Sri Bagalamukhi Ashtottara Satanama Stotram

श्री बगलामुखी अष्टोत्तर शत नामा स्तोत्रं

श्लोक 1

नारद उवाच

भगवन् देवदेवेश सृष्टिस्थितिलयेश्वर ।

शतमष्टोत्तरं नाम्नां बगलाया वदाधुना

श्लोक 2

श्री भगवानुवाच

शृणु वत्स प्रवक्ष्यामि नाम्नामष्टोत्तरं शतम् ।

पीताम्बर्या महादेव्याः स्तोत्रं पापप्रणाशनम्

॥ 1 ॥

श्लोक 3

यस्य प्रपठनात्सद्यो वादी मूकोभवेत् क्षणात् ।

रिपवस्स्तम्भनं यान्ति सत्यं सत्यं वदाम्यहम्

॥ 2 ॥

श्लोक 4

ॐ अस्य श्रीपीताम्बर्यष्टोत्तरशतनामस्तोत्रस्य सदाशिव ऋषिः अनुष्टुप्छन्दः श्रीपीताम्बरी देवता श्रीपीताम्बरी प्रीतये जपे विनियोगः ।

ॐ बगला विष्णुवनिता विष्णुशङ्करभामिनी ।

बहुला देवमाता च महाविष्णुप्रसूरपि

॥ 3 ॥

श्लोक 5

महामत्स्या महाकूर्मा महावाराहरूपिणी ।

नारसिंहप्रिया रम्या वामना पटुरूपिणी

॥ 4 ॥

श्लोक 6

जामदग्न्यस्वरूपा च रामा रामप्रपूजिता ।

कृष्णा कपर्दिनी कृत्या कलहा च विकारिणी

॥ 5 ॥

श्लोक 7

बुद्धिरूपा बुद्धभार्या बौद्धपाषण्डखण्डिनी ।

कल्किरूपा कलिहरा कलिदुर्गतिनाशिनी

॥ 6 ॥

श्लोक 8

कोटिसूर्यप्रतीकाशा कोटिकन्दर्पमोहिनी ।

केवला कठिना काली कला कैवल्यदायिनी

॥ 7 ॥

श्लोक 9

केशवी केशवाराध्या किशोरी केशवस्तुता ।

रुद्ररूपा रुद्रमूर्ती रुद्राणी रुद्रदेवता

॥ 8 ॥

श्लोक 10

नक्षत्ररूपा नक्षत्रा नक्षत्रेशप्रपूजिता ।

नक्षत्रेशप्रिया नित्या नक्षत्रपतिवन्दिता

॥ 9 ॥

श्लोक 11

नागिनी नागजननी नागराजप्रवन्दिता ।

नागेश्वरी नागकन्या नागरी च नगात्मजा

॥ 10 ॥

श्लोक 12

नगाधिराजतनया नगराजप्रपूजिता ।

नवीना नीरदा पीता श्यामा सौन्दर्यकारिणी

॥ 11 ॥

श्लोक 13

रक्ता नीला घना शुभ्रा श्वेता सौभाग्यदायिनी ।

सुन्दरी सौभगा सौम्या स्वर्णाभा स्वर्गतिप्रदा

॥ 12 ॥

श्लोक 14

रिपुत्रासकरी रेखा शत्रुसंहारकारिणी ।

भामिनी च तथा माया स्तम्भिनी मोहिनी शुभा

॥ 13 ॥

श्लोक 15

रागद्वेषकरी रात्री रौरवध्वंसकारिणी ।

यक्षिणी सिद्धनिवहा सिद्धेशा सिद्धिरूपिणी

॥ 14 ॥

श्लोक 16

लङ्कापतिध्वंसकरी लङ्केशरिपुवन्दिता ।

लङ्कानाथकुलहरा महारावणहारिणी

॥ 15 ॥

श्लोक 17

देवदानवसिद्धौघपूजितापरमेश्वरी ।

पराणुरूपा परमा परतन्त्रविनाशिनी

॥ 16 ॥

श्लोक 18

वरदा वरदाराध्या वरदानपरायणा ।

वरदेशप्रिया वीरा वीरभूषणभूषिता

॥ 17 ॥

श्लोक 19

वसुदा बहुदा वाणी ब्रह्मरूपा वरानना ।

बलदा पीतवसना पीतभूषणभूषिता

॥ 18 ॥

श्लोक 20

पीतपुष्पप्रिया पीतहारा पीतस्वरूपिणी ।

इति ते कथितं विप्र नाम्नामष्टोत्तरं शतम्

॥ 19 ॥

श्लोक 21

यः पठेत्पाठयेद्वापि शृणुयाद्वा समाहितः ।

तस्य शत्रुः क्षयं सद्यो याति नैवात्र संशयः

॥ 20 ॥

श्लोक 22

प्रभातकाले प्रयतो मनुष्यः

पठेत्सुभक्त्या परिचिन्त्य पीताम् ।

ध्रुवं भवेत्तस्य समस्तवृद्धिः

विनाशमायाति च तस्य शत्रुः

॥ 21 ॥

श्लोक 23

इति श्रीविष्णुयामले नारदविष्णुसंवादे श्रीबगलाष्टोत्तरशतनामस्तोत्रम् ।