ಶ್ರೀ ಹರ್ಯಷ್ಟಕಮ್ (ಪ್ರಹ್ಲಾದ ಕೃತಮ್)

ಶ್ರೀ ಹರ್ಯಷ್ಟಕಮ್ (ಪ್ರಹ್ಲಾದ ಕೃತಮ್)

ಶ್ಲೋಕ 1

ಹರಿರ್ಹರತಿ ಪಾಪಾನಿ ದುಷ್ಟಚಿತ್ತೈರಪಿ ಸ್ಮೃತಃ ।

ಅನಿಚ್ಛಯಾಽಪಿ ಸಂಸ್ಪೃಷ್ಟೋ ದಹತ್ಯೇವ ಹಿ ಪಾವಕಃ

ಶ್ಲೋಕ 2

ಸ ಗಙ್ಗಾ ಸ ಗಯಾ ಸೇತುಃ ಸ ಕಾಶೀ ಸ ಚ ಪುಷ್ಕರಮ್ ।

ಜಿಹ್ವಾಗ್ರೇ ವರ್ತತೇ ಯಸ್ಯ ಹರಿರಿತ್ಯಕ್ಷರದ್ವಯಮ್

॥ 1 ॥

ಶ್ಲೋಕ 3

ವಾರಾಣಸ್ಯಾಂ ಕುರುಕ್ಷೇತ್ರೇ ನೈಮಿಶಾರಣ್ಯ ಏವ ಚ ।

ಯತ್ಕೃತಂ ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್

॥ 2 ॥

ಶ್ಲೋಕ 4

ಪೃಥಿವ್ಯಾಂ ಯಾನಿ ತೀರ್ಥಾನಿ ಪುಣ್ಯಾನ್ಯಾಯತನಾನಿ ಚ ।

ತಾನಿ ಸರ್ವಾಣ್ಯಶೇಷಾಣಿ ಹರಿರಿತ್ಯಕ್ಷರದ್ವಯಮ್

॥ 3 ॥

ಶ್ಲೋಕ 5

ಗವಾಂ ಕೋಟಿಸಹಸ್ರಾಣಿ ಹೇಮಕನ್ಯಾಸಹಸ್ರಕಮ್ ।

ದತ್ತಂ ಸ್ಯಾತ್ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್

॥ 4 ॥

ಶ್ಲೋಕ 6

ಋಗ್ವೇದೋಽಥ ಯಜುರ್ವೇದಃ ಸಾಮವೇದೋಽಪ್ಯಥರ್ವಣಃ ।

ಅಧೀತಸ್ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್

॥ 5 ॥

ಶ್ಲೋಕ 7

ಅಶ್ವಮೇಧೈರ್ಮಹಾಯಜ್ಞೈರ್ನರಮೇಧೈಸ್ತಥೈವ ಚ ।

ಇಷ್ಟಂ ಸ್ಯಾತ್ತೇನ ಯೇನೋಕ್ತಂ ಹರಿರಿತ್ಯಕ್ಷರದ್ವಯಮ್

॥ 6 ॥

ಶ್ಲೋಕ 8

ಪ್ರಾಣಃ ಪ್ರಯಾಣ ಪಾಥೇಯಂ ಸಂಸಾರವ್ಯಾಧಿನಾಶನಮ್ ।

ದುಃಖಾತ್ಯನ್ತ ಪರಿತ್ರಾಣಂ ಹರಿರಿತ್ಯಕ್ಷರದ್ವಯಮ್

॥ 7 ॥

ಶ್ಲೋಕ 9

ಬದ್ಧಃ ಪರಿಕರಸ್ತೇನ ಮೋಕ್ಷಾಯ ಗಮನಂ ಪ್ರತಿ ।

ಸಕೃದುಚ್ಚಾರಿತಂ ಯೇನ ಹರಿರಿತ್ಯಕ್ಷರದ್ವಯಮ್

॥ 8 ॥

ಶ್ಲೋಕ 10

ಹರ್ಯಷ್ಟಕಮಿದಂ ಪುಣ್ಯಂ ಪ್ರಾತರುತ್ಥಾಯ ಯಃ ಪಠೇತ್ ।

ಆಯುಷ್ಯಂ ಬಲಮಾರೋಗ್ಯಂ ಯಶೋ ವೃದ್ಧಿಃ ಶ್ರಿಯಾವಹಮ್

॥ 9 ॥

ಶ್ಲೋಕ 11

ಪ್ರಹ್ಲಾದೇನ ಕೃತಂ ಸ್ತೋತ್ರಂ ದುಃಖಸಾಗರಶೋಷಣಮ್ ।

ಯಃ ಪಠೇತ್ಸ ನರೋ ಯಾತಿ ತದ್ವಿಷ್ಣೋಃ ಪರಮಂ ಪದಮ್

॥ 10 ॥

ಶ್ಲೋಕ 12

ಇತಿ ಪ್ರಹ್ಲಾದಕೃತ ಶ್ರೀ ಹರ್ಯಷ್ಟಕಮ್ ।