ಶಿವ ಭುಜಙ್ಗ ಸ್ತೋತ್ರಮ್

ಶಿವ ಭುಜಙ್ಗ ಸ್ತೋತ್ರಮ್

ಶ್ಲೋಕ 1

ಗಲದ್ದಾನಗಣ್ಡಂ ಮಿಲದ್ಭೃಙ್ಗಷಣ್ಡಂ

ಚಲಚ್ಚಾರುಶುಣ್ಡಂ ಜಗತ್ತ್ರಾಣಶೌಣ್ಡಮ್ ।

ಕನದ್ದನ್ತಕಾಣ್ಡಂ ವಿಪದ್ಭಙ್ಗಚಣ್ಡಂ

ಶಿವಪ್ರೇಮಪಿಣ್ಡಂ ಭಜೇ ವಕ್ರತುಣ್ಡಮ್

ಶ್ಲೋಕ 2

ಅನಾದ್ಯನ್ತಮಾದ್ಯಂ ಪರಂ ತತ್ತ್ವಮರ್ಥಂ

ಚಿದಾಕಾರಮೇಕಂ ತುರೀಯಂ ತ್ವಮೇಯಮ್ ।

ಹರಿಬ್ರಹ್ಮಮೃಗ್ಯಂ ಪರಬ್ರಹ್ಮರೂಪಂ

ಮನೋವಾಗತೀತಂ ಮಹಃಶೈವಮೀಡೇ

॥ 1 ॥

ಶ್ಲೋಕ 3

ಸ್ವಶಕ್ತ್ಯಾದಿ ಶಕ್ತ್ಯನ್ತ ಸಿಂಹಾಸನಸ್ಥಂ

ಮನೋಹಾರಿ ಸರ್ವಾಙ್ಗರತ್ನೋರುಭೂಷಮ್ ।

ಜಟಾಹೀನ್ದುಗಙ್ಗಾಸ್ಥಿಶಮ್ಯಾಕಮೌಲಿಂ

ಪರಾಶಕ್ತಿಮಿತ್ರಂ ನಮಃ ಪಞ್ಚವಕ್ತ್ರಮ್

॥ 2 ॥

ಶ್ಲೋಕ 4

ಶಿವೇಶಾನತತ್ಪೂರುಷಾಘೋರವಾಮಾದಿಭಿಃ

ಪಞ್ಚಭಿರ್ಹೃನ್ಮುಖೈಃ ಷಡ್ಭಿರಙ್ಗೈಃ ।

ಅನೌಪಮ್ಯ ಷಟ್ತ್ರಿಂಶತಂ ತತ್ತ್ವವಿದ್ಯಾಮತೀತಂ

ಪರಂ ತ್ವಾಂ ಕಥಂ ವೇತ್ತಿ ಕೋ ವಾ

॥ 3 ॥

ಶ್ಲೋಕ 5

ಪ್ರವಾಲಪ್ರವಾಹಪ್ರಭಾಶೋಣಮರ್ಧಂ

ಮರುತ್ವನ್ಮಣಿ ಶ್ರೀಮಹಃ ಶ್ಯಾಮಮರ್ಧಮ್ ।

ಗುಣಸ್ಯೂತಮೇತದ್ವಪುಃ ಶೈವಮನ್ತಃ

ಸ್ಮರಾಮಿ ಸ್ಮರಾಪತ್ತಿಸಮ್ಪತ್ತಿಹೇತೋಃ

॥ 4 ॥

ಶ್ಲೋಕ 6

ಸ್ವಸೇವಾಸಮಾಯಾತದೇವಾಸುರೇನ್ದ್ರಾ

ನಮನ್ಮೌಲಿಮನ್ದಾರಮಾಲಾಭಿಷಿಕ್ತಮ್ ।

ನಮಸ್ಯಾಮಿ ಶಮ್ಭೋ ಪದಾಮ್ಭೋರುಹಂ ತೇ

ಭವಾಮ್ಭೋಧಿಪೋತಂ ಭವಾನೀ ವಿಭಾವ್ಯಮ್

॥ 5 ॥

ಶ್ಲೋಕ 7

ಜಗನ್ನಾಥ ಮನ್ನಾಥ ಗೌರೀಸನಾಥ

ಪ್ರಪನ್ನಾನುಕಮ್ಪಿನ್ವಿಪನ್ನಾರ್ತಿಹಾರಿನ್ ।

ಮಹಃಸ್ತೋಮಮೂರ್ತೇ ಸಮಸ್ತೈಕಬನ್ಧೋ

ನಮಸ್ತೇ ನಮಸ್ತೇ ಪುನಸ್ತೇ ನಮೋಽಸ್ತು

॥ 6 ॥

ಶ್ಲೋಕ 8

ವಿರೂಪಾಕ್ಷ ವಿಶ್ವೇಶ ವಿಶ್ವಾದಿದೇವ

ತ್ರಯೀ ಮೂಲ ಶಮ್ಭೋ ಶಿವ ತ್ರ್ಯಮ್ಬಕ ತ್ವಮ್ ।

ಪ್ರಸೀದ ಸ್ಮರ ತ್ರಾಹಿ ಪಶ್ಯಾವಮುಕ್ತ್ಯೈ

ಕ್ಷಮಾಂ ಪ್ರಾಪ್ನುಹಿ ತ್ರ್ಯಕ್ಷ ಮಾಂ ರಕ್ಷ ಮೋದಾತ್

॥ 7 ॥

ಶ್ಲೋಕ 9

ಮಹಾದೇವ ದೇವೇಶ ದೇವಾದಿದೇವ

ಸ್ಮರಾರೇ ಪುರಾರೇ ಯಮಾರೇ ಹರೇತಿ ।

ಬ್ರುವಾಣಃ ಸ್ಮರಿಷ್ಯಾಮಿ ಭಕ್ತ್ಯಾ \ಲಿನೆ ಭವನ್ತಂ ತತೋ ಮೇ ದಯಾಶೀಲ ದೇವ ಪ್ರಸೀದ

॥ 8 ॥

ಶ್ಲೋಕ 10

ತ್ವದನ್ಯಃ ಶರಣ್ಯಃ ಪ್ರಪನ್ನಸ್ಯ ನೇತಿ

ಪ್ರಸೀದ ಸ್ಮರನ್ನೇವ ಹನ್ಯಾಸ್ತು ದೈನ್ಯಮ್ ।

ನ ಚೇತ್ತೇ ಭವೇದ್ಭಕ್ತವಾತ್ಸಲ್ಯಹಾನಿಸ್ತತೋ

ಮೇ ದಯಾಲೋ ಸದಾ ಸನ್ನಿಧೇಹಿ

॥ 9 ॥

ಶ್ಲೋಕ 11

ಅಯಂ ದಾನಕಾಲಸ್ತ್ವಹಂ ದಾನಪಾತ್ರಂ

ಭವಾನೇವ ದಾತಾ ತ್ವದನ್ಯಂ ನ ಯಾಚೇ ।

ಭವದ್ಭಕ್ತಿಮೇವ ಸ್ಥಿರಾಂ ದೇಹಿ ಮಹ್ಯಂ

ಕೃಪಾಶೀಲ ಶಮ್ಭೋ ಕೃತಾರ್ಥೋಽಸ್ಮಿ ತಸ್ಮಾತ್

॥ 10 ॥

ಶ್ಲೋಕ 12

ಪಶುಂ ವೇತ್ಸಿ ಚೇನ್ಮಾಂ ತಮೇವಾಧಿರೂಢಃ

ಕಲಙ್ಕೀತಿ ವಾ ಮೂರ್ಧ್ನಿ ಧತ್ಸೇ ತಮೇವ ।

ದ್ವಿಜಿಹ್ವಃ ಪುನಃ ಸೋಽಪಿ ತೇ ಕಣ್ಠಭೂಷಾ

ತ್ವದಙ್ಗೀಕೃತಾಃ ಶರ್ವ ಸರ್ವೇಽಪಿ ಧನ್ಯಾಃ

॥ 11 ॥

ಶ್ಲೋಕ 13

ನ ಶಕ್ನೋಮಿ ಕರ್ತುಂ ಪರದ್ರೋಹಲೇಶಂ

ಕಥಂ ಪ್ರೀಯಸೇ ತ್ವಂ ನ ಜಾನೇ ಗಿರೀಶ ।

ತಥಾಹಿ ಪ್ರಸನ್ನೋಽಸಿ ಕಸ್ಯಾಪಿ

ಕಾನ್ತಾಸುತದ್ರೋಹಿಣೋ ವಾ ಪಿತೃದ್ರೋಹಿಣೋ ವಾ

॥ 12 ॥

ಶ್ಲೋಕ 14

ಸ್ತುತಿಂ ಧ್ಯಾನಮರ್ಚಾಂ ಯಥಾವದ್ವಿಧಾತುಂ

ಭಜನ್ನಪ್ಯಜಾನನ್ಮಹೇಶಾವಲಮ್ಬೇ ।

ತ್ರಸನ್ತಂ ಸುತಂ ತ್ರಾತುಮಗ್ರೇ

ಮೃಕಣ್ಡೋರ್ಯಮಪ್ರಾಣನಿರ್ವಾಪಣಂ ತ್ವತ್ಪದಾಬ್ಜಮ್

॥ 13 ॥

ಶ್ಲೋಕ 15

ಶಿರೋ ದೃಷ್ಟಿ ಹೃದ್ರೋಗ ಶೂಲ ಪ್ರಮೇಹಜ್ವರಾರ್ಶೋ ಜರಾಯಕ್ಷ್ಮಹಿಕ್ಕಾವಿಷಾರ್ತಾನ್ ।

ತ್ವಮಾದ್ಯೋ ಭಿಷಗ್ಭೇಷಜಂ ಭಸ್ಮ ಶಮ್ಭೋ

ತ್ವಮುಲ್ಲಾಘಯಾಸ್ಮಾನ್ವಪುರ್ಲಾಘವಾಯ

॥ 14 ॥

ಶ್ಲೋಕ 16

ದರಿದ್ರೋಽಸ್ಮ್ಯಭದ್ರೋಽಸ್ಮಿ ಭಗ್ನೋಽಸ್ಮಿ ದೂಯೇ

ವಿಷಣ್ಣೋಽಸ್ಮಿ ಸನ್ನೋಽಸ್ಮಿ ಖಿನ್ನೋಽಸ್ಮಿ ಚಾಹಮ್ ।

ಭವಾನ್ಪ್ರಾಣಿನಾಮನ್ತರಾತ್ಮಾಸಿ ಶಮ್ಭೋ

ಮಮಾಧಿಂ ನ ವೇತ್ಸಿ ಪ್ರಭೋ ರಕ್ಷ ಮಾಂ ತ್ವಮ್

॥ 15 ॥

ಶ್ಲೋಕ 17

ತ್ವದಕ್ಷ್ಣೋಃ ಕಟಾಕ್ಷಃ ಪತೇತ್ತ್ರ್ಯಕ್ಷ ಯತ್ರ

ಕ್ಷಣಂ ಕ್ಷ್ಮಾ ಚ ಲಕ್ಷ್ಮೀಃ ಸ್ವಯಂ ತಂ ವೃಣಾತೇ ।

ಕಿರೀಟಸ್ಫುರಚ್ಚಾಮರಚ್ಛತ್ರಮಾಲಾಕಲಾಚೀಗಜಕ್ಷೌಮಭೂಷಾವಿಶೇಷೈಃ

॥ 16 ॥

ಶ್ಲೋಕ 18

ಭವಾನ್ಯೈ ಭವಾಯಾಪಿ ಮಾತ್ರೇ ಚ ಪಿತ್ರೇ

ಮೃಡಾನ್ಯೈ ಮೃಡಾಯಾಪ್ಯಘಘ್ನ್ಯೈ ಮಖಘ್ನೇ ।

ಶಿವಾಙ್ಗ್ಯೈ ಶಿವಾಙ್ಗಾಯ ಕುರ್ಮಃ ಶಿವಾಯೈ

ಶಿವಾಯಾಮ್ಬಿಕಾಯೈ ನಮಸ್ತ್ರ್ಯಮ್ಬಕಾಯ

॥ 17 ॥

ಶ್ಲೋಕ 19

ಭವದ್ಗೌರವಂ ಮಲ್ಲಘುತ್ವಂ ವಿದಿತ್ವಾ

ಪ್ರಭೋ ರಕ್ಷ ಕಾರುಣ್ಯದೃಷ್ಟ್ಯಾನುಗಂ ಮಾಮ್ ।

ಶಿವಾತ್ಮಾನುಭಾವಸ್ತುತಾವಕ್ಷಮೋಽಹಂ

ಸ್ವಶಕ್ತ್ಯಾ ಕೃತಂ ಮೇಽಪರಾಧಂ ಕ್ಷಮಸ್ವ

॥ 18 ॥

ಶ್ಲೋಕ 20

ಯದಾ ಕರ್ಣರನ್ಧ್ರಂ ವ್ರಜೇತ್ಕಾಲವಾಹದ್ವಿಷತ್ಕಣ್ಠಘಣ್ಟಾ ಘಣಾತ್ಕಾರನಾದಃ ।

ವೃಷಾಧೀಶಮಾರುಹ್ಯ ದೇವೌಪವಾಹ್ಯನ್ತದಾ

ವತ್ಸ ಮಾ ಭೀರಿತಿ ಪ್ರೀಣಯ ತ್ವಮ್

॥ 19 ॥

ಶ್ಲೋಕ 21

ಯದಾ ದಾರುಣಾಭಾಷಣಾ ಭೀಷಣಾ ಮೇ

ಭವಿಷ್ಯನ್ತ್ಯುಪಾನ್ತೇ ಕೃತಾನ್ತಸ್ಯ ದೂತಾಃ ।

ತದಾ ಮನ್ಮನಸ್ತ್ವತ್ಪದಾಮ್ಭೋರುಹಸ್ಥಂ

ಕಥಂ ನಿಶ್ಚಲಂ ಸ್ಯಾನ್ನಮಸ್ತೇಽಸ್ತು ಶಮ್ಭೋ

॥ 20 ॥

ಶ್ಲೋಕ 22

ಯದಾ ದುರ್ನಿವಾರವ್ಯಥೋಽಹಂ ಶಯಾನೋ

ಲುಠನ್ನಿಃಶ್ವಸನ್ನಿಃಸೃತಾವ್ಯಕ್ತವಾಣಿಃ ।

ತದಾ ಜಹ್ನುಕನ್ಯಾಜಲಾಲಙ್ಕೃತಂ ತೇ

ಜಟಾಮಣ್ಡಲಂ ಮನ್ಮನೋಮನ್ದಿರೇ ಸ್ಯಾತ್

॥ 21 ॥

ಶ್ಲೋಕ 23

ಯದಾ ಪುತ್ರಮಿತ್ರಾದಯೋ ಮತ್ಸಕಾಶೇ

ರುದನ್ತ್ಯಸ್ಯ ಹಾ ಕೀದೃಶೀಯಂ ದಶೇತಿ ।

ತದಾ ದೇವದೇವೇಶ ಗೌರೀಶ ಶಮ್ಭೋ

ನಮಸ್ತೇ ಶಿವಾಯೇತ್ಯಜಸ್ರಂ ಬ್ರವಾಣಿ

॥ 22 ॥

ಶ್ಲೋಕ 24

ಯದಾ ಪಶ್ಯತಾಂ ಮಾಮಸೌ ವೇತ್ತಿ

ನಾಸ್ಮಾನಯಂ ಶ್ವಾಸ ಏವೇತಿ ವಾಚೋ ಭವೇಯುಃ ।

ತದಾ ಭೂತಿಭೂಷಂ ಭುಜಙ್ಗಾವನದ್ಧಂ

ಪುರಾರೇ ಭವನ್ತಂ ಸ್ಫುಟಂ ಭಾವಯೇಯಮ್

॥ 23 ॥

ಶ್ಲೋಕ 25

ಯದಾ ಯಾತನಾದೇಹಸನ್ದೇಹವಾಹೀ

ಭವೇದಾತ್ಮದೇಹೇ ನ ಮೋಹೋ ಮಹಾನ್ಮೇ ।

ತದಾ ಕಾಶಶೀತಾಂಶುಸಙ್ಕಾಶಮೀಶ

ಸ್ಮರಾರೇ ವಪುಸ್ತೇ ನಮಸ್ತೇ ಸ್ಮರಾಮಿ

॥ 24 ॥

ಶ್ಲೋಕ 26

ಯದಾಪಾರಮಚ್ಛಾಯಮಸ್ಥಾನಮದ್ಭಿರ್ಜನೈರ್ವಾ ವಿಹೀನಂ ಗಮಿಷ್ಯಾಮಿ ಮಾರ್ಗಮ್ ।

ತದಾ ತಂ ನಿರುನ್ಧಙ್ಕೃತಾನ್ತಸ್ಯ ಮಾರ್ಗಂ

ಮಹಾದೇವ ಮಹ್ಯಂ ಮನೋಜ್ಞಂ ಪ್ರಯಚ್ಛ

॥ 25 ॥

ಶ್ಲೋಕ 27

ಯದಾ ರೌರವಾದಿ ಸ್ಮರನ್ನೇವ ಭೀತ್ಯಾ

ವ್ರಜಾಮ್ಯತ್ರ ಮೋಹಂ ಮಹಾದೇವ ಘೋರಮ್ ।

ತದಾ ಮಾಮಹೋ ನಾಥ ಕಸ್ತಾರಯಿಷ್ಯತ್ಯನಾಥಂ ಪರಾಧೀನಮರ್ಧೇನ್ದುಮೌಲೇ

॥ 26 ॥

ಶ್ಲೋಕ 28

ಯದಾ ಶ್ವೇತಪತ್ರಾಯತಾಲಙ್ಘ್ಯಶಕ್ತೇಃ

ಕೃತಾನ್ತಾದ್ಭಯಂ ಭಕ್ತಿವಾತ್ಸಲ್ಯಭಾವಾತ್ ।

ತದಾ ಪಾಹಿ ಮಾಂ ಪಾರ್ವತೀವಲ್ಲಭಾನ್ಯಂ

ನ ಪಶ್ಯಾಮಿ ಪಾತಾರಮೇತಾದೃಶಂ ಮೇ

॥ 27 ॥

ಶ್ಲೋಕ 29

ಇದಾನೀಮಿದಾನೀಂ ಮೃತಿರ್ಮೇ ಭವಿತ್ರೀತ್ಯಹೋ ಸನ್ತತಂ ಚಿನ್ತಯಾ ಪೀಡಿತೋಽಸ್ಮಿ ।

ಕಥಂ ನಾಮ ಮಾ ಭೂನ್ಮೃತೌ ಭೀತಿರೇಷಾ

ನಮಸ್ತೇ ಗತೀನಾಂ ಗತೇ ನೀಲಕಣ್ಠ

॥ 28 ॥

ಶ್ಲೋಕ 30

ಅಮರ್ಯಾದಮೇವಾಹಮಾಬಾಲವೃದ್ಧಂ

ಹರನ್ತಂ ಕೃತಾನ್ತಂ ಸಮೀಕ್ಷ್ಯಾಸ್ಮಿ ಭೀತಃ ।

ಮೃತೌ ತಾವಕಾಙ್ಘ್ರ್ಯಬ್ಜದಿವ್ಯಪ್ರಸಾದಾದ್ಭವಾನೀಪತೇ ನಿರ್ಭಯೋಽಹಂ ಭವಾನಿ

॥ 29 ॥

ಶ್ಲೋಕ 31

ಜರಾಜನ್ಮಗರ್ಭಾಧಿವಾಸಾದಿದುಃಖಾನ್ಯಸಹ್ಯಾನಿ ಜಹ್ಯಾಂ ಜಗನ್ನಾಥ ದೇವ ।

ಭವನ್ತಂ ವಿನಾ ಮೇ ಗತಿರ್ನೈವ ಶಮ್ಭೋ

ದಯಾಲೋ ನ ಜಾಗರ್ತಿ ಕಿಂ ವಾ ದಯಾ ತೇ

॥ 30 ॥

ಶ್ಲೋಕ 32

ಶಿವಾಯೇತಿ ಶಬ್ದೋ ನಮಃಪೂರ್ವ ಏಷ

ಸ್ಮರನ್ಮುಕ್ತಿಕೃನ್ಮೃತ್ಯುಹಾ ತತ್ತ್ವವಾಚೀ ।

ಮಹೇಶಾನ ಮಾ ಗಾನ್ಮನಸ್ತೋ ವಚಸ್ತಃ

ಸದಾ ಮಹ್ಯಮೇತತ್ಪ್ರದಾನಂ ಪ್ರಯಚ್ಛ

॥ 31 ॥

ಶ್ಲೋಕ 33

ತ್ವಮಪ್ಯಮ್ಬ ಮಾಂ ಪಶ್ಯ ಶೀತಾಂಶುಮೌಲಿಪ್ರಿಯೇ ಭೇಷಜಂ ತ್ವಂ ಭವವ್ಯಾಧಿಶಾನ್ತೌ

ಬಹುಕ್ಲೇಶಭಾಜಂ ಪದಾಮ್ಭೋಜಪೋತೇ

ಭವಾಬ್ಧೌ ನಿಮಗ್ನಂ ನಯಸ್ವಾದ್ಯ ಪಾರಮ್

॥ 32 ॥

ಶ್ಲೋಕ 34

ಅನುದ್ಯಲ್ಲಲಾಟಾಕ್ಷಿ ವಹ್ನಿ ಪ್ರರೋಹೈರವಾಮಸ್ಫುರಚ್ಚಾರುವಾಮೋರುಶೋಭೈಃ ।

ಅನಙ್ಗಭ್ರಮದ್ಭೋಗಿಭೂಷಾವಿಶೇಷೈರಚನ್ದ್ರಾರ್ಧಚೂಡೈರಲಂ ದೈವತೈರ್ನಃ

॥ 33 ॥

ಶ್ಲೋಕ 35

ಅಕಣ್ಠೇಕಲಙ್ಕಾದನಙ್ಗೇಭುಜಙ್ಗಾದಪಾಣೌಕಪಾಲಾದಫಾಲೇಽನಲಾಕ್ಷಾತ್ ।

ಅಮೌಲೌಶಶಾಙ್ಕಾದವಾಮೇಕಲತ್ರಾದಹಂ ದೇವಮನ್ಯಂ ನ ಮನ್ಯೇ ನ ಮನ್ಯೇ

॥ 34 ॥

ಶ್ಲೋಕ 36

ಮಹಾದೇವ ಶಮ್ಭೋ ಗಿರೀಶ ತ್ರಿಶೂಲಿಂಸ್ತ್ವದೀಯಂ ಸಮಸ್ತಂ ವಿಭಾತೀತಿ ಯಸ್ಮಾತ್ ।

ಶಿವಾದನ್ಯಥಾ ದೈವತಂ ನಾಭಿಜಾನೇ

ಶಿವೋಽಹಂ ಶಿವೋಽಹಂ ಶಿವೋಽಹಂ ಶಿವೋಽಹಮ್

॥ 35 ॥

ಶ್ಲೋಕ 37

ಯತೋಽಜಾಯತೇದಂ ಪ್ರಪಞ್ಚಂ ವಿಚಿತ್ರಂ

ಸ್ಥಿತಿಂ ಯಾತಿ ಯಸ್ಮಿನ್ಯದೇಕಾನ್ತಮನ್ತೇ ।

ಸ ಕರ್ಮಾದಿಹೀನಃ ಸ್ವಯಞ್ಜ್ಯೋತಿರಾತ್ಮಾ

ಶಿವೋಽಹಂ ಶಿವೋಽಹಂ ಶಿವೋಽಹಂ ಶಿವೋಽಹಮ್

॥ 36 ॥

ಶ್ಲೋಕ 38

ಕಿರೀಟೇ ನಿಶೇಶೋ ಲಲಾಟೇ ಹುತಾಶೋ

ಭುಜೇ ಭೋಗಿರಾಜೋ ಗಲೇ ಕಾಲಿಮಾ ಚ ।

ತನೌ ಕಾಮಿನೀ ಯಸ್ಯ ತತ್ತುಲ್ಯದೇವಂ

ನ ಜಾನೇ ನ ಜಾನೇ ನ ಜಾನೇ ನ ಜಾನೇ

॥ 37 ॥

ಶ್ಲೋಕ 39

ಅನೇನ ಸ್ತವೇನಾದರಾದಮ್ಬಿಕೇಶಂ

ಪರಾಂ ಭಕ್ತಿಮಾಸಾದ್ಯ ಯಂ ಯೇ ನಮನ್ತಿ ।

ಮೃತೌ ನಿರ್ಭಯಾಸ್ತೇ ಜನಾಸ್ತಂ ಭಜನ್ತೇ

ಹೃದಮ್ಭೋಜಮಧ್ಯೇ ಸದಾಸೀನಮೀಶಮ್

॥ 38 ॥

ಶ್ಲೋಕ 40

ಭುಜಙ್ಗಪ್ರಿಯಾಕಲ್ಪ ಶಮ್ಭೋ ಮಯೈವಂ

ಭುಜಙ್ಗಪ್ರಯಾತೇನ ವೃತ್ತೇನ ಕ್ಲೃಪ್ತಮ್ ।

ನರಃ ಸ್ತೋತ್ರಮೇತತ್ಪಠಿತ್ವೋರುಭಕ್ತ್ಯಾ

ಸುಪುತ್ರಾಯುರಾರೋಗ್ಯಮೈಶ್ವರ್ಯಮೇತಿ

॥ 39 ॥

ಶ್ಲೋಕ 41