శ్రీ హర్యష్టకమ్ (ప్రహ్లాద కృతమ్)

శ్రీ హర్యష్టకమ్ (ప్రహ్లాద కృతమ్)

శ్లోక 1

హరిర్హరతి పాపాని దుష్టచిత్తైరపి స్మృతః ।

అనిచ్ఛయాఽపి సంస్పృష్టో దహత్యేవ హి పావకః

శ్లోక 2

స గఙ్గా స గయా సేతుః స కాశీ స చ పుష్కరమ్ ।

జిహ్వాగ్రే వర్తతే యస్య హరిరిత్యక్షరద్వయమ్

॥ 1 ॥

శ్లోక 3

వారాణస్యాం కురుక్షేత్రే నైమిశారణ్య ఏవ చ ।

యత్కృతం తేన యేనోక్తం హరిరిత్యక్షరద్వయమ్

॥ 2 ॥

శ్లోక 4

పృథివ్యాం యాని తీర్థాని పుణ్యాన్యాయతనాని చ ।

తాని సర్వాణ్యశేషాణి హరిరిత్యక్షరద్వయమ్

॥ 3 ॥

శ్లోక 5

గవాం కోటిసహస్రాణి హేమకన్యాసహస్రకమ్ ।

దత్తం స్యాత్తేన యేనోక్తం హరిరిత్యక్షరద్వయమ్

॥ 4 ॥

శ్లోక 6

ఋగ్వేదోఽథ యజుర్వేదః సామవేదోఽప్యథర్వణః ।

అధీతస్తేన యేనోక్తం హరిరిత్యక్షరద్వయమ్

॥ 5 ॥

శ్లోక 7

అశ్వమేధైర్మహాయజ్ఞైర్నరమేధైస్తథైవ చ ।

ఇష్టం స్యాత్తేన యేనోక్తం హరిరిత్యక్షరద్వయమ్

॥ 6 ॥

శ్లోక 8

ప్రాణః ప్రయాణ పాథేయం సంసారవ్యాధినాశనమ్ ।

దుఃఖాత్యన్త పరిత్రాణం హరిరిత్యక్షరద్వయమ్

॥ 7 ॥

శ్లోక 9

బద్ధః పరికరస్తేన మోక్షాయ గమనం ప్రతి ।

సకృదుచ్చారితం యేన హరిరిత్యక్షరద్వయమ్

॥ 8 ॥

శ్లోక 10

హర్యష్టకమిదం పుణ్యం ప్రాతరుత్థాయ యః పఠేత్ ।

ఆయుష్యం బలమారోగ్యం యశో వృద్ధిః శ్రియావహమ్

॥ 9 ॥

శ్లోక 11

ప్రహ్లాదేన కృతం స్తోత్రం దుఃఖసాగరశోషణమ్ ।

యః పఠేత్స నరో యాతి తద్విష్ణోః పరమం పదమ్

॥ 10 ॥

శ్లోక 12

ఇతి ప్రహ్లాదకృత శ్రీ హర్యష్టకమ్ ।