ಋಗ್ವೇದ ಸನ್ಧ್ಯಾವನ್ದನಮ್

ಋಗ್ವೇದ ಸನ್ಧ್ಯಾವನ್ದನಮ್

ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ।

ಶರೀರಶುದ್ಧಿಃ

ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾ-ಙ್ಗತೋ-ಽಪಿ ವಾ ।

ಯ-ಸ್ಸ್ಮರೇತ್ಪುಣ್ಡರೀಕಾಕ್ಷಂ ಸ ಬಾಹ್ಯಾಭ್ಯನ್ತರ-ಶ್ಶುಚಿಃ ॥

ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷ ಪುಣ್ಡರೀಕಾಕ್ಷಾಯ ನಮಃ ।

ಆಚಮನಮ್

ಓ-ಙ್ಕೇಶವಾಯ ಸ್ವಾಹಾ । ಓ-ನ್ನಾರಾಯಣಾಯ ಸ್ವಾಹಾ ।

ಓ-ಮ್ಮಾಧವಾಯ ಸ್ವಾಹಾ ।

ಓ-ಙ್ಗೋವಿನ್ದಾಯ ನಮಃ । ಓಂ-ವಿಁಷ್ಣವೇ ನಮಃ ।

ಓ-ಮ್ಮಧುಸೂದನಾಯ ನಮಃ । ಓ-ನ್ತ್ರಿವಿಕ್ರಮಾಯ ನಮಃ ।

ಓಂ-ವಾಁಮನಾಯ ನಮಃ । ಓಂ ಶ್ರೀಧರಾಯ ನಮಃ ।

ಓಂ ಹೃಷೀಕೇಶಾಯ ನಮಃ । ಓ-ಮ್ಪದ್ಮನಾಭಾಯ ನಮಃ ।

ಓ-ನ್ದಾಮೋದರಾಯ ನಮಃ । ಓಂ ಸಙ್ಕರ್​ಷಣಾಯ ನಮಃ ।

ಓಂ-ವಾಁಸುದೇವಾಯ ನಮಃ । ಓ-ಮ್ಪ್ರದ್ಯುಮ್ನಾಯ ನಮಃ ।

ಓಂ ಅನಿರುದ್ಧಾಯ ನಮಃ । ಓ-ಮ್ಪುರುಷೋತ್ತಮಾಯ ನಮಃ ।

ಓಂ ಅಥೋಕ್ಷಜಾಯ ನಮಃ । ಓ-ನ್ನಾರಸಿಂಹಾಯ ನಮಃ ।

ಓಂ ಅಚ್ಯುತಾಯ ನಮಃ । ಓ-ಞ್ಜನಾರ್ದನಾಯ ನಮಃ ।

ಓಂ ಉಪೇನ್ದ್ರಾಯ ನಮಃ । ಓಂ ಹರಯೇ ನಮಃ ।

ಓಂ ಶ್ರೀ ಕೃಷ್ಣಾಯ ನಮಃ ।

ಭೂತೋಚ್ಚಾಟನಮ್

ಉತ್ತಿಷ್ಠನ್ತು ಭೂತಪಿಶಾಚಾಃ ಯ ಏತೇ ಭೂಮಿಭಾರಕಾಃ ।

ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥

ಆಸನ ಸಂಸ್ಕಾರಮ್

ಓ-ಮ್ಪೃಥ್ವೀತಿ ಮನ್ತ್ರಸ್ಯ । ಮೇರುಪೃಷ್ಠ ಋಷಿಃ । ಕೂರ್ಮೋ ದೇವತಾ । ಸುತಲ-ಞ್ಛನ್ದಃ । ಆಸನೇ ವಿನಿಯೋಗಃ । ಅನನ್ತಾಸನಾಯ ನಮಃ ।

ಓ-ಮ್ಪೃಥ್ವಿ ತ್ವಯಾ ಧೃತಾ ಲೋಕಾ ದೇವಿ ತ್ವಂ-ವಿಁಷ್ಣುನಾ ಧೃತಾ ।

ತ್ವ-ಞ್ಚ ಧಾರಯ ಮಾ-ನ್ದೇವಿ ಪವಿತ್ರ-ಙ್ಕುರು ಚಾಸನಮ್ ॥

ಪ್ರಾಣಾಯಾಮಮ್

ಪ್ರಣವಸ್ಯ ಪರಬ್ರಹ್ಮ ಋಷಿಃ । ಪರಮಾತ್ಮಾ ದೇವತಾ । ದೈವೀ ಗಾಯತ್ರೀ ಛನ್ದಃ । ಪ್ರಾಣಾಯಾಮೇ ವಿನಿಯೋಗಃ ॥

ಓ-ಮ್ಭೂಃ । ಓ-ಮ್ಭುವಃ । ಓಂ ಸ್ವಃ । ಓ-ಮ್ಮಹಃ । ಓ-ಞ್ಜನಃ । ಓ-ನ್ತಪಃ ।

ಓಂ ಸ॒ತ್ಯಮ್ । ಓ-ನ್ತತ್ಸ॑ವಿ॒ತುರ್ವರೇ᳚ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ಧೀಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ । ಓಂ ಆಪೋ॒ ಜ್ಯೋತೀ॒ ರಸೋ॒-ಽಮೃತ॒-ಮ್ಬ್ರಹ್ಮ॒ ಭುರ್ಭುವ॒ಸ್ಸ್ವ॒ರೋಮ್ ॥

ಸಙ್ಕಲ್ಪಮ್ (ದೇಶಕಾಲ ಸಙ್ಕೀರ್ತನ)

ಶ್ರೀ ಶುಭೇ ಶೋಭನೇ ಮುಹೂರ್ತೇ ವಿಷ್ಣೋರಾಜ್ಞಯಾ ಅತ್ರ ಪೃಥಿವ್ಯಾ-ಞ್ಜಮ್ಬೂದ್ವೀಪೇ ಭರತವರ್​ಷೇ ಭರತಖಣ್ಡೇ ಮೇರೋಃ ದಕ್ಷಿಣ ದಿಗ್ಭಾಗೇ ಶ್ರೀಶೈಲಸ್ಯ …….. ಪ್ರದೇಶೇ, …….. ನದ್ಯೋಃ ಮಧ್ಯದೇಶೇ ಲಕ್ಷ್ಮೀನಿವಾಸ ಗೃಹೇ, ಸಮಸ್ತ ದೇವತಾ ಬ್ರಾಹ್ಮಣ ಹರಿಹರಸನ್ನಿಧೌ, ಆದ್ಯ ಬ್ರಹ್ಮಣಃ ದ್ವಿತೀಯೇ ಪರಾರ್ಥೇ ಶ್ರೀ ಶ್ವೇತವರಾಹಕಲ್ಪೇ ವೈವಸ್ವತ ಮನ್ವನ್ತರೇ ಕಲಿಯುಗೇ ಪ್ರಥಮಪಾದೇ ಅಸ್ಮಿನ್ ವರ್ತಮಾನ ವ್ಯಾವಹಾರಿಕ ಚಾನ್ದ್ರಮಾನೇನ ಶ್ರೀ …… ಸಂ​ವಁತ್ಸರೇ …… ಅಯನೇ …… ಋತೌ …… ಮಾಸೇ …… ಪಕ್ಷೇ …… ತಿಥೌ …… ವಾಸರೇ ಶುಭನಕ್ಷತ್ರೇ ಶುಭಯೋಗೇ ಶುಭಕರಣ ಏವ-ಙ್ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ [ಶ್ರೀಪರಮೇಶ್ವರ] ಪ್ರೀತ್ಯರ್ಥ-ಮ್ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸನ್ಧ್ಯಾಮುಪಾಶಿಷ್ಯೇ ।

ಮಾರ್ಜನಮ್

ಆಪೋಹಿಷ್ಠೇತಿ ತೃಚಸ್ಯ ಅಮ್ಬರೀಷ-ಸ್ಸಿನ್ಧುದ್ವೀಪ ಋಷಿಃ । ಆಪೋ ದೇವತಾ । ಗಾಯತ್ರೀ ಛನ್ದಃ । ಮಾರ್ಜನೇ ವಿನಿಯೋಗಃ ॥

ಓಂ ಆಪೋ॒ ಹಿಷ್ಠಾ ಮ॑ಯೋ॒ಭುವಃ॑ ।

ತಾ ನ॑ ಊ॒ರ್ಜೇ ದ॑ಧಾತನ ।

ಮ॒ಹೇರಣಾ॑ಯ॒ ಚಕ್ಷ॑ಸೇ ।

ಯೋ ವಃ॑ ಶಿ॒ವತ॑ಮೋ॒ ರಸಃ॑ ।

ತಸ್ಯ॑ ಭಾಜಯತೇ॒ ಹ ನಃ॑ ।

ಉ॒ಶ॒ತೀರಿ॑ವ ಮಾ॒ತ॑ರಃ ।

ತಸ್ಮಾ॒ ಅರ॑ಙ್ಗಮಾಮವಃ ।

ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।

ಆಪೋ॑ ಜ॒ನಯ॑ಥಾ ಚ ನಃ ।

ಮನ್ತ್ರಾಚಮನಮ್

(ಪ್ರಾತಃ ಕಾಲೇ)

ಸೂರ್ಯಶ್ಚೇತ್ಯಸ್ಯ ಮನ್ತ್ರಸ್ಯ । ನಾರಾಯಣ ಋಷಿಃ । ಸೂರ್ಯಮಾಮನ್ಯು ಮನ್ಯುಪತಯೋ ರಾತ್ರಿರ್ದೇವತಾ । ಪ್ರಕೃತಿಶ್ಛನ್ದಃ । ಮನ್ತ್ರಾಚಮನೇ ವಿನಿಯೋಗಃ ॥

ಓಂ ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷ॒ನ್ತಾಮ್ । ಯದ್ರಾತ್ರಿಯಾ ಪಾಪ॑ಮಕಾ॒ರ್​ಷಮ್ । ಮನಸಾ ವಾಚಾ॑ ಹಸ್ತಾ॒ಭ್ಯಾಮ್ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ರಾತ್ರಿ॒ಸ್ತದ॑ವಲು॒ಮ್ಪತು । ಯತ್ಕಿಞ್ಚ॑ ದುರಿ॒ತ-ಮ್ಮಯಿ॑ । ಇದಮಹ-ಮ್ಮಾಮಮೃ॑ತ ಯೋ॒ನೌ । ಸೂರ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ ।

(ಮಧ್ಯಾಹ್ನ ಕಾಲೇ)

ಆಪಃ ಪುನನ್ತ್ವಿತ್ಯಸ್ಯ ಮನ್ತ್ರಸ್ಯ । ಪೂತ ಋಷಿಃ । ಆಪೋ ದೇವತಾ । ಅಷ್ಠೀ ಛನ್ದಃ । ಅಪಾ-ಮ್ಪ್ರಾಶನೇ ವಿನಿಯೋಗಃ ।

ಓಂ ಆಪಃ॑ ಪುನನ್ತು ಪೃಥಿ॒ವೀ-ಮ್ಪೃ॑ಥಿ॒ವೀ ಪೂ॒ತಾ ಪು॑ನಾತು॒ ಮಾಮ್ ।

ಪು॒ನನ್ತು॒ ಬ್ರಹ್ಮ॑ಣ॒ಸ್ಪತಿ॒ರ್ಬ್ರಹ್ಮ॑ಪೂ॒ತಾ ಪು॑ನಾತು॒ ಮಾಮ್ ॥

ಯದುಚ್ಛಿ॑ಷ್ಟ॒ಮಭೋ᳚ಜ್ಯಂ॒-ಯಁದ್ವಾ॑ ದು॒ಶ್ಚರಿ॑ತ॒-ಮ್ಮಮ॑ ।

ಸರ್ವ॑-ಮ್ಪುನನ್ತು॒ ಮಾಮಾಪೋ॑-ಽಸ॒ತಾ-ಞ್ಚ॑ ಪ್ರತಿ॒ಗ್ರಹಂ॒ ಸ್ವಾಹಾ᳚ ॥

(ಸಾಯ-ಙ್ಕಾಲೇ)

ಅಗ್ನಿಶ್ಚೇತ್ಯಸ್ಯ ಮನ್ತ್ರಸ್ಯ । ನಾರಾಯಣ ಋಷಿಃ । ಅಗ್ನಿಮಾಮನ್ಯು ಮನ್ಯುಪತಯೋ ಅಹರ್ದೇವತಾ । ಪ್ರಕೃತಿಶ್ಛನ್ದಃ । ಮನ್ತ್ರಾಚಮನೇ ವಿನಿಯೋಗಃ ॥

ಓಂ ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯು॑ ಕೃತೇ॒ಭ್ಯಃ । ಪಾಪೇಭ್ಯೋ॑ ರಕ್ಷ॒ನ್ತಾಮ್ । ಯದಹ್ನಾ ಪಾಪ॑ಮಕಾ॒ರ್​ಷಮ್ । ಮನಸಾ ವಾಚಾ॑ ಹಸ್ತಾ॒ಭ್ಯಾಮ್ । ಪದ್ಭ್ಯಾಮುದರೇ॑ಣ ಶಿ॒ಶ್ನಾ । ಅಹ॒ಸ್ತದ॑ವಲು॒ಮ್ಪತು । ಯತ್ಕಿಞ್ಚ॑ ದುರಿ॒ತ-ಮ್ಮಯಿ॑ । ಇ॒ದಮ॒ಹ-ಮ್ಮಾಮಮೃ॑ತ ಯೋ॒ನೌ । ಸತ್ಯೇ ಜ್ಯೋತಿಷಿ ಜುಹೋ॑ಮಿ ಸ್ವಾ॒ಹಾ ।

ಆಚಮ್ಯ ॥

ಪುನರ್ಮಾರ್ಜನಮ್

ಆಪೋಹಿಷ್ಠೇತಿ ನವರ್ಚಸ್ಯ ಸೂಕ್ತಸ್ಯ । ಅಮ್ಬರೀಷ ಸಿನ್ಧುದ್ವೀಪ ಋಷಿಃ । ಆಪೋ ದೇವತಾ । ಗಾಯತ್ರೀ ಛನ್ದಃ । ಪಞ್ಚಮೀ ವರ್ಧಮಾನಾ । ಸಪ್ತಮೀ ಪ್ರತಿಷ್ಠಾ । ಅನ್ತ್ಯೇ ದ್ವೇ ಅನುಷ್ಟುಭೌ । ಪುನರ್ಮಾರ್ಜನೇ ವಿನಿಯೋಗಃ ॥

ಓಂ ಆಪೋ॒ ಹಿಷ್ಠಾ ಮ॑ಯೋ॒ಭುವಃ॑ ।

ತಾ ನ॑ ಊ॒ರ್ಜೇ ದ॑ಧಾತನ ।

ಮ॒ಹೇರಣಾ॑ಯ॒ ಚಕ್ಷ॑ಸೇ ।

ಯೋ ವಃ॑ ಶಿ॒ವತ॑ಮೋ॒ ರಸಃ॑ ।

ತಸ್ಯ॑ ಭಾಜಯತೇ॒ ಹ ನಃ॑ ।

ಉ॒ಶ॒ತೀರಿ॑ವ ಮಾ॒ತ॑ರಃ ।

ತಸ್ಮಾ॒ ಅರ॑ಙ್ಗಮಾಮವಃ ।

ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।

ಆಪೋ॑ ಜ॒ನಯ॑ಥಾ ಚ ನಃ ।

ಓಂ ಶ-ನ್ನೋ॑ ದೇ॒ವೀರ॒ಭಿಷ್ಟ॑ಯ॒ ಆಪೋ॑ ಭವನ್ತು ಪೀ॒ತಯೇ॑ ।

ಶಂ-ಯೋಁರ॒ಭಿ ಸ್ರ॑ವನ್ತು ನಃ ॥

ಈಶಾ॑ನಾ॒ ವಾರ್ಯಾ॑ಣಾ॒-ಙ್ಕ್ಷಯ॑ನ್ತೀಶ್ಚರ್​ಷಣೀ॒ನಾಮ್ ।

ಅ॒ಪೋ ಯಾ॑ಚಾಮಿ ಭೇಷ॒ಜಮ್ ॥

ಅ॒ಪ್ಸು ಮೇ॒ ಸೋಮೋ॑ ಅಬ್ರವೀದ॒ನ್ತರ್ವಿಶ್ವಾ॑ನಿ ಭೇಷ॒ಜಾ ।

ಅ॒ಗ್ನಿ-ಞ್ಚ॑ ವಿ॒ಶ್ವಶ॑ಮ್ಭುವಮ್ ॥

ಆಪಃ॑ ಪೃಣೀ॒ತ ಭೇ॑ಷ॒ಜಂ-ವಁರೂ॑ಥ-ನ್ತ॒ನ್ವೇ॒ 3॒ ಮಮ॑ ।

ಜ್ಯೋಕ್ಚ॒ ಸೂರ್ಯ॑-ನ್ದೃ॒ಶೇ ॥

ಇ॒ದಮಾ॑ಪಃ॒ ಪ್ರವ॑ಹತ॒ ಯತ್ಕಿ-ಞ್ಚ॑ ದುರಿ॒ತ-ಮ್ಮಯಿ॑ ।

ಯದ್ವಾ॒ಹಮ॑ಭಿದು॒ದ್ರೋಹ॒ ಯದ್ವಾ॑ ಶೇ॒ಪ ಉ॒ತಾನೃ॑ತಮ್ ॥

ಆಪೋ॑ ಅ॒ದ್ಯಾನ್ವ॑ಚಾರಿಷಂ॒ ರಸೇ॑ನ॒ ಸಮ॑ಗಸ್ಮಹಿ ।

ಪಯ॑ಸ್ವಾನಗ್ನ॒ ಆ ಗ॑ಹಿ॒ ತ-ಮ್ಮಾ॒ ಸಂ ಸೃ॑ಜ॒ ವರ್ಚ॑ಸಾ ॥

ಸ॒ಸೃಷೀ॒ಸ್ತದ॑ಪಸೋ॒ ದಿವಾ॒ನಕ್ತ॑ಞ್ಚ ಸ॒ಸೃಷೀಃ᳚ ।

ವರೇ॑ಣ್ಯ ಕ್ರ॒ತೂರಹ॑ಮಾ ದೇ॒ವೀ॒ ರವ॑ಸೇ ಹುವೇ ॥

ಪಾಪಪುರುಷ ವಿಸರ್ಜನಮ್

ಋತ-ಞ್ಚೇತ್ಯಸ್ಯ ಮನ್ತ್ರಸ್ಯ । ಅಘಮರ್​ಷಣ ಋಷಿಃ । ಭಾವವೃತ್ತೋ ದೇವತಾ । ಅನುಷ್ಟು-ಪ್ಛನ್ದಃ । ಮಮ ಪಾಪಪುರುಷ ಜಲ ವಿಸರ್ಜನೇ ವಿನಿಯೋಗಃ ॥

ಓಂ ಋ॒ತ-ಞ್ಚ॑ ಸ॒ತ್ಯ-ಞ್ಚಾ॒ಭೀ॑ದ್ಧಾ॒ತ್ತಪ॒ಸೋ-ಽಧ್ಯ॑ಜಾಯತ ।

ತತೋ॒ ರಾತ್ರ್ಯ॑ಜಾಯತ॒ ತತಃ॑ ಸಮು॒ದ್ರೋ ಅ॑ರ್ಣ॒ವಃ ।

ಸ॒ಮು॒ದ್ರಾದ॑ರ್ಣ॒ವಾದಧಿ॑ ಸಂ​ವಁಥ್ಸ॒ರೋ ಅ॑ಜಾಯತ ॥

ಅ॒ಹೋ॒ರಾ॒ತ್ರಾಣಿ॑ ವಿ॒ದಧ॒ದ್ವಿಶ್ವ॑ಸ್ಯ ಮಿಷ॒ತೋ ವ॒ಶೀ ।

ಸೂ॒ರ್ಯಾ॒ಚ॒ನ್ದ್ರ॒ಮಸೌ॑ ಧಾ॒ತಾ ಯ॑ಥಾಪೂ॒ರ್ವಮ॑ಕಲ್ಪಯತ್ ।

ದಿವ॑-ಞ್ಚ ಪೃಥಿ॒ವೀ-ಞ್ಚಾ॒ನ್ತರಿ॑ಕ್ಷ॒ಮಥೋ॒ ಸ್ವಃ॑ ॥

ಆಚಮ್ಯ ॥

ಪ್ರಾಣಾಯಾಮಮ್ ॥

ಅರ್ಘ್ಯಪ್ರದಾನಮ್

ಪೂರ್ವೋಕ್ತ ಏವ-ಙ್ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥ-ಮ್ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸನ್ಧ್ಯಾರ್ಘ್ಯ ಪ್ರದಾನ-ಙ್ಕರಿಷ್ಯೇ ॥

(ಪ್ರಾತಃ ಕಾಲೇ)

ತತ್ಸವಿತುರಿತ್ಯಸ್ಯ ಮನ್ತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛನ್ದಃ । ಪ್ರಾತ-ಸ್ಸನ್ಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥

ಓ-ಮ್ಭೂರ್ಭುವ॒-ಸ್ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ।

ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ ॥ (ಋ.3.62.10)

[ ಪ್ರಾತ-ಸ್ಸನ್ಧ್ಯಾಙ್ಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥ-ಮ್ಪ್ರಾಯಶ್ಚಿತ್ತರ್ಘ್ಯ ಪ್ರದಾನ-ಙ್ಕರಿಷ್ಯೇ ।

ಯದದ್ಯಕಚ್ಚೇತ್ಯಸ್ಯ ಮನ್ತ್ರಸ್ಯ । ಕುತ್ಸ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛನ್ದಃ । ಪ್ರಾತ-ಸ್ಸನ್ಧ್ಯಾಙ್ಗ ಪ್ರಾಯಶ್ಚಿತ್ತಾರ್ಘ್ಯಪ್ರದಾನೇ ವಿನಿಯೋಗಃ ।

ಯದ॒ದ್ಯ ಕಚ್ಚ॑ ವೃತ್ರಹನ್ನು॒ದಗಾ॑ ಅ॒ಭಿಸೂ॑ರ್ಯ । ಸರ್ವ॒-ನ್ತದಿ॑ನ್ದ್ರ ತೇ॒ ವಶೇ॑ ।

]

(ಮಧ್ಯಾಹ್ನ ಕಾಲೇ)

ಹಂಸಶ್ಶುಚಿಷದಿತ್ಯಸ್ಯ ಮನ್ತ್ರಸ್ಯ । ಗೌತಮಪುತ್ರೋ ವಾಮದೇವ ಋಷಿಃ । ಸೂರ್ಯೋ ದೇವತಾ । ಜಗತೀ ಛನ್ದಃ । ಮಾಧ್ಯಾಹ್ನಿಕ ಸನ್ಧ್ಯಾರ್ಘ್ಯ ಪ್ರದಾನೇ ವಿನಿಯೋಗಃ ॥

ಓಂ ಹಂ॒ಸಶ್ಶು॑ಚಿ॒ಷದ್ವಸು॑ರನ್ತರಿಕ್ಷ॒ ಸದ್ಧೋ॑ ತಾವೇದಿ॒ಷದತಿ॑ಥಿರ್ದುರೋಣ॒ ಸತ್ । ನೃ॒ಷದ್ವ॑ರ॒ ಸದೃ॑ತ॒ ಸದ್ವ್ಯೋ॑ಮ॒ ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತ-ಮ್ಬೃ॒ಹತ್ । ಇತಿ ಪ್ರಥಮಾರ್ಘ್ಯಮ್ ॥

ಆಕೃಷ್ಣೇನೇತ್ಯಸ್ಯ ಮನ್ತ್ರಸ್ಯ । ಹಿರಣ್ಯ ಸ್ತೂಪ ಋಷಿಃ । ಸವಿತಾ ದೇವತಾ । ತ್ರಿಷ್ಟುಪ್ಛನ್ದಃ । ಮಾಧ್ಯಾಹ್ನಿಕ ಸನ್ಧ್ಯಾರ್ಘ್ಯ ಪ್ರದಾನೇ ವಿನಿಯೋಗಃ ॥

ಓಂ ಆಕೃ॒ಷ್ಣೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತ॒-ಮ್ಮರ್ತ್ಯ॑ಞ್ಚ ।

ಹಿ॒ರ॒ಣ್ಯ ಯೇ॑ನ ಸವಿ॒ತಾ ರಥೇ॒ನಾ-ಽಽದೇ॒ವೋ ಯಾ॑ತಿ॒ಭುವ॑ನಾನಿ॒ ಪಶ್ಯನ್॑ । ಇತಿ ದ್ವಿತೀಯಾರ್ಘ್ಯಮ್ ॥

ತತ್ಸವಿತುರಿತ್ಯಸ್ಯ ಮನ್ತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛನ್ದಃ । ಮಾಧ್ಯಾಹ್ನಿಕ ಸನ್ಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥

ಓ-ಮ್ಭೂರ್ಭುವ॒-ಸ್ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ।

ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ । ಇತಿ ತೃತೀಯಾರ್ಘ್ಯಮ್ ॥

[ ಮಾಧ್ಯಾಹ್ನಿಕ ಸನ್ಧ್ಯಾಙ್ಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥ-ಮ್ಪ್ರಾಯಶ್ಚಿತ್ತರ್ಘ್ಯ ಪ್ರದಾನ-ಙ್ಕರಿಷ್ಯೇ ।

ಪ್ರಾತರ್ದೇವೀತ್ಯಸ್ಯ ಮನ್ತ್ರಸ್ಯ । ಅಭಿತಪ ಋಷಿಃ । ಸೂರ್ಯೋ ದೇವತಾ । ತ್ರಿಷ್ಟು-ಪ್ಛನ್ದಃ । ಮಾಧ್ಯಾಹ್ನಿಕ ಸನ್ಧ್ಯಾಙ್ಗ ಪ್ರಾಯಶ್ಚಿತ್ತಾರ್ಘ್ಯ ಪ್ರದಾನೇ ವಿನಿಯೋಗಃ ।

ಓ-ಮ್ಪ್ರಾ॒ತರ್ದೇ॒ವೀಮದಿ॑ತಿ-ಞ್ಜೋಹವೀಮಿ ಮ॒ಧ್ಯಂ‍ದಿ॑ನ॒ ಉದಿ॑ತಾ॒ ಸೂರ್ಯ॑ಸ್ಯ । ರಾ॒ಯೇ ಮಿ॑ತ್ರಾ ವರುಣಾ ಸ॒ರ್ವತಾ॒ತೇ॑ಲೇ ತೋ॒ಕಾಯ॒ ತನ॑ಯಾಯ॒ ಶಂ-ಯೋಃ ಁ।

]

(ಸಾಯ-ಙ್ಕಾಲೇ)

ತತ್ಸವಿತುರಿತ್ಯಸ್ಯ ಮನ್ತ್ರಸ್ಯ । ವಿಶ್ವಾಮಿತ್ರ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛನ್ದಃ । ಸಾಯಂ ಸನ್ಧ್ಯಾರ್ಘ್ಯಪ್ರದಾನೇ ವಿನಿಯೋಗಃ ॥

ಓ-ಮ್ಭೂರ್ಭುವ॒-ಸ್ಸ್ವಃ॑ । ತತ್ಸ॑ವಿ॒ತುರ್ವರೇ॑ಣ್ಯ॒-ಮ್ಭರ್ಗೋ॑ ದೇ॒ವಸ್ಯ॑ ಧೀಮಹಿ ।

ಧಿಯೋ॒ ಯೋ ನಃ॑ ಪ್ರಚೋ॒ದಯಾ॑ತ್ ॥

[ ಸಾಯಂ ಸನ್ಧ್ಯಾಙ್ಗ ಮುಖ್ಯಕಾಲಾತಿಕ್ರಮಣ ದೋಷಪರಿಹಾರಾರ್ಥ-ಮ್ಪ್ರಾಯಶ್ಚಿತ್ತರ್ಘ್ಯ ಪ್ರದಾನ-ಙ್ಕರಿಷ್ಯೇ ।

ಉದ್ಘೇದಭೀತ್ಯಸ್ಯ ಮನ್ತ್ರಸ್ಯ । ಕುತ್ಸ ಋಷಿಃ । ಸವಿತಾ ದೇವತಾ । ಗಾಯತ್ರೀ ಛನ್ದಃ । ಸಾಯಂ ಸನ್ಧ್ಯಾಙ್ಗ ಪ್ರಾಯಶ್ಚಿತ್ತಾರ್ಘ್ಯ ಪ್ರದಾನೇ ವಿನಿಯೋಗಃ ।

ಓಂ ಉದ್ಘೇದ॒ಭಿಶ್ರು॒ತಾ ಮ॑ಘಂ-ವೃಁಷ॒ಭ-ನ್ನರ್ಯಾ᳚ಪಸಮ್ । ಅಸ್ತಾ᳚ರ ಮೇಷಿ ಸೂರ್ಯ ।

]

ಆತ್ಮಪ್ರದಕ್ಷಿಣ

ಬ್ರಹ್ಮೈವ ಸತ್ಯ-ಮ್ಬ್ರಹ್ಮೈವಾಹಮ್ । ಯೋಸಾವಾದಿತ್ಯೋ ಹಿರಣ್ಮಯಃ ಪುರುಷ-ಸ್ಸ ಏವಾಹಮಸ್ಮಿ ।

ಅ॒ಸಾವಾ॑ದಿ॒ತ್ಯೋ ಬ್ರ॒ಹ್ಮ ॥

ಆಚಮ್ಯ ॥

ಪ್ರಾಣಾಯಾಮಮ್ ॥

[ ತರ್ಪಣಂ –

ಪೂರ್ವೋಕ್ತ ಏವ-ಙ್ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥ-ಮ್ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸನ್ಧ್ಯಾಙ್ಗ ತರ್ಪಣ-ಙ್ಕರಿಷ್ಯೇ ।

(ಪ್ರಾತಃ ಕಾಲೇ)

ಸನ್ಧ್ಯಾ-ನ್ತರ್ಪಯಾಮಿ । ಗಾಯತ್ರೀ-ನ್ತರ್ಪಯಾಮಿ ।

ಬ್ರಾಹ್ಮೀ-ನ್ತರ್ಪಯಾಮಿ । ನಿಮೃಜೀ-ನ್ತರ್ಪಯಾಮಿ ।

(ಮಧ್ಯಾಹ್ನ ಕಾಲೇ)

ಸನ್ಧ್ಯಾ-ನ್ತರ್ಪಯಾಮಿ । ಸಾವಿತ್ರೀ-ನ್ತರ್ಪಯಾಮಿ ।

ರೌದ್ರೀ-ನ್ತರ್ಪಯಾಮಿ । ನಿಮೃಜೀ-ನ್ತರ್ಪಯಾಮಿ ।

(ಸಾಯ-ಙ್ಕಾಲೇ)

ಸನ್ಧ್ಯಾ-ನ್ತರ್ಪಯಾಮಿ । ಸರಸ್ವತೀ-ನ್ತರ್ಪಯಾಮಿ ।

ವೈಷ್ಣವೀ-ನ್ತರ್ಪಯಾಮಿ । ನಿಮೃಜೀ-ನ್ತರ್ಪಯಾಮಿ ।

]

ಗಾಯತ್ರೀ ಆವಾಹನಮ್

ಓಮಿತ್ಯೇಕಾಕ್ಷ॑ರ-ಮ್ಬ್ರ॒ಹ್ಮ । ಅಗ್ನಿರ್ದೇವತಾ । ಬ್ರಹ್ಮ॑ ಇತ್ಯಾ॒ರ್​ಷಮ್ । ಗಾಯತ್ರೀ ಛನ್ದಃ । ಪರಮಾತ್ಮಂ॑ ಸರೂ॒ಪಮ್ । ಸಾಯುಜ್ಯಂ-ವಿಁ॑ನಿಯೋ॒ಗಮ್ ।

ಆಯಾ॑ತು॒ ವರ॑ದಾ ದೇ॒ವೀ॒ ಅ॒ಕ್ಷರ॑-ಮ್ಬ್ರಹ್ಮ॒ ಸಮ್ಮಿ॑ತಮ್ ।

ಗಾ॒ಯ॒ತ್ರೀ᳚-ಞ್ಛನ್ದ॑ಸಾ-ಮ್ಮಾ॒ತೇದ-ಮ್ಬ್ರ॑ಹ್ಮ ಜು॒ಷಸ್ವ॑ ಮೇ ।

ಯದಹ್ನಾ᳚ತ್ಕುರು॑ತೇ ಪಾ॒ಪ॒-ನ್ತದಹ್ನಾ᳚ತ್ಪ್ರತಿ॒ ಮುಚ್ಯ॑ತೇ ।

ಯದ್ರಾತ್ರಿಯಾ᳚ತ್ಕುರು॑ತೇ ಪಾ॒ಪ॒-ನ್ತದ್ರಾತ್ರಿಯಾ᳚ತ್ಪ್ರತಿ॒ ಮುಚ್ಯ॑ತೇ ।

ಸರ್ವ॑ವ॒ರ್ಣೇ ಮ॑ಹಾದೇ॒ವಿ॒ ಸ॒ನ್ಧ್ಯಾ ವಿ॑ದ್ಯೇ ಸ॒ರಸ್ವ॑ತಿ ।

ಓಜೋ॑-ಽಸಿ॒ ಸಹೋ॑-ಽಸಿ॒ ಬಲಮ॑ಸಿ॒ ಭ್ರಾಜೋ॑-ಽಸಿ ದೇ॒ವಾನಾ॒-ನ್ಧಾಮ॒ನಾಮಾ॑ಸಿ ವಿಶ್ವ॑ಮಸಿ ವಿ॒ಶ್ವಾಯು॒-ಸ್ಸರ್ವ॑ಮಸಿ ಸ॒ರ್ವಾಯುರಭಿಭೂರೋಮ್ ।

ಗಾಯತ್ರೀಮಾವಾ॑ಹಯಾ॒ಮಿ॒ ।

ಸಾವಿತ್ರೀಮಾವಾ॑ಹಯಾ॒ಮಿ॒ ।

ಸರಸ್ವತೀಮಾವಾ॑ಹಯಾ॒ಮಿ॒ ।

ಛನ್ದರ್​ಷೀನಾವಾ॑ಹಯಾ॒ಮಿ॒ ।

ಶ್ರಿಯಮಾವಾ॑ಹಯಾ॒ಮಿ॒ ।

ಗಾಯತ್ರ್ಯಾ ಗಾಯತ್ರೀ ಛನ್ದೋ ವಿಶ್ವಾಮಿತ್ರ ಋಷಿ-ಸ್ಸವಿತಾ ದೇವತಾ ಅಗ್ನಿರ್ಮುಖ-ಮ್ಬ್ರಹ್ಮಾ ಶಿರೋ ವಿಷ್ಣುರ್ ಹೃದಯಂ ರುದ್ರ-ಶ್ಶಿಖಾ ಪೃಥಿವೀ ಯೋನಿಃ ಪ್ರಾಣಾಪಾನವ್ಯಾನೋದಾನ ಸಮಾನಾ ಸ ಪ್ರಾಣಾ ಶ್ವೇತವರ್ಣಾ ಸಾಙ್ಖ್ಯಾಯನ ಸಗೋತ್ರಾ ಗಾಯತ್ರೀ ಚತುರ್ವಿಂಶತ್ಯಕ್ಷರಾ ತ್ರಿಪದಾ॑ ಷಟ್ಕು॒ಕ್ಷಿಃ॒ ಪಞ್ಚಶೀರ್​ಷೋಪನಯನೇ ವಿ॑ನಿಯೋ॒ಗಃ ॥

ಪೂರ್ವೋಕ್ತ ಏವ-ಙ್ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಲಕ್ಷ್ಮೀನಾರಾಯಣ ಪ್ರೀತ್ಯರ್ಥ-ಮ್ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸನ್ಧ್ಯಾಙ್ಗ ಯಥಾಶಕ್ತಿ ಗಾಯತ್ರೀ ಮಹಾಮನ್ತ್ರಜಪ-ಙ್ಕರಿಷ್ಯೇ ॥

ಕರನ್ಯಾಸಮ್

ಓ-ನ್ತತ್ಸ॑ವಿತುಃ॒ ಬ್ರಹ್ಮಾತ್ಮನೇ ಅಙ್ಗುಷ್ಠಾಭ್ಯಾ-ನ್ನಮಃ ।

ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ತರ್ಜನೀಭ್ಯಾ-ನ್ನಮಃ ।

ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾ-ನ್ನಮಃ ।

ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾ-ನ್ನಮಃ ।

ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾ-ನ್ನಮಃ ।

ಪ್ರಚೋ॒ದಯಾ᳚-ಥ್ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾ-ನ್ನಮಃ ।

ಅಙ್ಗನ್ಯಾಸಮ್

ಓ-ನ್ತತ್ಸವಿತುಃ॒ ಬ್ರಹ್ಮಾತ್ಮನೇ ಹೃದಯಾಯ ನಮಃ ।

ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ಶಿರಸೇ ಸ್ವಾಹಾ ।

ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ ।

ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಮ್ ।

ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ ।

ಪ್ರಚೋ॒ದಯಾ᳚-ಥ್ಸರ್ವಾತ್ಮನೇ ಅಸ್ತ್ರಾಯ ಫಟ್ ।

ಭೂರ್ಭುವ॒ಸ್ಸ್ವರೋಂ ಇತಿ ದಿಗ್ಬನ್ಧಃ ॥

ಧ್ಯಾನಮ್

ಮುಕ್ತಾ ವಿದ್ರುಮ ಹೇಮನೀಲ ಧವಲಚ್ಛಾಯೈರ್ಮುಖೈಸ್ತ್ರೀಕ್ಷಣೈಃ

ಯುಕ್ತಾಮಿನ್ದು ನಿಬದ್ಧ ರತ್ನಮಕುಟಾ-ನ್ತತ್ತ್ವಾರ್ಥ ವರ್ಣಾತ್ಮಿಕಾಮ್ ।

ಗಾಯತ್ರೀಂ-ವಁರದಾಭಯಾಙ್ಕುಶ ಕಶಾಶ್ಶುಭ್ರಙ್ಕಪಾಲ-ಙ್ಗದಾಂ

ಶಙ್ಖ-ಞ್ಚಕ್ರಮಥಾರವಿನ್ದಯುಗಲಂ ಹಸ್ತೈರ್ವಹನ್ತೀ-ಮ್ಭಜೇ ॥

ಧ್ಯೇಯಸ್ಸದಾ ಸವಿತೃಮಣ್ಡಲಮಧ್ಯವರ್ತೀ

ನಾರಾಯಣಸ್ಸರಸಿಜಾಸನ ಸನ್ನಿವಿಷ್ಟಃ ।

ಕೇಯೂರವಾ-ನ್ಮಕರಕುಣ್ಡಲವಾನ್ ಕಿರೀಟೀ

ಹಾರೀ ಹಿರಣ್ಮಯ ವಪುರ್ಧೃತಶಙ್ಖಚಕ್ರಃ ॥

[ಮುದ್ರಾಪ್ರದರ್​ಶನಮ್

ಸುಮುಖಂ ಸಮ್ಪುಟ-ಞ್ಚೈವ ವಿತತಂ-ವಿಁಸ್ತೃತ-ನ್ತಥಾ ।

ದ್ವಿಮುಖ-ನ್ತ್ರಿಮುಖ-ಞ್ಚೈವ ಚತುಃ ಪಞ್ಚಮುಖ-ನ್ತಥಾ ।

ಷಣ್ಮುಖೋ-ಽಧೋಮುಖ-ಞ್ಚೈವ ವ್ಯಾಪಿಕಾಞ್ಜಲಿಕ-ನ್ತಥಾ ।

ಶಕಟಂ-ಯಁಮಪಾಶ-ಞ್ಚ ಗ್ರಥಿತಂ ಸಮ್ಮುಖೋನ್ಮುಖಮ್ ।

ಪ್ರಲಮ್ಬ-ಮ್ಮುಷ್ಟಿಕ-ಞ್ಚೈವ ಮತ್ಸ್ಯಃ ಕೂರ್ಮೋ ವರಾಹಕಮ್ ।

ಸಿಂಹಾಕ್ರಾನ್ತ-ಮ್ಮಹಾಕ್ರಾನ್ತ-ಮ್ಮುದ್ಗರ-ಮ್ಪಲ್ಲವ-ನ್ತಥಾ ।

ಚತುರ್ವಿಂಶತಿ ಮುದ್ರಾ ವೈ ಗಾಯತ್ರ್ಯಾಂ ಸುಪ್ರತಿಷ್ಠಿತಾಃ ।

ಇತಿ ಮುದ್ರಾ ನ ಜಾನಾತಿ ಗಾಯತ್ರೀ ನಿಷ್ಫಲಾಭವೇತ್ ।]

ಗಾಯತ್ರೀ ಮನ್ತ್ರಮ್

ಓ-ಮ್ಭೂರ್ಭುವ॒-ಸ್ಸ್ವಃ॑ । ತತ್ಸ॑ವಿತು॒ರ್ವರೇ᳚ಣ್ಯ॒ಮ್ । ಭ॒ರ್ಗೋ॑ ದೇ॒ವಸ್ಯ॑ ಧೀ॒ಮಹಿ ।

ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ॥

ಕರನ್ಯಾಸಮ್

ಓ-ನ್ತತ್ಸ॑ವಿತುಃ॒ ಬ್ರಹ್ಮಾತ್ಮನೇ ಅಙ್ಗುಷ್ಠಾಭ್ಯಾ-ನ್ನಮಃ ।

ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ತರ್ಜನೀಭ್ಯಾ-ನ್ನಮಃ ।

ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಮಧ್ಯಮಾಭ್ಯಾ-ನ್ನಮಃ ।

ಧೀ॒ಮಹಿ ಸತ್ಯಾತ್ಮನೇ ಅನಾಮಿಕಾಭ್ಯಾ-ನ್ನಮಃ ।

ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ಕನಿಷ್ಠಿಕಾಭ್ಯಾ-ನ್ನಮಃ ।

ಪ್ರಚೋ॒ದಯಾ᳚-ಥ್ಸರ್ವಾತ್ಮನೇ ಕರತಲ ಕರಪೃಷ್ಠಾಭ್ಯಾ-ನ್ನಮಃ ।

ಅಙ್ಗನ್ಯಾಸಮ್

ಓ-ನ್ತತ್ಸವಿತುಃ॒ ಬ್ರಹ್ಮಾತ್ಮನೇ ಹೃದಯಾಯ ನಮಃ ।

ವರೇ᳚ಣ್ಯಂ॒-ವಿಁಷ್ಣ್ವಾತ್ಮನೇ ಶಿರಸೇ ಸ್ವಾಹಾ ।

ಭರ್ಗೋ॑ ದೇವ॒ಸ್ಯ॑ ರುದ್ರಾತ್ಮನೇ ಶಿಖಾಯೈ ವಷಟ್ ।

ಧೀ॒ಮಹಿ ಸತ್ಯಾತ್ಮನೇ ಕವಚಾಯ ಹುಮ್ ।

ಧಿಯೋ॒ ಯೋ ನಃ॑ ಜ್ಞಾನಾತ್ಮನೇ ನೇತ್ರತ್ರಯಾಯ ವೌಷಟ್ ।

ಪ್ರಚೋ॒ದಯಾ᳚-ಥ್ಸರ್ವಾತ್ಮನೇ ಅಸ್ತ್ರಾಯ ಫಟ್ ।

ಭೂರ್ಭುವ॒ಸ್ಸ್ವರೋಂ ಇತಿ ದಿಗ್ವಿಮೋಕಃ ॥

[ಉತ್ತರಮುದ್ರಾ ಪ್ರದರ್​ಶನಮ್

ಸುರಭಿಃ ಜ್ಞಾನ ಚಕ್ರ-ಞ್ಚ ಯೋನಿಃ ಕೂರ್ಮೋ-ಽಥ ಪಙ್ಕಜಮ್ ।

ಲಿಙ್ಗ-ನ್ನಿರ್ಯಾಣ ಮುದ್ರಾ ಚೇತ್ಯಷ್ಟಮುದ್ರಾಃ ಪ್ರಕೀರ್ತಿತಾಃ ।]

ಸೂರ್ಯೋಪಸ್ಥಾನಮ್

ಜಾತವೇದಸೇತ್ಯಸ್ಯ ಮನ್ತ್ರಸ್ಯ ಕಶ್ಯಪ ಋಷಿಃ । ದುರ್ಗಾಜಾತವೇದಾಗ್ನಿರ್ದೇವತಾ । ತ್ರಿಷ್ಟು-ಪ್ಛನ್ದಃ । ಸೂರ್ಯೋಪಸ್ಥಾನೇ ವಿನಿಯೋಗಃ ।

ಓ-ಞ್ಜಾ॒ತವೇ᳚ದಸೇ ಸುನವಾಮ॒ ಸೋಮ॑ಮರಾತೀಯ॒ತೋ ನಿದ॑ಹಾತಿ॒ ವೇದಃ॑ ।

ಸ ನಃ॑ ಪರ್​ಷ॒ದತಿ॑ ದು॒ರ್ಗಾಣಿ॒ ವಿಶ್ವಾ᳚ ನಾ॒ವೇವ॒ ಸಿನ್ಧು᳚-ನ್ದುರಿ॒ತಾ-ಽತ್ಯ॒ಗ್ನಿಃ ॥

ತ್ರ್ಯಮ್ಬಕಮಿತಿ ಮನ್ತ್ರಸ್ಯ । ಮೈತ್ರಾ ವರುಣಿರ್ವಸಿಷ್ಠ ಋಷಿಃ । ರುದ್ರೋ ದೇವತಾ । ಅನುಷ್ಟು-ಪ್ಛನ್ದಃ । ಉಪಸ್ಥಾನೇ ವಿನಿಯೋಗಃ ।

ಓ-ನ್ತ್ರ್ಯ॑ಮ್ಬಕಂ-ಯಁಜಾಮಹೇ ಸು॒ಗನ್ಧಿ॑-ಮ್ಪುಷ್ಟಿ॒ವರ್ಧ॑ನಮ್ ।

ಉ॒ರ್ವಾ॒ರು॒ಕಮಿ॑ವ॒ ಬನ್ಧ॑ನಾನ್ಮೃ॒ತ್ಯೋರ್ಮೃ॑ಕ್ಷೀಯ॒ ಮಾ-ಽಮೃತಾ॑ತ್ ।

[ತಚ್ಛಂ​ಯೋಁರಿತ್ಯಸ್ಯ ಮನ್ತ್ರಸ್ಯ । ಶಮ್ಯುರ ಋಷಿಃ । ವಿಶ್ವೇದೇವಾಃ ದೇವತಾ । ಶಕ್ವರೀ ಛನ್ದಃ । ಶಾನ್ತ್ಯರ್ಥೇ ಉಪಸ್ಥಾನೇ ವಿನಿಯೋಗಃ ।

ಓ-ನ್ತಚ್ಛಂ॒-ಯೋಁರಾವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ ।

ಗಾ॒ತುಂ-ಯಁ॒ಜ್ಞ॑ಪತಯೇ । ದೈವೀ᳚-ಸ್ಸ್ವ॒ಸ್ತಿರ॑ಸ್ತು ನಃ ।

ಸ್ವ॒ಸ್ತಿರ್ಮಾನು॑ಷೇಭ್ಯಃ । ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ ।

ಶ-ನ್ನೋ᳚ ಅಸ್ತು ದ್ವಿ॒ಪದೇ॒ । ಶ-ಞ್ಚತು॑ಷ್ಪದೇ ।]

ನಮೋ ಬ್ರಹ್ಮಣೇ ಇತ್ಯಸ್ಯ ಮನ್ತ್ರಸ್ಯ ಪ್ರಜಾಪತಿ ಋಷಿಃ ವಿಶ್ವೇದೇವಾಃ ದೇವತಾ । ಜಗತೀ-ಶ್ಛನ್ದಃ ಪ್ರದಕ್ಷಿಣೇ ವಿನಿಯೋಗಃ ।

ಓ-ನ್ನಮೋ᳚ ಬ್ರ॒ಹ್ಮಣೇ॒ ನಮೋ᳚-ಽಸ್ತ್ವ॒ಗ್ನಯೇ॒ ನಮಃ॑ ಪೃಥಿ॒ವ್ಯೈ ನಮ॒ ಓಷ॑ಧೀಭ್ಯಃ ।

ನಮೋ᳚ ವಾ॒ಚೇ ನಮೋ᳚ ವಾ॒ಚಸ್ಪ॑ತಯೇ॒ ನಮೋ॒ ವಿಷ್ಣ॑ವೇ ಮಹ॒ತೇ ಕ॑ರೋಮಿ ॥

ದಿಗ್ದೇವತಾ ನಮಸ್ಕಾರಃ

ಓ-ನ್ನಮಃ॒ ಪ್ರಾಚ್ಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮೋ॒ ದಕ್ಷಿ॑ಣಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮಃ॒ ಪ್ರತೀ᳚ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮ॒ ಉದೀ᳚ಚ್ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮ॑ ಊ॒ರ್ಧ್ವಾ॑ಯೈ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮೋ-ಽಧ॑ರಾಯೈ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ।

ಓ-ನ್ನಮೋ॑-ಽವಾನ್ತ॒ರಾಯೈ॑ ದಿ॒ಶೇ ಯಾಶ್ಚ॑ ದೇ॒ವತಾ॑

ಏ॒ತಸ್ಯಾ॒-ಮ್ಪ್ರತಿ॑ವಸನ್ತ್ಯೇ॒ ತಾಭ್ಯ॑ಶ್ಚ॒ ನಮಃ ॥

ಋಷಿ ದೇವತಾದಿ ನಮಸ್ಕಾರಃ

ನಮೋ ಗಙ್ಗಾಯಮುನಯೋರ್ಮಧ್ಯೇ ಯೇ॑ ವ॒ಸನ್ತಿ॒ ತೇ ಮೇ ಪ್ರಸನ್ನಾತ್ಮಾನಶ್ಚಿರ-ಞ್ಜೀವಿತಂ-ವಁ॑ರ್ಧಯ॒ನ್ತಿ॒

ನಮೋ ಗಙ್ಗಾಯಮುನಯೋರ್ಮುನಿ॑ಭ್ಯಶ್ಚ॒ ನಮೋ॒ ನಮೋ ಗಙ್ಗಾಯಮುನಯೋರ್ಮುನಿ॑ಭ್ಯಶ್ಚ ನಮಃ ।

ಓಂ ಸನ್ಧ್ಯಾ॑ಯೈ ನಮಃ । ಸಾವಿ॑ತ್ರ್ಯೈ ನಮಃ । ಗಾಯ॑ತ್ರ್ಯೈ ನಮಃ । ಸರ॑ಸ್ವತ್ಯೈ ನಮಃ । ಸರ್ವಾ᳚ಭ್ಯೋ ದೇ॒ವತಾ᳚ಭ್ಯೋ॒ ನಮಃ । ದೇ॒ವೇಭ್ಯೋ॒ ನಮಃ । ಋಷಿ॑ಭ್ಯೋ॒ ನಮಃ । ಮುನಿ॑ಭ್ಯೋ॒ ನಮಃ । ಗುರು॑ಭ್ಯೋ॒ ನಮಃ । ಮಾತೃ॑ಭ್ಯೋ॒ ನಮಃ । ಪಿತೃ॑ಭ್ಯೋ॒ ನಮಃ । ಕಾಮೋ-ಽಕಾರಿಷೀ᳚ನ್ನಮೋ॒ ನಮಃ । ಮನ್ಯುರಕಾರಿಷೀ᳚ನ್ನಮೋ॒ ನಮಃ ।

ಯಾಂ॒ ಸದಾ॑ ಸರ್ವ॑ಭೂತಾ॒ನಿ॒ ಚ॒ರಾ॑ಣಿ ಸ್ಥಾ॒ವರಾ॑ಣಿ ಚ ।

ಸಾಯ॑-ಮ್ಪ್ರಾ॒ತರ್ನ॑ಮಸ್ಯ॒ನ್ತಿ ಸಾ॒ಮಾ॒ ಸನ್ಧ್ಯಾ॑-ಽಭಿರ॑ಕ್ಷತು ॥

ದೇವತಾ ಸ್ಮರಣಮ್

ಬ್ರಹ್ಮಣ್ಯೋ ದೇವಕೀಪುತ್ರೋ ಬ್ರಹ್ಮಣ್ಯೋ ಮಧುಸೂದನಃ ।

ಬ್ರಹ್ಮಣ್ಯಃ ಪುಣ್ಡರೀಕಾಕ್ಷೋ ಬ್ರಹ್ಮಣ್ಯೋ ವಿಷ್ಣುರಚ್ಯುತಃ ॥

ನಮೋ ಬ್ರಹ್ಮಣ್ಯದೇವಾಯ ಗೋಬ್ರಾಹ್ಮಣಹಿತಾಯ ಚ ।

ಜಗದ್ಧಿತಾಯ ಕೃಷ್ಣಾಯ ಗೋವಿನ್ದಾಯ ನಮೋ ನಮಃ ॥

ಕ್ಷೀರೇಣ ಸ್ನಾಪಿತೇ ದೇವೀ ಚನ್ದನೇನ ವಿಲೇಪಿತೇ ।

ಬಿಲ್ವಪತ್ರಾರ್ಚಿತೇ ದೇವೀ ದುರ್ಗೇ-ಽಹಂ ಶರಣ-ಙ್ಗತಃ ॥

ಗಾಯತ್ರೀ ಪ್ರಸ್ಥಾನ ಪ್ರಾರ್ಥನಾ

ಉ॒ತ್ತಮೇ॑ ಶಿಖ॑ರೇ ಜಾ॒ತೇ॒ ಭೂ॒ಮ್ಯಾ-ಮ್ಪ॑ರ್ವತ॒ ಮೂರ್ಧ॑ನಿ ।

ಬ್ರಾ॒ಹ್ಮಣೇ॑ಭ್ಯೋ-ಽಭ್ಯ॑ನುಜ್ಞಾ॒ತಾ॒ ಗ॒ಚ್ಛದೇ॑ವಿ ಯ॒ಥಾ ಸು॑ಖಮ್ ॥

ಸ್ತುತೋ ಮಯಾ ವರದಾ ವೇ॑ದಮಾ॒ತಾ॒ ಪ್ರಚೋದಯನ್ತೀ ಪವನೇ᳚ ದ್ವಿಜಾ॒ತಾ ।

ಆಯುಃ ಪೃಥಿವ್ಯಾ-ನ್ದ್ರವಿಣ-ಮ್ಬ್ರ॑ಹ್ಮವ॒ರ್ಚಸಂ

ಮಹ್ಯ-ನ್ದತ್ವಾ ಪ್ರಯಾತು-ಮ್ಬ್ರ॑ಹ್ಮಲೋ॒ಕಮ್ ॥

ನಾರಾಯಣ ನಮಸ್ಕೃತಿ

ನಮೋ-ಽಸ್ತ್ವನನ್ತಾಯ ಸಹಸ್ರ ಮೂರ್ತಯೇ

ಸಹಸ್ರ ಪಾದಾಕ್ಷಿ ಶಿರೋರು ಬಾಹವೇ ।

ಸಹಸ್ರನಾಮ್ನೇ ಪುರುಷಾಯ ಶಾಶ್ವತೇ

ಸಹಸ್ರ ಕೋಟೀ ಯುಗಧಾರಿಣೇ ನಮಃ ॥

ಭೂಮ್ಯಾಕಾಶಾಭಿವನ್ದನಮ್

ಇ॒ದ-ನ್ದ್ಯಾ॑ವಾ ಪೃಥಿ॒ವೀ ಸ॒ತ್ಯಮ॑ಸ್ತು ।

ಪಿತ॒ರ್ಮಾತ॒ರ್ಯದಿ॒ಹೋಪ॑ಬ್ರುವೇ ವಾ॑ಮ್ ।

ಭೂ॒ತ-ನ್ದೇ॒ವಾನಾ॑ಮವ॒ಮೇ ಅವೋ॑ಭಿಃ ।

ವಿದ್ಯಾಮೇ॒ಷಂ-ವೃಁ॒ಜಿ॑ನ-ಞ್ಜೀ॒ರದಾ॑ನುಮ್ ।

ಆಕಾಶಾತ್ಪತಿತ-ನ್ತೋಯಂ-ಯಁಥಾ ಗಚ್ಛತಿ ಸಾಗರಮ್ ।

ಸರ್ವದೇವ ನಮಸ್ಕಾರಃ ಕೇಶವ-ಮ್ಪ್ರತಿಗಚ್ಛತಿ ॥

ಸರ್ವವೇದೇಷು ಯತ್ಪುಣ್ಯಂ ಸರ್ವತೀರ್ಥೇಷು ಯತ್ಫಲಮ್ ।

ತತ್ಫಲಂ ಸಮವಾಪ್ನೋತಿ ಸ್ತುತ್ವಾ ದೇವ-ಞ್ಜನಾರ್ದನಮ್ ॥

ವಾಸನಾದ್ವಾಸುದೇವಸ್ಯ ವಾಸಿತ-ನ್ತೇ ಜಗತ್ತ್ರಯಮ್ ।

ಸರ್ವಭೂತ ನಿವಾಸೋ-ಽಸಿ ವಾಸುದೇವ ನಮೋ-ಽಸ್ತು ತೇ ॥

ಅಭಿವಾದನಮ್

ಚತುಸ್ಸಾಗರ ಪರ್ಯನ್ತ-ಙ್ಗೋಬ್ರಾಹ್ಮಣೇಭ್ಯ-ಶ್ಶುಭ-ಮ್ಭವತು ॥

…… ಪ್ರವರಾನ್ವಿತ …… ಸ ಗೋತ್ರಃ ಆಶ್ವಲಾಯನಸೂತ್ರಃ ಋಕ್ ಶಾಖಾಧ್ಯಾಯೀ …….. ಶರ್ಮಾ-ಽಹ-ಮ್ಭೋ ಅಭಿವಾದಯೇ ॥

ಆಚಮ್ಯ ॥

ಸಮರ್ಪಣಮ್

ಯಸ್ಯ ಸ್ಮೃತ್ಯಾಚ ನಾಮೋಕ್ತ್ಯಾ ತಪ-ಸ್ಸನ್ಧ್ಯಾ ಕ್ರಿಯಾದಿಷು ।

ನ್ಯೂನಂ ಸಮ್ಪೂರ್ಣತಾಂ-ಯಾಁತಿ ಸದ್ಯೋವನ್ದೇ ತಮಚ್ಯುತಮ್ ॥

ಮನ್ತ್ರಹೀನ-ಙ್ಕ್ರಿಯಾಹೀನ-ಮ್ಭಕ್ತಿಹೀನಂ ರಮಾಪತೇ ।

ಯತ್ಕೃತ-ನ್ತು ಮಯಾದೇವ ಪರಿಪೂರ್ಣ-ನ್ತದಸ್ತು ತೇ ॥

ಅನೇನ ಪ್ರಾತಃ/ಮಾಧ್ಯಾಹ್ನಿಕ/ಸಾಯಂ ಸನ್ಧ್ಯಾವನ್ದನೇನ ಭಗವಾನ್ ಸರ್ವಾತ್ಮಕ-ಶ್ಶ್ರೀ ಲಕ್ಷ್ಮೀನಾರಾಯಣಃ ಪ್ರೀಯತಾಮ್ । ಸುಪ್ರೀತೋ ವರದೋ ಭವತು ।

ಆಬ್ರಹ್ಮಲೋಕಾದಾಶೇಷಾದಾಲೋಕಾಲೋಕ ಪರ್ವತಾತ್ ।

ಯೇ ಸನ್ತಿ ಬ್ರಾಹಣಾ ದೇವಾಸ್ತೇಭ್ಯೋ ನಿತ್ಯ-ನ್ನಮೋ ನಮಃ ॥

ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ

ಬುದ್ಧ್ಯಾತ್ಮನಾ ವಾ ಪ್ರಕೃತೇ-ಸ್ಸ್ವಭಾವಾತ್ ।

ಕರೋಮಿ ಯದ್ಯತ್ಸಕಲ-ಮ್ಪರಸ್ಮೈ

ನಾರಾಯಣಾಯೇತಿ ಸಮರ್ಪಯಾಮಿ ॥

ಸರ್ವಂ ಶ್ರೀಮನ್ನಾರಾಯಣಾರ್ಪಣಮಸ್ತು ॥