Sri Annapurna Ashtottara Satanama Stotram

श्री अन्नपूर्णा अष्टोत्तरशत नाम्स्तोत्रम्

श्लोक 1

अस्य श्री अन्नपूर्णाष्टोत्तर शतनामस्तोत्र महामन्त्रस्य ब्रह्मा ऋषिः अनुष्टुप्छन्दः श्री अन्नपूर्णेश्वरी देवता स्वधा बीजं स्वाहा शक्तिः ॐ कीलकं मम सर्वाभीष्टप्रसादसिद्ध्यर्थे जपे विनियोगः ।

ॐ अन्नपूर्णा शिवा देवी भीमा पुष्टिस्सरस्वती ।

सर्वज्ञा पार्वती दुर्गा शर्वाणी शिववल्लभा

श्लोक 2

वेदवेद्या महाविद्या विद्यादात्री विशारदा ।

कुमारी त्रिपुरा बाला लक्ष्मीश्श्रीर्भयहारिणी

॥ 1 ॥

श्लोक 3

भवानी विष्णुजननी ब्रह्मादिजननी तथा ।

गणेशजननी शक्तिः कुमारजननी शुभा

॥ 2 ॥

श्लोक 4

भोगप्रदा भगवती भक्ताभीष्टप्रदायिनी ।

भवरोगहरा भव्या शुभ्रा परममङ्गला

॥ 3 ॥

श्लोक 5

भवानी चञ्चला गौरी चारुचन्द्रकलाधरा ।

विशालाक्षी विश्वमाता विश्ववन्द्या विलासिनी

॥ 4 ॥

श्लोक 6

आर्या कल्याणनिलया रुद्राणी कमलासना ।

शुभप्रदा शुभाऽनन्ता वृत्तपीनपयोधरा

॥ 5 ॥

श्लोक 7

अम्बा संहारमथनी मृडानी सर्वमङ्गला ।

विष्णुसंसेविता सिद्धा ब्रह्माणी सुरसेविता

॥ 6 ॥

श्लोक 8

परमानन्ददा शान्तिः परमानन्दरूपिणी ।

परमानन्दजननी परानन्दप्रदायिनी

॥ 7 ॥

श्लोक 9

परोपकारनिरता परमा भक्तवत्सला ।

पूर्णचन्द्राभवदना पूर्णचन्द्रनिभांशुका

॥ 8 ॥

श्लोक 10

शुभलक्षणसम्पन्ना शुभानन्दगुणार्णवा ।

शुभसौभाग्यनिलया शुभदा च रतिप्रिया

॥ 9 ॥

श्लोक 11

चण्डिका चण्डमथनी चण्डदर्पनिवारिणी ।

मार्ताण्डनयना साध्वी चन्द्राग्निनयना सती

॥ 10 ॥

श्लोक 12

पुण्डरीकहरा पूर्णा पुण्यदा पुण्यरूपिणी ।

मायातीता श्रेष्ठमाया श्रेष्ठधर्मात्मवन्दिता

॥ 11 ॥

श्लोक 13

असृष्टिस्सङ्गरहिता सृष्टिहेतु कपर्दिनी ।

वृषारूढा शूलहस्ता स्थितिसंहारकारिणी

॥ 12 ॥

श्लोक 14

मन्दस्मिता स्कन्दमाता शुद्धचित्ता मुनिस्तुता ।

महाभगवती दक्षा दक्षाध्वरविनाशिनी

॥ 13 ॥

श्लोक 15

सर्वार्थदात्री सावित्री सदाशिवकुटुम्बिनी ।

नित्यसुन्दरसर्वाङ्गी सच्चिदानन्दलक्षणा

॥ 14 ॥

श्लोक 16

नाम्नामष्टोत्तरशतमम्बायाः पुण्यकारणम् ।

सर्वसौभाग्यसिद्ध्यर्थं जपनीयं प्रयत्नतः

॥ 15 ॥

श्लोक 17

इदं जपाधिकारस्तु प्राणमेव ततस्स्तुतः ।

आवहन्तीति मन्त्रेण प्रत्येकं च यथाक्रमम्

॥ 16 ॥

श्लोक 18

कर्तव्यं तर्पणं नित्यं पीठमन्त्रेति मूलवत् ।

तत्तन्मन्त्रेतिहोमेति कर्तव्यश्चेति मालवत्

॥ 17 ॥

श्लोक 19

एतानि दिव्यनामानि श्रुत्वा ध्यात्वा निरन्तरम् ।

स्तुत्वा देवीं च सततं सर्वान्कामानवाप्नुयात्

॥ 18 ॥

श्लोक 20

इति श्री ब्रह्मोत्तरखण्डे आगमप्रख्यातिशिवरहस्ये अन्नपूर्णाष्टोत्तर शतनामस्तोत्रम् ॥