ശിവ മാനസ പൂജ

ശിവ മാനസ പൂജ

ശ്ലോക 1

രത്നൈഃ കല്പിതമാസനം ഹിമജലൈഃ സ്നാനം ച ദിവ്യാമ്ബരം

നാനാരത്ന വിഭൂഷിതം മൃഗമദാ മോദാങ്കിതം ചന്ദനമ് ।

ജാതീ ചമ്പക ബില്വപത്ര രചിതം പുഷ്പം ച ധൂപം തഥാ

ദീപം ദേവ ദയാനിധേ പശുപതേ ഹൃത്കല്പിതം ഗൃഹ്യതാമ്

ശ്ലോക 2

സൌവര്ണേ നവരത്നഖണ്ഡ രചിതേ പാത്രേ ഘൃതം പായസം

ഭക്ഷ്യം പഞ്ചവിധം പയോദധിയുതം രമ്ഭാഫലം പാനകമ് ।

ശാകാനാമയുതം ജലം രുചികരം കര്പൂര ഖണ്ഡോജ്ജ്ചലം

താമ്ബൂലം മനസാ മയാ വിരചിതം ഭക്ത്യാ പ്രഭോ സ്വീകുരു

॥ 1 ॥

ശ്ലോക 3

ഛത്രം ചാമരയോര്യുഗം വ്യജനകം ചാദര്ശകം നിര്മലം

വീണാ ഭേരി മൃദങ്ഗ കാഹലകലാ ഗീതം ച നൃത്യം തഥാ ।

സാഷ്ടാങ്ഗം പ്രണതിഃ സ്തുതി-ര്ബഹുവിധാ-ഹ്യേതത്-സമസ്തം മയാ

സങ്കല്പേന സമര്പിതം തവ വിഭോ പൂജാം ഗൃഹാണ പ്രഭോ

॥ 2 ॥

ശ്ലോക 4

ആത്മാ ത്വം ഗിരിജാ മതിഃ സഹചരാഃ പ്രാണാഃ ശരീരം ഗൃഹം

പൂജാ തേ വിഷയോപഭോഗ-രചനാ നിദ്രാ സമാധിസ്ഥിതിഃ ।

സഞ്ചാരഃ പദയോഃ പ്രദക്ഷിണവിധിഃ സ്തോത്രാണി സര്വാ ഗിരോ

യദ്യത്കര്മ കരോമി തത്തദഖിലം ശമ്ഭോ തവാരാധനമ്

॥ 3 ॥

ശ്ലോക 5

കര ചരണ കൃതം വാക്കായജം കര്മജം വാ

ശ്രവണ നയനജം വാ മാനസം വാപരാധമ് ।

വിഹിതമവിഹിതം വാ സര്വമേതത്-ക്ഷമസ്വ

ജയ ജയ കരുണാബ്ധേ ശ്രീ മഹാദേവ ശമ്ഭോ

॥ 4 ॥

ശ്ലോക 6