ಶ್ರೀ ಭದ್ರಕಾಲೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

ಶ್ರೀ ಭದ್ರಕಾಲೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

ಶ್ಲೋಕ 1

ಶ್ರೀನನ್ದಿಕೇಶ್ವರ ಉವಾಚ

ಭದ್ರಕಾಲೀಮಹಂ ವನ್ದೇ ವೀರಭದ್ರಸತೀಂ ಶಿವಾಮ್ ।

ಸುತಾಮ್ರಾರ್ಚಿತಪಾದಾಬ್ಜಂ ಸುಖಸೌಭಾಗ್ಯದಾಯಿನೀಮ್

ಶ್ಲೋಕ 2

ಅಥ ಸ್ತೋತ್ರಮ್

ಭದ್ರಕಾಲೀ ಕಾಮರೂಪಾ ಮಹಾವಿದ್ಯಾ ಯಶಸ್ವಿನೀ ।

ಮಹಾಶ್ರಯಾ ಮಹಾಭಾಗಾ ದಕ್ಷಯಾಗವಿಭೇದಿನೀ

॥ 1 ॥

ಶ್ಲೋಕ 3

ರುದ್ರಕೋಪಸಮುದ್ಭೂತಾ ಭದ್ರಾ ಮುದ್ರಾ ಶಿವಙ್ಕರೀ ।

ಚನ್ದ್ರಿಕಾ ಚನ್ದ್ರವದನಾ ರೋಷತಾಮ್ರಾಕ್ಷಶೋಭಿನೀ

॥ 2 ॥

ಶ್ಲೋಕ 4

ಇನ್ದ್ರಾದಿದಮನೀ ಶಾನ್ತಾ ಚನ್ದ್ರಲೇಖಾವಿಭೂಷಿತಾ ।

ಭಕ್ತಾರ್ತಿಹಾರಿಣೀ ಮುಕ್ತಾ ಚಣ್ಡಿಕಾನನ್ದದಾಯಿನೀ

॥ 3 ॥

ಶ್ಲೋಕ 5

ಸೌದಾಮಿನೀ ಸುಧಾಮೂರ್ತಿಃ ದಿವ್ಯಾಲಙ್ಕಾರಭೂಷಿತಾ ।

ಸುವಾಸಿನೀ ಸುನಾಸಾ ಚ ತ್ರಿಕಾಲಜ್ಞಾ ಧುರನ್ಧರಾ

॥ 4 ॥

ಶ್ಲೋಕ 6

ಸರ್ವಜ್ಞಾ ಸರ್ವಲೋಕೇಶೀ ದೇವಯೋನಿರಯೋನಿಜಾ ।

ನಿರ್ಗುಣಾ ನಿರಹಙ್ಕಾರಾ ಲೋಕಕಲ್ಯಾಣಕಾರಿಣೀ

॥ 5 ॥

ಶ್ಲೋಕ 7

ಸರ್ವಲೋಕಪ್ರಿಯಾ ಗೌರೀ ಸರ್ವಗರ್ವವಿಮರ್ದಿನೀ ।

ತೇಜೋವತೀ ಮಹಾಮಾತಾ ಕೋಟಿಸೂರ್ಯಸಮಪ್ರಭಾ

॥ 6 ॥

ಶ್ಲೋಕ 8

ವೀರಭದ್ರಕೃತಾನನ್ದಭೋಗಿನೀ ವೀರಸೇವಿತಾ ।

ನಾರದಾದಿಮುನಿಸ್ತುತ್ಯಾ ನಿತ್ಯಾ ಸತ್ಯಾ ತಪಸ್ವಿನೀ

॥ 7 ॥

ಶ್ಲೋಕ 9

ಜ್ಞಾನರೂಪಾ ಕಲಾತೀತಾ ಭಕ್ತಾಭೀಷ್ಟಫಲಪ್ರದಾ ।

ಕೈಲಾಸನಿಲಯಾ ಶುಭ್ರಾ ಕ್ಷಮಾ ಶ್ರೀಃ ಸರ್ವಮಙ್ಗಲಾ

॥ 8 ॥

ಶ್ಲೋಕ 10

ಸಿದ್ಧವಿದ್ಯಾ ಮಹಾಶಕ್ತಿಃ ಕಾಮಿನೀ ಪದ್ಮಲೋಚನಾ ।

ದೇವಪ್ರಿಯಾ ದೈತ್ಯಹನ್ತ್ರೀ ದಕ್ಷಗರ್ವಾಪಹಾರಿಣೀ

॥ 9 ॥

ಶ್ಲೋಕ 11

ಶಿವಶಾಸನಕರ್ತ್ರೀ ಚ ಶೈವಾನನ್ದವಿಧಾಯಿನೀ ।

ಭವಪಾಶನಿಹನ್ತ್ರೀ ಚ ಸವನಾಙ್ಗಸುಕಾರಿಣೀ

॥ 10 ॥

ಶ್ಲೋಕ 12

ಲಮ್ಬೋದರೀ ಮಹಾಕಾಲೀ ಭೀಷಣಾಸ್ಯಾ ಸುರೇಶ್ವರೀ ।

ಮಹಾನಿದ್ರಾ ಯೋಗನಿದ್ರಾ ಪ್ರಜ್ಞಾ ವಾರ್ತಾ ಕ್ರಿಯಾವತೀ

॥ 11 ॥

ಶ್ಲೋಕ 13

ಪುತ್ರಪೌತ್ರಪ್ರದಾ ಸಾಧ್ವೀ ಸೇನಾಯುದ್ಧಸುಕಾಙ್ಕ್ಷಿಣೀ ।

ಇಚ್ಛಾ ಶಮ್ಭೋಃ ಕೃಪಾಸಿನ್ಧುಃ ಚಣ್ಡೀ ಚಣ್ಡಪರಾಕ್ರಮಾ

॥ 12 ॥

ಶ್ಲೋಕ 14

ಶೋಭಾ ಭಗವತೀ ಮಾಯಾ ದುರ್ಗಾ ನೀಲಾ ಮನೋಗತಿಃ ।

ಖೇಚರೀ ಖಡ್ಗಿನೀ ಚಕ್ರಹಸ್ತಾ ಶೂಲವಿಧಾರಿಣೀ

॥ 13 ॥

ಶ್ಲೋಕ 15

ಸುಬಾಣಾ ಶಕ್ತಿಹಸ್ತಾ ಚ ಪಾದಸಞ್ಚಾರಿಣೀ ಪರಾ ।

ತಪಃಸಿದ್ಧಿಪ್ರದಾ ದೇವೀ ವೀರಭದ್ರಸಹಾಯಿನೀ

॥ 14 ॥

ಶ್ಲೋಕ 16

ಧನಧಾನ್ಯಕರೀ ವಿಶ್ವಾ ಮನೋಮಾಲಿನ್ಯಹಾರಿಣೀ ।

ಸುನಕ್ಷತ್ರೋದ್ಭವಕರೀ ವಂಶವೃದ್ಧಿಪ್ರದಾಯಿನೀ

॥ 15 ॥

ಶ್ಲೋಕ 17

ಬ್ರಹ್ಮಾದಿಸುರಸಂಸೇವ್ಯಾ ಶಾಙ್ಕರೀ ಪ್ರಿಯಭಾಷಿಣೀ ।

ಭೂತಪ್ರೇತಪಿಶಾಚಾದಿಹಾರಿಣೀ ಸುಮನಸ್ವಿನೀ

॥ 16 ॥

ಶ್ಲೋಕ 18

ಪುಣ್ಯಕ್ಷೇತ್ರಕೃತಾವಾಸಾ ಪ್ರತ್ಯಕ್ಷಪರಮೇಶ್ವರೀ ।

ಏವಂ ನಾಮ್ನಾಂ ಭದ್ರಕಾಲ್ಯಾಃ ಶತಮಷ್ಟೋತ್ತರಂ ವಿದುಃ

॥ 17 ॥

ಶ್ಲೋಕ 19

ಪುಣ್ಯಂ ಯಶೋ ದೀರ್ಘಮಾಯುಃ ಪುತ್ರಪೌತ್ರಂ ಧನಂ ಬಹು ।

ದದಾತಿ ದೇವೀ ತಸ್ಯಾಶು ಯಃ ಪಠೇತ್ ಸ್ತೋತ್ರಮುತ್ತಮಮ್

॥ 18 ॥

ಶ್ಲೋಕ 20

ಭೌಮವಾರೇ ಭೃಗೌ ಚೈವ ಪೌರ್ಣಮಾಸ್ಯಾಂ ವಿಶೇಷತಃ ।

ಪ್ರಾತಃ ಸ್ನಾತ್ವಾ ನಿತ್ಯಕರ್ಮ ವಿಧಾಯ ಚ ಸುಭಕ್ತಿಮಾನ್

॥ 19 ॥

ಶ್ಲೋಕ 21

ವೀರಭದ್ರಾಲಯೇ ಭದ್ರಾಂ ಸಮ್ಪೂಜ್ಯ ಸುರಸೇವಿತಾಮ್ ।

ಪಠೇತ್ ಸ್ತೋತ್ರಮಿದಂ ದಿವ್ಯಂ ನಾನಾ ಭೋಗಪ್ರದಂ ಶುಭಮ್

॥ 20 ॥

ಶ್ಲೋಕ 22

ಅಭೀಷ್ಟಸಿದ್ಧಿಂ ಪ್ರಾಪ್ನೋತಿ ಶೀಘ್ರಂ ವಿದ್ವಾನ್ ಪರನ್ತಪ ।

ಅಥವಾ ಸ್ವಗೃಹೇ ವೀರಭದ್ರಪತ್ನೀಂ ಸಮರ್ಚಯೇತ್

॥ 21 ॥

ಶ್ಲೋಕ 23

ಸ್ತೋತ್ರೇಣಾನೇನ ವಿಧಿವತ್ ಸರ್ವಾನ್ ಕಾಮಾನವಾಪ್ನುಯಾತ್ ।

ರೋಗಾ ನಶ್ಯನ್ತಿ ತಸ್ಯಾಶು ಯೋಗಸಿದ್ಧಿಂ ಚ ವಿನ್ದತಿ

॥ 22 ॥

ಶ್ಲೋಕ 24

ಸನತ್ಕುಮಾರಭಕ್ತಾನಾಮಿದಂ ಸ್ತೋತ್ರಂ ಪ್ರಬೋಧಯ ।

ರಹಸ್ಯಂ ಸಾರಭೂತಂ ಚ ಸರ್ವಜ್ಞಃ ಸಮ್ಭವಿಷ್ಯಸಿ

॥ 23 ॥

ಶ್ಲೋಕ 25

ಇತಿ ಶ್ರೀಭದ್ರಕಾಲ್ಯಷ್ಟೋತ್ತರಶತನಾಮ ಸ್ತೋತ್ರಮ್ ।