Chandra Ashtottara Sata Nama Stotram

चन्द्र अष्टोत्तर शत नाम स्तोत्रम्

श्लोक 1

श्रीमान् शशधरश्चन्द्रो ताराधीशो निशाकरः ।

सुधानिधिः सदाराध्यः सत्पतिः साधुपूजितः

श्लोक 2

जितेन्द्रियो जगद्योनिः ज्योतिश्चक्रप्रवर्तकः ।

विकर्तनानुजो वीरो विश्वेशो विदुषां पतिः

॥ 1 ॥

श्लोक 3

दोषाकरो दुष्टदूरः पुष्टिमान् शिष्टपालकः ।

अष्टमूर्तिप्रियोऽनन्तकष्टदारुकुठारकः

॥ 2 ॥

श्लोक 4

स्वप्रकाशः प्रकाशात्मा द्युचरो देवभोजनः ।

कलाधरः कालहेतुः कामकृत्कामदायकः

॥ 3 ॥

श्लोक 5

मृत्युसंहारकोऽमर्त्यो नित्यानुष्ठानदायकः ।

क्षपाकरः क्षीणपापः क्षयवृद्धिसमन्वितः

॥ 4 ॥

श्लोक 6

जैवातृकः शुची शुभ्रो जयी जयफलप्रदः ।

सुधामयः सुरस्वामी भक्तनामिष्टदायकः

॥ 5 ॥

श्लोक 7

भुक्तिदो मुक्तिदो भद्रो भक्तदारिद्र्यभञ्जकः ।

सामगानप्रियः सर्वरक्षकः सागरोद्भवः

॥ 6 ॥

श्लोक 8

भयान्तकृद्भक्तिगम्यो भवबन्धविमोचकः ।

जगत्प्रकाशकिरणो जगदानन्दकारणः

॥ 7 ॥

श्लोक 9

निस्सपत्नो निराहारो निर्विकारो निरामयः ।

भूच्छायाऽऽच्छादितो भव्यो भुवनप्रतिपालकः

॥ 8 ॥

श्लोक 10

सकलार्तिहरः सौम्यजनकः साधुवन्दितः ।

सर्वागमज्ञः सर्वज्ञो सनकादिमुनिस्तुतः

॥ 9 ॥

श्लोक 11

सितच्छत्रध्वजोपेतः सिताङ्गो सितभूषणः ।

श्वेतमाल्याम्बरधरः श्वेतगन्धानुलेपनः

॥ 10 ॥

श्लोक 12

दशाश्वरथसंरूढो दण्डपाणिः धनुर्धरः ।

कुन्दपुष्पोज्ज्वलाकारो नयनाब्जसमुद्भवः

॥ 11 ॥

श्लोक 13

आत्रेयगोत्रजोऽत्यन्तविनयः प्रियदायकः ।

करुणारससम्पूर्णः कर्कटप्रभुरव्ययः

॥ 12 ॥

श्लोक 14

चतुरश्रासनारूढश्चतुरो दिव्यवाहनः ।

विवस्वन्मण्डलाग्नेयवासो वसुसमृद्धिदः

॥ 13 ॥

श्लोक 15

महेश्वरप्रियो दान्तः मेरुगोत्रप्रदक्षिणः ।

ग्रहमण्डलमध्यस्थो ग्रसितार्को ग्रहाधिपः

॥ 14 ॥

श्लोक 16

द्विजराजो द्युतिलको द्विभुजो द्विजपूजितः ।

औदुम्बरनगावास उदारो रोहिणीपतिः

॥ 15 ॥

श्लोक 17

नित्योदयो मुनिस्तुत्यो नित्यानन्दफलप्रदः ।

सकलाह्लादनकरः पलाशसमिधप्रियः

॥ 16 ॥

श्लोक 18

एवं नक्षत्रनाथस्य नाम्नामष्टोत्तरं शतम् ॥

इति श्री चन्द्र अष्टोत्तरशतनाम स्तोत्रम् ।