শ্রী ভদ্রকালী অষ্টোত্তর শত নামা স্তোত্রং

শ্রী ভদ্রকালী অষ্টোত্তর শত নামা স্তোত্রং

শ্লোক 1

শ্রীনন্দিকেশ্বর উবাচ

ভদ্রকালীমহং বন্দে বীরভদ্রসতীং শিবাম্ ।

সুতাম্রার্চিতপাদাব্জং সুখসৌভাগ্যদাযিনীম্

শ্লোক 2

অথ স্তোত্রম্

ভদ্রকালী কামরূপা মহাবিদ্যা যশস্বিনী ।

মহাশ্রযা মহাভাগা দক্ষযাগবিভেদিনী

॥ 1 ॥

শ্লোক 3

রুদ্রকোপসমুদ্ভূতা ভদ্রা মুদ্রা শিবঙ্করী ।

চন্দ্রিকা চন্দ্রবদনা রোষতাম্রাক্ষশোভিনী

॥ 2 ॥

শ্লোক 4

ইন্দ্রাদিদমনী শান্তা চন্দ্রলেখাবিভূষিতা ।

ভক্তার্তিহারিণী মুক্তা চণ্ডিকানন্দদাযিনী

॥ 3 ॥

শ্লোক 5

সৌদামিনী সুধামূর্তিঃ দিব্যালঙ্কারভূষিতা ।

সুবাসিনী সুনাসা চ ত্রিকালজ্ঞা ধুরন্ধরা

॥ 4 ॥

শ্লোক 6

সর্বজ্ঞা সর্বলোকেশী দেবযোনিরযোনিজা ।

নির্গুণা নিরহঙ্কারা লোককল্যাণকারিণী

॥ 5 ॥

শ্লোক 7

সর্বলোকপ্রিযা গৌরী সর্বগর্ববিমর্দিনী ।

তেজোবতী মহামাতা কোটিসূর্যসমপ্রভা

॥ 6 ॥

শ্লোক 8

বীরভদ্রকৃতানন্দভোগিনী বীরসেবিতা ।

নারদাদিমুনিস্তুত্যা নিত্যা সত্যা তপস্বিনী

॥ 7 ॥

শ্লোক 9

জ্ঞানরূপা কলাতীতা ভক্তাভীষ্টফলপ্রদা ।

কৈলাসনিলযা শুভ্রা ক্ষমা শ্রীঃ সর্বমঙ্গলা

॥ 8 ॥

শ্লোক 10

সিদ্ধবিদ্যা মহাশক্তিঃ কামিনী পদ্মলোচনা ।

দেবপ্রিযা দৈত্যহন্ত্রী দক্ষগর্বাপহারিণী

॥ 9 ॥

শ্লোক 11

শিবশাসনকর্ত্রী চ শৈবানন্দবিধাযিনী ।

ভবপাশনিহন্ত্রী চ সবনাঙ্গসুকারিণী

॥ 10 ॥

শ্লোক 12

লম্বোদরী মহাকালী ভীষণাস্যা সুরেশ্বরী ।

মহানিদ্রা যোগনিদ্রা প্রজ্ঞা বার্তা ক্রিযাবতী

॥ 11 ॥

শ্লোক 13

পুত্রপৌত্রপ্রদা সাধ্বী সেনাযুদ্ধসুকাঙ্ক্ষিণী ।

ইচ্ছা শম্ভোঃ কৃপাসিন্ধুঃ চণ্ডী চণ্ডপরাক্রমা

॥ 12 ॥

শ্লোক 14

শোভা ভগবতী মাযা দুর্গা নীলা মনোগতিঃ ।

খেচরী খড্গিনী চক্রহস্তা শূলবিধারিণী

॥ 13 ॥

শ্লোক 15

সুবাণা শক্তিহস্তা চ পাদসঞ্চারিণী পরা ।

তপঃসিদ্ধিপ্রদা দেবী বীরভদ্রসহাযিনী

॥ 14 ॥

শ্লোক 16

ধনধান্যকরী বিশ্বা মনোমালিন্যহারিণী ।

সুনক্ষত্রোদ্ভবকরী বংশবৃদ্ধিপ্রদাযিনী

॥ 15 ॥

শ্লোক 17

ব্রহ্মাদিসুরসংসেব্যা শাঙ্করী প্রিযভাষিণী ।

ভূতপ্রেতপিশাচাদিহারিণী সুমনস্বিনী

॥ 16 ॥

শ্লোক 18

পুণ্যক্ষেত্রকৃতাবাসা প্রত্যক্ষপরমেশ্বরী ।

এবং নাম্নাং ভদ্রকাল্যাঃ শতমষ্টোত্তরং বিদুঃ

॥ 17 ॥

শ্লোক 19

পুণ্যং যশো দীর্ঘমাযুঃ পুত্রপৌত্রং ধনং বহু ।

দদাতি দেবী তস্যাশু যঃ পঠেত্ স্তোত্রমুত্তমম্

॥ 18 ॥

শ্লোক 20

ভৌমবারে ভৃগৌ চৈব পৌর্ণমাস্যাং বিশেষতঃ ।

প্রাতঃ স্নাত্বা নিত্যকর্ম বিধায চ সুভক্তিমান্

॥ 19 ॥

শ্লোক 21

বীরভদ্রালযে ভদ্রাং সম্পূজ্য সুরসেবিতাম্ ।

পঠেত্ স্তোত্রমিদং দিব্যং নানা ভোগপ্রদং শুভম্

॥ 20 ॥

শ্লোক 22

অভীষ্টসিদ্ধিং প্রাপ্নোতি শীঘ্রং বিদ্বান্ পরন্তপ ।

অথবা স্বগৃহে বীরভদ্রপত্নীং সমর্চযেত্

॥ 21 ॥

শ্লোক 23

স্তোত্রেণানেন বিধিবত্ সর্বান্ কামানবাপ্নুযাত্ ।

রোগা নশ্যন্তি তস্যাশু যোগসিদ্ধিং চ বিন্দতি

॥ 22 ॥

শ্লোক 24

সনত্কুমারভক্তানামিদং স্তোত্রং প্রবোধয ।

রহস্যং সারভূতং চ সর্বজ্ঞঃ সম্ভবিষ্যসি

॥ 23 ॥

শ্লোক 25

ইতি শ্রীভদ্রকাল্যষ্টোত্তরশতনাম স্তোত্রম্ ।