ಶ್ರೀ ಬಗಲಾಮುಖೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

ಶ್ರೀ ಬಗಲಾಮುಖೀ ಅಷ್ಟೋತ್ತರ ಶತ ನಾಮಾ ಸ್ತೋತ್ರಂ

ಶ್ಲೋಕ 1

ನಾರದ ಉವಾಚ

ಭಗವನ್ ದೇವದೇವೇಶ ಸೃಷ್ಟಿಸ್ಥಿತಿಲಯೇಶ್ವರ ।

ಶತಮಷ್ಟೋತ್ತರಂ ನಾಮ್ನಾಂ ಬಗಲಾಯಾ ವದಾಧುನಾ

ಶ್ಲೋಕ 2

ಶ್ರೀ ಭಗವಾನುವಾಚ

ಶೃಣು ವತ್ಸ ಪ್ರವಕ್ಷ್ಯಾಮಿ ನಾಮ್ನಾಮಷ್ಟೋತ್ತರಂ ಶತಮ್ ।

ಪೀತಾಮ್ಬರ್ಯಾ ಮಹಾದೇವ್ಯಾಃ ಸ್ತೋತ್ರಂ ಪಾಪಪ್ರಣಾಶನಮ್

॥ 1 ॥

ಶ್ಲೋಕ 3

ಯಸ್ಯ ಪ್ರಪಠನಾತ್ಸದ್ಯೋ ವಾದೀ ಮೂಕೋಭವೇತ್ ಕ್ಷಣಾತ್ ।

ರಿಪವಸ್ಸ್ತಮ್ಭನಂ ಯಾನ್ತಿ ಸತ್ಯಂ ಸತ್ಯಂ ವದಾಮ್ಯಹಮ್

॥ 2 ॥

ಶ್ಲೋಕ 4

ಓಂ ಅಸ್ಯ ಶ್ರೀಪೀತಾಮ್ಬರ್ಯಷ್ಟೋತ್ತರಶತನಾಮಸ್ತೋತ್ರಸ್ಯ ಸದಾಶಿವ ಋಷಿಃ ಅನುಷ್ಟುಪ್ಛನ್ದಃ ಶ್ರೀಪೀತಾಮ್ಬರೀ ದೇವತಾ ಶ್ರೀಪೀತಾಮ್ಬರೀ ಪ್ರೀತಯೇ ಜಪೇ ವಿನಿಯೋಗಃ ।

ಓಂ ಬಗಲಾ ವಿಷ್ಣುವನಿತಾ ವಿಷ್ಣುಶಙ್ಕರಭಾಮಿನೀ ।

ಬಹುಲಾ ದೇವಮಾತಾ ಚ ಮಹಾವಿಷ್ಣುಪ್ರಸೂರಪಿ

॥ 3 ॥

ಶ್ಲೋಕ 5

ಮಹಾಮತ್ಸ್ಯಾ ಮಹಾಕೂರ್ಮಾ ಮಹಾವಾರಾಹರೂಪಿಣೀ ।

ನಾರಸಿಂಹಪ್ರಿಯಾ ರಮ್ಯಾ ವಾಮನಾ ಪಟುರೂಪಿಣೀ

॥ 4 ॥

ಶ್ಲೋಕ 6

ಜಾಮದಗ್ನ್ಯಸ್ವರೂಪಾ ಚ ರಾಮಾ ರಾಮಪ್ರಪೂಜಿತಾ ।

ಕೃಷ್ಣಾ ಕಪರ್ದಿನೀ ಕೃತ್ಯಾ ಕಲಹಾ ಚ ವಿಕಾರಿಣೀ

॥ 5 ॥

ಶ್ಲೋಕ 7

ಬುದ್ಧಿರೂಪಾ ಬುದ್ಧಭಾರ್ಯಾ ಬೌದ್ಧಪಾಷಣ್ಡಖಣ್ಡಿನೀ ।

ಕಲ್ಕಿರೂಪಾ ಕಲಿಹರಾ ಕಲಿದುರ್ಗತಿನಾಶಿನೀ

॥ 6 ॥

ಶ್ಲೋಕ 8

ಕೋಟಿಸೂರ್ಯಪ್ರತೀಕಾಶಾ ಕೋಟಿಕನ್ದರ್ಪಮೋಹಿನೀ ।

ಕೇವಲಾ ಕಠಿನಾ ಕಾಲೀ ಕಲಾ ಕೈವಲ್ಯದಾಯಿನೀ

॥ 7 ॥

ಶ್ಲೋಕ 9

ಕೇಶವೀ ಕೇಶವಾರಾಧ್ಯಾ ಕಿಶೋರೀ ಕೇಶವಸ್ತುತಾ ।

ರುದ್ರರೂಪಾ ರುದ್ರಮೂರ್ತೀ ರುದ್ರಾಣೀ ರುದ್ರದೇವತಾ

॥ 8 ॥

ಶ್ಲೋಕ 10

ನಕ್ಷತ್ರರೂಪಾ ನಕ್ಷತ್ರಾ ನಕ್ಷತ್ರೇಶಪ್ರಪೂಜಿತಾ ।

ನಕ್ಷತ್ರೇಶಪ್ರಿಯಾ ನಿತ್ಯಾ ನಕ್ಷತ್ರಪತಿವನ್ದಿತಾ

॥ 9 ॥

ಶ್ಲೋಕ 11

ನಾಗಿನೀ ನಾಗಜನನೀ ನಾಗರಾಜಪ್ರವನ್ದಿತಾ ।

ನಾಗೇಶ್ವರೀ ನಾಗಕನ್ಯಾ ನಾಗರೀ ಚ ನಗಾತ್ಮಜಾ

॥ 10 ॥

ಶ್ಲೋಕ 12

ನಗಾಧಿರಾಜತನಯಾ ನಗರಾಜಪ್ರಪೂಜಿತಾ ।

ನವೀನಾ ನೀರದಾ ಪೀತಾ ಶ್ಯಾಮಾ ಸೌನ್ದರ್ಯಕಾರಿಣೀ

॥ 11 ॥

ಶ್ಲೋಕ 13

ರಕ್ತಾ ನೀಲಾ ಘನಾ ಶುಭ್ರಾ ಶ್ವೇತಾ ಸೌಭಾಗ್ಯದಾಯಿನೀ ।

ಸುನ್ದರೀ ಸೌಭಗಾ ಸೌಮ್ಯಾ ಸ್ವರ್ಣಾಭಾ ಸ್ವರ್ಗತಿಪ್ರದಾ

॥ 12 ॥

ಶ್ಲೋಕ 14

ರಿಪುತ್ರಾಸಕರೀ ರೇಖಾ ಶತ್ರುಸಂಹಾರಕಾರಿಣೀ ।

ಭಾಮಿನೀ ಚ ತಥಾ ಮಾಯಾ ಸ್ತಮ್ಭಿನೀ ಮೋಹಿನೀ ಶುಭಾ

॥ 13 ॥

ಶ್ಲೋಕ 15

ರಾಗದ್ವೇಷಕರೀ ರಾತ್ರೀ ರೌರವಧ್ವಂಸಕಾರಿಣೀ ।

ಯಕ್ಷಿಣೀ ಸಿದ್ಧನಿವಹಾ ಸಿದ್ಧೇಶಾ ಸಿದ್ಧಿರೂಪಿಣೀ

॥ 14 ॥

ಶ್ಲೋಕ 16

ಲಙ್ಕಾಪತಿಧ್ವಂಸಕರೀ ಲಙ್ಕೇಶರಿಪುವನ್ದಿತಾ ।

ಲಙ್ಕಾನಾಥಕುಲಹರಾ ಮಹಾರಾವಣಹಾರಿಣೀ

॥ 15 ॥

ಶ್ಲೋಕ 17

ದೇವದಾನವಸಿದ್ಧೌಘಪೂಜಿತಾಪರಮೇಶ್ವರೀ ।

ಪರಾಣುರೂಪಾ ಪರಮಾ ಪರತನ್ತ್ರವಿನಾಶಿನೀ

॥ 16 ॥

ಶ್ಲೋಕ 18

ವರದಾ ವರದಾರಾಧ್ಯಾ ವರದಾನಪರಾಯಣಾ ।

ವರದೇಶಪ್ರಿಯಾ ವೀರಾ ವೀರಭೂಷಣಭೂಷಿತಾ

॥ 17 ॥

ಶ್ಲೋಕ 19

ವಸುದಾ ಬಹುದಾ ವಾಣೀ ಬ್ರಹ್ಮರೂಪಾ ವರಾನನಾ ।

ಬಲದಾ ಪೀತವಸನಾ ಪೀತಭೂಷಣಭೂಷಿತಾ

॥ 18 ॥

ಶ್ಲೋಕ 20

ಪೀತಪುಷ್ಪಪ್ರಿಯಾ ಪೀತಹಾರಾ ಪೀತಸ್ವರೂಪಿಣೀ ।

ಇತಿ ತೇ ಕಥಿತಂ ವಿಪ್ರ ನಾಮ್ನಾಮಷ್ಟೋತ್ತರಂ ಶತಮ್

॥ 19 ॥

ಶ್ಲೋಕ 21

ಯಃ ಪಠೇತ್ಪಾಠಯೇದ್ವಾಪಿ ಶೃಣುಯಾದ್ವಾ ಸಮಾಹಿತಃ ।

ತಸ್ಯ ಶತ್ರುಃ ಕ್ಷಯಂ ಸದ್ಯೋ ಯಾತಿ ನೈವಾತ್ರ ಸಂಶಯಃ

॥ 20 ॥

ಶ್ಲೋಕ 22

ಪ್ರಭಾತಕಾಲೇ ಪ್ರಯತೋ ಮನುಷ್ಯಃ

ಪಠೇತ್ಸುಭಕ್ತ್ಯಾ ಪರಿಚಿನ್ತ್ಯ ಪೀತಾಮ್ ।

ಧ್ರುವಂ ಭವೇತ್ತಸ್ಯ ಸಮಸ್ತವೃದ್ಧಿಃ

ವಿನಾಶಮಾಯಾತಿ ಚ ತಸ್ಯ ಶತ್ರುಃ

॥ 21 ॥

ಶ್ಲೋಕ 23

ಇತಿ ಶ್ರೀವಿಷ್ಣುಯಾಮಲೇ ನಾರದವಿಷ್ಣುಸಂವಾದೇ ಶ್ರೀಬಗಲಾಷ್ಟೋತ್ತರಶತನಾಮಸ್ತೋತ್ರಮ್ ।