Subrahmanya Ashtakam Karavalamba Stotram

सुब्रह्मण्य अष्टकं करावलम्ब स्तोत्रम्

श्लोक 1

हे स्वामिनाथ करुणाकर दीनबन्धो,

श्रीपार्वतीशमुखपङ्कज पद्मबन्धो ।

श्रीशादिदेवगणपूजितपादपद्म,

वल्लीसनाथ मम देहि करावलम्बम्

श्लोक 2

देवादिदेवनुत देवगणाधिनाथ,

देवेन्द्रवन्द्य मृदुपङ्कजमञ्जुपाद ।

देवर्षिनारदमुनीन्द्रसुगीतकीर्ते,

वल्लीसनाथ मम देहि करावलम्बम्

॥ 1 ॥

श्लोक 3

नित्यान्नदान निरताखिल रोगहारिन्,

तस्मात्प्रदान परिपूरितभक्तकाम ।

शृत्यागमप्रणववाच्यनिजस्वरूप,

वल्लीसनाथ मम देहि करावलम्बम्

॥ 2 ॥

श्लोक 4

क्रौञ्चासुरेन्द्र परिखण्डन शक्तिशूल,

पाशादिशस्त्रपरिमण्डितदिव्यपाणे ।

श्रीकुण्डलीश धृततुण्ड शिखीन्द्रवाह,

वल्लीसनाथ मम देहि करावलम्बम्

॥ 3 ॥

श्लोक 5

देवादिदेव रथमण्डल मध्य वेद्य,

देवेन्द्र पीठनगरं दृढचापहस्तम् ।

शूरं निहत्य सुरकोटिभिरीड्यमान,

वल्लीसनाथ मम देहि करावलम्बम्

॥ 4 ॥

श्लोक 6

हारादिरत्नमणियुक्तकिरीटहार,

केयूरकुण्डललसत्कवचाभिराम ।

हे वीर तारक जयाऽमरबृन्दवन्द्य,

वल्लीसनाथ मम देहि करावलम्बम्

॥ 5 ॥

श्लोक 7

पञ्चाक्षरादिमनुमन्त्रित गाङ्गतोयैः,

पञ्चामृतैः प्रमुदितेन्द्रमुखैर्मुनीन्द्रैः ।

पट्टाभिषिक्त हरियुक्त परासनाथ,

वल्लीसनाथ मम देहि करावलम्बम्

॥ 6 ॥

श्लोक 8

श्रीकार्तिकेय करुणामृतपूर्णदृष्ट्या,

कामादिरोगकलुषीकृतदुष्टचित्तम् ।

भक्त्वा तु मामवकलाधर कान्तिकान्त्या,

वल्लीसनाथ मम देहि करावलम्बम्

॥ 7 ॥

श्लोक 9

सुब्रह्मण्य करावलम्बं पुण्यं ये पठन्ति द्विजोत्तमाः ।

ते सर्वे मुक्ति मायान्ति सुब्रह्मण्य प्रसादतः ।

सुब्रह्मण्य करावलम्बमिदं प्रातरुत्थाय यः पठेत् ।

कोटिजन्मकृतं पापं तत्​क्षणादेव नश्यति ॥