത്വയി ഗാഢഭക്തിഭാരാ ।
തദുദിതഭവദാഹൃതിപ്രകാരൈഃ അതിമുമുദേ സമമന്യഭാമിനീഭിഃ
॥2॥
ശ്ലോക 4
തദനു ച ഭഗവന് നിരീക്ഷ്യ ഗോപാനതികുതുകാദുപഗമ്യ മാനയിത്വാ।
ചിരതരവിരഹാതുരാങ്ഗരേഖാഃ പശുപവധൂഃ സരസം ത്വമന്വയാസീഃ
॥3॥
ശ്ലോക 5
സപദി ച ഭവദീക്ഷണോത്സവേന പ്രമുഷിതമാനഹൃദാം നിതമ്ബിനീനാമ് ।
അതിരസപരിമുക്തകഞ്ചുലീകേ പരിചയഹൃദ്യതരേ കുചേ ന്യലൈഷീഃ
॥4॥
ശ്ലോക 6
രിപുജനകലഹൈഃ പുനഃ പുനര്മേ സമുപഗതൈരിയതീ വിലമ്ബനാഽഭൂത് ।
ഇതി കൃതപരിരമ്ഭണേത്വയി ദ്രാക് അതിവിവശാ ഖലു രാധികാ നിലില്യേ
॥5॥
ശ്ലോക 7
അപഗതവിരഹവ്യഥാസ്തദാ താ രഹസി വിധായ ദദാഥ തത്ത്വബോധമ് ।
പരമസുഖചിദാത്മകോഽഹമാത്മേത്യുദയതു വഃ സ്ഫുടമേവ ചേതസീതി
॥6॥
ശ്ലോക 8
സുഖരസപരിമിശ്രിതോ വിയോഗഃ കിമപി പുരാഽഭവദുദ്ധവോപദേശൈഃ ।
സമഭവദമുതഃ പരം തു താസാം പരമസുഖൈക്യമയീ ഭവദ്വിചിന്താ
॥7॥
ശ്ലോക 9
മുനിവരനിവഹൈസ്തവാഥ പിത്രാ ദുരിതശമായ ശുഭാനി പൃച്ഛ്യമാനൈഃ ।
ത്വയി സതി കിമിദം ശുഭാന്തരൈഃ രിത്യുരുഹസിതൈരപി യാജിതസ്തദാഽസൌ
॥8॥
ശ്ലോക 10
സുമഹതി യജനേ വിതായമാനേ പ്രമുദിതമിത്രജനേ സഹൈവ ഗോപാഃ ।
യദുജനമഹിതാസ്ത്രിമാസമാത്രം ഭവദനുഷങ്ഗരസം പുരേവ ഭേജു ഃ
॥9॥
ശ്ലോക 11
വ്യപഗമസമയേ സമേത്യ രാധാം ദൃഢമുപഗൂഹ്യ നിരീക്ഷ്യ വീതഖേദാമ് ।
പ്രമുദിതഹൃദയഃ പുരം പ്രയാതഃ പവനപുരേശ്വര പാഹി മാം ഗദേഭ്യഃ
॥10॥