ಶ್ರೀ ವೇಙ್ಕಟೇಶ್ವರ ಪ್ರಪತ್ತಿ

ಶ್ರೀ ವೇಙ್ಕಟೇಶ್ವರ ಪ್ರಪತ್ತಿ

ಶ್ಲೋಕ 1

ಈಶಾನಾಂ ಜಗತೋಽಸ್ಯ ವೇಙ್ಕಟಪತೇ ರ್ವಿಷ್ಣೋಃ ಪರಾಂ ಪ್ರೇಯಸೀಂ

ತದ್ವಕ್ಷಃಸ್ಥಲ ನಿತ್ಯವಾಸರಸಿಕಾಂ ತತ್-ಕ್ಷಾನ್ತಿ ಸಂವರ್ಧಿನೀಮ್ ।

ಪದ್ಮಾಲಙ್ಕೃತ ಪಾಣಿಪಲ್ಲವಯುಗಾಂ ಪದ್ಮಾಸನಸ್ಥಾಂ ಶ್ರಿಯಂ

ವಾತ್ಸಲ್ಯಾದಿ ಗುಣೋಜ್ಜ್ವಲಾಂ ಭಗವತೀಂ ವನ್ದೇ ಜಗನ್ಮಾತರಮ್ ॥

ಶ್ರೀಮನ್ ಕೃಪಾಜಲನಿಧೇ ಕೃತಸರ್ವಲೋಕ

ಸರ್ವಜ್ಞ ಶಕ್ತ ನತವತ್ಸಲ ಸರ್ವಶೇಷಿನ್ ।

ಸ್ವಾಮಿನ್ ಸುಶೀಲ ಸುಲ ಭಾಶ್ರಿತ ಪಾರಿಜಾತ

ಶ್ರೀವೇಙ್ಕಟೇಶಚರಣೌ ಶರಣಂ ಪ್ರಪದ್ಯೇ

ಶ್ಲೋಕ 2

ಆನೂಪುರಾರ್ಚಿತ ಸುಜಾತ ಸುಗನ್ಧಿ ಪುಷ್ಪ

ಸೌರಭ್ಯ ಸೌರಭಕರೌ ಸಮಸನ್ನಿವೇಶೌ ।

ಸೌಮ್ಯೌ ಸದಾನುಭನೇಽಪಿ ನವಾನುಭಾವ್ಯೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 2 ॥

ಶ್ಲೋಕ 3

ಸದ್ಯೋವಿಕಾಸಿ ಸಮುದಿತ್ತ್ವರ ಸಾನ್ದ್ರರಾಗ

ಸೌರಭ್ಯನಿರ್ಭರ ಸರೋರುಹ ಸಾಮ್ಯವಾರ್ತಾಮ್ ।

ಸಮ್ಯಕ್ಷು ಸಾಹಸಪದೇಷು ವಿಲೇಖಯನ್ತೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 3 ॥

ಶ್ಲೋಕ 4

ರೇಖಾಮಯ ಧ್ವಜ ಸುಧಾಕಲಶಾತಪತ್ರ

ವಜ್ರಾಙ್ಕುಶಾಮ್ಬುರುಹ ಕಲ್ಪಕ ಶಙ್ಖಚಕ್ರೈಃ ।

ಭವ್ಯೈರಲಙ್ಕೃತತಲೌ ಪರತತ್ತ್ವ ಚಿಹ್ನೈಃ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 4 ॥

ಶ್ಲೋಕ 5

ತಾಮ್ರೋದರದ್ಯುತಿ ಪರಾಜಿತ ಪದ್ಮರಾಗೌ

ಬಾಹ್ಯೈರ್-ಮಹೋಭಿ ರಭಿಭೂತ ಮಹೇನ್ದ್ರನೀಲೌ ।

ಉದ್ಯ ನ್ನಖಾಂಶುಭಿ ರುದಸ್ತ ಶಶಾಙ್ಕ ಭಾಸೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 5 ॥

ಶ್ಲೋಕ 6

ಸ ಪ್ರೇಮಭೀತಿ ಕಮಲಾಕರ ಪಲ್ಲವಾಭ್ಯಾಂ

ಸಂವಾಹನೇಽಪಿ ಸಪದಿ ಕ್ಲಮ ಮಾಧಧಾನೌ ।

ಕಾನ್ತಾ ನವಾಙ್ಮಾನಸ ಗೋಚರ ಸೌಕುಮಾರ್ಯೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 6 ॥

ಶ್ಲೋಕ 7

ಲಕ್ಷ್ಮೀ ಮಹೀ ತದನುರೂಪ ನಿಜಾನುಭಾವ

ನೀಲಾದಿ ದಿವ್ಯ ಮಹಿಷೀ ಕರಪಲ್ಲವಾನಾಮ್ ।

ಆರುಣ್ಯ ಸಙ್ಕ್ರಮಣತಃ ಕಿಲ ಸಾನ್ದ್ರರಾಗೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 7 ॥

ಶ್ಲೋಕ 8

ನಿತ್ಯಾನಮದ್ವಿಧಿ ಶಿವಾದಿ ಕಿರೀಟಕೋಟಿ

ಪ್ರತ್ಯುಪ್ತ ದೀಪ್ತ ನವರತ್ನಮಹಃ ಪ್ರರೋಹೈಃ ।

ನೀರಾಜನಾವಿಧಿ ಮುದಾರ ಮುಪಾದಧಾನೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 8 ॥

ಶ್ಲೋಕ 9

"ವಿಷ್ಣೋಃ ಪದೇ ಪರಮ" ಇತ್ಯುದಿತ ಪ್ರಶಂಸೌ

ಯೌ "ಮಧ್ವ ಉತ್ಸ" ಇತಿ ಭೋಗ್ಯ ತಯಾಽಪ್ಯುಪಾತ್ತೌ ।

ಭೂಯಸ್ತಥೇತಿ ತವ ಪಾಣಿತಲ ಪ್ರದಿಷ್ಟೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 9 ॥

ಶ್ಲೋಕ 10

ಪಾರ್ಥಾಯ ತತ್-ಸದೃಶ ಸಾರಧಿನಾ ತ್ವಯೈವ

ಯೌ ದರ್ಶಿತೌ ಸ್ವಚರಣೌ ಶರಣಂ ವ್ರಜೇತಿ ।

ಭೂಯೋಽಪಿ ಮಹ್ಯ ಮಿಹ ತೌ ಕರದರ್ಶಿತೌ ತೇ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 10 ॥

ಶ್ಲೋಕ 11

ಮನ್ಮೂರ್ಥ್ನಿ ಕಾಲಿಯಫನೇ ವಿಕಟಾಟವೀಷು

ಶ್ರೀವೇಙ್ಕಟಾದ್ರಿ ಶಿಖರೇ ಶಿರಸಿ ಶ್ರುತೀನಾಮ್ ।

ಚಿತ್ತೇಽಪ್ಯನನ್ಯ ಮನಸಾಂ ಸಮಮಾಹಿತೌ ತೇ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 11 ॥

ಶ್ಲೋಕ 12

ಅಮ್ಲಾನ ಹೃಷ್ಯ ದವನೀತಲ ಕೀರ್ಣಪುಷ್ಪೌ

ಶ್ರೀವೇಙ್ಕಟಾದ್ರಿ ಶಿಖರಾಭರಣಾಯ-ಮಾನೌ ।

ಆನನ್ದಿತಾಖಿಲ ಮನೋ ನಯನೌ ತವೈ ತೌ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 12 ॥

ಶ್ಲೋಕ 13

ಪ್ರಾಯಃ ಪ್ರಪನ್ನ ಜನತಾ ಪ್ರಥಮಾವಗಾಹ್ಯೌ

ಮಾತುಃ ಸ್ತನಾವಿವ ಶಿಶೋ ರಮೃತಾಯಮಾಣೌ ।

ಪ್ರಾಪ್ತೌ ಪರಸ್ಪರ ತುಲಾ ಮತುಲಾನ್ತರೌ ತೇ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 13 ॥

ಶ್ಲೋಕ 14

ಸತ್ತ್ವೋತ್ತರೈಃ ಸತತ ಸೇವ್ಯಪದಾಮ್ಬುಜೇನ

ಸಂಸಾರ ತಾರಕ ದಯಾರ್ದ್ರ ದೃಗಞ್ಚಲೇನ ।

ಸೌಮ್ಯೋಪಯನ್ತೃ ಮುನಿನಾ ಮಮ ದರ್ಶಿತೌ ತೇ

ಶ್ರೀವೇಙ್ಕಟೇಶ ಚರಣೌ ಶರಣಂ ಪ್ರಪದ್ಯೇ

॥ 14 ॥

ಶ್ಲೋಕ 15

ಶ್ರೀಶ ಶ್ರಿಯಾ ಘಟಿಕಯಾ ತ್ವದುಪಾಯ ಭಾವೇ

ಪ್ರಾಪ್ಯೇತ್ವಯಿ ಸ್ವಯಮುಪೇಯ ತಯಾ ಸ್ಫುರನ್ತ್ಯಾ ।

ನಿತ್ಯಾಶ್ರಿತಾಯ ನಿರವದ್ಯ ಗುಣಾಯ ತುಭ್ಯಂ

ಸ್ಯಾಂ ಕಿಙ್ಕರೋ ವೃಷಗಿರೀಶ ನ ಜಾತು ಮಹ್ಯಮ್

॥ 15 ॥

ಶ್ಲೋಕ 16

ಇತಿ ಶ್ರೀವೇಙ್ಕಟೇಶ ಪ್ರಪತ್ತಿಃ