ನವರತ್ನ ಮಾಲಿಕಾ ಸ್ತೋತ್ರಮ್

ನವರತ್ನ ಮಾಲಿಕಾ ಸ್ತೋತ್ರಮ್

ಶ್ಲೋಕ 1

ಹಾರನೂಪುರಕಿರೀಟಕುಣ್ಡಲವಿಭೂಷಿತಾವಯವಶೋಭಿನೀಂ

ಕಾರಣೇಶವರಮೌಲಿಕೋಟಿಪರಿಕಲ್ಪ್ಯಮಾನಪದಪೀಠಿಕಾಮ್ ।

ಕಾಲಕಾಲಫಣಿಪಾಶಬಾಣಧನುರಙ್ಕುಶಾಮರುಣಮೇಖಲಾಂ

ಫಾಲಭೂತಿಲಕಲೋಚನಾಂ ಮನಸಿ ಭಾವಯಾಮಿ ಪರದೇವತಾಮ್

ಶ್ಲೋಕ 2

ಗನ್ಧಸಾರಘನಸಾರಚಾರುನವನಾಗವಲ್ಲಿರಸವಾಸಿನೀಂ

ಸಾನ್ಧ್ಯರಾಗಮಧುರಾಧರಾಭರಣಸುನ್ದರಾನನಶುಚಿಸ್ಮಿತಾಮ್ ।

ಮನ್ಧರಾಯತವಿಲೋಚನಾಮಮಲಬಾಲಚನ್ದ್ರಕೃತಶೇಖರೀಂ

ಇನ್ದಿರಾರಮಣಸೋದರೀಂ ಮನಸಿ ಭಾವಯಾಮಿ ಪರದೇವತಾಮ್

॥ 1 ॥

ಶ್ಲೋಕ 3

ಸ್ಮೇರಚಾರುಮುಖಮಣ್ಡಲಾಂ ವಿಮಲಗಣ್ಡಲಮ್ಬಿಮಣಿಮಣ್ಡಲಾಂ

ಹಾರದಾಮಪರಿಶೋಭಮಾನಕುಚಭಾರಭೀರುತನುಮಧ್ಯಮಾಮ್ ।

ವೀರಗರ್ವಹರನೂಪುರಾಂ ವಿವಿಧಕಾರಣೇಶವರಪೀಠಿಕಾಂ

ಮಾರವೈರಿಸಹಚಾರಿಣೀಂ ಮನಸಿ ಭಾವಯಾಮಿ ಪರದೇವತಾಮ್

॥ 2 ॥

ಶ್ಲೋಕ 4

ಭೂರಿಭಾರಧರಕುಣ್ಡಲೀನ್ದ್ರಮಣಿಬದ್ಧಭೂವಲಯಪೀಠಿಕಾಂ

ವಾರಿರಾಶಿಮಣಿಮೇಖಲಾವಲಯವಹ್ನಿಮಣ್ಡಲಶರೀರಿಣೀಮ್ ।

ವಾರಿಸಾರವಹಕುಣ್ಡಲಾಂ ಗಗನಶೇಖರೀಂ ಚ ಪರಮಾತ್ಮಿಕಾಂ

ಚಾರುಚನ್ದ್ರವಿಲೋಚನಾಂ ಮನಸಿ ಭಾವಯಾಮಿ ಪರದೇವತಾಮ್

॥ 3 ॥

ಶ್ಲೋಕ 5

ಕುಣ್ಡಲತ್ರಿವಿಧಕೋಣಮಣ್ಡಲವಿಹಾರಷಡ್ದಲಸಮುಲ್ಲಸ-

ತ್ಪುಣ್ಡರೀಕಮುಖಭೇದಿನೀಂ ಚ ಪ್ರಚಣ್ಡಭಾನುಭಾಸಮುಜ್ಜ್ವಲಾಮ್ ।

ಮಣ್ಡಲೇನ್ದುಪರಿವಾಹಿತಾಮೃತತರಙ್ಗಿಣೀಮರುಣರೂಪಿಣೀಂ

ಮಣ್ಡಲಾನ್ತಮಣಿದೀಪಿಕಾಂ ಮನಸಿ ಭಾವಯಾಮಿ ಪರದೇವತಾಮ್

॥ 4 ॥

ಶ್ಲೋಕ 6

ವಾರಣಾನನಮಯೂರವಾಹಮುಖದಾಹವಾರಣಪಯೋಧರಾಂ

ಚಾರಣಾದಿಸುರಸುನ್ದರೀಚಿಕುರಶೇಕರೀಕೃತಪದಾಮ್ಬುಜಾಮ್ ।

ಕಾರಣಾಧಿಪತಿಪಞ್ಚಕಪ್ರಕೃತಿಕಾರಣಪ್ರಥಮಮಾತೃಕಾಂ

ವಾರಣಾನ್ತಮುಖಪಾರಣಾಂ ಮನಸಿ ಭಾವಯಾಮಿ ಪರದೇವತಾಮ್

॥ 5 ॥

ಶ್ಲೋಕ 7

ಪದ್ಮಕಾನ್ತಿಪದಪಾಣಿಪಲ್ಲವಪಯೋಧರಾನನಸರೋರುಹಾಂ

ಪದ್ಮರಾಗಮಣಿಮೇಖಲಾವಲಯನೀವಿಶೋಭಿತನಿತಮ್ಬಿನೀಮ್ ।

ಪದ್ಮಸಮ್ಭವಸದಾಶಿವಾನ್ತಮಯಪಞ್ಚರತ್ನಪದಪೀಠಿಕಾಂ

ಪದ್ಮಿನೀಂ ಪ್ರಣವರೂಪಿಣೀಂ ಮನಸಿ ಭಾವಯಾಮಿ ಪರದೇವತಾಮ್

॥ 6 ॥

ಶ್ಲೋಕ 8

ಆಗಮಪ್ರಣವಪೀಠಿಕಾಮಮಲವರ್ಣಮಙ್ಗಲಶರೀರಿಣೀಂ

ಆಗಮಾವಯವಶೋಭಿನೀಮಖಿಲವೇದಸಾರಕೃತಶೇಖರೀಮ್ ।

ಮೂಲಮನ್ತ್ರಮುಖಮಣ್ಡಲಾಂ ಮುದಿತನಾದಬಿನ್ದುನವಯೌವನಾಂ

ಮಾತೃಕಾಂ ತ್ರಿಪುರಸುನ್ದರೀಂ ಮನಸಿ ಭಾವಯಾಮಿ ಪರದೇವತಾಮ್

॥ 7 ॥

ಶ್ಲೋಕ 9

ಕಾಲಿಕಾತಿಮಿರಕುನ್ತಲಾನ್ತಘನಭೃಙ್ಗಮಙ್ಗಲವಿರಾಜಿನೀಂ

ಚೂಲಿಕಾಶಿಖರಮಾಲಿಕಾವಲಯಮಲ್ಲಿಕಾಸುರಭಿಸೌರಭಾಮ್ ।

ವಾಲಿಕಾಮಧುರಗಣ್ಡಮಣ್ಡಲಮನೋಹರಾನನಸರೋರುಹಾಂ

ಕಾಲಿಕಾಮಖಿಲನಾಯಿಕಾಂ ಮನಸಿ ಭಾವಯಾಮಿ ಪರದೇವತಾಮ್

॥ 8 ॥

ಶ್ಲೋಕ 10

ನಿತ್ಯಮೇವ ನಿಯಮೇನ ಜಲ್ಪತಾಂ – ಭುಕ್ತಿಮುಕ್ತಿಫಲದಾಮಭೀಷ್ಟದಾಮ್ ।

ಶಙ್ಕರೇಣ ರಚಿತಾಂ ಸದಾ ಜಪೇನ್ನಾಮರತ್ನನವರತ್ನಮಾಲಿಕಾಮ್

॥ 9 ॥

ಶ್ಲೋಕ 11