નવરત્ન માલિકા સ્તોત્રમ્

નવરત્ન માલિકા સ્તોત્રમ્

શ્લોક 1

હારનૂપુરકિરીટકુણ્ડલવિભૂષિતાવયવશોભિનીં

કારણેશવરમૌલિકોટિપરિકલ્પ્યમાનપદપીઠિકામ્ ।

કાલકાલફણિપાશબાણધનુરઙ્કુશામરુણમેખલાં

ફાલભૂતિલકલોચનાં મનસિ ભાવયામિ પરદેવતામ્

શ્લોક 2

ગન્ધસારઘનસારચારુનવનાગવલ્લિરસવાસિનીં

સાન્ધ્યરાગમધુરાધરાભરણસુન્દરાનનશુચિસ્મિતામ્ ।

મન્ધરાયતવિલોચનામમલબાલચન્દ્રકૃતશેખરીં

ઇન્દિરારમણસોદરીં મનસિ ભાવયામિ પરદેવતામ્

॥ 1 ॥

શ્લોક 3

સ્મેરચારુમુખમણ્ડલાં વિમલગણ્ડલમ્બિમણિમણ્ડલાં

હારદામપરિશોભમાનકુચભારભીરુતનુમધ્યમામ્ ।

વીરગર્વહરનૂપુરાં વિવિધકારણેશવરપીઠિકાં

મારવૈરિસહચારિણીં મનસિ ભાવયામિ પરદેવતામ્

॥ 2 ॥

શ્લોક 4

ભૂરિભારધરકુણ્ડલીન્દ્રમણિબદ્ધભૂવલયપીઠિકાં

વારિરાશિમણિમેખલાવલયવહ્નિમણ્ડલશરીરિણીમ્ ।

વારિસારવહકુણ્ડલાં ગગનશેખરીં ચ પરમાત્મિકાં

ચારુચન્દ્રવિલોચનાં મનસિ ભાવયામિ પરદેવતામ્

॥ 3 ॥

શ્લોક 5

કુણ્ડલત્રિવિધકોણમણ્ડલવિહારષડ્દલસમુલ્લસ-

ત્પુણ્ડરીકમુખભેદિનીં ચ પ્રચણ્ડભાનુભાસમુજ્જ્વલામ્ ।

મણ્ડલેન્દુપરિવાહિતામૃતતરઙ્ગિણીમરુણરૂપિણીં

મણ્ડલાન્તમણિદીપિકાં મનસિ ભાવયામિ પરદેવતામ્

॥ 4 ॥

શ્લોક 6

વારણાનનમયૂરવાહમુખદાહવારણપયોધરાં

ચારણાદિસુરસુન્દરીચિકુરશેકરીકૃતપદામ્બુજામ્ ।

કારણાધિપતિપઞ્ચકપ્રકૃતિકારણપ્રથમમાતૃકાં

વારણાન્તમુખપારણાં મનસિ ભાવયામિ પરદેવતામ્

॥ 5 ॥

શ્લોક 7

પદ્મકાન્તિપદપાણિપલ્લવપયોધરાનનસરોરુહાં

પદ્મરાગમણિમેખલાવલયનીવિશોભિતનિતમ્બિનીમ્ ।

પદ્મસમ્ભવસદાશિવાન્તમયપઞ્ચરત્નપદપીઠિકાં

પદ્મિનીં પ્રણવરૂપિણીં મનસિ ભાવયામિ પરદેવતામ્

॥ 6 ॥

શ્લોક 8

આગમપ્રણવપીઠિકામમલવર્ણમઙ્ગલશરીરિણીં

આગમાવયવશોભિનીમખિલવેદસારકૃતશેખરીમ્ ।

મૂલમન્ત્રમુખમણ્ડલાં મુદિતનાદબિન્દુનવયૌવનાં

માતૃકાં ત્રિપુરસુન્દરીં મનસિ ભાવયામિ પરદેવતામ્

॥ 7 ॥

શ્લોક 9

કાલિકાતિમિરકુન્તલાન્તઘનભૃઙ્ગમઙ્ગલવિરાજિનીં

ચૂલિકાશિખરમાલિકાવલયમલ્લિકાસુરભિસૌરભામ્ ।

વાલિકામધુરગણ્ડમણ્ડલમનોહરાનનસરોરુહાં

કાલિકામખિલનાયિકાં મનસિ ભાવયામિ પરદેવતામ્

॥ 8 ॥

શ્લોક 10

નિત્યમેવ નિયમેન જલ્પતાં – ભુક્તિમુક્તિફલદામભીષ્ટદામ્ ।

શઙ્કરેણ રચિતાં સદા જપેન્નામરત્નનવરત્નમાલિકામ્

॥ 9 ॥

શ્લોક 11