శ్రీ వేఙ్కటేశ్వర ప్రపత్తి

శ్రీ వేఙ్కటేశ్వర ప్రపత్తి

శ్లోక 1

ఈశానాం జగతోఽస్య వేఙ్కటపతే ర్విష్ణోః పరాం ప్రేయసీం

తద్వక్షఃస్థల నిత్యవాసరసికాం తత్-క్షాన్తి సంవర్ధినీమ్ ।

పద్మాలఙ్కృత పాణిపల్లవయుగాం పద్మాసనస్థాం శ్రియం

వాత్సల్యాది గుణోజ్జ్వలాం భగవతీం వన్దే జగన్మాతరమ్ ॥

శ్రీమన్ కృపాజలనిధే కృతసర్వలోక

సర్వజ్ఞ శక్త నతవత్సల సర్వశేషిన్ ।

స్వామిన్ సుశీల సుల భాశ్రిత పారిజాత

శ్రీవేఙ్కటేశచరణౌ శరణం ప్రపద్యే

శ్లోక 2

ఆనూపురార్చిత సుజాత సుగన్ధి పుష్ప

సౌరభ్య సౌరభకరౌ సమసన్నివేశౌ ।

సౌమ్యౌ సదానుభనేఽపి నవానుభావ్యౌ

శ్రీవేఙ్కటేశ చరణౌ శరణం ప్రపద్యే

॥ 2 ॥

శ్లోక 3

సద్యోవికాసి సముదిత్త్వర సాన్ద్రరాగ

సౌరభ్యనిర్భర సరోరుహ సామ్యవార్తామ్ ।

సమ్యక్షు సాహసపదేషు విలేఖయన్తౌ

శ్రీవేఙ్కటేశ చరణౌ శరణం ప్రపద్యే

॥ 3 ॥

శ్లోక 4

రేఖామయ ధ్వజ సుధాకలశాతపత్ర

వజ్రాఙ్కుశామ్బురుహ కల్పక శఙ్ఖచక్రైః ।

భవ్యైరలఙ్కృతతలౌ పరతత్త్వ చిహ్నైః

శ్రీవేఙ్కటేశ చరణౌ శరణం ప్రపద్యే

॥ 4 ॥

శ్లోక 5

తామ్రోదరద్యుతి పరాజిత పద్మరాగౌ

బాహ్యైర్-మహోభి రభిభూత మహేన్ద్రనీలౌ ।

ఉద్య న్నఖాంశుభి రుదస్త శశాఙ్క భాసౌ

శ్రీవేఙ్కటేశ చరణౌ శరణం ప్రపద్యే

॥ 5 ॥

శ్లోక 6

స ప్రేమభీతి కమలాకర పల్లవాభ్యాం

సంవాహనేఽపి సపది క్లమ మాధధానౌ ।

కాన్తా నవాఙ్మానస గోచర సౌకుమార్యౌ

శ్రీవేఙ్కటేశ చరణౌ శరణం ప్రపద్యే

॥ 6 ॥

శ్లోక 7

లక్ష్మీ మహీ తదనురూప నిజానుభావ

నీలాది దివ్య మహిషీ కరపల్లవానామ్ ।

ఆరుణ్య సఙ్క్రమణతః కిల సాన్ద్రరాగౌ

శ్రీవేఙ్కటేశ చరణౌ శరణం ప్రపద్యే

॥ 7 ॥

శ్లోక 8

నిత్యానమద్విధి శివాది కిరీటకోటి

ప్రత్యుప్త దీప్త నవరత్నమహః ప్రరోహైః ।

నీరాజనావిధి ముదార ముపాదధానౌ

శ్రీవేఙ్కటేశ చరణౌ శరణం ప్రపద్యే

॥ 8 ॥

శ్లోక 9

"విష్ణోః పదే పరమ" ఇత్యుదిత ప్రశంసౌ

యౌ "మధ్వ ఉత్స" ఇతి భోగ్య తయాఽప్యుపాత్తౌ ।

భూయస్తథేతి తవ పాణితల ప్రదిష్టౌ

శ్రీవేఙ్కటేశ చరణౌ శరణం ప్రపద్యే

॥ 9 ॥

శ్లోక 10

పార్థాయ తత్-సదృశ సారధినా త్వయైవ

యౌ దర్శితౌ స్వచరణౌ శరణం వ్రజేతి ।

భూయోఽపి మహ్య మిహ తౌ కరదర్శితౌ తే

శ్రీవేఙ్కటేశ చరణౌ శరణం ప్రపద్యే

॥ 10 ॥

శ్లోక 11

మన్మూర్థ్ని కాలియఫనే వికటాటవీషు

శ్రీవేఙ్కటాద్రి శిఖరే శిరసి శ్రుతీనామ్ ।

చిత్తేఽప్యనన్య మనసాం సమమాహితౌ తే

శ్రీవేఙ్కటేశ చరణౌ శరణం ప్రపద్యే

॥ 11 ॥

శ్లోక 12

అమ్లాన హృష్య దవనీతల కీర్ణపుష్పౌ

శ్రీవేఙ్కటాద్రి శిఖరాభరణాయ-మానౌ ।

ఆనన్దితాఖిల మనో నయనౌ తవై తౌ

శ్రీవేఙ్కటేశ చరణౌ శరణం ప్రపద్యే

॥ 12 ॥

శ్లోక 13

ప్రాయః ప్రపన్న జనతా ప్రథమావగాహ్యౌ

మాతుః స్తనావివ శిశో రమృతాయమాణౌ ।

ప్రాప్తౌ పరస్పర తులా మతులాన్తరౌ తే

శ్రీవేఙ్కటేశ చరణౌ శరణం ప్రపద్యే

॥ 13 ॥

శ్లోక 14

సత్త్వోత్తరైః సతత సేవ్యపదామ్బుజేన

సంసార తారక దయార్ద్ర దృగఞ్చలేన ।

సౌమ్యోపయన్తృ మునినా మమ దర్శితౌ తే

శ్రీవేఙ్కటేశ చరణౌ శరణం ప్రపద్యే

॥ 14 ॥

శ్లోక 15

శ్రీశ శ్రియా ఘటికయా త్వదుపాయ భావే

ప్రాప్యేత్వయి స్వయముపేయ తయా స్ఫురన్త్యా ।

నిత్యాశ్రితాయ నిరవద్య గుణాయ తుభ్యం

స్యాం కిఙ్కరో వృషగిరీశ న జాతు మహ్యమ్

॥ 15 ॥

శ్లోక 16

ఇతి శ్రీవేఙ్కటేశ ప్రపత్తిః