Sri Venkateswara Suprabhatam

श्री वेङ्कटेश्वर सुप्रभातम्

श्लोक 1

कौसल्या सुप्रजा राम पूर्वासन्ध्या प्रवर्तते ।

उत्तिष्ठ नरशार्दूल कर्तव्यं दैवमाह्निकम्

श्लोक 2

उत्तिष्ठोत्तिष्ठ गोविन्द उत्तिष्ठ गरुडध्वज ।

उत्तिष्ठ कमलाकान्त त्रैलोक्यं मङ्गलं कुरु

॥ 1 ॥

श्लोक 3

मातस्समस्त जगतां मधुकैटभारेः

वक्षोविहारिणि मनोहर दिव्यमूर्ते ।

श्रीस्वामिनि श्रितजनप्रिय दानशीले

श्री वेङ्कटेश दयिते तव सुप्रभातम्

॥ 2 ॥

श्लोक 4

तव सुप्रभातमरविन्द लोचने

भवतु प्रसन्नमुख चन्द्रमण्डले ।

विधि शङ्करेन्द्र वनिताभिरर्चिते

वृश शैलनाथ दयिते दयानिधे

॥ 3 ॥

श्लोक 5

अत्र्यादि सप्त ऋषयस्समुपास्य सन्ध्यां

आकाश सिन्धु कमलानि मनोहराणि ।

आदाय पादयुग मर्चयितुं प्रपन्नाः

शेषाद्रि शेखर विभो तव सुप्रभातम्

॥ 4 ॥

श्लोक 6

पञ्चाननाब्ज भव षण्मुख वासवाद्याः

त्रैविक्रमादि चरितं विबुधाः स्तुवन्ति ।

भाषापतिः पठति वासर शुद्धि मारात्

शेषाद्रि शेखर विभो तव सुप्रभातम्

॥ 5 ॥

श्लोक 7

ईशत्-प्रफुल्ल सरसीरुह नारिकेल

पूगद्रुमादि सुमनोहर पालिकानाम् ।

आवाति मन्दमनिलः सहदिव्य गन्धैः

शेषाद्रि शेखर विभो तव सुप्रभातम्

॥ 6 ॥

श्लोक 8

उन्मील्यनेत्र युगमुत्तम पञ्जरस्थाः

पात्रावसिष्ट कदली फल पायसानि ।

भुक्त्वाः सलील मथकेलि शुकाः पठन्ति

शेषाद्रि शेखर विभो तव सुप्रभातम्

॥ 7 ॥

श्लोक 9

तन्त्री प्रकर्ष मधुर स्वनया विपञ्च्या

गायत्यनन्त चरितं तव नारदोऽपि ।

भाषा समग्र मसत्-कृतचारु रम्यं

शेषाद्रि शेखर विभो तव सुप्रभातम्

॥ 8 ॥

श्लोक 10

भृङ्गावली च मकरन्द रसानु विद्ध

झुङ्कारगीत निनदैः सहसेवनाय ।

निर्यात्युपान्त सरसी कमलोदरेभ्यः

शेषाद्रि शेखर विभो तव सुप्रभातम्

॥ 9 ॥

श्लोक 11

योषागणेन वरदध्नि विमथ्यमाने

घोषालयेषु दधिमन्थन तीव्रघोषाः ।

रोषात्कलिं विदधते ककुभश्च कुम्भाः

शेषाद्रि शेखर विभो तव सुप्रभातम्

॥ 10 ॥

श्लोक 12

पद्मेशमित्र शतपत्र गतालिवर्गाः

हर्तुं श्रियं कुवलयस्य निजाङ्गलक्ष्म्याः ।

भेरी निनादमिव भिभ्रति तीव्रनादम्

शेषाद्रि शेखर विभो तव सुप्रभातम्

॥ 11 ॥

श्लोक 13

श्रीमन्नभीष्ट वरदाखिल लोक बन्धो

श्री श्रीनिवास जगदेक दयैक सिन्धो ।

श्री देवता गृह भुजान्तर दिव्यमूर्ते

श्री वेङ्कटाचलपते तव सुप्रभातम्

॥ 12 ॥

श्लोक 14

श्री स्वामि पुष्करिणिकाप्लव निर्मलाङ्गाः

श्रेयार्थिनो हरविरिञ्चि सनन्दनाद्याः ।

द्वारे वसन्ति वरनेत्र हतोत्त माङ्गाः

श्री वेङ्कटाचलपते तव सुप्रभातम्

॥ 13 ॥

श्लोक 15

श्री शेषशैल गरुडाचल वेङ्कटाद्रि

नारायणाद्रि वृषभाद्रि वृषाद्रि मुख्याम् ।

आख्यां त्वदीय वसते रनिशं वदन्ति

श्री वेङ्कटाचलपते तव सुप्रभातम्

॥ 14 ॥

श्लोक 16

सेवापराः शिव सुरेश कृशानुधर्म

रक्षोम्बुनाथ पवमान धनाधि नाथाः ।

बद्धाञ्जलि प्रविलसन्निज शीर्षदेशाः

श्री वेङ्कटाचलपते तव सुप्रभातम्

॥ 15 ॥

श्लोक 17

धाटीषु ते विहगराज मृगाधिराज

नागाधिराज गजराज हयाधिराजाः ।

स्वस्वाधिकार महिमाधिक मर्थयन्ते

श्री वेङ्कटाचलपते तव सुप्रभातम्

॥ 16 ॥

श्लोक 18

सूर्येन्दु भौम बुधवाक्पति काव्यशौरि

स्वर्भानुकेतु दिविशत्-परिशत्-प्रधानाः ।

त्वद्दासदास चरमावधि दासदासाः

श्री वेङ्कटाचलपते तव सुप्रभातम्

॥ 17 ॥

श्लोक 19

तत्-पादधूलि भरित स्फुरितोत्तमाङ्गाः

स्वर्गापवर्ग निरपेक्ष निजान्तरङ्गाः ।

कल्पागमा कलनयाऽऽकुलतां लभन्ते

श्री वेङ्कटाचलपते तव सुप्रभातम्

॥ 18 ॥

श्लोक 20

त्वद्गोपुराग्र शिखराणि निरीक्षमाणाः

स्वर्गापवर्ग पदवीं परमां श्रयन्तः ।

मर्त्या मनुष्य भुवने मतिमाश्रयन्ते

श्री वेङ्कटाचलपते तव सुप्रभातम्

॥ 19 ॥

श्लोक 21

श्री भूमिनायक दयादि गुणामृताब्दे

देवादिदेव जगदेक शरण्यमूर्ते ।

श्रीमन्ननन्त गरुडादिभि रर्चिताङ्घ्रे

श्री वेङ्कटाचलपते तव सुप्रभातम्

॥ 20 ॥

श्लोक 22

श्री पद्मनाभ पुरुषोत्तम वासुदेव

वैकुण्ठ माधव जनार्दन चक्रपाणे ।

श्री वत्स चिह्न शरणागत पारिजात

श्री वेङ्कटाचलपते तव सुप्रभातम्

॥ 21 ॥

श्लोक 23

कन्दर्प दर्प हर सुन्दर दिव्य मूर्ते

कान्ता कुचाम्बुरुह कुट्मल लोलदृष्टे ।

कल्याण निर्मल गुणाकर दिव्यकीर्ते

श्री वेङ्कटाचलपते तव सुप्रभातम्

॥ 22 ॥

श्लोक 24

मीनाकृते कमठकोल नृसिंह वर्णिन्

स्वामिन् परश्वथ तपोधन रामचन्द्र ।

शेषांशराम यदुनन्दन कल्किरूप

श्री वेङ्कटाचलपते तव सुप्रभातम्

॥ 23 ॥

श्लोक 25

एलालवङ्ग घनसार सुगन्धि तीर्थं

दिव्यं वियत्सरिति हेमघटेषु पूर्णम् ।

धृत्वाद्य वैदिक शिखामणयः प्रहृष्टाः

तिष्ठन्ति वेङ्कटपते तव सुप्रभातम्

॥ 24 ॥

श्लोक 26

भास्वानुदेति विकचानि सरोरुहाणि

सम्पूरयन्ति निनदैः ककुभो विहङ्गाः ।

श्रीवैष्णवाः सतत मर्थित मङ्गलास्ते

धामाश्रयन्ति तव वेङ्कट सुप्रभातम्

॥ 25 ॥

श्लोक 27

ब्रह्मादय-स्सुरवरा-स्समहर्षयस्ते

सन्तस्सनन्दन-मुखास्त्वथ योगिवर्याः ।

धामान्तिके तव हि मङ्गलवस्तुहस्ताः

श्री वेङ्कटाचलपते तव सुप्रभातम्

॥ 26 ॥

श्लोक 28

लक्श्मीनिवास निरवद्य गुणैक सिन्धो

संसारसागर समुत्तरणैक सेतो ।

वेदान्त वेद्य निजवैभव भक्त भोग्य

श्री वेङ्कटाचलपते तव सुप्रभातम्

॥ 27 ॥

श्लोक 29

इत्थं वृषाचलपतेरिह सुप्रभातं

ये मानवाः प्रतिदिनं पठितुं प्रवृत्ताः ।

तेषां प्रभात समये स्मृतिरङ्गभाजां

प्रज्ञां परार्थ सुलभां परमां प्रसूते

॥ 28 ॥

श्लोक 30