കേതു അഷ്ടോത്തര ശത നാമ സ്തോത്രമ്

കേതു അഷ്ടോത്തര ശത നാമ സ്തോത്രമ്

ശ്ലോക 1

ശൃണു നാമാനി ജപ്യാനി കേതോ രഥ മഹാമതേ ।

കേതുഃ സ്ഥൂലശിരാശ്ചൈവ ശിരോമാത്രോ ധ്വജാകൃതിഃ

ശ്ലോക 2

നവഗ്രഹയുതഃ സിംഹികാസുരീഗര്ഭസമ്ഭവഃ ।

മഹാഭീതികരശ്ചിത്രവര്ണോ വൈ പിങ്ഗലാക്ഷകഃ

॥ 1 ॥

ശ്ലോക 3

സ ഫലോധൂമ്രസങ്കാശഃ തീക്ഷ്ണദംഷ്ട്രോ മഹോരഗഃ ।

രക്തനേത്രശ്ചിത്രകാരീ തീവ്രകോപോ മഹാസുരഃ

॥ 2 ॥

ശ്ലോക 4

ക്രൂരകണ്ഠഃ ക്രോധനിധിശ്ഛായാഗ്രഹവിശേഷകഃ ।

അന്ത്യഗ്രഹോ മഹാശീര്ഷോ സൂര്യാരിഃ പുഷ്പവദ്ഗ്രഹീ

॥ 3 ॥

ശ്ലോക 5

വരഹസ്തോ ഗദാപാണിശ്ചിത്രവസ്ത്രധരസ്തഥാ ।

ചിത്രധ്വജപതാകശ്ച ഘോരശ്ചിത്രരഥഃ ശിഖീ

॥ 4 ॥

ശ്ലോക 6

കുലുത്ഥഭക്ഷകശ്ചൈവ വൈഡൂര്യാഭരണസ്തഥാ ।

ഉത്പാതജനകഃ ശുക്രമിത്രം മന്ദസഖസ്തഥാ

॥ 5 ॥

ശ്ലോക 7

ഗദാധരഃ നാകപതിഃ അന്തര്വേദീശ്വരസ്തഥാ ।

ജൈമിനീഗോത്രജശ്ചിത്രഗുപ്താത്മാ ദക്ഷിണാമുഖഃ

॥ 6 ॥

ശ്ലോക 8

മുകുന്ദവരപാത്രം ച മഹാസുരകുലോദ്ഭവഃ ।

ഘനവര്ണോ ലമ്ബദേഹോ മൃത്യുപുത്രസ്തഥൈവ ച

॥ 7 ॥

ശ്ലോക 9

ഉത്പാതരൂപധാരീ ചാഽദൃശ്യഃ കാലാഗ്നിസന്നിഭഃ ।

നൃപീഡോ ഗ്രഹകാരീ ച സര്വോപദ്രവകാരകഃ

॥ 8 ॥

ശ്ലോക 10

ചിത്രപ്രസൂതോ ഹ്യനലഃ സര്വവ്യാധിവിനാശകഃ ।

അപസവ്യപ്രചാരീ ച നവമേ പാപദായകഃ

॥ 9 ॥

ശ്ലോക 11

പഞ്ചമേ ശോകദശ്ചോപരാഗഖേചര ഏവ ച ।

അതിപുരുഷകര്മാ ച തുരീയേ (തു) സുഖപ്രദഃ

॥ 10 ॥

ശ്ലോക 12

തൃതീയേ വൈരദഃ പാപഗ്രഹശ്ച സ്ഫോടകാരകഃ ।

പ്രാണനാഥഃ പഞ്ചമേ തു ശ്രമകാരക ഏവ ച

॥ 11 ॥

ശ്ലോക 13

ദ്വിതീയേഽസ്ഫുടവാഗ്ദാതാ വിഷാകുലിതവക്ത്രകഃ ।

കാമരൂപീ സിംഹദന്തഃ സത്യേപ്യനൃതവാനപി

॥ 12 ॥

ശ്ലോക 14

ചതുര്ഥേ മാതൃനാശശ്ച നവമേ പിതൃനാശകഃ ।

അന്ത്യേ വൈരപ്രദശ്ചൈവ സുതാനന്ദനബന്ധകഃ

॥ 13 ॥

ശ്ലോക 15

സര്പാക്ഷിജാതോഽനങ്ഗശ്ച കര്മരാശ്യുദ്ഭവസ്തഥാ ।

ഉപാന്തേ കീര്തിദശ്ചൈവ സപ്തമേ കലഹപ്രദഃ

॥ 14 ॥

ശ്ലോക 16

അഷ്ടമേ വ്യാധികര്താ ച ധനേ ബഹുസുഖപ്രദഃ ।

ജനനേ രോഗദശ്ചോര്ധ്വമൂര്ധജോ ഗ്രഹനായകഃ

॥ 15 ॥

ശ്ലോക 17

പാപദൃഷ്ടിഃ ഖേചരശ്ച ശാമ്ഭവോഽശേഷപൂജിതഃ ।

ശാശ്വതശ്ച നടശ്ചൈവ ശുഭാഽശുഭഫലപ്രദഃ

॥ 16 ॥

ശ്ലോക 18

ധൂമ്രശ്ചൈവ സുധാപായീ ഹ്യജിതോ ഭക്തവത്സലഃ ।

സിംഹാസനഃ കേതുമൂര്തീ രവീന്ദുദ്യുതിനാശകഃ

॥ 17 ॥

ശ്ലോക 19

അമരഃ പീഡകോഽമര്ത്യോ വിഷ്ണുദൃഷ്ടോഽസുരേശ്വരഃ ।

ഭക്തരക്ഷോഽഥ വൈചിത്ര്യകപടസ്യന്ദനസ്തഥാ

॥ 18 ॥

ശ്ലോക 20

വിചിത്രഫലദായീ ച ഭക്താഭീഷ്ടഫലപ്രദഃ ।

ഏതത്കേതുഗ്രഹസ്യോക്തം നാമ്നാമഷ്ടോത്തരം ശതമ്

॥ 19 ॥

ശ്ലോക 21

യോ ഭക്ത്യേദം ജപേത്കേതുര്നാമ്നാമഷ്ടോത്തരം ശതമ് ।

സ തു കേതോഃ പ്രസാദേന സര്വാഭീഷ്ടം സമാപ്നുയാത്

॥ 20 ॥

ശ്ലോക 22

ഇതി ശ്രീ കേതു അഷ്ടോത്തരശതനാമ സ്തോത്രമ് ।