Sri Hari Ashtakam (Prahlada Krutam)

श्री हर्यष्टकम् (प्रह्लाद कृतम्)

श्लोक 1

हरिर्हरति पापानि दुष्टचित्तैरपि स्मृतः ।

अनिच्छयाऽपि संस्पृष्टो दहत्येव हि पावकः

श्लोक 2

स गङ्गा स गया सेतुः स काशी स च पुष्करम् ।

जिह्वाग्रे वर्तते यस्य हरिरित्यक्षरद्वयम्

॥ 1 ॥

श्लोक 3

वाराणस्यां कुरुक्षेत्रे नैमिशारण्य एव च ।

यत्कृतं तेन येनोक्तं हरिरित्यक्षरद्वयम्

॥ 2 ॥

श्लोक 4

पृथिव्यां यानि तीर्थानि पुण्यान्यायतनानि च ।

तानि सर्वाण्यशेषाणि हरिरित्यक्षरद्वयम्

॥ 3 ॥

श्लोक 5

गवां कोटिसहस्राणि हेमकन्यासहस्रकम् ।

दत्तं स्यात्तेन येनोक्तं हरिरित्यक्षरद्वयम्

॥ 4 ॥

श्लोक 6

ऋग्वेदोऽथ यजुर्वेदः सामवेदोऽप्यथर्वणः ।

अधीतस्तेन येनोक्तं हरिरित्यक्षरद्वयम्

॥ 5 ॥

श्लोक 7

अश्वमेधैर्महायज्ञैर्नरमेधैस्तथैव च ।

इष्टं स्यात्तेन येनोक्तं हरिरित्यक्षरद्वयम्

॥ 6 ॥

श्लोक 8

प्राणः प्रयाण पाथेयं संसारव्याधिनाशनम् ।

दुःखात्यन्त परित्राणं हरिरित्यक्षरद्वयम्

॥ 7 ॥

श्लोक 9

बद्धः परिकरस्तेन मोक्षाय गमनं प्रति ।

सकृदुच्चारितं येन हरिरित्यक्षरद्वयम्

॥ 8 ॥

श्लोक 10

हर्यष्टकमिदं पुण्यं प्रातरुत्थाय यः पठेत् ।

आयुष्यं बलमारोग्यं यशो वृद्धिः श्रियावहम्

॥ 9 ॥

श्लोक 11

प्रह्लादेन कृतं स्तोत्रं दुःखसागरशोषणम् ।

यः पठेत्स नरो याति तद्विष्णोः परमं पदम्

॥ 10 ॥

श्लोक 12

इति प्रह्लादकृत श्री हर्यष्टकम् ।