నవరత్న మాలికా స్తోత్రమ్

నవరత్న మాలికా స్తోత్రమ్

శ్లోక 1

హారనూపురకిరీటకుణ్డలవిభూషితావయవశోభినీం

కారణేశవరమౌలికోటిపరికల్ప్యమానపదపీఠికామ్ ।

కాలకాలఫణిపాశబాణధనురఙ్కుశామరుణమేఖలాం

ఫాలభూతిలకలోచనాం మనసి భావయామి పరదేవతామ్

శ్లోక 2

గన్ధసారఘనసారచారునవనాగవల్లిరసవాసినీం

సాన్ధ్యరాగమధురాధరాభరణసున్దరాననశుచిస్మితామ్ ।

మన్ధరాయతవిలోచనామమలబాలచన్ద్రకృతశేఖరీం

ఇన్దిరారమణసోదరీం మనసి భావయామి పరదేవతామ్

॥ 1 ॥

శ్లోక 3

స్మేరచారుముఖమణ్డలాం విమలగణ్డలమ్బిమణిమణ్డలాం

హారదామపరిశోభమానకుచభారభీరుతనుమధ్యమామ్ ।

వీరగర్వహరనూపురాం వివిధకారణేశవరపీఠికాం

మారవైరిసహచారిణీం మనసి భావయామి పరదేవతామ్

॥ 2 ॥

శ్లోక 4

భూరిభారధరకుణ్డలీన్ద్రమణిబద్ధభూవలయపీఠికాం

వారిరాశిమణిమేఖలావలయవహ్నిమణ్డలశరీరిణీమ్ ।

వారిసారవహకుణ్డలాం గగనశేఖరీం చ పరమాత్మికాం

చారుచన్ద్రవిలోచనాం మనసి భావయామి పరదేవతామ్

॥ 3 ॥

శ్లోక 5

కుణ్డలత్రివిధకోణమణ్డలవిహారషడ్దలసముల్లస-

త్పుణ్డరీకముఖభేదినీం చ ప్రచణ్డభానుభాసముజ్జ్వలామ్ ।

మణ్డలేన్దుపరివాహితామృతతరఙ్గిణీమరుణరూపిణీం

మణ్డలాన్తమణిదీపికాం మనసి భావయామి పరదేవతామ్

॥ 4 ॥

శ్లోక 6

వారణాననమయూరవాహముఖదాహవారణపయోధరాం

చారణాదిసురసున్దరీచికురశేకరీకృతపదామ్బుజామ్ ।

కారణాధిపతిపఞ్చకప్రకృతికారణప్రథమమాతృకాం

వారణాన్తముఖపారణాం మనసి భావయామి పరదేవతామ్

॥ 5 ॥

శ్లోక 7

పద్మకాన్తిపదపాణిపల్లవపయోధరాననసరోరుహాం

పద్మరాగమణిమేఖలావలయనీవిశోభితనితమ్బినీమ్ ।

పద్మసమ్భవసదాశివాన్తమయపఞ్చరత్నపదపీఠికాం

పద్మినీం ప్రణవరూపిణీం మనసి భావయామి పరదేవతామ్

॥ 6 ॥

శ్లోక 8

ఆగమప్రణవపీఠికామమలవర్ణమఙ్గలశరీరిణీం

ఆగమావయవశోభినీమఖిలవేదసారకృతశేఖరీమ్ ।

మూలమన్త్రముఖమణ్డలాం ముదితనాదబిన్దునవయౌవనాం

మాతృకాం త్రిపురసున్దరీం మనసి భావయామి పరదేవతామ్

॥ 7 ॥

శ్లోక 9

కాలికాతిమిరకున్తలాన్తఘనభృఙ్గమఙ్గలవిరాజినీం

చూలికాశిఖరమాలికావలయమల్లికాసురభిసౌరభామ్ ।

వాలికామధురగణ్డమణ్డలమనోహరాననసరోరుహాం

కాలికామఖిలనాయికాం మనసి భావయామి పరదేవతామ్

॥ 8 ॥

శ్లోక 10

నిత్యమేవ నియమేన జల్పతాం – భుక్తిముక్తిఫలదామభీష్టదామ్ ।

శఙ్కరేణ రచితాం సదా జపేన్నామరత్ననవరత్నమాలికామ్

॥ 9 ॥

శ్లోక 11