Subrahmanya Ashtottara Sata Nama Stotram

सुब्रह्मण्यष्टोत्तरशत नामस्तोत्रम्

श्लोक 1

शक्तिहस्तं विरूपाक्षं शिखिवाहं षडाननम् ।

दारुणं रिपुरोगघ्नं भावये कुक्कुटध्वजम् ॥

इति ध्यानम्

स्कन्दो गुहः षण्मुखश्च फालनेत्रसुतः प्रभुः ।

पिङ्गलः कृत्तिकासूनुः शिखिवाहो द्विषड्भुजः

श्लोक 2

द्विषण्णेत्र-श्शक्तिधरः पिशिताश प्रभञ्जनः ।

तारकासुरसंहारी रक्षोबलविमर्दनः

॥ 1 ॥

श्लोक 3

मत्तः प्रमत्त उन्मत्तः सुरसैन्यसुरक्षकः ।

देवसेनापतिः प्राज्ञः कृपालु र्भक्तवत्सलः

॥ 2 ॥

श्लोक 4

उमासुत-श्शक्तिधरः कुमारः क्रौञ्चधारणः ।

सेनानी-रग्निजन्मा च विशाखः शङ्करात्मजः

॥ 3 ॥

श्लोक 5

शिवस्वामी गणस्वामी सर्वस्वामी सनातनः ।

अनन्तमूर्ति रक्षोभ्यः पार्वतीप्रियनन्दनः

॥ 4 ॥

श्लोक 6

गङ्गासुत-श्शरोद्भूत आहूतः पावकात्मजः ।

जृम्भः प्रजृम्भ उज्जृम्भः कमलासनसंस्तुतः

॥ 5 ॥

श्लोक 7

एकवर्णो द्विवर्णश्च त्रिवर्णः सुमनोहरः ।

चतुर्वर्णः पञ्चवर्णः प्रजापति-रहस्पतिः

॥ 6 ॥

श्लोक 8

अग्निगर्भ-श्शमीगर्भो विश्वरेता-स्सुरारिहा ।

हरिद्वर्ण-श्शुभकरो पटुश्च वटुवेषभृत्

॥ 7 ॥

श्लोक 9

पूषा गभस्ति-र्गहन श्चन्द्रवर्णः कलाधरः ।

मायाधरो महामायी कैवल्य-श्शङ्करात्मजः

॥ 8 ॥

श्लोक 10

विश्वयोनि-रमेयात्मा तेजोनिधि-रनामयः ।

परमेष्ठी परम्ब्रह्म वेदगर्भो विराट्सुतः

॥ 9 ॥

श्लोक 11

पुलिन्दकन्याभर्ता च महासारस्वतावृतः ।

अश्रितोखिलदाता च चोरघ्नो रोगनाशनः

॥ 10 ॥

श्लोक 12

अनन्तमूर्ति-रानन्द-श्शिखण्डीकृतकेतनः ।

डम्भः परमडम्भश्च महाडम्भो वृषाकपिः

॥ 11 ॥

श्लोक 13

कारणोपात्तदेहश्च कारणातीतविग्रहः ।

अनीश्वरोऽमृतः प्राणः प्राणायामपरायणः

॥ 12 ॥

श्लोक 14

विरुद्धहन्ता वीरघ्नो रक्तश्यामगलोऽपि च ।

सुब्रह्मण्यो गुहः प्रीतो ब्रह्मण्यो ब्राह्मणप्रियः

॥ 13 ॥

श्लोक 15

वंशवृद्धिकरो वेदो वेद्योऽक्षयफलप्रदः

॥ 14 ॥

श्लोक 16

इति श्री सुब्रह्मण्याष्टोत्तर शतनामस्तोत्रं सम्पूर्णम् ।