శివ భుజఙ్గ స్తోత్రమ్

శివ భుజఙ్గ స్తోత్రమ్

శ్లోక 1

గలద్దానగణ్డం మిలద్భృఙ్గషణ్డం

చలచ్చారుశుణ్డం జగత్త్రాణశౌణ్డమ్ ।

కనద్దన్తకాణ్డం విపద్భఙ్గచణ్డం

శివప్రేమపిణ్డం భజే వక్రతుణ్డమ్

శ్లోక 2

అనాద్యన్తమాద్యం పరం తత్త్వమర్థం

చిదాకారమేకం తురీయం త్వమేయమ్ ।

హరిబ్రహ్మమృగ్యం పరబ్రహ్మరూపం

మనోవాగతీతం మహఃశైవమీడే

॥ 1 ॥

శ్లోక 3

స్వశక్త్యాది శక్త్యన్త సింహాసనస్థం

మనోహారి సర్వాఙ్గరత్నోరుభూషమ్ ।

జటాహీన్దుగఙ్గాస్థిశమ్యాకమౌలిం

పరాశక్తిమిత్రం నమః పఞ్చవక్త్రమ్

॥ 2 ॥

శ్లోక 4

శివేశానతత్పూరుషాఘోరవామాదిభిః

పఞ్చభిర్హృన్ముఖైః షడ్భిరఙ్గైః ।

అనౌపమ్య షట్త్రింశతం తత్త్వవిద్యామతీతం

పరం త్వాం కథం వేత్తి కో వా

॥ 3 ॥

శ్లోక 5

ప్రవాలప్రవాహప్రభాశోణమర్ధం

మరుత్వన్మణి శ్రీమహః శ్యామమర్ధమ్ ।

గుణస్యూతమేతద్వపుః శైవమన్తః

స్మరామి స్మరాపత్తిసమ్పత్తిహేతోః

॥ 4 ॥

శ్లోక 6

స్వసేవాసమాయాతదేవాసురేన్ద్రా

నమన్మౌలిమన్దారమాలాభిషిక్తమ్ ।

నమస్యామి శమ్భో పదామ్భోరుహం తే

భవామ్భోధిపోతం భవానీ విభావ్యమ్

॥ 5 ॥

శ్లోక 7

జగన్నాథ మన్నాథ గౌరీసనాథ

ప్రపన్నానుకమ్పిన్విపన్నార్తిహారిన్ ।

మహఃస్తోమమూర్తే సమస్తైకబన్ధో

నమస్తే నమస్తే పునస్తే నమోఽస్తు

॥ 6 ॥

శ్లోక 8

విరూపాక్ష విశ్వేశ విశ్వాదిదేవ

త్రయీ మూల శమ్భో శివ త్ర్యమ్బక త్వమ్ ।

ప్రసీద స్మర త్రాహి పశ్యావముక్త్యై

క్షమాం ప్రాప్నుహి త్ర్యక్ష మాం రక్ష మోదాత్

॥ 7 ॥

శ్లోక 9

మహాదేవ దేవేశ దేవాదిదేవ

స్మరారే పురారే యమారే హరేతి ।

బ్రువాణః స్మరిష్యామి భక్త్యా \లినె భవన్తం తతో మే దయాశీల దేవ ప్రసీద

॥ 8 ॥

శ్లోక 10

త్వదన్యః శరణ్యః ప్రపన్నస్య నేతి

ప్రసీద స్మరన్నేవ హన్యాస్తు దైన్యమ్ ।

న చేత్తే భవేద్భక్తవాత్సల్యహానిస్తతో

మే దయాలో సదా సన్నిధేహి

॥ 9 ॥

శ్లోక 11

అయం దానకాలస్త్వహం దానపాత్రం

భవానేవ దాతా త్వదన్యం న యాచే ।

భవద్భక్తిమేవ స్థిరాం దేహి మహ్యం

కృపాశీల శమ్భో కృతార్థోఽస్మి తస్మాత్

॥ 10 ॥

శ్లోక 12

పశుం వేత్సి చేన్మాం తమేవాధిరూఢః

కలఙ్కీతి వా మూర్ధ్ని ధత్సే తమేవ ।

ద్విజిహ్వః పునః సోఽపి తే కణ్ఠభూషా

త్వదఙ్గీకృతాః శర్వ సర్వేఽపి ధన్యాః

॥ 11 ॥

శ్లోక 13

న శక్నోమి కర్తుం పరద్రోహలేశం

కథం ప్రీయసే త్వం న జానే గిరీశ ।

తథాహి ప్రసన్నోఽసి కస్యాపి

కాన్తాసుతద్రోహిణో వా పితృద్రోహిణో వా

॥ 12 ॥

శ్లోక 14

స్తుతిం ధ్యానమర్చాం యథావద్విధాతుం

భజన్నప్యజానన్మహేశావలమ్బే ।

త్రసన్తం సుతం త్రాతుమగ్రే

మృకణ్డోర్యమప్రాణనిర్వాపణం త్వత్పదాబ్జమ్

॥ 13 ॥

శ్లోక 15

శిరో దృష్టి హృద్రోగ శూల ప్రమేహజ్వరార్శో జరాయక్ష్మహిక్కావిషార్తాన్ ।

త్వమాద్యో భిషగ్భేషజం భస్మ శమ్భో

త్వముల్లాఘయాస్మాన్వపుర్లాఘవాయ

॥ 14 ॥

శ్లోక 16

దరిద్రోఽస్మ్యభద్రోఽస్మి భగ్నోఽస్మి దూయే

విషణ్ణోఽస్మి సన్నోఽస్మి ఖిన్నోఽస్మి చాహమ్ ।

భవాన్ప్రాణినామన్తరాత్మాసి శమ్భో

మమాధిం న వేత్సి ప్రభో రక్ష మాం త్వమ్

॥ 15 ॥

శ్లోక 17

త్వదక్ష్ణోః కటాక్షః పతేత్త్ర్యక్ష యత్ర

క్షణం క్ష్మా చ లక్ష్మీః స్వయం తం వృణాతే ।

కిరీటస్ఫురచ్చామరచ్ఛత్రమాలాకలాచీగజక్షౌమభూషావిశేషైః

॥ 16 ॥

శ్లోక 18

భవాన్యై భవాయాపి మాత్రే చ పిత్రే

మృడాన్యై మృడాయాప్యఘఘ్న్యై మఖఘ్నే ।

శివాఙ్గ్యై శివాఙ్గాయ కుర్మః శివాయై

శివాయామ్బికాయై నమస్త్ర్యమ్బకాయ

॥ 17 ॥

శ్లోక 19

భవద్గౌరవం మల్లఘుత్వం విదిత్వా

ప్రభో రక్ష కారుణ్యదృష్ట్యానుగం మామ్ ।

శివాత్మానుభావస్తుతావక్షమోఽహం

స్వశక్త్యా కృతం మేఽపరాధం క్షమస్వ

॥ 18 ॥

శ్లోక 20

యదా కర్ణరన్ధ్రం వ్రజేత్కాలవాహద్విషత్కణ్ఠఘణ్టా ఘణాత్కారనాదః ।

వృషాధీశమారుహ్య దేవౌపవాహ్యన్తదా

వత్స మా భీరితి ప్రీణయ త్వమ్

॥ 19 ॥

శ్లోక 21

యదా దారుణాభాషణా భీషణా మే

భవిష్యన్త్యుపాన్తే కృతాన్తస్య దూతాః ।

తదా మన్మనస్త్వత్పదామ్భోరుహస్థం

కథం నిశ్చలం స్యాన్నమస్తేఽస్తు శమ్భో

॥ 20 ॥

శ్లోక 22

యదా దుర్నివారవ్యథోఽహం శయానో

లుఠన్నిఃశ్వసన్నిఃసృతావ్యక్తవాణిః ।

తదా జహ్నుకన్యాజలాలఙ్కృతం తే

జటామణ్డలం మన్మనోమన్దిరే స్యాత్

॥ 21 ॥

శ్లోక 23

యదా పుత్రమిత్రాదయో మత్సకాశే

రుదన్త్యస్య హా కీదృశీయం దశేతి ।

తదా దేవదేవేశ గౌరీశ శమ్భో

నమస్తే శివాయేత్యజస్రం బ్రవాణి

॥ 22 ॥

శ్లోక 24

యదా పశ్యతాం మామసౌ వేత్తి

నాస్మానయం శ్వాస ఏవేతి వాచో భవేయుః ।

తదా భూతిభూషం భుజఙ్గావనద్ధం

పురారే భవన్తం స్ఫుటం భావయేయమ్

॥ 23 ॥

శ్లోక 25

యదా యాతనాదేహసన్దేహవాహీ

భవేదాత్మదేహే న మోహో మహాన్మే ।

తదా కాశశీతాంశుసఙ్కాశమీశ

స్మరారే వపుస్తే నమస్తే స్మరామి

॥ 24 ॥

శ్లోక 26

యదాపారమచ్ఛాయమస్థానమద్భిర్జనైర్వా విహీనం గమిష్యామి మార్గమ్ ।

తదా తం నిరున్ధఙ్కృతాన్తస్య మార్గం

మహాదేవ మహ్యం మనోజ్ఞం ప్రయచ్ఛ

॥ 25 ॥

శ్లోక 27

యదా రౌరవాది స్మరన్నేవ భీత్యా

వ్రజామ్యత్ర మోహం మహాదేవ ఘోరమ్ ।

తదా మామహో నాథ కస్తారయిష్యత్యనాథం పరాధీనమర్ధేన్దుమౌలే

॥ 26 ॥

శ్లోక 28

యదా శ్వేతపత్రాయతాలఙ్ఘ్యశక్తేః

కృతాన్తాద్భయం భక్తివాత్సల్యభావాత్ ।

తదా పాహి మాం పార్వతీవల్లభాన్యం

న పశ్యామి పాతారమేతాదృశం మే

॥ 27 ॥

శ్లోక 29

ఇదానీమిదానీం మృతిర్మే భవిత్రీత్యహో సన్తతం చిన్తయా పీడితోఽస్మి ।

కథం నామ మా భూన్మృతౌ భీతిరేషా

నమస్తే గతీనాం గతే నీలకణ్ఠ

॥ 28 ॥

శ్లోక 30

అమర్యాదమేవాహమాబాలవృద్ధం

హరన్తం కృతాన్తం సమీక్ష్యాస్మి భీతః ।

మృతౌ తావకాఙ్ఘ్ర్యబ్జదివ్యప్రసాదాద్భవానీపతే నిర్భయోఽహం భవాని

॥ 29 ॥

శ్లోక 31

జరాజన్మగర్భాధివాసాదిదుఃఖాన్యసహ్యాని జహ్యాం జగన్నాథ దేవ ।

భవన్తం వినా మే గతిర్నైవ శమ్భో

దయాలో న జాగర్తి కిం వా దయా తే

॥ 30 ॥

శ్లోక 32

శివాయేతి శబ్దో నమఃపూర్వ ఏష

స్మరన్ముక్తికృన్మృత్యుహా తత్త్వవాచీ ।

మహేశాన మా గాన్మనస్తో వచస్తః

సదా మహ్యమేతత్ప్రదానం ప్రయచ్ఛ

॥ 31 ॥

శ్లోక 33

త్వమప్యమ్బ మాం పశ్య శీతాంశుమౌలిప్రియే భేషజం త్వం భవవ్యాధిశాన్తౌ

బహుక్లేశభాజం పదామ్భోజపోతే

భవాబ్ధౌ నిమగ్నం నయస్వాద్య పారమ్

॥ 32 ॥

శ్లోక 34

అనుద్యల్లలాటాక్షి వహ్ని ప్రరోహైరవామస్ఫురచ్చారువామోరుశోభైః ।

అనఙ్గభ్రమద్భోగిభూషావిశేషైరచన్ద్రార్ధచూడైరలం దైవతైర్నః

॥ 33 ॥

శ్లోక 35

అకణ్ఠేకలఙ్కాదనఙ్గేభుజఙ్గాదపాణౌకపాలాదఫాలేఽనలాక్షాత్ ।

అమౌలౌశశాఙ్కాదవామేకలత్రాదహం దేవమన్యం న మన్యే న మన్యే

॥ 34 ॥

శ్లోక 36

మహాదేవ శమ్భో గిరీశ త్రిశూలింస్త్వదీయం సమస్తం విభాతీతి యస్మాత్ ।

శివాదన్యథా దైవతం నాభిజానే

శివోఽహం శివోఽహం శివోఽహం శివోఽహమ్

॥ 35 ॥

శ్లోక 37

యతోఽజాయతేదం ప్రపఞ్చం విచిత్రం

స్థితిం యాతి యస్మిన్యదేకాన్తమన్తే ।

స కర్మాదిహీనః స్వయఞ్జ్యోతిరాత్మా

శివోఽహం శివోఽహం శివోఽహం శివోఽహమ్

॥ 36 ॥

శ్లోక 38

కిరీటే నిశేశో లలాటే హుతాశో

భుజే భోగిరాజో గలే కాలిమా చ ।

తనౌ కామినీ యస్య తత్తుల్యదేవం

న జానే న జానే న జానే న జానే

॥ 37 ॥

శ్లోక 39

అనేన స్తవేనాదరాదమ్బికేశం

పరాం భక్తిమాసాద్య యం యే నమన్తి ।

మృతౌ నిర్భయాస్తే జనాస్తం భజన్తే

హృదమ్భోజమధ్యే సదాసీనమీశమ్

॥ 38 ॥

శ్లోక 40

భుజఙ్గప్రియాకల్ప శమ్భో మయైవం

భుజఙ్గప్రయాతేన వృత్తేన క్లృప్తమ్ ।

నరః స్తోత్రమేతత్పఠిత్వోరుభక్త్యా

సుపుత్రాయురారోగ్యమైశ్వర్యమేతి

॥ 39 ॥

శ్లోక 41