ನಿತ್ಯ ಪಾರಾಯಣ ಶ್ಲೋಕಾಃ

ನಿತ್ಯ ಪಾರಾಯಣ ಶ್ಲೋಕಾಃ

ಪ್ರಭಾತ ಶ್ಲೋಕಃ

ಕರಾಗ್ರೇ ವಸತೇ ಲಕ್ಷ್ಮೀಃ ಕರಮಧ್ಯೇ ಸರಸ್ವತೀ ।

ಕರಮೂಲೇ ಸ್ಥಿತಾ ಗೌರೀ ಪ್ರಭಾತೇ ಕರದರ್​ಶನಮ್ ॥

ಪ್ರಭಾತ ಭೂಮಿ ಶ್ಲೋಕಃ

ಸಮುದ್ರ ವಸನೇ ದೇವೀ ಪರ್ವತ ಸ್ತನ ಮಣ್ಡಲೇ ।

ವಿಷ್ಣುಪತ್ನಿ ನಮಸ್ತುಭ್ಯಮ್, ಪಾದಸ್ಪರ್​ಶ-ಙ್ಕ್ಷಮಸ್ವಮೇ ॥

ಸೂರ್ಯೋದಯ ಶ್ಲೋಕಃ

ಬ್ರಹ್ಮಸ್ವರೂಪ ಮುದಯೇ ಮಧ್ಯಾಹ್ನೇತು ಮಹೇಶ್ವರಮ್ ।

ಸಾಹ-ನ್ಧ್ಯಾಯೇತ್ಸದಾ ವಿಷ್ಣು-ನ್ತ್ರಿಮೂರ್ತಿ-ಞ್ಚ ದಿವಾಕರಮ್ ॥

ಸ್ನಾನ ಶ್ಲೋಕಃ

ಗಙ್ಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ

ನರ್ಮದೇ ಸಿನ್ಧು ಕಾವೇರೀ ಜಲೇಸ್ಮಿನ್ ಸನ್ನಿಧಿ-ಙ್ಕುರು ॥

ನಮಸ್ಕಾರ ಶ್ಲೋಕಃ

ತ್ವಮೇವ ಮಾತಾ ಚ ಪಿತಾ ತ್ವಮೇವ, ತ್ವಮೇವ ಬನ್ಧುಶ್ಚ ಸಖಾ ತ್ವಮೇವ ।

ತ್ವಮೇವ ವಿದ್ಯಾ ದ್ರವಿಣ-ನ್ತ್ವಮೇವ, ತ್ವಮೇವ ಸರ್ವ-ಮ್ಮಮ ದೇವದೇವ ॥

ಭಸ್ಮ ಧಾರಣ ಶ್ಲೋಕಃ

ಶ್ರೀಕರ-ಞ್ಚ ಪವಿತ್ರ-ಞ್ಚ ಶೋಕ ನಿವಾರಣಮ್ ।

ಲೋಕೇ ವಶೀಕರ-ಮ್ಪುಂಸಾ-ಮ್ಭಸ್ಮ-ನ್ತ್ರ್ಯೈಲೋಕ್ಯ ಪಾವನಮ್ ॥

ಭೋಜನ ಪೂರ್ವ ಶ್ಲೋಕಾಃ

ಬ್ರಹ್ಮಾರ್ಪಣ-ಮ್ಬ್ರಹ್ಮ ಹವಿಃ ಬ್ರಹ್ಮಾಗ್ನೌ ಬ್ರಹ್ಮಣಾಹುತಮ್ ।

ಬ್ರಹ್ಮೈವ ತೇನ ಗನ್ತವ್ಯ-ಮ್ಬ್ರಹ್ಮ ಕರ್ಮ ಸಮಾಧಿನಃ ॥

ಅಹಂ-ವೈಁಶ್ವಾನರೋ ಭೂತ್ವಾ ಪ್ರಾಣಿನಾ-ನ್ದೇಹಮಾಶ್ರಿತಃ ।

ಪ್ರಾಣಾಪಾನ ಸಮಾಯುಕ್ತಃ ಪಚಾಮ್ಯನ್ನ-ಞ್ಚತುರ್ವಿಧಮ್ ॥

ಅನ್ನಪೂರ್ಣೇ ಸದಾ ಪೂರ್ಣೇ ಶಙ್ಕರಪ್ರಾಣವಲ್ಲಭೇ ।

ಜ್ಞಾನವೈರಾಗ್ಯ ಸಿದ್ಧ್ಯರ್ಥ-ಮ್ಭಿಕ್ಷಾ-ನ್ದೇಹಿ ಚ ಪಾರ್ವತಿ ॥

ತ್ವದೀಯಂ-ವಁಸ್ತು ಗೋವಿನ್ದ ತುಭ್ಯಮೇವ ಸಮರ್ಪಯೇ ।

ಗೃಹಾಣ ಸುಮುಖೋ ಭೂತ್ವಾ ಪ್ರಸೀದ ಪರಮೇಶ್ವರ ॥

ಭೋಜನಾನನ್ತರ ಶ್ಲೋಕಃ

ಅಗಸ್ತ್ಯಂ-ವೈಁನತೇಯ-ಞ್ಚ ಶಮೀ-ಞ್ಚ ಬಡಬಾಲನಮ್ ।

ಆಹಾರ ಪರಿಣಾಮಾರ್ಥಂ ಸ್ಮರಾಮಿ ಚ ವೃಕೋದರಮ್ ॥

ಸನ್ಧ್ಯಾ ದೀಪ ದರ್​ಶನ ಶ್ಲೋಕಃ

ದೀಪಜ್ಯೋತಿಃ ಪರ-ಮ್ಬ್ರಹ್ಮ ದೀಪಜ್ಯೋತಿರ್ಜನಾರ್ದನಃ ।

ದೀಪೋ ಹರತು ಮೇ ಪಾಪ-ನ್ದೀಪಜ್ಯೋತಿರ್ನಮೋ-ಽಸ್ತುತೇ ॥

ಶುಭ-ಙ್ಕರೋತಿ ಕಲ್ಯಾಣಂ ಆರೋಗ್ಯ-ನ್ಧನಸಮ್ಪದಃ ।

ಶತ್ರು-ಬುದ್ಧಿ-ವಿನಾಶಾಯ ದೀಪಜ್ಯೋತಿರ್ನಮೋ-ಽಸ್ತುತೇ ॥

ನಿದ್ರಾ/ಶಯನ ಶ್ಲೋಕಃ

ರಾಮಂ ಸ್ಕನ್ದಂ ಹನುಮನ್ತಂ-ವೈಁನತೇಯಂ-ವೃಁಕೋದರಮ್ ।

ಶಯನೇ ಯ-ಸ್ಸ್ಮರೇನ್ನಿತ್ಯ-ನ್ದುಸ್ವಪ್ನ-ಸ್ತಸ್ಯನಶ್ಯತಿ ॥

ಅಪರಾಧ ಕ್ಷಮಾಪಣ ಸ್ತೋತ್ರಂ

ಅಪರಾಧ ಸಹಸ್ರಾಣಿ, ಕ್ರಿಯನ್ತೇ-ಽಹರ್ನಿಶ-ಮ್ಮಯಾ ।

ದಾಸೋ-ಽಯಮಿತಿ ಮಾ-ಮ್ಮತ್ವಾ, ಕ್ಷಮಸ್ವ ಪರಮೇಶ್ವರ ॥

ಕರಚರಣ ಕೃತಂ-ವಾಁ ಕರ್ಮ ವಾಕ್ಕಾಯಜಂ-ವಾಁ

ಶ್ರವಣ ನಯನಜಂ-ವಾಁ ಮಾನಸಂ-ವಾಁಪರಾಧಮ್ ।

ವಿಹಿತ ಮವಿಹಿತಂ-ವಾಁ ಸರ್ವಮೇತ-ತ್ಕ್ಷಮಸ್ವ

ಶಿವ ಶಿವ ಕರುಣಾಬ್ಧೇ ಶ್ರೀ ಮಹಾದೇವ ಶಮ್ಭೋ ॥

ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ

ಬುದ್ಧ್ಯಾತ್ಮನಾ ವಾ ಪ್ರಕೃತೇ-ಸ್ಸ್ವಭಾವಾತ್ ।

ಕರೋಮಿ ಯದ್ಯತ್ಸಕಲ-ಮ್ಪರಸ್ಮೈ

ನಾರಾಯಣಾಯೇತಿ ಸಮರ್ಪಯಾಮಿ ॥

ದೇವತಾ ಸ್ತೋತ್ರಾಃ

ಕಾರ್ಯ ಪ್ರಾರಮ್ಭ ಸ್ತೋತ್ರಾಃ

ಶುಕ್ಲಾ-ಮ್ಬರಧರಂ-ವಿಁಷ್ಣುಂ ಶಶಿವರ್ಣ-ಞ್ಚತುರ್ಭುಜಮ್ ।

ಪ್ರಸನ್ನವದನ-ನ್ಧ್ಯಾಯೇ-ಥ್ಸರ್ವ ವಿಘ್ನೋಪಶಾನ್ತಯೇ ॥

ಯಸ್ಯದ್ವಿರದ ವಕ್ತ್ರಾದ್ಯಾಃ ಪಾರಿಷದ್ಯಾಃ ಪರಶ್ಶತಮ್ ।

ವಿಘ್ನ-ನ್ನಿಘ್ನನ್ತು ಸತತಂ-ವಿಁಷ್ವಕ್ಸೇನ-ನ್ತಮಾಶ್ರಯೇ ॥

ಗಣೇಶ ಸ್ತೋತ್ರಂ

ವಕ್ರತುಣ್ಡ ಮಹಾಕಾಯ ಸೂರ್ಯಕೋಟಿ ಸಮಪ್ರಭಃ ।

ನಿರ್ವಿಘ್ನ-ಙ್ಕುರು ಮೇ ದೇವ ಸರ್ವ ಕಾರ್ಯೇಷು ಸರ್ವದಾ ॥

ಅಗಜಾನನ ಪದ್ಮಾರ್ಕ-ಙ್ಗಜಾನನ ಮಹರ್ನಿಶಮ್ ।

ಅನೇಕದನ್-ತ-ಮ್ಭಕ್ತಾನಾಮ್-ಏಕದನ್ತ-ಮುಪಾಸ್ಮಹೇ ॥

ವಿಷ್ಣು ಸ್ತೋತ್ರಂ

ಶಾನ್ತಾಕಾರ-ಮ್ಭುಜಗಶಯನ-ಮ್ಪದ್ಮನಾಭಂ ಸುರೇಶಂ

ವಿಶ್ವಾಧಾರ-ಙ್ಗಗನ ಸದೃಶ-ಮ್ಮೇಘವರ್ಣಂ ಶುಭಾಙ್ಗಮ್ ।

ಲಕ್ಷ್ಮೀಕಾನ್ತ-ಙ್ಕಮಲನಯನಂ-ಯೋಁಗಿಹೃದ್ಧ್ಯಾನಗಮ್ಯಂ

ವನ್ದೇ ವಿಷ್ಣು-ಮ್ಭವಭಯಹರಂ ಸರ್ವಲೋಕೈಕನಾಥಮ್ ॥

ಗಾಯತ್ರಿ ಮನ್ತ್ರಂ

ಓ-ಮ್ಭೂರ್ಭುವ॒ಸ್ಸುವಃ॒ । ತಥ್ಸ॑ವಿ॒ತುರ್ವರೇ᳚ಣ್ಯಂ॒ ।

ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನಃ॑ ಪ್ರಚೋದಯಾ᳚ತ್ ॥

ಶಿವ ಸ್ತೋತ್ರಂ

ತ್ರ್ಯ॑ಮ್ಬಕಂ-ಯಁಜಾಮಹೇ ಸುಗ॒ನ್ಧಿ-ಮ್ಪು॑ಷ್ಟಿ॒ವರ್ಧ॑ನಮ್ ।

ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾ-ನ್ಮೃತ್ಯೋ॑ರ್-ಮುಕ್ಷೀಯ॒ ಮಾ-ಽಮೃತಾ᳚ತ್ ॥

ವನ್ದೇ ಶಮ್ಭುಮುಮಾಪತಿಂ ಸುರಗುರುಂ-ವಁನ್ದೇ ಜಗತ್ಕಾರಣಂ

ವನ್ದೇ ಪನ್ನಗಭೂಷಣಂ ಶಶಿಧರಂ-ವಁನ್ದೇ ಪಶೂನಾ-ಮ್ಪತಿಮ್‌ ।

ವನ್ದೇ ಸೂರ್ಯಶಶಾಙ್ಕ ವಹ್ನಿನಯನಂ-ವಁನ್ದೇ ಮುಕುನ್ದಪ್ರಿಯಂ

ವನ್ದೇ ಭಕ್ತಜನಾಶ್ರಯ-ಞ್ಚ ವರದಂ-ವಁನ್ದೇ ಶಿವಂ ಶಙ್ಕರಮ್‌ ॥

ಸುಬ್ರಹ್ಮಣ್ಯ ಸ್ತೋತ್ರಂ

ಶಕ್ತಿಹಸ್ತಂ-ವಿಁರೂಪಾಕ್ಷಂ ಶಿಖಿವಾಹಂ ಷಡಾನನಂ

ದಾರುಣಂ ರಿಪುರೋಗಘ್ನ-ಮ್ಭಾವಯೇ ಕುಕ್ಕುಟ ಧ್ವಜಮ್ ।

ಸ್ಕನ್ದಂ ಷಣ್ಮುಖ-ನ್ದೇವಂ ಶಿವತೇಜ-ಞ್ಚತುರ್ಭುಜಂ

ಕುಮಾರಂ ಸ್ವಾಮಿನಾಧ-ನ್ತ-ಙ್ಕಾರ್ತಿಕೇಯ-ನ್ನಮಾಮ್ಯಹಮ್ ॥

ಗುರು ಶ್ಲೋಕಃ

ಗುರುರ್ಬ್ರಹ್ಮ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ ।

ಗುರು-ಸ್ಸಾಕ್ಷಾ-ತ್ಪರಬ್ರಹ್ಮ ತಸ್ಮೈ ಶ್ರೀ ಗುರವೇ ನಮಃ ॥

ಹನುಮ ಸ್ತೋತ್ರಾಃ

ಮನೋಜವ-ಮ್ಮಾರುತ ತುಲ್ಯವೇಗ-ಞ್ಜಿತೇನ್ದ್ರಿಯ-ಮ್ಬುದ್ಧಿಮತಾಂ-ವಁರಿಷ್ಟಮ್ ।

ವಾತಾತ್ಮಜಂ-ವಾಁನರಯೂಧ ಮುಖ್ಯಂ ಶ್ರೀರಾಮದೂತಂ ಶಿರಸಾ ನಮಾಮಿ ॥

ಬುದ್ಧಿರ್ಬಲಂ-ಯಁಶೋಧೈರ್ಯ-ನ್ನಿರ್ಭಯತ್ವಮರೋಗತಾ ।

ಅಜಾಡ್ಯಂ-ವಾಁಕ್ಪಟುತ್ವ-ಞ್ಚ ಹನುಮಸ್ಸ್ಮರಣಾ-ದ್ಭವೇತ್ ॥

ಜಯತ್ಯತಿ ಬಲೋ ರಾಮೋ ಲಕ್ಷ್ಮಣಸ್ಯ ಮಹಾಬಲಃ ।

ರಾಜಾ ಜಯತಿ ಸುಗ್ರೀವೋ ರಾಘವೇಣಾಭಿ ಪಾಲಿತಃ ॥

ದಾಸೋ-ಽಹ-ಙ್ಕೋಸಲೇನ್ದ್ರಸ್ಯ ರಾಮಸ್ಯಾಕ್ಲಿಷ್ಟ ಕರ್ಮಣಃ ।

ಹನುಮಾನ್ ಶತ್ರುಸೈನ್ಯಾನಾ-ನ್ನಿಹನ್ತಾ ಮಾರುತಾತ್ಮಜಃ ॥

ಶ್ರೀರಾಮ ಸ್ತೋತ್ರಾಂ

ಶ್ರೀ ರಾಮ ರಾಮ ರಾಮೇತಿ ರಮೇ ರಾಮೇ ಮನೋರಮೇ

ಸಹಸ್ರನಾಮ ತತ್ತುಲ್ಯಂ ರಾಮ ನಾಮ ವರಾನನೇ

ಶ್ರೀ ರಾಮಚನ್ದ್ರ-ಶ್ಶ್ರಿತಪಾರಿಜಾತ-ಸ್ಸಮಸ್ತ ಕಲ್ಯಾಣ ಗುಣಾಭಿರಾಮಃ ।

ಸೀತಾಮುಖಾಮ್ಭೋರುಹಾ-ಚಞ್ಚರೀಕೋ ನಿರನ್ತರ-ಮ್ಮಙ್ಗಲಮಾತನೋತು ॥

ಶ್ರೀಕೃಷ್ಣ ಸ್ತೋತ್ರಂ

ಮನ್ದಾರಮೂಲೇ ಮದನಾಭಿರಾಮಂ

ಬಿಮ್ಬಾಧರಾಪೂರಿತ ವೇಣುನಾದಮ್ ।

ಗೋಗೋಪ ಗೋಪೀಜನ ಮಧ್ಯಸಂಸ್ಥಂ

ಗೋಪ-ಮ್ಭಜೇ ಗೋಕುಲ ಪೂರ್ಣಚನ್ದ್ರಮ್ ॥

ಗರುಡ ಸ್ವಾಮಿ ಸ್ತೋತ್ರಂ

ಕುಙ್ಕುಮಾಙ್ಕಿತವರ್ಣಾಯ ಕುನ್ದೇನ್ದು ಧವಲಾಯ ಚ ।

ವಿಷ್ಣು ವಾಹ ನಮಸ್ತುಭ್ಯ-ಮ್ಪಕ್ಷಿರಾಜಾಯ ತೇ ನಮಃ ॥

ದಕ್ಷಿಣಾಮೂರ್ತಿ ಸ್ತೋತ್ರಂ

ಗುರವೇ ಸರ್ವಲೋಕಾನಾ-ಮ್ಭಿಷಜೇ ಭವರೋಗಿಣಾಮ್ ।

ನಿಧಯೇ ಸರ್ವ ವಿದ್ಯಾನಾಂ ಶ್ರೀ ದಕ್ಷಿಣಾಮೂರ್ತಯೇ ನಮ ॥

ಸರಸ್ವತೀ ಶ್ಲೋಕಃ

ಸರಸ್ವತೀ ನಮಸ್ತುಭ್ಯಂ-ವಁರದೇ ಕಾಮರೂಪಿಣೀ ।

ವಿದ್ಯಾರಮ್ಭ-ಙ್ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸದಾ ॥

ಯಾ ಕುನ್ದೇನ್ದು ತುಷಾರ ಹಾರ ಧವಲಾ, ಯಾ ಶುಭ್ರ ವಸ್ತ್ರಾವೃತಾ [ವಸ್ತ್ರಾನ್ವಿತಾ] ।

ಯಾ ವೀಣಾ ವರದಣ್ಡ ಮಣ್ಡಿತ ಕರಾ, ಯಾ ಶ್ವೇತ ಪದ್ಮಾಸನಾ ।

ಯಾ ಬ್ರಹ್ಮಾಚ್ಯುತ ಶಙ್ಕರ ಪ್ರಭೃತಿಭಿರ್-ದೇವೈ-ಸ್ಸದಾ ಪೂಜಿತಾ ।

ಸಾ ಮಾ-ಮ್ಪಾತು ಸರಸ್ವತೀ ಭಗವತೀ ನಿಶ್ಶೇಷಜಾಡ್ಯಾಪಹಾ ॥

ಲಕ್ಷ್ಮೀ ಶ್ಲೋಕಃ

ಲಕ್ಷ್ಮೀ-ಙ್ಕ್ಷೀರಸಮುದ್ರ ರಾಜ ತನಯಾಂ ಶ್ರೀರಙ್ಗ ಧಾಮೇಶ್ವರೀಮ್ ।

ದಾಸೀಭೂತ ಸಮಸ್ತ ದೇವ ವನಿತಾಂ-ಲೋಁಕೈಕ ದೀಪಾಙ್ಕುರಾಮ್ ।

ಶ್ರೀಮನ್ಮನ್ಧ ಕಟಾಕ್ಷ ಲಬ್ಧ ವಿಭವ ಬ್ರಹ್ಮೇನ್ದ್ರ ಗಙ್ಗಾಧರಾಮ್ ।

ತ್ವಾ-ನ್ತ್ರೈಲೋಕ್ಯಕುಟುಮ್ಬಿನೀಂ ಸರಸಿಜಾಂ-ವಁನ್ದೇ ಮುಕುನ್ದಪ್ರಿಯಾಮ್ ॥

ದುರ್ಗಾ ದೇವೀ ಸ್ತೋತ್ರಂ

ಸರ್ವ ಸ್ವರೂಪೇ ಸರ್ವೇಶೇ ಸರ್ವ ಶಕ್ತಿ ಸಮನ್ವಿತೇ ।

ಭಯೇಭ್ಯಸ್ತಾಹಿ ನೋ ದೇವಿ ದುರ್ಗಾದೇವಿ ನಮೋಸ್ತುತೇ ॥

ತ್ರಿಪುರಸುನ್ದರೀ ಸ್ತೋತ್ರಂ

ಓಙ್ಕಾರ ಪಞ್ಜರ ಶುಕೀಂ ಉಪನಿಷದುದ್ಯಾನ ಕೇಲಿ ಕಲಕಣ್ಠೀಮ್ ।

ಆಗಮ ವಿಪಿನ ಮಯೂರೀಂ ಆರ್ಯಾಂ ಅನ್ತರ್ವಿಭಾವಯೇದ್ಗೌರೀಮ್ ॥

ದೇವೀ ಶ್ಲೋಕಃ

ಸರ್ವ ಮಙ್ಗಲ ಮಾಙ್ಗಲ್ಯೇ ಶಿವೇ ಸರ್ವಾರ್ಥ ಸಾಧಿಕೇ ।

ಶರಣ್ಯೇ ತ್ರ್ಯಮ್ಬಕೇ ದೇವಿ ನಾರಾಯಣಿ ನಮೋಸ್ತುತೇ ॥

ವೇಙ್ಕಟೇಶ್ವರ ಶ್ಲೋಕಃ

ಶ್ರಿಯಃ ಕಾನ್ತಾಯ ಕಲ್ಯಾಣನಿಧಯೇ ನಿಧಯೇ-ಽರ್ಥಿನಾಮ್ ।

ಶ್ರೀ ವೇಙ್ಕಟ ನಿವಾಸಾಯ ಶ್ರೀನಿವಾಸಾಯ ಮಙ್ಗಲಮ್ ॥

ಬೌದ್ಧ ಪ್ರಾರ್ಥನ

ಬುದ್ಧಂ ಶರಣ-ಙ್ಗಚ್ಛಾಮಿ

ಧರ್ಮಂ ಶರಣ-ಙ್ಗಚ್ಛಾಮಿ

ಸಙ್ಘಂ ಶರಣ-ಙ್ಗಚ್ಛಾಮಿ

ಶಾನ್ತಿ ಮನ್ತ್ರಂ

ಅಸತೋಮಾ ಸದ್ಗಮಯಾ ।

ತಮಸೋಮಾ ಜ್ಯೋತಿರ್ಗಮಯಾ ।

ಮೃತ್ಯೋರ್ಮಾ ಅಮೃತಙ್ಗಮಯಾ ।

ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ

ಸರ್ವೇ ಭವನ್ತು ಸುಖಿನ-ಸ್ಸರ್ವೇ ಸನ್ತು ನಿರಾಮಯಾಃ ।

ಸರ್ವೇ ಭದ್ರಾಣಿ ಪಶ್ಯನ್ತು ಮಾ ಕಶ್ಚಿದ್ದುಃಖ ಭಾಗ್ಭವೇತ್ ॥

ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ

ಓಂ ಸರ್ವೇಷಾಂ ಸ್ವಸ್ತಿರ್ಭವತು,

ಸರ್ವೇಷಾಂ ಶಾನ್ತಿರ್ಭವತು ।

ಸರ್ವೇಷಾ-ಮ್ಪೂರ್ಣ-ಮ್ಭವತು,

ಸರ್ವೇಷಾ-ಮ್ಮಙ್ಗಲ-ಮ್ಭವತು ।

ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ

ಓಂ ಸ॒ಹ ನಾ॑ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯ॑-ಙ್ಕರವಾವಹೈ ।

ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ।

ಓಂ ಶಾನ್ತಿ॒-ಶ್ಶಾನ್ತಿ॒-ಶ್ಶಾನ್ತಿಃ॑ ॥

ಸ್ವಸ್ತಿ ಮನ್ತ್ರಾಃ

ಸ್ವಸ್ತಿ ಪ್ರಜಾಭ್ಯಃ ಪರಿಪಾಲಯನ್ತಾಂ

ನ್ಯಾಯೇನ ಮಾರ್ಗೇಣ ಮಹೀ-ಮ್ಮಹೀಶಾಃ ।

ಗೋಬ್ರಾಹ್ಮಣೇಭ್ಯ-ಶ್ಶುಭಮಸ್ತು ನಿತ್ಯಂ

ಲೋಕಾ-ಸ್ಸಮಸ್ತಾ-ಸ್ಸುಖಿನೋ ಭವನ್ತು ॥

ಕಾಲೇ ವರ್​ಷತು ಪರ್ಜನ್ಯಃ ಪೃಥಿವೀ ಸಸ್ಯಶಾಲಿನೀ ।

ದೇಶೋಯ-ಙ್ಕ್ಷೋಭರಹಿತೋ ಬ್ರಾಹ್ಮಣಾಸ್ಸನ್ತು ನಿರ್ಭಯಾಃ ॥

ವಿಶೇಷ ಮನ್ತ್ರಾಃ

ಪಞ್ಚಾಕ್ಷರೀ ಮನ್ತ್ರಂ - ಓ-ನ್ನಮಶ್ಶಿವಾಯ

ಅಷ್ಟಾಕ್ಷರೀ ಮನ್ತ್ರಂ - ಓ-ನ್ನಮೋ ನಾರಾಯಣಾಯ

ದ್ವಾದಶಾಕ್ಷರೀ ಮನ್ತ್ರಂ - ಓ-ನ್ನಮೋ ಭಗವತೇ ವಾಸುದೇವಾಯ