భజ గోవిన్దమ్ (మోహ ముద్గరమ్)

భజ గోవిన్దమ్ (మోహ ముద్గరమ్)

శ్లోక 1

భజ గోవిన్దం భజ గోవిన్దం

గోవిన్దం భజ మూఢమతే ।

సమ్ప్రాప్తే సన్నిహితే కాలే

నహి నహి రక్షతి డుకృఙ్కరణే

శ్లోక 2

భజ గోవిన్దం భజ గోవిన్దం ...

మూఢ జహీహి ధనాగమతృష్ణాం

కురు సద్బుద్ధిం మనసి వితృష్ణామ్ ।

యల్లభసే నిజకర్మోపాత్తం

విత్తం తేన వినోదయ చిత్తమ్

॥ 1 ॥

శ్లోక 3

భజ గోవిన్దం భజ గోవిన్దం ...

నారీస్తనభర-నాభీదేశం

దృష్ట్వా మా గా మోహావేశమ్ ।

ఏతన్మాంసవసాదివికారం

మనసి విచిన్తయ వారం వారమ్

॥ 2 ॥

శ్లోక 4

భజ గోవిన్దం భజ గోవిన్దం ...

నలినీదల-గతజలమతితరలం

తద్వజ్జీవితమతిశయ-చపలమ్ ।

విద్ధి వ్యాధ్యభిమానగ్రస్తం

లోకం శోకహతం చ సమస్తమ్

॥ 3 ॥

శ్లోక 5

భజ గోవిన్దం భజ గోవిన్దం ...

యావద్విత్తోపార్జనసక్తః

తావన్నిజపరివారో రక్తః ।

పశ్చాజ్జీవతి జర్జరదేహే

వార్తాం కోఽపి న పృచ్ఛతి గేహే

॥ 4 ॥

శ్లోక 6

భజ గోవిన్దం భజ గోవిన్దం ...

యావత్పవనో నివసతి దేహే

తావత్పృచ్ఛతి కుశలం గేహే ।

గతవతి వాయౌ దేహాపాయే

భార్యా బిభ్యతి తస్మిన్కాయే

॥ 5 ॥

శ్లోక 7

భజ గోవిన్దం భజ గోవిన్దం ...

బాలస్తావత్క్రీడాసక్తః

తరుణస్తావత్తరుణీసక్తః ।

వృద్ధస్తావచ్చిన్తాసక్తః

పరమే బ్రహ్మణి కోఽపి న సక్తః

॥ 6 ॥

శ్లోక 8

భజ గోవిన్దం భజ గోవిన్దం ...

కా తే కాన్తా కస్తే పుత్రః

సంసారోఽయమతీవ విచిత్రః ।

కస్య త్వం కః కుత ఆయాతః

తత్త్వం చిన్తయ తదిహ భ్రాతః

॥ 7 ॥

శ్లోక 9

భజ గోవిన్దం భజ గోవిన్దం ...

సత్సఙ్గత్వే నిస్సఙ్గత్వం

నిస్సఙ్గత్వే నిర్మోహత్వమ్ ।

నిర్మోహత్వే నిశ్చలతత్త్వం

నిశ్చలతత్త్వే జీవన్ముక్తిః

॥ 8 ॥

శ్లోక 10

భజ గోవిన్దం భజ గోవిన్దం ...

వయసి గతే కః కామవికారః

శుష్కే నీరే కః కాసారః ।

క్షీణే విత్తే కః పరివారః

జ్ఞాతే తత్త్వే కః సంసారః

॥ 9 ॥

శ్లోక 11

భజ గోవిన్దం భజ గోవిన్దం ...

మా కురు ధన-జన-యౌవన-గర్వం

హరతి నిమేషాత్కాలః సర్వమ్ ।

మాయామయమిదమఖిలం హిత్వా

బ్రహ్మపదం త్వం ప్రవిశ విదిత్వా

॥ 10 ॥

శ్లోక 12

భజ గోవిన్దం భజ గోవిన్దం ...

దినయామిన్యౌ సాయం ప్రాతః

శిశిరవసన్తౌ పునరాయాతః ।

కాలః క్రీడతి గచ్ఛత్యాయుః

తదపి న ముఞ్చత్యాశావాయుః

॥ 11 ॥

శ్లోక 13

భజ గోవిన్దం భజ గోవిన్దం ...

కా తే కాన్తా ధనగతచిన్తా

వాతుల కిం తవ నాస్తి నియన్తా ।

త్రిజగతి సజ్జనసఙ్గతిరేకా

భవతి భవార్ణవతరణే నౌకా

॥ 12 ॥

శ్లోక 14

భజ గోవిన్దం భజ గోవిన్దం ...

ద్వాదశ-మఞ్జరికాభిరశేషః

కథితో వైయాకరణస్యైషః ।

ఉపదేశోఽభూద్విద్యా-నిపుణైః

శ్రీమచ్ఛఙ్కర-భగవచ్ఛరణైః

॥ 13 ॥

శ్లోక 15

భజ గోవిన్దం భజ గోవిన్దం ...

జటిలో ముణ్డీ లుఞ్ఛితకేశః

కాషాయామ్బర-బహుకృతవేషః ।

పశ్యన్నపి చ న పశ్యతి మూఢః

ఉదరనిమిత్తం బహుకృతవేషః

॥ 14 ॥

శ్లోక 16

భజ గోవిన్దం భజ గోవిన్దం ...

అఙ్గం గలితం పలితం ముణ్డం

దశనవిహీనం జాతం తుణ్డమ్ ।

వృద్ధో యాతి గృహీత్వా దణ్డం

తదపి న ముఞ్చత్యాశాపిణ్డమ్

॥ 15 ॥

శ్లోక 17

భజ గోవిన్దం భజ గోవిన్దం ...

అగ్రే వహ్నిః పృష్ఠే భానుః

రాత్రౌ చుబుక-సమర్పిత-జానుః ।

కరతల-భిక్షస్తరుతలవాసః

తదపి న ముఞ్చత్యాశాపాశః

॥ 16 ॥

శ్లోక 18

భజ గోవిన్దం భజ గోవిన్దం ...

కురుతే గఙ్గాసాగరగమనం

వ్రత-పరిపాలనమథవా దానమ్ ।

జ్ఞానవిహీనః సర్వమతేన

భజతి న ముక్తిం జన్మశతేన

॥ 17 ॥

శ్లోక 19

భజ గోవిన్దం భజ గోవిన్దం ...

సురమన్దిర-తరు-మూల-నివాసః

శయ్యా భూతలమజినం వాసః ।

సర్వ-పరిగ్రహ-భోగత్యాగః

కస్య సుఖం న కరోతి విరాగః

॥ 18 ॥

శ్లోక 20

భజ గోవిన్దం భజ గోవిన్దం ...

యోగరతో వా భోగరతో వా

సఙ్గరతో వా సఙ్గవిహీనః ।

యస్య బ్రహ్మణి రమతే చిత్తం

నన్దతి నన్దతి నన్దత్యేవ

॥ 19 ॥

శ్లోక 21

భజ గోవిన్దం భజ గోవిన్దం ...

భగవద్గీతా కిఞ్చిదధీతా

గఙ్గాజల-లవకణికా పీతా ।

సకృదపి యేన మురారిసమర్చా

క్రియతే తస్య యమేన న చర్చా

॥ 20 ॥

శ్లోక 22

భజ గోవిన్దం భజ గోవిన్దం ...

పునరపి జననం పునరపి మరణం

పునరపి జననీజఠరే శయనమ్ ।

ఇహ సంసారే బహుదుస్తారే

కృపయాఽపారే పాహి మురారే

॥ 21 ॥

శ్లోక 23

భజ గోవిన్దం భజ గోవిన్దం ...

రథ్యాచర్పట-విరచిత-కన్థః

పుణ్యాపుణ్య-వివర్జిత-పన్థః ।

యోగీ యోగనియోజిత-చిత్తః

రమతే బాలోన్మత్తవదేవ

॥ 22 ॥

శ్లోక 24

భజ గోవిన్దం భజ గోవిన్దం ...

కస్త్వం కోఽహం కుత ఆయాతః

కా మే జననీ కో మే తాతః ।

ఇతి పరిభావయ సర్వమసారం

విశ్వం త్యక్త్వా స్వప్నవిచారమ్

॥ 23 ॥

శ్లోక 25

భజ గోవిన్దం భజ గోవిన్దం ...

త్వయి మయి చాన్యత్రైకో విష్ణుః

వ్యర్థం కుప్యసి మయ్యసహిష్ణుః ।

భవ సమచిత్తః సర్వత్ర త్వం

వాఞ్ఛస్యచిరాద్యది విష్ణుత్వమ్

॥ 24 ॥

శ్లోక 26

భజ గోవిన్దం భజ గోవిన్దం ...

శత్రౌ మిత్రే పుత్రే బన్ధౌ

మా కురు యత్నం విగ్రహసన్ధౌ ।

సర్వస్మిన్నపి పశ్యాత్మానం

సర్వత్రోత్సృజ భేదాజ్ఞానమ్

॥ 25 ॥

శ్లోక 27

భజ గోవిన్దం భజ గోవిన్దం ...

కామం క్రోధం లోభం మోహం

త్యక్త్వాఽఽత్మానం పశ్యతి సోఽహమ్ ।

ఆత్మజ్ఞానవిహీనా మూఢాః

తే పచ్యన్తే నరకనిగూఢాః

॥ 26 ॥

శ్లోక 28

భజ గోవిన్దం భజ గోవిన్దం ...

గేయం గీతా-నామసహస్రం

ధ్యేయం శ్రీపతి-రూపమజస్రమ్ ।

నేయం సజ్జన-సఙ్గే చిత్తం

దేయం దీనజనాయ చ విత్తమ్

॥ 27 ॥

శ్లోక 29

భజ గోవిన్దం భజ గోవిన్దం ...

సుఖతః క్రియతే కామాభోగః

పశ్చాదన్త శరీరే రోగః ।

యద్యపి లోకే మరణం శరణం

తదపి న ముఞ్చతి పాపాచరణమ్

॥ 28 ॥

శ్లోక 30

భజ గోవిన్దం భజ గోవిన్దం ...

అర్థమనర్థం భావయ నిత్యం

నాస్తితతః సుఖలేశః సత్యమ్ ।

పుత్రాదపి ధనభాజాం భీతిః

సర్వత్రైషా విహితా రీతిః

॥ 29 ॥

శ్లోక 31

భజ గోవిన్దం భజ గోవిన్దం ...

ప్రాణాయామం ప్రత్యాహారం

నిత్యానిత్య వివేకవిచారమ్ ।

జాప్యసమేతసమాధివిధానం

కుర్వవధానం మహదవధానమ్

॥ 30 ॥

శ్లోక 32

భజ గోవిన్దం భజ గోవిన్దం ...

గురుచరణామ్బుజ-నిర్భరభక్తః

సంసారాదచిరాద్భవ ముక్తః ।

సేన్ద్రియమానస-నియమాదేవం

ద్రక్ష్యసి నిజహృదయస్థం దేవమ్

॥ 31 ॥

శ్లోక 33

భజ గోవిన్దం భజ గోవిన్దం ...

మూఢః కశ్చన వైయాకరణో

డుఃకృఙ్కరణాధ్యయనధురీణః ।

శ్రీమచ్ఛఙ్కర-భగవచ్ఛిష్యైః

బోధిత ఆసీచ్ఛోధిత-కరణః

॥ 32 ॥

శ్లోక 34

భజ గోవిన్దం భజ గోవిన్దం ...

భజ గోవిన్దం భజ గోవిన్దం

గోవిన్దం భజ మూఢమతే ।

నామస్మరణాదన్యముపాయం

నహి పశ్యామో భవతరణే

॥ 33 ॥

శ్లోక 35

భజ గోవిన్దం భజ గోవిన్దం ...