ನಾರಾಯಣೀಯಂ ದಶಕ 2 - ಭಗವತಃ ಸ್ವರೂಪಮಾಧುರ್ಯಂ ತಥಾ ಭಕ್ತಿಮಹತ್ತ್ವಮ್

ನಾರಾಯಣೀಯಂ ದಶಕ 2 - ಭಗವತಃ ಸ್ವರೂಪಮಾಧುರ್ಯಂ ತಥಾ ಭಕ್ತಿಮಹತ್ತ್ವಮ್

ಶ್ಲೋಕ 1

ಸೂರ್ಯಸ್ಪರ್ಧಿಕಿರೀಟಮೂರ್ಧ್ವತಿಲಕಪ್ರೋದ್ಭಾಸಿಫಾಲಾನ್ತರಂ

ಕಾರುಣ್ಯಾಕುಲನೇತ್ರಮಾರ್ದ್ರಹಸಿತೋಲ್ಲಾಸಂ ಸುನಾಸಾಪುಟಮ್।

ಗಣ್ಡೋದ್ಯನ್ಮಕರಾಭಕುಣ್ಡಲಯುಗಂ ಕಣ್ಠೋಜ್ವಲತ್ಕೌಸ್ತುಭಂ

ತ್ವದ್ರೂಪಂ ವನಮಾಲ್ಯಹಾರಪಟಲಶ್ರೀವತ್ಸದೀಪ್ರಂ ಭಜೇ

ಶ್ಲೋಕ 2

ಕೇಯೂರಾಙ್ಗದಕಙ್ಕಣೋತ್ತಮಮಹಾರತ್ನಾಙ್ಗುಲೀಯಾಙ್ಕಿತ-

ಶ್ರೀಮದ್ಬಾಹುಚತುಷ್ಕಸಙ್ಗತಗದಾಶಙ್ಖಾರಿಪಙ್ಕೇರುಹಾಮ್ ।

ಕಾಞ್ಚಿತ್ ಕಾಞ್ಚನಕಾಞ್ಚಿಲಾಞ್ಚ್ಛಿತಲಸತ್ಪೀತಾಮ್ಬರಾಲಮ್ಬಿನೀ-

ಮಾಲಮ್ಬೇ ವಿಮಲಾಮ್ಬುಜದ್ಯುತಿಪದಾಂ ಮೂರ್ತಿಂ ತವಾರ್ತಿಚ್ಛಿದಮ್

॥1॥

ಶ್ಲೋಕ 3

ಯತ್ತ್ತ್ರೈಲೋಕ್ಯಮಹೀಯಸೋಽಪಿ ಮಹಿತಂ ಸಮ್ಮೋಹನಂ ಮೋಹನಾತ್

ಕಾನ್ತಂ ಕಾನ್ತಿನಿಧಾನತೋಽಪಿ ಮಧುರಂ ಮಾಧುರ್ಯಧುರ್ಯಾದಪಿ ।

ಸೌನ್ದರ್ಯೋತ್ತರತೋಽಪಿ ಸುನ್ದರತರಂ ತ್ವದ್ರೂಪಮಾಶ್ಚರ್ಯತೋಽ-

ಪ್ಯಾಶ್ಚರ್ಯಂ ಭುವನೇ ನ ಕಸ್ಯ ಕುತುಕಂ ಪುಷ್ಣಾತಿ ವಿಷ್ಣೋ ವಿಭೋ

॥2॥

ಶ್ಲೋಕ 4

ತತ್ತಾದೃಙ್ಮಧುರಾತ್ಮಕಂ ತವ ವಪುಃ ಸಮ್ಪ್ರಾಪ್ಯ ಸಮ್ಪನ್ಮಯೀ

ಸಾ ದೇವೀ ಪರಮೋತ್ಸುಕಾ ಚಿರತರಂ ನಾಸ್ತೇ ಸ್ವಭಕ್ತೇಷ್ವಪಿ ।

ತೇನಾಸ್ಯಾ ಬತ ಕಷ್ಟಮಚ್ಯುತ ವಿಭೋ ತ್ವದ್ರೂಪಮಾನೋಜ್ಞಕ -

ಪ್ರೇಮಸ್ಥೈರ್ಯಮಯಾದಚಾಪಲಬಲಾಚ್ಚಾಪಲ್ಯವಾರ್ತೋದಭೂತ್

॥3॥

ಶ್ಲೋಕ 5

ಲಕ್ಷ್ಮೀಸ್ತಾವಕರಾಮಣೀಯಕಹೃತೈವೇಯಂ ಪರೇಷ್ವಸ್ಥಿರೇ-

ತ್ಯಸ್ಮಿನ್ನನ್ಯದಪಿ ಪ್ರಮಾಣಮಧುನಾ ವಕ್ಷ್ಯಾಮಿ ಲಕ್ಷ್ಮೀಪತೇ ।

ಯೇ ತ್ವದ್ಧ್ಯಾನಗುಣಾನುಕೀರ್ತನರಸಾಸಕ್ತಾ ಹಿ ಭಕ್ತಾ ಜನಾ-

ಸ್ತೇಷ್ವೇಷಾ ವಸತಿ ಸ್ಥಿರೈವ ದಯಿತಪ್ರಸ್ತಾವದತ್ತಾದರಾ

॥4॥

ಶ್ಲೋಕ 6

ಏವಮ್ಭೂತಮನೋಜ್ಞತಾನವಸುಧಾನಿಷ್ಯನ್ದಸನ್ದೋಹನಂ

ತ್ವದ್ರೂಪಂ ಪರಚಿದ್ರಸಾಯನಮಯಂ ಚೇತೋಹರಂ ಶೃಣ್ವತಾಮ್ ।

ಸದ್ಯಃ ಪ್ರೇರಯತೇ ಮತಿಂ ಮದಯತೇ ರೋಮಾಞ್ಚಯತ್ಯಙ್ಗಕಂ

ವ್ಯಾಸಿಞ್ಚತ್ಯಪಿ ಶೀತವಾಷ್ಪವಿಸರೈರಾನನ್ದಮೂರ್ಛೋದ್ಭವೈಃ

॥5॥

ಶ್ಲೋಕ 7

ಏವಮ್ಭೂತತಯಾ ಹಿ ಭಕ್ತ್ಯಭಿಹಿತೋ ಯೋಗಸ್ಸ ಯೋಗದ್ವಯಾತ್

ಕರ್ಮಜ್ಞಾನಮಯಾತ್ ಭೃಶೋತ್ತಮತರೋ ಯೋಗೀಶ್ವರೈರ್ಗೀಯತೇ ।

ಸೌನ್ದರ್ಯೈಕರಸಾತ್ಮಕೇ ತ್ವಯಿ ಖಲು ಪ್ರೇಮಪ್ರಕರ್ಷಾತ್ಮಿಕಾ

ಭಕ್ತಿರ್ನಿಶ್ರಮಮೇವ ವಿಶ್ವಪುರುಷೈರ್ಲಭ್ಯಾ ರಮಾವಲ್ಲಭ

॥6॥

ಶ್ಲೋಕ 8

ನಿಷ್ಕಾಮಂ ನಿಯತಸ್ವಧರ್ಮಚರಣಂ ಯತ್ ಕರ್ಮಯೋಗಾಭಿಧಂ

ತದ್ದೂರೇತ್ಯಫಲಂ ಯದೌಪನಿಷದಜ್ಞಾನೋಪಲಭ್ಯಂ ಪುನಃ ।

ತತ್ತ್ವವ್ಯಕ್ತತಯಾ ಸುದುರ್ಗಮತರಂ ಚಿತ್ತಸ್ಯ ತಸ್ಮಾದ್ವಿಭೋ

ತ್ವತ್ಪ್ರೇಮಾತ್ಮಕಭಕ್ತಿರೇವ ಸತತಂ ಸ್ವಾದೀಯಸೀ ಶ್ರೇಯಸೀ

॥7॥

ಶ್ಲೋಕ 9

ಅತ್ಯಾಯಾಸಕರಾಣಿ ಕರ್ಮಪಟಲಾನ್ಯಾಚರ್ಯ ನಿರ್ಯನ್ಮಲಾ

ಬೋಧೇ ಭಕ್ತಿಪಥೇಽಥವಾಽಪ್ಯುಚಿತತಾಮಾಯಾನ್ತಿ ಕಿಂ ತಾವತಾ ।

ಕ್ಲಿಷ್ಟ್ವಾ ತರ್ಕಪಥೇ ಪರಂ ತವ ವಪುರ್ಬ್ರಹ್ಮಾಖ್ಯಮನ್ಯೇ ಪುನ-

ಶ್ಚಿತ್ತಾರ್ದ್ರತ್ವಮೃತೇ ವಿಚಿನ್ತ್ಯ ಬಹುಭಿಸ್ಸಿದ್ಧ್ಯನ್ತಿ ಜನ್ಮಾನ್ತರೈಃ

॥8॥

ಶ್ಲೋಕ 10

ತ್ವದ್ಭಕ್ತಿಸ್ತು ಕಥಾರಸಾಮೃತಝರೀನಿರ್ಮಜ್ಜನೇನ ಸ್ವಯಂ

ಸಿದ್ಧ್ಯನ್ತೀ ವಿಮಲಪ್ರಬೋಧಪದವೀಮಕ್ಲೇಶತಸ್ತನ್ವತೀ ।

ಸದ್ಯಸ್ಸಿದ್ಧಿಕರೀ ಜಯತ್ಯಯಿ ವಿಭೋ ಸೈವಾಸ್ತು ಮೇ ತ್ವತ್ಪದ-

ಪ್ರೇಮಪ್ರೌಢಿರಸಾರ್ದ್ರತಾ ದ್ರುತತರಂ ವಾತಾಲಯಾಧೀಶ್ವರ

॥9॥

ಶ್ಲೋಕ 11