Nitya Parayana Slokas
নিত্য পারাযণ শ্লোকাঃ
Nitya Parayana Slokas
নিত্য পারাযণ শ্লোকাঃ
শ্লোক 1
প্রভাত শ্লোকঃ
করাগ্রে বসতে লক্ষ্মীঃ করমধ্যে সরস্বতী ।
করমূলে স্থিতা গৌরী প্রভাতে করদর্শনম্ ॥
প্রভাত ভূমি শ্লোকঃ
সমুদ্র বসনে দেবী পর্বত স্তন মণ্ডলে ।
বিষ্ণুপত্নি নমস্তুভ্যম্, পাদস্পর্শ-ঙ্ক্ষমস্বমে ॥
সূর্যোদয শ্লোকঃ
ব্রহ্মস্বরূপ মুদযে মধ্যাহ্নেতু মহেশ্বরম্ ।
সাহ-ন্ধ্যাযেত্সদা বিষ্ণু-ন্ত্রিমূর্তি-ঞ্চ দিবাকরম্ ॥
স্নান শ্লোকঃ
গঙ্গে চ যমুনে চৈব গোদাবরী সরস্বতী
নর্মদে সিন্ধু কাবেরী জলেস্মিন্ সন্নিধি-ঙ্কুরু ॥
নমস্কার শ্লোকঃ
ত্বমেব মাতা চ পিতা ত্বমেব, ত্বমেব বন্ধুশ্চ সখা ত্বমেব ।
ত্বমেব বিদ্যা দ্রবিণ-ন্ত্বমেব, ত্বমেব সর্ব-ম্মম দেবদেব ॥
ভস্ম ধারণ শ্লোকঃ
শ্রীকর-ঞ্চ পবিত্র-ঞ্চ শোক নিবারণম্ ।
লোকে বশীকর-ম্পুংসা-ম্ভস্ম-ন্ত্র্যৈলোক্য পাবনম্ ॥
ভোজন পূর্ব শ্লোকাঃ
ব্রহ্মার্পণ-ম্ব্রহ্ম হবিঃ ব্রহ্মাগ্নৌ ব্রহ্মণাহুতম্ ।
ব্রহ্মৈব তেন গন্তব্য-ম্ব্রহ্ম কর্ম সমাধিনঃ ॥
অহং-বৈঁশ্বানরো ভূত্বা প্রাণিনা-ন্দেহমাশ্রিতঃ ।
প্রাণাপান সমাযুক্তঃ পচাম্যন্ন-ঞ্চতুর্বিধম্ ॥
অন্নপূর্ণে সদা পূর্ণে শঙ্করপ্রাণবল্লভে ।
জ্ঞানবৈরাগ্য সিদ্ধ্যর্থ-ম্ভিক্ষা-ন্দেহি চ পার্বতি ॥
ত্বদীযং-বঁস্তু গোবিন্দ তুভ্যমেব সমর্পযে ।
গৃহাণ সুমুখো ভূত্বা প্রসীদ পরমেশ্বর ॥
ভোজনানন্তর শ্লোকঃ
অগস্ত্যং-বৈঁনতেয-ঞ্চ শমী-ঞ্চ বডবালনম্ ।
আহার পরিণামার্থং স্মরামি চ বৃকোদরম্ ॥
সন্ধ্যা দীপ দর্শন শ্লোকঃ
দীপজ্যোতিঃ পর-ম্ব্রহ্ম দীপজ্যোতির্জনার্দনঃ ।
দীপো হরতু মে পাপ-ন্দীপজ্যোতির্নমো-ঽস্তুতে ॥
শুভ-ঙ্করোতি কল্যাণং আরোগ্য-ন্ধনসম্পদঃ ।
শত্রু-বুদ্ধি-বিনাশায দীপজ্যোতির্নমো-ঽস্তুতে ॥
নিদ্রা/শযন শ্লোকঃ
রামং স্কন্দং হনুমন্তং-বৈঁনতেযং-বৃঁকোদরম্ ।
শযনে য-স্স্মরেন্নিত্য-ন্দুস্বপ্ন-স্তস্যনশ্যতি ॥
অপরাধ ক্ষমাপণ স্তোত্রং
অপরাধ সহস্রাণি, ক্রিযন্তে-ঽহর্নিশ-ম্মযা ।
দাসো-ঽযমিতি মা-ম্মত্বা, ক্ষমস্ব পরমেশ্বর ॥
করচরণ কৃতং-বাঁ কর্ম বাক্কাযজং-বাঁ
শ্রবণ নযনজং-বাঁ মানসং-বাঁপরাধম্ ।
বিহিত মবিহিতং-বাঁ সর্বমেত-ত্ক্ষমস্ব
শিব শিব করুণাব্ধে শ্রী মহাদেব শম্ভো ॥
কাযেন বাচা মনসেন্দ্রিযৈর্বা
বুদ্ধ্যাত্মনা বা প্রকৃতে-স্স্বভাবাত্ ।
করোমি যদ্যত্সকল-ম্পরস্মৈ
নারাযণাযেতি সমর্পযামি ॥
দেবতা স্তোত্রাঃ
কার্য প্রারম্ভ স্তোত্রাঃ
শুক্লা-ম্বরধরং-বিঁষ্ণুং শশিবর্ণ-ঞ্চতুর্ভুজম্ ।
প্রসন্নবদন-ন্ধ্যাযে-থ্সর্ব বিঘ্নোপশান্তযে ॥
যস্যদ্বিরদ বক্ত্রাদ্যাঃ পারিষদ্যাঃ পরশ্শতম্ ।
বিঘ্ন-ন্নিঘ্নন্তু সততং-বিঁষ্বক্সেন-ন্তমাশ্রযে ॥
গণেশ স্তোত্রং
বক্রতুণ্ড মহাকায সূর্যকোটি সমপ্রভঃ ।
নির্বিঘ্ন-ঙ্কুরু মে দেব সর্ব কার্যেষু সর্বদা ॥
অগজানন পদ্মার্ক-ঙ্গজানন মহর্নিশম্ ।
অনেকদন্-ত-ম্ভক্তানাম্-একদন্ত-মুপাস্মহে ॥
বিষ্ণু স্তোত্রং
শান্তাকার-ম্ভুজগশযন-ম্পদ্মনাভং সুরেশং
বিশ্বাধার-ঙ্গগন সদৃশ-ম্মেঘবর্ণং শুভাঙ্গম্ ।
লক্ষ্মীকান্ত-ঙ্কমলনযনং-যোঁগিহৃদ্ধ্যানগম্যং
বন্দে বিষ্ণু-ম্ভবভযহরং সর্বলোকৈকনাথম্ ॥
গাযত্রি মন্ত্রং
ও-ম্ভূর্ভুব॒স্সুবঃ॒ । তথ্স॑বি॒তুর্বরে᳚ণ্যং॒ ।
ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥
শিব স্তোত্রং
ত্র্য॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ ।
উ॒র্বা॒রু॒কমি॑ব॒ বন্ধ॑না-ন্মৃত্যো॑র্-মুক্ষীয॒ মা-ঽমৃতা᳚ত্ ॥
বন্দে শম্ভুমুমাপতিং সুরগুরুং-বঁন্দে জগত্কারণং
বন্দে পন্নগভূষণং শশিধরং-বঁন্দে পশূনা-ম্পতিম্ ।
বন্দে সূর্যশশাঙ্ক বহ্নিনযনং-বঁন্দে মুকুন্দপ্রিযং
বন্দে ভক্তজনাশ্রয-ঞ্চ বরদং-বঁন্দে শিবং শঙ্করম্ ॥
সুব্রহ্মণ্য স্তোত্রং
শক্তিহস্তং-বিঁরূপাক্ষং শিখিবাহং ষডাননং
দারুণং রিপুরোগঘ্ন-ম্ভাবযে কুক্কুট ধ্বজম্ ।
স্কন্দং ষণ্মুখ-ন্দেবং শিবতেজ-ঞ্চতুর্ভুজং
কুমারং স্বামিনাধ-ন্ত-ঙ্কার্তিকেয-ন্নমাম্যহম্ ॥
গুরু শ্লোকঃ
গুরুর্ব্রহ্ম গুরুর্বিষ্ণুঃ গুরুর্দেবো মহেশ্বরঃ ।
গুরু-স্সাক্ষা-ত্পরব্রহ্ম তস্মৈ শ্রী গুরবে নমঃ ॥
হনুম স্তোত্রাঃ
মনোজব-ম্মারুত তুল্যবেগ-ঞ্জিতেন্দ্রিয-ম্বুদ্ধিমতাং-বঁরিষ্টম্ ।
বাতাত্মজং-বাঁনরযূধ মুখ্যং শ্রীরামদূতং শিরসা নমামি ॥
বুদ্ধির্বলং-যঁশোধৈর্য-ন্নির্ভযত্বমরোগতা ।
অজাড্যং-বাঁক্পটুত্ব-ঞ্চ হনুমস্স্মরণা-দ্ভবেত্ ॥
জযত্যতি বলো রামো লক্ষ্মণস্য মহাবলঃ ।
রাজা জযতি সুগ্রীবো রাঘবেণাভি পালিতঃ ॥
দাসো-ঽহ-ঙ্কোসলেন্দ্রস্য রামস্যাক্লিষ্ট কর্মণঃ ।
হনুমান্ শত্রুসৈন্যানা-ন্নিহন্তা মারুতাত্মজঃ ॥
শ্রীরাম স্তোত্রাং
শ্রী রাম রাম রামেতি রমে রামে মনোরমে
সহস্রনাম তত্তুল্যং রাম নাম বরাননে
শ্রী রামচন্দ্র-শ্শ্রিতপারিজাত-স্সমস্ত কল্যাণ গুণাভিরামঃ ।
সীতামুখাম্ভোরুহা-চঞ্চরীকো নিরন্তর-ম্মঙ্গলমাতনোতু ॥
শ্রীকৃষ্ণ স্তোত্রং
মন্দারমূলে মদনাভিরামং
বিম্বাধরাপূরিত বেণুনাদম্ ।
গোগোপ গোপীজন মধ্যসংস্থং
গোপ-ম্ভজে গোকুল পূর্ণচন্দ্রম্ ॥
গরুড স্বামি স্তোত্রং
কুঙ্কুমাঙ্কিতবর্ণায কুন্দেন্দু ধবলায চ ।
বিষ্ণু বাহ নমস্তুভ্য-ম্পক্ষিরাজায তে নমঃ ॥
দক্ষিণামূর্তি স্তোত্রং
গুরবে সর্বলোকানা-ম্ভিষজে ভবরোগিণাম্ ।
নিধযে সর্ব বিদ্যানাং শ্রী দক্ষিণামূর্তযে নম ॥
সরস্বতী শ্লোকঃ
সরস্বতী নমস্তুভ্যং-বঁরদে কামরূপিণী ।
বিদ্যারম্ভ-ঙ্করিষ্যামি সিদ্ধির্ভবতু মে সদা ॥
যা কুন্দেন্দু তুষার হার ধবলা, যা শুভ্র বস্ত্রাবৃতা [বস্ত্রান্বিতা] ।
যা বীণা বরদণ্ড মণ্ডিত করা, যা শ্বেত পদ্মাসনা ।
যা ব্রহ্মাচ্যুত শঙ্কর প্রভৃতিভির্-দেবৈ-স্সদা পূজিতা ।
সা মা-ম্পাতু সরস্বতী ভগবতী নিশ্শেষজাড্যাপহা ॥
লক্ষ্মী শ্লোকঃ
লক্ষ্মী-ঙ্ক্ষীরসমুদ্র রাজ তনযাং শ্রীরঙ্গ ধামেশ্বরীম্ ।
দাসীভূত সমস্ত দেব বনিতাং-লোঁকৈক দীপাঙ্কুরাম্ ।
শ্রীমন্মন্ধ কটাক্ষ লব্ধ বিভব ব্রহ্মেন্দ্র গঙ্গাধরাম্ ।
ত্বা-ন্ত্রৈলোক্যকুটুম্বিনীং সরসিজাং-বঁন্দে মুকুন্দপ্রিযাম্ ॥
দুর্গা দেবী স্তোত্রং
সর্ব স্বরূপে সর্বেশে সর্ব শক্তি সমন্বিতে ।
ভযেভ্যস্তাহি নো দেবি দুর্গাদেবি নমোস্তুতে ॥
ত্রিপুরসুন্দরী স্তোত্রং
ওঙ্কার পঞ্জর শুকীং উপনিষদুদ্যান কেলি কলকণ্ঠীম্ ।
আগম বিপিন মযূরীং আর্যাং অন্তর্বিভাবযেদ্গৌরীম্ ॥
দেবী শ্লোকঃ
সর্ব মঙ্গল মাঙ্গল্যে শিবে সর্বার্থ সাধিকে ।
শরণ্যে ত্র্যম্বকে দেবি নারাযণি নমোস্তুতে ॥
বেঙ্কটেশ্বর শ্লোকঃ
শ্রিযঃ কান্তায কল্যাণনিধযে নিধযে-ঽর্থিনাম্ ।
শ্রী বেঙ্কট নিবাসায শ্রীনিবাসায মঙ্গলম্ ॥
বৌদ্ধ প্রার্থন
বুদ্ধং শরণ-ঙ্গচ্ছামি
ধর্মং শরণ-ঙ্গচ্ছামি
সঙ্ঘং শরণ-ঙ্গচ্ছামি
শান্তি মন্ত্রং
অসতোমা সদ্গমযা ।
তমসোমা জ্যোতির্গমযা ।
মৃত্যোর্মা অমৃতঙ্গমযা ।
ওঁ শান্তি-শ্শান্তি-শ্শান্তিঃ
সর্বে ভবন্তু সুখিন-স্সর্বে সন্তু নিরামযাঃ ।
সর্বে ভদ্রাণি পশ্যন্তু মা কশ্চিদ্দুঃখ ভাগ্ভবেত্ ॥
ওঁ শান্তি-শ্শান্তি-শ্শান্তিঃ
ওঁ সর্বেষাং স্বস্তির্ভবতু,
সর্বেষাং শান্তির্ভবতু ।
সর্বেষা-ম্পূর্ণ-ম্ভবতু,
সর্বেষা-ম্মঙ্গল-ম্ভবতু ।
ওঁ শান্তি-শ্শান্তি-শ্শান্তিঃ
ওঁ স॒হ না॑ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ ।
তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ।
ওঁ শান্তি॒-শ্শান্তি॒-শ্শান্তিঃ॑ ॥
স্বস্তি মন্ত্রাঃ
স্বস্তি প্রজাভ্যঃ পরিপালযন্তাং
ন্যাযেন মার্গেণ মহী-ম্মহীশাঃ ।
গোব্রাহ্মণেভ্য-শ্শুভমস্তু নিত্যং
লোকা-স্সমস্তা-স্সুখিনো ভবন্তু ॥
কালে বর্ষতু পর্জন্যঃ পৃথিবী সস্যশালিনী ।
দেশোয-ঙ্ক্ষোভরহিতো ব্রাহ্মণাস্সন্তু নির্ভযাঃ ॥
বিশেষ মন্ত্রাঃ
পঞ্চাক্ষরী মন্ত্রং - ও-ন্নমশ্শিবায
অষ্টাক্ষরী মন্ত্রং - ও-ন্নমো নারাযণায
দ্বাদশাক্ষরী মন্ত্রং - ও-ন্নমো ভগবতে বাসুদেবায