Sukra Ashtottara Sata Nama Stotram

शुक्र अष्टोत्तर शत नाम स्तोत्रम्

श्लोक 1

शुक्रः शुचिः शुभगुणः शुभदः शुभलक्षणः ।

शोभनाक्षः शुभ्ररूपः शुद्धस्फटिकभास्वरः

श्लोक 2

दीनार्तिहारको दैत्यगुरुः देवाभिवन्दितः ।

काव्यासक्तः कामपालः कविः कल्याणदायकः

॥ 1 ॥

श्लोक 3

भद्रमूर्तिर्भद्रगुणो भार्गवो भक्तपालनः ।

भोगदो भुवनाध्यक्षो भुक्तिमुक्तिफलप्रदः

॥ 2 ॥

श्लोक 4

चारुशीलश्चारुरूपश्चारुचन्द्रनिभाननः ।

निधिर्निखिलशास्त्रज्ञो नीतिविद्याधुरन्धरः

॥ 3 ॥

श्लोक 5

सर्वलक्षणसम्पन्नः सर्वावगुणवर्जितः ।

समानाधिकनिर्मुक्तः सकलागमपारगः

॥ 4 ॥

श्लोक 6

भृगुर्भोगकरो भूमिसुरपालनतत्परः ।

मनस्वी मानदो मान्यो मायातीतो महाशयः

॥ 5 ॥

श्लोक 7

बलिप्रसन्नोऽभयदो बली बलपराक्रमः ।

भवपाशपरित्यागो बलिबन्धविमोचकः

॥ 6 ॥

श्लोक 8

घनाशयो घनाध्यक्षो कम्बुग्रीवः कलाधरः ।

कारुण्यरससम्पूर्णः कल्याणगुणवर्धनः

॥ 7 ॥

श्लोक 9

श्वेताम्बरः श्वेतवपुश्चतुर्भुजसमन्वितः ।

अक्षमालाधरोऽचिन्त्यो अक्षीणगुणभासुरः

॥ 8 ॥

श्लोक 10

नक्षत्रगणसञ्चारो नयदो नीतिमार्गदः ।

वर्षप्रदो हृषीकेशः क्लेशनाशकरः कविः

॥ 9 ॥

श्लोक 11

चिन्तितार्थप्रदः शान्तमतिः चित्तसमाधिकृत् ।

आधिव्याधिहरो भूरिविक्रमः पुण्यदायकः

॥ 10 ॥

श्लोक 12

पुराणपुरुषः पूज्यः पुरुहूतादिसन्नुतः ।

अजेयो विजितारातिर्विविधाभरणोज्ज्वलः

॥ 11 ॥

श्लोक 13

कुन्दपुष्पप्रतीकाशो मन्दहासो महामतिः ।

मुक्ताफलसमानाभो मुक्तिदो मुनिसन्नुतः

॥ 12 ॥

श्लोक 14

रत्नसिंहासनारूढो रथस्थो रजतप्रभः ।

सूर्यप्राग्देशसञ्चारः सुरशत्रुसुहृत् कविः

॥ 13 ॥

श्लोक 15

तुलावृषभराशीशो दुर्धरो धर्मपालकः ।

भाग्यदो भव्यचारित्रो भवपाशविमोचकः

॥ 14 ॥

श्लोक 16

गौडदेशेश्वरो गोप्ता गुणी गुणविभूषणः ।

ज्येष्ठानक्षत्रसम्भूतो ज्येष्ठः श्रेष्ठः शुचिस्मितः

॥ 15 ॥

श्लोक 17

अपवर्गप्रदोऽनन्तः सन्तानफलदायकः ।

सर्वैश्वर्यप्रदः सर्वगीर्वाणगणसन्नुतः

॥ 16 ॥

श्लोक 18

एवं शुक्रग्रहस्यैव क्रमादष्टोत्तरं शतम् ।

सर्वपापप्रशमनं सर्वपुण्यफलप्रदम् ।

यः पठेच्छृणुयाद्वापि सर्वान् कामानवाप्नुयात्

॥ 17 ॥

श्लोक 19

इति श्री शुक्र अष्टोत्तरशतनाम स्तोत्रम् ।