ശ്രീ ദേവീ ഖഡ്ഗമാലാ സ്തോത്രമ്

ശ്രീ ദേവീ ഖഡ്ഗമാലാ സ്തോത്രമ്

ശ്ലോക 1

ശ്രീ ദേവീ പ്രാര്ഥന

ഹ്രീങ്കാരാസനഗര്ഭിതാനലശിഖാം സൌഃ ക്ലീം കലാം ബിഭ്രതീം

സൌവര്ണാമ്ബരധാരിണീം വരസുധാധൌതാം ത്രിനേത്രോജ്ജ്വലാമ് ।

വന്ദേ പുസ്തകപാശമങ്കുശധരാം സ്രഗ്ഭൂഷിതാമുജ്ജ്വലാം

ത്വാം ഗൌരീം ത്രിപുരാം പരാത്പരകലാം ശ്രീചക്രസഞ്ചാരിണീമ് ॥

അസ്യ ശ്രീ ശുദ്ധശക്തിമാലാമഹാമന്ത്രസ്യ,

ഉപസ്ഥേന്ദ്രിയാധിഷ്ഠായീ

വരുണാദിത്യ ഋഷയഃ

ദേവീ ഗായത്രീ ഛന്ദഃ

സാത്വിക കകാരഭട്ടാരകപീഠസ്ഥിത കാമേശ്വരാങ്കനിലയാ മഹാകാമേശ്വരീ ശ്രീ ലലിതാ ഭട്ടാരികാ ദേവതാ,

ഐം ബീജം

ക്ലീം ശക്തിഃ

സൌഃ കീലകം

മമ ഖഡ്ഗസിദ്ധ്യര്ഥേ സര്വാഭീഷ്ടസിദ്ധ്യര്ഥേ ജപേ വിനിയോഗഃ

മൂലമന്ത്രേണ ഷഡങ്ഗന്യാസം കുര്യാത് ।

ധ്യാനമ്

താദൃശം ഖഡ്ഗമാപ്നോതി യേന ഹസ്തസ്ഥിതേനവൈ ।

അഷ്ടാദശ മഹാദ്വീപ സമ്രാട് ഭോത്കാ ഭവിഷ്യതി ॥

ആരക്താഭാം ത്രിണേത്രാമരുണിമവസനാം രത്നതാടങ്കരമ്യാം

ഹസ്താമ്ഭോജൈസ്സപാശാങ്കുശ മദന ധനുസ്സായകൈര്വിസ്ഫുരന്തീമ് ।

ആപീനോത്തുങ്ഗ വക്ഷോരുഹ കലശലുഠത്താര ഹാരോജ്ജ്വലാങ്ഗീം

ധ്യായേദമ്ഭോരുഹസ്ഥാ-മരുണിമവസനാ-മീശ്വരീമീശ്വരാണാമ് ॥

ലമിത്യാദിപഞ്ച പൂജാം കുര്യാത്, യഥാശക്തി മൂലമന്ത്രം ജപേത് ।

ലം - പൃഥിവീതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ഗന്ധം പരികല്പയാമി - നമഃ

ഹം - ആകാശതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ പുഷ്പം പരികല്പയാമി - നമഃ

യം - വായുതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ധൂപം പരികല്പയാമി - നമഃ

രം - തേജസ്തത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ ദീപം പരികല്പയാമി - നമഃ

വം - അമൃതതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ അമൃതനൈവേദ്യം പരികല്പയാമി - നമഃ

സം - സര്വതത്ത്വാത്മികായൈ ശ്രീ ലലിതാത്രിപുരസുന്ദരീ പരാഭട്ടാരികായൈ താമ്ബൂലാദിസര്വോപചാരാന് പരികല്പയാമി - നമഃ

ശ്രീ ദേവീ സമ്ബോധനം (1)

ഓം ഐം ഹ്രീം ശ്രീം ഐം ക്ലീം സൌഃ ഓം നമസ്ത്രിപുരസുന്ദരീ,

ന്യാസാങ്ഗദേവതാഃ (6)

ഹൃദയദേവീ, ശിരോദേവീ, ശിഖാദേവീ, കവചദേവീ, നേത്രദേവീ, അസ്ത്രദേവീ,

തിഥിനിത്യാദേവതാഃ (16)

കാമേശ്വരീ, ഭഗമാലിനീ, നിത്യക്ലിന്നേ, ഭേരുണ്ഡേ, വഹ്നിവാസിനീ, മഹാവജ്രേശ്വരീ, ശിവദൂതീ, ത്വരിതേ, കുലസുന്ദരീ, നിത്യേ, നീലപതാകേ, വിജയേ, സര്വമങ്ഗലേ, ജ്വാലാമാലിനീ, ചിത്രേ, മഹാനിത്യേ,

ദിവ്യൌഘഗുരവഃ (7)

പരമേശ്വര, പരമേശ്വരീ, മിത്രേശമയീ, ഷഷ്ഠീശമയീ, ചര്യാനാഥമയീ, ലോപാമുദ്രമയീ, അഗസ്ത്യമയീ,

സിദ്ധൌഘഗുരവഃ (4)

കാലതാപശമയീ, ധര്മാചാര്യമയീ, മുക്തകേശീശ്വരമയീ, ദീപകലാനാഥമയീ,

മാനവൌഘഗുരവഃ (8)

വിഷ്ണുദേവമയീ, പ്രഭാകരദേവമയീ, തേജോദേവമയീ, മനോജദേവമയി, കല്യാണദേവമയീ, വാസുദേവമയീ, രത്നദേവമയീ, ശ്രീരാമാനന്ദമയീ,

ശ്രീചക്ര പ്രഥമാവരണദേവതാഃ

അണിമാസിദ്ധേ, ലഘിമാസിദ്ധേ, ഗരിമാസിദ്ധേ, മഹിമാസിദ്ധേ, ഈശിത്വസിദ്ധേ, വശിത്വസിദ്ധേ, പ്രാകാമ്യസിദ്ധേ, ഭുക്തിസിദ്ധേ, ഇച്ഛാസിദ്ധേ, പ്രാപ്തിസിദ്ധേ, സര്വകാമസിദ്ധേ, ബ്രാഹ്മീ, മാഹേശ്വരീ, കൌമാരി, വൈഷ്ണവീ, വാരാഹീ, മാഹേന്ദ്രീ, ചാമുണ്ഡേ, മഹാലക്ഷ്മീ, സര്വസങ്ക്ഷോഭിണീ, സര്വവിദ്രാവിണീ, സര്വാകര്ഷിണീ, സര്വവശങ്കരീ, സര്വോന്മാദിനീ, സര്വമഹാങ്കുശേ, സര്വഖേചരീ, സര്വബീജേ, സര്വയോനേ, സര്വത്രിഖണ്ഡേ, ത്രൈലോക്യമോഹന ചക്രസ്വാമിനീ, പ്രകടയോഗിനീ,

ശ്രീചക്ര ദ്വിതീയാവരണദേവതാഃ

കാമാകര്ഷിണീ, ബുദ്ധ്യാകര്ഷിണീ, അഹങ്കാരാകര്ഷിണീ, ശബ്ദാകര്ഷിണീ, സ്പര്ശാകര്ഷിണീ, രൂപാകര്ഷിണീ, രസാകര്ഷിണീ, ഗന്ധാകര്ഷിണീ, ചിത്താകര്ഷിണീ, ധൈര്യാകര്ഷിണീ, സ്മൃത്യാകര്ഷിണീ, നാമാകര്ഷിണീ, ബീജാകര്ഷിണീ, ആത്മാകര്ഷിണീ, അമൃതാകര്ഷിണീ, ശരീരാകര്ഷിണീ, സര്വാശാപരിപൂരക ചക്രസ്വാമിനീ, ഗുപ്തയോഗിനീ,

ശ്രീചക്ര തൃതീയാവരണദേവതാഃ

അനങ്ഗകുസുമേ, അനങ്ഗമേഖലേ, അനങ്ഗമദനേ, അനങ്ഗമദനാതുരേ, അനങ്ഗരേഖേ, അനങ്ഗവേഗിനീ, അനങ്ഗാങ്കുശേ, അനങ്ഗമാലിനീ, സര്വസങ്ക്ഷോഭണചക്രസ്വാമിനീ, ഗുപ്തതരയോഗിനീ,

ശ്രീചക്ര ചതുര്ഥാവരണദേവതാഃ

സര്വസങ്ക്ഷോഭിണീ, സര്വവിദ്രാവിനീ, സര്വാകര്ഷിണീ, സര്വഹ്ലാദിനീ, സര്വസമ്മോഹിനീ, സര്വസ്തമ്ഭിനീ, സര്വജൃമ്ഭിണീ, സര്വവശങ്കരീ, സര്വരഞ്ജനീ, സര്വോന്മാദിനീ, സര്വാര്ഥസാധികേ, സര്വസമ്പത്തിപൂരിണീ, സര്വമന്ത്രമയീ, സര്വദ്വന്ദ്വക്ഷയങ്കരീ, സര്വസൌഭാഗ്യദായക ചക്രസ്വാമിനീ, സമ്പ്രദായയോഗിനീ,

ശ്രീചക്ര പഞ്ചമാവരണദേവതാഃ

സര്വസിദ്ധിപ്രദേ, സര്വസമ്പത്പ്രദേ, സര്വപ്രിയങ്കരീ, സര്വമങ്ഗലകാരിണീ, സര്വകാമപ്രദേ, സര്വദുഃഖവിമോചനീ, സര്വമൃത്യുപ്രശമനി, സര്വവിഘ്നനിവാരിണീ, സര്വാങ്ഗസുന്ദരീ, സര്വസൌഭാഗ്യദായിനീ, സര്വാര്ഥസാധക ചക്രസ്വാമിനീ, കുലോത്തീര്ണയോഗിനീ,

ശ്രീചക്ര ഷഷ്ടാവരണദേവതാഃ

സര്വജ്ഞേ, സര്വശക്തേ, സര്വൈശ്വര്യപ്രദായിനീ, സര്വജ്ഞാനമയീ, സര്വവ്യാധിവിനാശിനീ, സര്വാധാരസ്വരൂപേ, സര്വപാപഹരേ, സര്വാനന്ദമയീ, സര്വരക്ഷാസ്വരൂപിണീ, സര്വേപ്സിതഫലപ്രദേ, സര്വരക്ഷാകരചക്രസ്വാമിനീ, നിഗര്ഭയോഗിനീ,

ശ്രീചക്ര സപ്തമാവരണദേവതാഃ

വശിനീ, കാമേശ്വരീ, മോദിനീ, വിമലേ, അരുണേ, ജയിനീ, സര്വേശ്വരീ, കൌലിനി, സര്വരോഗഹരചക്രസ്വാമിനീ, രഹസ്യയോഗിനീ,

ശ്രീചക്ര അഷ്ടമാവരണദേവതാഃ

ബാണിനീ, ചാപിനീ, പാശിനീ, അങ്കുശിനീ, മഹാകാമേശ്വരീ, മഹാവജ്രേശ്വരീ, മഹാഭഗമാലിനീ, സര്വസിദ്ധിപ്രദചക്രസ്വാമിനീ, അതിരഹസ്യയോഗിനീ,

ശ്രീചക്ര നവമാവരണദേവതാഃ

ശ്രീ ശ്രീ മഹാഭട്ടാരികേ, സര്വാനന്ദമയചക്രസ്വാമിനീ, പരാപരരഹസ്യയോഗിനീ,

നവചക്രേശ്വരീ നാമാനി

ത്രിപുരേ, ത്രിപുരേശീ, ത്രിപുരസുന്ദരീ, ത്രിപുരവാസിനീ, ത്രിപുരാശ്രീഃ, ത്രിപുരമാലിനീ, ത്രിപുരസിദ്ധേ, ത്രിപുരാമ്ബാ, മഹാത്രിപുരസുന്ദരീ,

ശ്രീദേവീ വിശേഷണാനി - നമസ്കാരനവാക്ഷരീച

മഹാമഹേശ്വരീ, മഹാമഹാരാജ്ഞീ, മഹാമഹാശക്തേ, മഹാമഹാഗുപ്തേ, മഹാമഹാജ്ഞപ്തേ, മഹാമഹാനന്ദേ, മഹാമഹാസ്കന്ധേ, മഹാമഹാശയേ, മഹാമഹാ ശ്രീചക്രനഗരസാമ്രാജ്ഞീ, നമസ്തേ നമസ്തേ നമസ്തേ നമഃ ।

ഫലശ്രുതിഃ

ഏഷാ വിദ്യാ മഹാസിദ്ധിദായിനീ സ്മൃതിമാത്രതഃ ।

അഗ്നിവാതമഹാക്ഷോഭേ രാജാരാഷ്ട്രസ്യവിപ്ലവേ ॥

ലുണ്ഠനേ തസ്കരഭയേ സങ്ഗ്രാമേ സലിലപ്ലവേ ।

സമുദ്രയാനവിക്ഷോഭേ ഭൂതപ്രേതാദികേ ഭയേ ॥

അപസ്മാരജ്വരവ്യാധിമൃത്യുക്ഷാമാദിജേഭയേ ।

ശാകിനീ പൂതനായക്ഷരക്ഷഃകൂഷ്മാണ്ഡജേ ഭയേ ॥

മിത്രഭേദേ ഗ്രഹഭയേ വ്യസനേഷ്വാഭിചാരികേ ।

അന്യേഷ്വപി ച ദോഷേഷു മാലാമന്ത്രം സ്മരേന്നരഃ ॥

താദൃശം ഖഡ്ഗമാപ്നോതി യേന ഹസ്തസ്ഥിതേനവൈ ।

അഷ്ടാദശമഹാദ്വീപസമ്രാഡ്ഭോക്താഭവിഷ്യതി ॥

സര്വോപദ്രവനിര്മുക്തസ്സാക്ഷാച്ഛിവമയോഭവേത് ।

ആപത്കാലേ നിത്യപൂജാം വിസ്താരാത്കര്തുമാരഭേത് ॥

ഏകവാരം ജപധ്യാനം സര്വപൂജാഫലം ലഭേത് ।

നവാവരണദേവീനാം ലലിതായാ മഹൌജനഃ ॥

ഏകത്ര ഗണനാരൂപോ വേദവേദാങ്ഗഗോചരഃ ।

സര്വാഗമരഹസ്യാര്ഥഃ സ്മരണാത്പാപനാശിനീ ॥

ലലിതായാമഹേശാന്യാ മാലാ വിദ്യാ മഹീയസീ ।

നരവശ്യം നരേന്ദ്രാണാം വശ്യം നാരീവശങ്കരമ് ॥

അണിമാദിഗുണൈശ്വര്യം രഞ്ജനം പാപഭഞ്ജനമ് ।

തത്തദാവരണസ്ഥായി ദേവതാബൃന്ദമന്ത്രകമ് ॥

മാലാമന്ത്രം പരം ഗുഹ്യം പരം ധാമ പ്രകീര്തിതമ് ।

ശക്തിമാലാ പഞ്ചധാസ്യാച്ഛിവമാലാ ച താദൃശീ ॥

തസ്മാദ്ഗോപ്യതരാദ്ഗോപ്യം രഹസ്യം ഭുക്തിമുക്തിദമ് ॥

॥ ഇതി ശ്രീ വാമകേശ്വരതന്ത്രേ ഉമാമഹേശ്വരസംവാദേ ദേവീഖഡ്ഗമാലാസ്തോത്രരത്നം സമാപ്തമ് ॥