ശുക്ര അഷ്ടോത്തര ശത നാമ സ്തോത്രമ്

ശുക്ര അഷ്ടോത്തര ശത നാമ സ്തോത്രമ്

ശ്ലോക 1

ശുക്രഃ ശുചിഃ ശുഭഗുണഃ ശുഭദഃ ശുഭലക്ഷണഃ ।

ശോഭനാക്ഷഃ ശുഭ്രരൂപഃ ശുദ്ധസ്ഫടികഭാസ്വരഃ

ശ്ലോക 2

ദീനാര്തിഹാരകോ ദൈത്യഗുരുഃ ദേവാഭിവന്ദിതഃ ।

കാവ്യാസക്തഃ കാമപാലഃ കവിഃ കല്യാണദായകഃ

॥ 1 ॥

ശ്ലോക 3

ഭദ്രമൂര്തിര്ഭദ്രഗുണോ ഭാര്ഗവോ ഭക്തപാലനഃ ।

ഭോഗദോ ഭുവനാധ്യക്ഷോ ഭുക്തിമുക്തിഫലപ്രദഃ

॥ 2 ॥

ശ്ലോക 4

ചാരുശീലശ്ചാരുരൂപശ്ചാരുചന്ദ്രനിഭാനനഃ ।

നിധിര്നിഖിലശാസ്ത്രജ്ഞോ നീതിവിദ്യാധുരന്ധരഃ

॥ 3 ॥

ശ്ലോക 5

സര്വലക്ഷണസമ്പന്നഃ സര്വാവഗുണവര്ജിതഃ ।

സമാനാധികനിര്മുക്തഃ സകലാഗമപാരഗഃ

॥ 4 ॥

ശ്ലോക 6

ഭൃഗുര്ഭോഗകരോ ഭൂമിസുരപാലനതത്പരഃ ।

മനസ്വീ മാനദോ മാന്യോ മായാതീതോ മഹാശയഃ

॥ 5 ॥

ശ്ലോക 7

ബലിപ്രസന്നോഽഭയദോ ബലീ ബലപരാക്രമഃ ।

ഭവപാശപരിത്യാഗോ ബലിബന്ധവിമോചകഃ

॥ 6 ॥

ശ്ലോക 8

ഘനാശയോ ഘനാധ്യക്ഷോ കമ്ബുഗ്രീവഃ കലാധരഃ ।

കാരുണ്യരസസമ്പൂര്ണഃ കല്യാണഗുണവര്ധനഃ

॥ 7 ॥

ശ്ലോക 9

ശ്വേതാമ്ബരഃ ശ്വേതവപുശ്ചതുര്ഭുജസമന്വിതഃ ।

അക്ഷമാലാധരോഽചിന്ത്യോ അക്ഷീണഗുണഭാസുരഃ

॥ 8 ॥

ശ്ലോക 10

നക്ഷത്രഗണസഞ്ചാരോ നയദോ നീതിമാര്ഗദഃ ।

വര്ഷപ്രദോ ഹൃഷീകേശഃ ക്ലേശനാശകരഃ കവിഃ

॥ 9 ॥

ശ്ലോക 11

ചിന്തിതാര്ഥപ്രദഃ ശാന്തമതിഃ ചിത്തസമാധികൃത് ।

ആധിവ്യാധിഹരോ ഭൂരിവിക്രമഃ പുണ്യദായകഃ

॥ 10 ॥

ശ്ലോക 12

പുരാണപുരുഷഃ പൂജ്യഃ പുരുഹൂതാദിസന്നുതഃ ।

അജേയോ വിജിതാരാതിര്വിവിധാഭരണോജ്ജ്വലഃ

॥ 11 ॥

ശ്ലോക 13

കുന്ദപുഷ്പപ്രതീകാശോ മന്ദഹാസോ മഹാമതിഃ ।

മുക്താഫലസമാനാഭോ മുക്തിദോ മുനിസന്നുതഃ

॥ 12 ॥

ശ്ലോക 14

രത്നസിംഹാസനാരൂഢോ രഥസ്ഥോ രജതപ്രഭഃ ।

സൂര്യപ്രാഗ്ദേശസഞ്ചാരഃ സുരശത്രുസുഹൃത് കവിഃ

॥ 13 ॥

ശ്ലോക 15

തുലാവൃഷഭരാശീശോ ദുര്ധരോ ധര്മപാലകഃ ।

ഭാഗ്യദോ ഭവ്യചാരിത്രോ ഭവപാശവിമോചകഃ

॥ 14 ॥

ശ്ലോക 16

ഗൌഡദേശേശ്വരോ ഗോപ്താ ഗുണീ ഗുണവിഭൂഷണഃ ।

ജ്യേഷ്ഠാനക്ഷത്രസമ്ഭൂതോ ജ്യേഷ്ഠഃ ശ്രേഷ്ഠഃ ശുചിസ്മിതഃ

॥ 15 ॥

ശ്ലോക 17

അപവര്ഗപ്രദോഽനന്തഃ സന്താനഫലദായകഃ ।

സര്വൈശ്വര്യപ്രദഃ സര്വഗീര്വാണഗണസന്നുതഃ

॥ 16 ॥

ശ്ലോക 18

ഏവം ശുക്രഗ്രഹസ്യൈവ ക്രമാദഷ്ടോത്തരം ശതമ് ।

സര്വപാപപ്രശമനം സര്വപുണ്യഫലപ്രദമ് ।

യഃ പഠേച്ഛൃണുയാദ്വാപി സര്വാന് കാമാനവാപ്നുയാത്

॥ 17 ॥

ശ്ലോക 19

ഇതി ശ്രീ ശുക്ര അഷ്ടോത്തരശതനാമ സ്തോത്രമ് ।