શિવ માનસ પૂજ

શિવ માનસ પૂજ

શ્લોક 1

રત્નૈઃ કલ્પિતમાસનં હિમજલૈઃ સ્નાનં ચ દિવ્યામ્બરં

નાનારત્ન વિભૂષિતં મૃગમદા મોદાઙ્કિતં ચન્દનમ્ ।

જાતી ચમ્પક બિલ્વપત્ર રચિતં પુષ્પં ચ ધૂપં તથા

દીપં દેવ દયાનિધે પશુપતે હૃત્કલ્પિતં ગૃહ્યતામ્

શ્લોક 2

સૌવર્ણે નવરત્નખણ્ડ રચિતે પાત્રે ઘૃતં પાયસં

ભક્ષ્યં પઞ્ચવિધં પયોદધિયુતં રમ્ભાફલં પાનકમ્ ।

શાકાનામયુતં જલં રુચિકરં કર્પૂર ખણ્ડોજ્જ્ચલં

તામ્બૂલં મનસા મયા વિરચિતં ભક્ત્યા પ્રભો સ્વીકુરુ

॥ 1 ॥

શ્લોક 3

છત્રં ચામરયોર્યુગં વ્યજનકં ચાદર્શકં નિર્મલં

વીણા ભેરિ મૃદઙ્ગ કાહલકલા ગીતં ચ નૃત્યં તથા ।

સાષ્ટાઙ્ગં પ્રણતિઃ સ્તુતિ-ર્બહુવિધા-હ્યેતત્-સમસ્તં મયા

સઙ્કલ્પેન સમર્પિતં તવ વિભો પૂજાં ગૃહાણ પ્રભો

॥ 2 ॥

શ્લોક 4

આત્મા ત્વં ગિરિજા મતિઃ સહચરાઃ પ્રાણાઃ શરીરં ગૃહં

પૂજા તે વિષયોપભોગ-રચના નિદ્રા સમાધિસ્થિતિઃ ।

સઞ્ચારઃ પદયોઃ પ્રદક્ષિણવિધિઃ સ્તોત્રાણિ સર્વા ગિરો

યદ્યત્કર્મ કરોમિ તત્તદખિલં શમ્ભો તવારાધનમ્

॥ 3 ॥

શ્લોક 5

કર ચરણ કૃતં વાક્કાયજં કર્મજં વા

શ્રવણ નયનજં વા માનસં વાપરાધમ્ ।

વિહિતમવિહિતં વા સર્વમેતત્-ક્ષમસ્વ

જય જય કરુણાબ્ધે શ્રી મહાદેવ શમ્ભો

॥ 4 ॥

શ્લોક 6