নারাযণীযং দশক 84 - সমন্তপঞ্চকতীর্থযাত্রা - বন্ধুমিত্রাদি সমাগমম্

নারাযণীযং দশক 84 - সমন্তপঞ্চকতীর্থযাত্রা - বন্ধুমিত্রাদি সমাগমম্

শ্লোক 1

ক্বচিদথ তপনোপরাগকালে পুরি নিদধত্ কৃতবর্মকামসূনূ ।

যদুকুলমহিলাবৃতঃ সুতীর্থং সমুপগতোঽসি সমন্তপঞ্চকাখ্যম্

শ্লোক 2

বহুতরজনতাহিতায তত্র ত্বমপি পুনন্ বিনিমজ্য তীর্থতোযম্ ।

দ্বিজগণপরিমুক্তবিত্তরাশিঃ সমমিলথাঃ কুরুপাণ্ডবাদিমিত্রৈঃ

॥1॥

শ্লোক 3

তব খলু দযিতাজনৈঃ সমেতা দ্রুপদসুতা ত্বযি গাঢভক্তিভারা ।

তদুদিতভবদাহৃতিপ্রকারৈঃ অতিমুমুদে সমমন্যভামিনীভিঃ

॥2॥

শ্লোক 4

তদনু চ ভগবন্ নিরীক্ষ্য গোপানতিকুতুকাদুপগম্য মানযিত্বা।

চিরতরবিরহাতুরাঙ্গরেখাঃ পশুপবধূঃ সরসং ত্বমন্বযাসীঃ

॥3॥

শ্লোক 5

সপদি চ ভবদীক্ষণোত্সবেন প্রমুষিতমানহৃদাং নিতম্বিনীনাম্ ।

অতিরসপরিমুক্তকঞ্চুলীকে পরিচযহৃদ্যতরে কুচে ন্যলৈষীঃ

॥4॥

শ্লোক 6

রিপুজনকলহৈঃ পুনঃ পুনর্মে সমুপগতৈরিযতী বিলম্বনাঽভূত্ ।

ইতি কৃতপরিরম্ভণেত্বযি দ্রাক্ অতিবিবশা খলু রাধিকা নিলিল্যে

॥5॥

শ্লোক 7

অপগতবিরহব্যথাস্তদা তা রহসি বিধায দদাথ তত্ত্ববোধম্ ।

পরমসুখচিদাত্মকোঽহমাত্মেত্যুদযতু বঃ স্ফুটমেব চেতসীতি

॥6॥

শ্লোক 8

সুখরসপরিমিশ্রিতো বিযোগঃ কিমপি পুরাঽভবদুদ্ধবোপদেশৈঃ ।

সমভবদমুতঃ পরং তু তাসাং পরমসুখৈক্যমযী ভবদ্বিচিন্তা

॥7॥

শ্লোক 9

মুনিবরনিবহৈস্তবাথ পিত্রা দুরিতশমায শুভানি পৃচ্ছ্যমানৈঃ ।

ত্বযি সতি কিমিদং শুভান্তরৈঃ রিত্যুরুহসিতৈরপি যাজিতস্তদাঽসৌ

॥8॥

শ্লোক 10

সুমহতি যজনে বিতাযমানে প্রমুদিতমিত্রজনে সহৈব গোপাঃ ।

যদুজনমহিতাস্ত্রিমাসমাত্রং ভবদনুষঙ্গরসং পুরেব ভেজু ঃ

॥9॥

শ্লোক 11

ব্যপগমসমযে সমেত্য রাধাং দৃঢমুপগূহ্য নিরীক্ষ্য বীতখেদাম্ ।

প্রমুদিতহৃদযঃ পুরং প্রযাতঃ পবনপুরেশ্বর পাহি মাং গদেভ্যঃ

॥10॥

শ্লোক 12