શ્રી વેઙ્કટેશ્વર પ્રપત્તિ

શ્રી વેઙ્કટેશ્વર પ્રપત્તિ

શ્લોક 1

ઈશાનાં જગતોઽસ્ય વેઙ્કટપતે ર્વિષ્ણોઃ પરાં પ્રેયસીં

તદ્વક્ષઃસ્થલ નિત્યવાસરસિકાં તત્-ક્ષાન્તિ સંવર્ધિનીમ્ ।

પદ્માલઙ્કૃત પાણિપલ્લવયુગાં પદ્માસનસ્થાં શ્રિયં

વાત્સલ્યાદિ ગુણોજ્જ્વલાં ભગવતીં વન્દે જગન્માતરમ્ ॥

શ્રીમન્ કૃપાજલનિધે કૃતસર્વલોક

સર્વજ્ઞ શક્ત નતવત્સલ સર્વશેષિન્ ।

સ્વામિન્ સુશીલ સુલ ભાશ્રિત પારિજાત

શ્રીવેઙ્કટેશચરણૌ શરણં પ્રપદ્યે

શ્લોક 2

આનૂપુરાર્ચિત સુજાત સુગન્ધિ પુષ્પ

સૌરભ્ય સૌરભકરૌ સમસન્નિવેશૌ ।

સૌમ્યૌ સદાનુભનેઽપિ નવાનુભાવ્યૌ

શ્રીવેઙ્કટેશ ચરણૌ શરણં પ્રપદ્યે

॥ 2 ॥

શ્લોક 3

સદ્યોવિકાસિ સમુદિત્ત્વર સાન્દ્રરાગ

સૌરભ્યનિર્ભર સરોરુહ સામ્યવાર્તામ્ ।

સમ્યક્ષુ સાહસપદેષુ વિલેખયન્તૌ

શ્રીવેઙ્કટેશ ચરણૌ શરણં પ્રપદ્યે

॥ 3 ॥

શ્લોક 4

રેખામય ધ્વજ સુધાકલશાતપત્ર

વજ્રાઙ્કુશામ્બુરુહ કલ્પક શઙ્ખચક્રૈઃ ।

ભવ્યૈરલઙ્કૃતતલૌ પરતત્ત્વ ચિહ્નૈઃ

શ્રીવેઙ્કટેશ ચરણૌ શરણં પ્રપદ્યે

॥ 4 ॥

શ્લોક 5

તામ્રોદરદ્યુતિ પરાજિત પદ્મરાગૌ

બાહ્યૈર્-મહોભિ રભિભૂત મહેન્દ્રનીલૌ ।

ઉદ્ય ન્નખાંશુભિ રુદસ્ત શશાઙ્ક ભાસૌ

શ્રીવેઙ્કટેશ ચરણૌ શરણં પ્રપદ્યે

॥ 5 ॥

શ્લોક 6

સ પ્રેમભીતિ કમલાકર પલ્લવાભ્યાં

સંવાહનેઽપિ સપદિ ક્લમ માધધાનૌ ।

કાન્તા નવાઙ્માનસ ગોચર સૌકુમાર્યૌ

શ્રીવેઙ્કટેશ ચરણૌ શરણં પ્રપદ્યે

॥ 6 ॥

શ્લોક 7

લક્ષ્મી મહી તદનુરૂપ નિજાનુભાવ

નીલાદિ દિવ્ય મહિષી કરપલ્લવાનામ્ ।

આરુણ્ય સઙ્ક્રમણતઃ કિલ સાન્દ્રરાગૌ

શ્રીવેઙ્કટેશ ચરણૌ શરણં પ્રપદ્યે

॥ 7 ॥

શ્લોક 8

નિત્યાનમદ્વિધિ શિવાદિ કિરીટકોટિ

પ્રત્યુપ્ત દીપ્ત નવરત્નમહઃ પ્રરોહૈઃ ।

નીરાજનાવિધિ મુદાર મુપાદધાનૌ

શ્રીવેઙ્કટેશ ચરણૌ શરણં પ્રપદ્યે

॥ 8 ॥

શ્લોક 9

"વિષ્ણોઃ પદે પરમ" ઇત્યુદિત પ્રશંસૌ

યૌ "મધ્વ ઉત્સ" ઇતિ ભોગ્ય તયાઽપ્યુપાત્તૌ ।

ભૂયસ્તથેતિ તવ પાણિતલ પ્રદિષ્ટૌ

શ્રીવેઙ્કટેશ ચરણૌ શરણં પ્રપદ્યે

॥ 9 ॥

શ્લોક 10

પાર્થાય તત્-સદૃશ સારધિના ત્વયૈવ

યૌ દર્શિતૌ સ્વચરણૌ શરણં વ્રજેતિ ।

ભૂયોઽપિ મહ્ય મિહ તૌ કરદર્શિતૌ તે

શ્રીવેઙ્કટેશ ચરણૌ શરણં પ્રપદ્યે

॥ 10 ॥

શ્લોક 11

મન્મૂર્થ્નિ કાલિયફને વિકટાટવીષુ

શ્રીવેઙ્કટાદ્રિ શિખરે શિરસિ શ્રુતીનામ્ ।

ચિત્તેઽપ્યનન્ય મનસાં સમમાહિતૌ તે

શ્રીવેઙ્કટેશ ચરણૌ શરણં પ્રપદ્યે

॥ 11 ॥

શ્લોક 12

અમ્લાન હૃષ્ય દવનીતલ કીર્ણપુષ્પૌ

શ્રીવેઙ્કટાદ્રિ શિખરાભરણાય-માનૌ ।

આનન્દિતાખિલ મનો નયનૌ તવૈ તૌ

શ્રીવેઙ્કટેશ ચરણૌ શરણં પ્રપદ્યે

॥ 12 ॥

શ્લોક 13

પ્રાયઃ પ્રપન્ન જનતા પ્રથમાવગાહ્યૌ

માતુઃ સ્તનાવિવ શિશો રમૃતાયમાણૌ ।

પ્રાપ્તૌ પરસ્પર તુલા મતુલાન્તરૌ તે

શ્રીવેઙ્કટેશ ચરણૌ શરણં પ્રપદ્યે

॥ 13 ॥

શ્લોક 14

સત્ત્વોત્તરૈઃ સતત સેવ્યપદામ્બુજેન

સંસાર તારક દયાર્દ્ર દૃગઞ્ચલેન ।

સૌમ્યોપયન્તૃ મુનિના મમ દર્શિતૌ તે

શ્રીવેઙ્કટેશ ચરણૌ શરણં પ્રપદ્યે

॥ 14 ॥

શ્લોક 15

શ્રીશ શ્રિયા ઘટિકયા ત્વદુપાય ભાવે

પ્રાપ્યેત્વયિ સ્વયમુપેય તયા સ્ફુરન્ત્યા ।

નિત્યાશ્રિતાય નિરવદ્ય ગુણાય તુભ્યં

સ્યાં કિઙ્કરો વૃષગિરીશ ન જાતુ મહ્યમ્

॥ 15 ॥

શ્લોક 16

ઇતિ શ્રીવેઙ્કટેશ પ્રપત્તિઃ