ಸುಬ್ರಹ್ಮಣ್ಯ ಅಷ್ಟಕಂ ಕರಾವಲಮ್ಬ ಸ್ತೋತ್ರಮ್

ಸುಬ್ರಹ್ಮಣ್ಯ ಅಷ್ಟಕಂ ಕರಾವಲಮ್ಬ ಸ್ತೋತ್ರಮ್

ಶ್ಲೋಕ 1

ಹೇ ಸ್ವಾಮಿನಾಥ ಕರುಣಾಕರ ದೀನಬನ್ಧೋ,

ಶ್ರೀಪಾರ್ವತೀಶಮುಖಪಙ್ಕಜ ಪದ್ಮಬನ್ಧೋ ।

ಶ್ರೀಶಾದಿದೇವಗಣಪೂಜಿತಪಾದಪದ್ಮ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

ಶ್ಲೋಕ 2

ದೇವಾದಿದೇವನುತ ದೇವಗಣಾಧಿನಾಥ,

ದೇವೇನ್ದ್ರವನ್ದ್ಯ ಮೃದುಪಙ್ಕಜಮಞ್ಜುಪಾದ ।

ದೇವರ್ಷಿನಾರದಮುನೀನ್ದ್ರಸುಗೀತಕೀರ್ತೇ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 1 ॥

ಶ್ಲೋಕ 3

ನಿತ್ಯಾನ್ನದಾನ ನಿರತಾಖಿಲ ರೋಗಹಾರಿನ್,

ತಸ್ಮಾತ್ಪ್ರದಾನ ಪರಿಪೂರಿತಭಕ್ತಕಾಮ ।

ಶೃತ್ಯಾಗಮಪ್ರಣವವಾಚ್ಯನಿಜಸ್ವರೂಪ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 2 ॥

ಶ್ಲೋಕ 4

ಕ್ರೌಞ್ಚಾಸುರೇನ್ದ್ರ ಪರಿಖಣ್ಡನ ಶಕ್ತಿಶೂಲ,

ಪಾಶಾದಿಶಸ್ತ್ರಪರಿಮಣ್ಡಿತದಿವ್ಯಪಾಣೇ ।

ಶ್ರೀಕುಣ್ಡಲೀಶ ಧೃತತುಣ್ಡ ಶಿಖೀನ್ದ್ರವಾಹ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 3 ॥

ಶ್ಲೋಕ 5

ದೇವಾದಿದೇವ ರಥಮಣ್ಡಲ ಮಧ್ಯ ವೇದ್ಯ,

ದೇವೇನ್ದ್ರ ಪೀಠನಗರಂ ದೃಢಚಾಪಹಸ್ತಮ್ ।

ಶೂರಂ ನಿಹತ್ಯ ಸುರಕೋಟಿಭಿರೀಡ್ಯಮಾನ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 4 ॥

ಶ್ಲೋಕ 6

ಹಾರಾದಿರತ್ನಮಣಿಯುಕ್ತಕಿರೀಟಹಾರ,

ಕೇಯೂರಕುಣ್ಡಲಲಸತ್ಕವಚಾಭಿರಾಮ ।

ಹೇ ವೀರ ತಾರಕ ಜಯಾಽಮರಬೃನ್ದವನ್ದ್ಯ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 5 ॥

ಶ್ಲೋಕ 7

ಪಞ್ಚಾಕ್ಷರಾದಿಮನುಮನ್ತ್ರಿತ ಗಾಙ್ಗತೋಯೈಃ,

ಪಞ್ಚಾಮೃತೈಃ ಪ್ರಮುದಿತೇನ್ದ್ರಮುಖೈರ್ಮುನೀನ್ದ್ರೈಃ ।

ಪಟ್ಟಾಭಿಷಿಕ್ತ ಹರಿಯುಕ್ತ ಪರಾಸನಾಥ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 6 ॥

ಶ್ಲೋಕ 8

ಶ್ರೀಕಾರ್ತಿಕೇಯ ಕರುಣಾಮೃತಪೂರ್ಣದೃಷ್ಟ್ಯಾ,

ಕಾಮಾದಿರೋಗಕಲುಷೀಕೃತದುಷ್ಟಚಿತ್ತಮ್ ।

ಭಕ್ತ್ವಾ ತು ಮಾಮವಕಲಾಧರ ಕಾನ್ತಿಕಾನ್ತ್ಯಾ,

ವಲ್ಲೀಸನಾಥ ಮಮ ದೇಹಿ ಕರಾವಲಮ್ಬಮ್

॥ 7 ॥

ಶ್ಲೋಕ 9

ಸುಬ್ರಹ್ಮಣ್ಯ ಕರಾವಲಮ್ಬಂ ಪುಣ್ಯಂ ಯೇ ಪಠನ್ತಿ ದ್ವಿಜೋತ್ತಮಾಃ ।

ತೇ ಸರ್ವೇ ಮುಕ್ತಿ ಮಾಯಾನ್ತಿ ಸುಬ್ರಹ್ಮಣ್ಯ ಪ್ರಸಾದತಃ ।

ಸುಬ್ರಹ್ಮಣ್ಯ ಕರಾವಲಮ್ಬಮಿದಂ ಪ್ರಾತರುತ್ಥಾಯ ಯಃ ಪಠೇತ್ ।

ಕೋಟಿಜನ್ಮಕೃತಂ ಪಾಪಂ ತತ್​ಕ್ಷಣಾದೇವ ನಶ್ಯತಿ ॥