శ్రీ భద్రకాలీ అష్టోత్తర శత నామా స్తోత్రం

శ్రీ భద్రకాలీ అష్టోత్తర శత నామా స్తోత్రం

శ్లోక 1

శ్రీనన్దికేశ్వర ఉవాచ

భద్రకాలీమహం వన్దే వీరభద్రసతీం శివామ్ ।

సుతామ్రార్చితపాదాబ్జం సుఖసౌభాగ్యదాయినీమ్

శ్లోక 2

అథ స్తోత్రమ్

భద్రకాలీ కామరూపా మహావిద్యా యశస్వినీ ।

మహాశ్రయా మహాభాగా దక్షయాగవిభేదినీ

॥ 1 ॥

శ్లోక 3

రుద్రకోపసముద్భూతా భద్రా ముద్రా శివఙ్కరీ ।

చన్ద్రికా చన్ద్రవదనా రోషతామ్రాక్షశోభినీ

॥ 2 ॥

శ్లోక 4

ఇన్ద్రాదిదమనీ శాన్తా చన్ద్రలేఖావిభూషితా ।

భక్తార్తిహారిణీ ముక్తా చణ్డికానన్దదాయినీ

॥ 3 ॥

శ్లోక 5

సౌదామినీ సుధామూర్తిః దివ్యాలఙ్కారభూషితా ।

సువాసినీ సునాసా చ త్రికాలజ్ఞా ధురన్ధరా

॥ 4 ॥

శ్లోక 6

సర్వజ్ఞా సర్వలోకేశీ దేవయోనిరయోనిజా ।

నిర్గుణా నిరహఙ్కారా లోకకల్యాణకారిణీ

॥ 5 ॥

శ్లోక 7

సర్వలోకప్రియా గౌరీ సర్వగర్వవిమర్దినీ ।

తేజోవతీ మహామాతా కోటిసూర్యసమప్రభా

॥ 6 ॥

శ్లోక 8

వీరభద్రకృతానన్దభోగినీ వీరసేవితా ।

నారదాదిమునిస్తుత్యా నిత్యా సత్యా తపస్వినీ

॥ 7 ॥

శ్లోక 9

జ్ఞానరూపా కలాతీతా భక్తాభీష్టఫలప్రదా ।

కైలాసనిలయా శుభ్రా క్షమా శ్రీః సర్వమఙ్గలా

॥ 8 ॥

శ్లోక 10

సిద్ధవిద్యా మహాశక్తిః కామినీ పద్మలోచనా ।

దేవప్రియా దైత్యహన్త్రీ దక్షగర్వాపహారిణీ

॥ 9 ॥

శ్లోక 11

శివశాసనకర్త్రీ చ శైవానన్దవిధాయినీ ।

భవపాశనిహన్త్రీ చ సవనాఙ్గసుకారిణీ

॥ 10 ॥

శ్లోక 12

లమ్బోదరీ మహాకాలీ భీషణాస్యా సురేశ్వరీ ।

మహానిద్రా యోగనిద్రా ప్రజ్ఞా వార్తా క్రియావతీ

॥ 11 ॥

శ్లోక 13

పుత్రపౌత్రప్రదా సాధ్వీ సేనాయుద్ధసుకాఙ్క్షిణీ ।

ఇచ్ఛా శమ్భోః కృపాసిన్ధుః చణ్డీ చణ్డపరాక్రమా

॥ 12 ॥

శ్లోక 14

శోభా భగవతీ మాయా దుర్గా నీలా మనోగతిః ।

ఖేచరీ ఖడ్గినీ చక్రహస్తా శూలవిధారిణీ

॥ 13 ॥

శ్లోక 15

సుబాణా శక్తిహస్తా చ పాదసఞ్చారిణీ పరా ।

తపఃసిద్ధిప్రదా దేవీ వీరభద్రసహాయినీ

॥ 14 ॥

శ్లోక 16

ధనధాన్యకరీ విశ్వా మనోమాలిన్యహారిణీ ।

సునక్షత్రోద్భవకరీ వంశవృద్ధిప్రదాయినీ

॥ 15 ॥

శ్లోక 17

బ్రహ్మాదిసురసంసేవ్యా శాఙ్కరీ ప్రియభాషిణీ ।

భూతప్రేతపిశాచాదిహారిణీ సుమనస్వినీ

॥ 16 ॥

శ్లోక 18

పుణ్యక్షేత్రకృతావాసా ప్రత్యక్షపరమేశ్వరీ ।

ఏవం నామ్నాం భద్రకాల్యాః శతమష్టోత్తరం విదుః

॥ 17 ॥

శ్లోక 19

పుణ్యం యశో దీర్ఘమాయుః పుత్రపౌత్రం ధనం బహు ।

దదాతి దేవీ తస్యాశు యః పఠేత్ స్తోత్రముత్తమమ్

॥ 18 ॥

శ్లోక 20

భౌమవారే భృగౌ చైవ పౌర్ణమాస్యాం విశేషతః ।

ప్రాతః స్నాత్వా నిత్యకర్మ విధాయ చ సుభక్తిమాన్

॥ 19 ॥

శ్లోక 21

వీరభద్రాలయే భద్రాం సమ్పూజ్య సురసేవితామ్ ।

పఠేత్ స్తోత్రమిదం దివ్యం నానా భోగప్రదం శుభమ్

॥ 20 ॥

శ్లోక 22

అభీష్టసిద్ధిం ప్రాప్నోతి శీఘ్రం విద్వాన్ పరన్తప ।

అథవా స్వగృహే వీరభద్రపత్నీం సమర్చయేత్

॥ 21 ॥

శ్లోక 23

స్తోత్రేణానేన విధివత్ సర్వాన్ కామానవాప్నుయాత్ ।

రోగా నశ్యన్తి తస్యాశు యోగసిద్ధిం చ విన్దతి

॥ 22 ॥

శ్లోక 24

సనత్కుమారభక్తానామిదం స్తోత్రం ప్రబోధయ ।

రహస్యం సారభూతం చ సర్వజ్ఞః సమ్భవిష్యసి

॥ 23 ॥

శ్లోక 25

ఇతి శ్రీభద్రకాల్యష్టోత్తరశతనామ స్తోత్రమ్ ।