Daridrya Dahana Shiva Stotram

दारिद्र्य दहन शिव स्तोत्रम्

श्लोक 1

विश्वेश्वराय नरकार्णव तारणाय

कर्णामृताय शशिशेखर धारणाय ।

कर्पूरकान्ति धवलाय जटाधराय

दारिद्र्यदुःख दहनाय नमश्शिवाय

श्लोक 2

गौरीप्रियाय रजनीश कलाधराय

कालान्तकाय भुजगाधिप कङ्कणाय ।

गङ्गाधराय गजराज विमर्धनाय

दारिद्र्यदुःख दहनाय नमश्शिवाय

॥ 1 ॥

श्लोक 3

भक्तप्रियाय [भक्तिप्रियाय] भवरोग भयापहाय

उग्राय दुःख [दुर्ग] भवसागर तारणाय ।

ज्योतिर्मयाय गुणनाम सुनृत्यकाय

दारिद्र्यदुःख दहनाय नमश्शिवाय

॥ 2 ॥

श्लोक 4

चर्माम्बराय शवभस्म विलेपनाय

फालेक्षणाय मणिकुण्डल मण्डिताय ।

मञ्जीरपादयुगलाय जटाधराय

दारिद्र्यदुःख दहनाय नमश्शिवाय

॥ 3 ॥

श्लोक 5

पञ्चाननाय फणिराज विभूषणाय

हेमाङ्कुशाय भुवनत्रय मण्डिताय

आनन्द भूमि वरदाय तमोपयाय [तमोमयाय] ।

दारिद्र्यदुःख दहनाय नमश्शिवाय

॥ 4 ॥

श्लोक 6

भानुप्रियाय भवसागर तारणाय

कालान्तकाय कमलासन पूजिताय ।

नेत्रत्रयाय शुभलक्षण लक्षिताय

दारिद्र्यदुःख दहनाय नमश्शिवाय

॥ 5 ॥

श्लोक 7

रामप्रियाय रघुनाथ वरप्रदाय

नागप्रियाय नरकार्णव तारणाय ।

पुण्याय [पुण्येषु] पुण्यभरिताय सुरार्चिताय

दारिद्र्यदुःख दहनाय नमश्शिवाय

॥ 6 ॥

श्लोक 8

मुक्तेश्वराय फलदाय गणेश्वराय

गीताप्रियाय वृषभेश्वर वाहनाय ।

मातङ्गचर्म वसनाय महेश्वराय

दारिद्र्यदुःख दहनाय नमश्शिवाय

॥ 7 ॥

श्लोक 9

वसिष्ठेन कृतं स्तोत्रं सर्वरोग निवारणम् ।

सर्वसम्पत्करं शीघ्रं पुत्रपौत्रादि वर्धनम् ।

त्रिसन्ध्यं यः पठेन्नित्यं स हि स्वर्ग मवाप्नुयात्

॥ 8 ॥

श्लोक 10

॥ इति श्री वसिष्ठ विरचितं दारिद्र्यदहन शिवस्तोत्रं सम्पूर्णम् ॥

alternate first verse

गौरीविलास भुवनाय महेश्वराय

पञ्चाननाय शरणागत कल्पदाय ।

शर्वाय सर्वजगतामधिपाय

तस्मै दारिद्र्य दुःखदहनाय नमः शिवाय ॥