Ketu Kavacham
Ketu Kavacham
Kavacham
Unknown
6 Verses
110%
केतु कवचम्
श्लोक 1
ध्यानं
केतुं करालवदनं चित्रवर्णं किरीटिनम् ।
प्रणमामि सदा केतुं ध्वजाकारं ग्रहेश्वरम्
श्लोक 2
। अथ केतु कवचम् ।
चित्रवर्णः शिरः पातु भालं धूम्रसमद्युतिः ।
पातु नेत्रे पिङ्गलाक्षः श्रुती मे रक्तलोचनः
॥ 1 ॥
श्लोक 3
घ्राणं पातु सुवर्णाभश्चिबुकं सिंहिकासुतः ।
पातु कण्ठं च मे केतुः स्कन्धौ पातु ग्रहाधिपः
॥ 2 ॥
श्लोक 4
हस्तौ पातु सुरश्रेष्ठः कुक्षिं पातु महाग्रहः ।
सिंहासनः कटिं पातु मध्यं पातु महासुरः
॥ 3 ॥
श्लोक 5
ऊरू पातु महाशीर्षो जानुनी मेऽतिकोपनः ।
पातु पादौ च मे क्रूरः सर्वाङ्गं नरपिङ्गलः
॥ 4 ॥
श्लोक 6
फलश्रुतिः
य इदं कवचं दिव्यं सर्वरोगविनाशनम् ।
सर्वशत्रुविनाशं च धारणाद्विजयी भवेत्
॥ 5 ॥
श्लोक 7
॥ इति श्रीब्रह्माण्डपुराणे केतुकवचं सम्पूर्णम् ॥