Sri Rama Ashtottara Sata Naama Stotram

श्री रामाष्टोत्तर शतनाम स्तोत्रम्

श्लोक 1

श्रीरामो रामभद्रश्च रामचन्द्रश्च शाश्वतः ।

राजीवलोचनः श्रीमान्राजेन्द्रो रघुपुङ्गवः

श्लोक 2

जानकीवल्लभो जैत्रो जितामित्रो जनार्दनः ।

विश्वामित्रप्रियो दान्तः शरणत्राणतत्परः

॥ 1 ॥

श्लोक 3

वालिप्रमथनो वाग्मी सत्यवाक्सत्यविक्रमः ।

सत्यव्रतो व्रतधरः सदाहनुमदाश्रितः

॥ 2 ॥

श्लोक 4

कौसलेयः खरध्वंसी विराधवधपण्डितः ।

विभीषणपरित्राता हरकोदण्डखण्डनः

॥ 3 ॥

श्लोक 5

सप्ततालप्रभेत्ता च दशग्रीवशिरोहरः ।

जामदग्न्यमहादर्पदलनस्ताटकान्तकः

॥ 4 ॥

श्लोक 6

वेदान्तसारो वेदात्मा भवरोगस्य भेषजम् ।

दूषणत्रिशिरोहन्ता त्रिमूर्तिस्त्रिगुणात्मकः

॥ 5 ॥

श्लोक 7

त्रिविक्रमस्त्रिलोकात्मा पुण्यचारित्रकीर्तनः ।

त्रिलोकरक्षको धन्वी दण्डकारण्यकर्तनः

॥ 6 ॥

श्लोक 8

अहल्याशापशमनः पितृभक्तो वरप्रदः ।

जितेन्द्रियो जितक्रोधो जितामित्रो जगद्गुरुः

॥ 7 ॥

श्लोक 9

ऋक्षवानरसङ्घाती चित्रकूटसमाश्रयः ।

जयन्तत्राणवरदः सुमित्रापुत्रसेवितः

॥ 8 ॥

श्लोक 10

सर्वदेवादिदेवश्च मृतवानरजीवनः ।

मायामारीचहन्ता च महादेवो महाभुजः

॥ 9 ॥

श्लोक 11

सर्वदेवस्तुतः सौम्यो ब्रह्मण्यो मुनिसंस्तुतः ।

महायोगी महोदारः सुग्रीवेप्सितराज्यदः

॥ 10 ॥

श्लोक 12

सर्वपुण्याधिकफलः स्मृतसर्वाघनाशनः ।

आदिपुरुषः परमपुरुषो महापूरुष एव च

॥ 11 ॥

श्लोक 13

पुण्योदयो दयासारः पुराणपुरुषोत्तमः ।

स्मितवक्त्रो मिताभाषी पूर्वभाषी च राघवः

॥ 12 ॥

श्लोक 14

अनन्तगुणगम्भीरो धीरोदात्तगुणोत्तमः ।

मायामानुषचारित्रो महादेवादिपूजितः

॥ 13 ॥

श्लोक 15

सेतुकृज्जितवाराशिः सर्वतीर्थमयो हरिः ।

श्यामाङ्गः सुन्दरः शूरः पीतवासा धनुर्धरः

॥ 14 ॥

श्लोक 16

सर्वयज्ञाधिपो यज्वा जरामरणवर्जितः ।

शिवलिङ्गप्रतिष्ठाता सर्वावगुणवर्जितः

॥ 15 ॥

श्लोक 17

परमात्मा परं ब्रह्म सच्चिदानन्दविग्रहः ।

परञ्ज्योतिः परन्धाम पराकाशः परात्परः

॥ 16 ॥

श्लोक 18

परेशः पारगः पारः सर्वदेवात्मकः परः ॥

एवं श्रीरामचन्द्रस्य नाम्नामष्टोत्तरं शतम्

इति श्री रामाष्टोत्तर शतनामस्तोत्रं सम्पूर्णम्