Sri Kalika Sahasra Nama Stotram

श्री कालिका सहस्र नाम स्तोत्रम्

श्लोक 1

श्री शिव उवाच ।

कथितोऽयं महामन्त्रः सर्वमन्त्रोत्तमोत्तमः ।

यामासाद्य मया प्राप्तमैश्वर्यपदमुत्तमम्

श्लोक 2

संयुक्तः परया भक्त्या यथोक्त विधिना भवान् ।

कुरुतामर्चनं देव्यास्त्रैलोक्यविजिगीषया

॥ 1 ॥

श्लोक 3

श्रीपरशुराम उवाच ।

प्रसन्नो यदि मे देव परमेश पुरातन ।

रहस्यं परमं देव्याः कृपया कथय प्रभो

॥ 2 ॥

श्लोक 4

विनार्चनं विना होमं विना न्यासं विना बलिम् ।

विना गन्धं विना पुष्पं विना नित्योदितां क्रियाम्

॥ 3 ॥

श्लोक 5

प्राणायामं विना ध्यानं विना भूतविशोधनम् ।

विना दानं विना जापं येन काली प्रसीदति

॥ 4 ॥

श्लोक 6

श्री शिव उवाच ।

पृष्टं त्वयोत्तमं प्राज्ञ भृगुवंश समुद्भव ।

भक्तानामपि भक्तोऽसि त्वमेव साधयिष्यसि

॥ 5 ॥

श्लोक 7

देवीं दानवकोटिघ्नीं लीलया रुधिरप्रियाम् ।

सदा स्तोत्रप्रियामुग्रां कामकौतुकलालसाम्

॥ 6 ॥

श्लोक 8

सर्वदाऽऽनन्दहृदयामासवोत्सव मानसाम् ।

माध्वीक मत्स्यमांसानुरागिणीं वैष्णवीं पराम्

॥ 7 ॥

श्लोक 9

श्मशानवासिनीं प्रेतगणनृत्यमहोत्सवाम् ।

योगप्रभावां योगेशीं योगीन्द्रहृदयस्थिताम्

॥ 8 ॥

श्लोक 10

तामुग्रकालिकां राम प्रसीदयितुमर्हसि ।

तस्याः स्तोत्रं परं पुण्यं स्वयं काल्या प्रकाशितम्

॥ 9 ॥

श्लोक 11

तव तत् कथयिष्यामि श्रुत्वा वत्सावधारय ।

गोपनीयं प्रयत्नेन पठनीयं परात्परम्

॥ 10 ॥

श्लोक 12

यस्यैककालपठनात् सर्वे विघ्नाः समाकुलाः ।

नश्यन्ति दहने दीप्ते पतङ्गा इव सर्वतः

॥ 11 ॥

श्लोक 13

गद्यपद्यमयी वाणी तस्य गङ्गाप्रवाहवत् ।

तस्य दर्शनमात्रेण वादिनो निष्प्रभां गताः

॥ 12 ॥

श्लोक 14

तस्य हस्ते सदैवास्ति सर्वसिद्धिर्न संशयः ।

राजानोऽपि च दासत्वं भजन्ते किं परे जनाः

॥ 13 ॥

श्लोक 15

निशीथे मुक्तकेशस्तु नग्नः शक्तिसमाहितः ।

मनसा चिन्तयेत् कालीं महाकालेन चालिताम्

॥ 14 ॥

श्लोक 16

पठेत् सहस्रनामाख्यं स्तोत्रं मोक्षस्य साधनम् ।

प्रसन्ना कालिका तस्य पुत्रत्वेनानुकम्पते

॥ 15 ॥

श्लोक 17

यथा ब्रह्ममृतैर्ब्रह्मकुसुमैः पूजिता परा ।

प्रसीदति तथानेन स्तुता काली प्रसीदति

॥ 16 ॥

श्लोक 18

विनियोगः –

अस्य श्री दक्षिणकालिका सहस्रनाम स्तोत्रस्य महाकालभैरव ऋषिः अनुष्टुप् छन्दः श्मशानकाली देवता धर्मार्थकाममोक्षार्थे पाठे विनियोगः ।

ध्यानम् –

शवारूढां महाभीमां घोरदंष्ट्रां हसन्मुखीं

चतुर्भुजां खड्गमुण्डवराभयकरां शिवाम् ।

मुण्डमालाधरां देवीं ललाज्जिह्वां दिगम्बरां

एवं सञ्चिन्तयेत्कालीं श्मशानालयवासिनीम् ॥

स्तोत्रम् –

श्मशानकालिका काली भद्रकाली कपालिनी ।

गुह्यकाली महाकाली कुरुकुल्ला विरोधिनी

॥ 17 ॥

श्लोक 19

कालिका कालरात्रिश्च महाकालनितम्बिनी ।

कालभैरवभार्या च कुलवर्त्मप्रकाशिनी

॥ 1 ॥

श्लोक 20

कामदा कामिनी कन्या कमनीयस्वरूपिणी ।

कस्तूरीरसलिप्ताङ्गी कुञ्जरेश्वरगामिनी

॥ 2 ॥

श्लोक 21

ककारवर्णसर्वाङ्गी कामिनी कामसुन्दरी ।

कामार्ता कामरूपा च कामधेनुः कलावती

॥ 3 ॥

श्लोक 22

कान्ता कामस्वरूपा च कामाख्या कुलकामिनी ।

कुलीना कुलवत्यम्बा दुर्गा दुर्गतिनाशिनी

॥ 4 ॥

श्लोक 23

कौमारी कलजा कृष्णा कृष्णदेहा कृशोदरी ।

कृशाङ्गी कुलिशाङ्गी च क्रीङ्कारी कमला कला

॥ 5 ॥

श्लोक 24

करालास्या कराली च कुलकान्ताऽपराजिता ।

उग्रा उग्रप्रभा दीप्ता विप्रचित्ता महाबला

॥ 6 ॥

श्लोक 25

नीला घना मेघनादा मात्रा मुद्रा मितामिता ।

ब्राह्मी नारायणी भद्रा सुभद्रा भक्तवत्सला

॥ 7 ॥

श्लोक 26

माहेश्वरी च चामुण्डा वाराही नारसिंहिका ।

वज्राङ्गी वज्रकङ्काली नृमुण्डस्रग्विणी शिवा

॥ 8 ॥

श्लोक 27

मालिनी नरमुण्डाली गलद्रक्तविभूषणा ।

रक्तचन्दनसिक्ताङ्गी सिन्दूरारुणमस्तका

॥ 9 ॥

श्लोक 28

घोररूपा घोरदंष्ट्रा घोराघोरतरा शुभा ।

महादंष्ट्रा महामाया सुदती युगदन्तुरा

॥ 10 ॥

श्लोक 29

सुलोचना विरूपाक्षी विशालाक्षी त्रिलोचना ।

शारदेन्दुप्रसन्नास्या स्फुरत्स्मेराम्बुजेक्षणा

॥ 11 ॥

श्लोक 30

अट्टहासप्रफुल्लास्या स्मेरवक्त्रा सुभाषिणी ।

प्रफुल्लपद्मवदना स्मितास्या प्रियभाषिणी

॥ 12 ॥

श्लोक 31

कोटराक्षी कुलश्रेष्ठा महती बहुभाषिणी ।

सुमतिः कुमतिश्चण्डा चण्डमुण्डातिवेगिनी

॥ 13 ॥

श्लोक 32

सुकेशी मुक्तकेशी च दीर्घकेशी महाकचा ।

प्रेतदेहाकर्णपूरा प्रेतपाणिसुमेखला

॥ 14 ॥

श्लोक 33

प्रेतासना प्रियप्रेता पुण्यदा कुलपण्डिता ।

पुण्यालया पुण्यदेहा पुण्यश्लोका च पावनी

॥ 15 ॥

श्लोक 34

पूता पवित्रा परमा परा पुण्यविभूषणा ।

पुण्यनाम्नी भीतिहरा वरदा खड्गपाणिनी

॥ 16 ॥

श्लोक 35

नृमुण्डहस्ता शान्ता च छिन्नमस्ता सुनासिका ।

दक्षिणा श्यामला श्यामा शान्ता पीनोन्नतस्तनी

॥ 17 ॥

श्लोक 36

दिगम्बरा घोररावा सृक्कान्तरक्तवाहिनी ।

घोररावा शिवासङ्गा निःसङ्गा मदनातुरा

॥ 18 ॥

श्लोक 37

मत्ता प्रमत्ता मदना सुधासिन्धुनिवासिनी ।

अतिमत्ता महामत्ता सर्वाकर्षणकारिणी

॥ 19 ॥

श्लोक 38

गीतप्रिया वाद्यरता प्रेतनृत्यपरायणा ।

चतुर्भुजा दशभुजा अष्टादशभुजा तथा

॥ 20 ॥

श्लोक 39

कात्यायनी जगन्माता जगती परमेश्वरी ।

जगद्बन्धुर्जगद्धात्री जगदानन्दकारिणी

॥ 21 ॥

श्लोक 40

जगज्जीववती हैमवती माया महालया ।

नागयज्ञोपवीताङ्गी नागिनी नागशायिनी

॥ 22 ॥

श्लोक 41

नागकन्या देवकन्या गान्धारी किन्नरी सुरी ।

मोहरात्री महारात्री दारुणामासुरासुरी

॥ 23 ॥

श्लोक 42

विद्याधरी वसुमती यक्षिणी योगिनी जरा ।

राक्षसी डाकिनी वेदमयी वेदविभूषणा

॥ 24 ॥

श्लोक 43

श्रुतिस्मृतिमहाविद्या गुह्यविद्या पुरातनी ।

चिन्त्याऽचिन्त्या स्वधा स्वाहा निद्रा तन्द्रा च पार्वती

॥ 25 ॥

श्लोक 44

अपर्णा निश्चला लोला सर्वविद्या तपस्विनी ।

गङ्गा काशी शची सीता सती सत्यपरायणा

॥ 26 ॥

श्लोक 45

नीतिः सुनीतिः सुरुचिस्तुष्टिः पुष्टिर्धृतिः क्षमा ।

वाणी बुद्धिर्महालक्ष्मी लक्ष्मीर्नीलसरस्वती

॥ 27 ॥

श्लोक 46

स्रोतस्वती स्रोतवती मातङ्गी विजया जया ।

नदी सिन्धुः सर्वमयी तारा शून्यनिवासिनी

॥ 28 ॥

श्लोक 47

शुद्धा तरङ्गिणी मेधा लाकिनी बहुरूपिणी ।

सदानन्दमयी सत्या सर्वानन्दस्वरूपिणी

॥ 29 ॥

श्लोक 48

सुनन्दा नन्दिनी स्तुत्या स्तवनीया स्वभाविनी ।

रङ्किणी टङ्किणी चित्रा विचित्रा चित्ररूपिणी

॥ 30 ॥

श्लोक 49

पद्मा पद्मालया पद्मसुखी पद्मविभूषणा ।

शाकिनी हाकिनी क्षान्ता राकिणी रुधिरप्रिया

॥ 31 ॥

श्लोक 50

भ्रान्तिर्भवानी रुद्राणी मृडानी शत्रुमर्दिनी ।

उपेन्द्राणी महेशानी ज्योत्स्ना चेन्द्रस्वरूपिणी

॥ 32 ॥

श्लोक 51

सूर्यात्मिका रुद्रपत्नी रौद्री स्त्री प्रकृतिः पुमान् ।

शक्तिः सूक्तिर्मतिमती भुक्तिर्मुक्तिः पतिव्रता

॥ 33 ॥

श्लोक 52

सर्वेश्वरी सर्वमाता शर्वाणी हरवल्लभा ।

सर्वज्ञा सिद्धिदा सिद्धा भाव्या भव्या भयापहा

॥ 34 ॥

श्लोक 53

कर्त्री हर्त्री पालयित्री शर्वरी तामसी दया ।

तमिस्रा यामिनीस्था च स्थिरा धीरा तपस्विनी

॥ 35 ॥

श्लोक 54

चार्वङ्गी चञ्चला लोलजिह्वा चारुचरित्रिणी ।

त्रपा त्रपावती लज्जा निर्लज्जा ह्रीं रजोवती

॥ 36 ॥

श्लोक 55

सत्त्ववती धर्मनिष्ठा श्रेष्ठा निष्ठुरवादिनी ।

गरिष्ठा दुष्टसंहर्त्री विशिष्टा श्रेयसी घृणा

॥ 37 ॥

श्लोक 56

भीमा भयानका भीमनादिनी भीः प्रभावती ।

वागीश्वरी श्रीर्यमुना यज्ञकर्त्री यजुःप्रिया

॥ 38 ॥

श्लोक 57

ऋक्सामाथर्वनिलया रागिणी शोभनस्वरा ।

कलकण्ठी कम्बुकण्ठी वेणुवीणापरायणा

॥ 39 ॥

श्लोक 58

वंशिनी वैष्णवी स्वच्छा धात्री त्रिजगदीश्वरी ।

मधुमती कुण्डलिनी ऋद्धिः सिद्धिः शुचिस्मिता

॥ 40 ॥

श्लोक 59

रम्भोर्वशी रती रामा रोहिणी रेवती रमा ।

शङ्खिनी चक्रिणी कृष्णा गदिनी पद्मिनी तथा

॥ 41 ॥

श्लोक 60

शूलिनी परिघास्त्रा च पाशिनी शार्ङ्गपाणिनी ।

पिनाकधारिणी धूम्रा शरभी वनमालिनी

॥ 42 ॥

श्लोक 61

वज्रिणी समरप्रीता वेगिनी रणपण्डिता ।

जटिनी बिम्बिनी नीला लावण्याम्बुधिचन्द्रिका

॥ 43 ॥

श्लोक 62

बलिप्रिया सदापूज्या पूर्णा दैत्येन्द्रमाथिनी ।

महिषासुरसंहन्त्री वासिनी रक्तदन्तिका

॥ 44 ॥

श्लोक 63

रक्तपा रुधिराक्ताङ्गी रक्तखर्परहस्तिनी ।

रक्तप्रिया मांसरुचिर्वासवासक्तमानसा

॥ 45 ॥

श्लोक 64

गलच्छोणितमुण्डालिकण्ठमालाविभूषणा ।

शवासना चितान्तस्था माहेशी वृषवाहिनी

॥ 46 ॥

श्लोक 65

व्याघ्रत्वगम्बरा चीनचेलिनी सिंहवाहिनी ।

वामदेवी महादेवी गौरी सर्वज्ञभाविनी

॥ 47 ॥

श्लोक 66

बालिका तरुणी वृद्धा वृद्धमाता जरातुरा ।

सुभ्रुर्विलासिनी ब्रह्मवादिनी ब्राह्मणी मही

॥ 48 ॥

श्लोक 67

स्वप्नवती चित्रलेखा लोपामुद्रा सुरेश्वरी ।

अमोघाऽरुन्धती तीक्ष्णा भोगवत्यनुवादिनी

॥ 49 ॥

श्लोक 68

मन्दाकिनी मन्दहासा ज्वालामुख्यसुरान्तका ।

मानदा मानिनी मान्या माननीया मदोद्धता

॥ 50 ॥

श्लोक 69

मदिरा मदिरान्मादा मेध्या नव्या प्रसादिनी ।

सुमध्याऽनन्तगुणिनी सर्वलोकोत्तमोत्तमा

॥ 51 ॥

श्लोक 70

जयदा जित्वरा जैत्री जयश्रीर्जयशालिनी ।

सुखदा शुभदा सत्या सभासङ्क्षोभकारिणी

॥ 52 ॥

श्लोक 71

शिवदूती भूतिमती विभूतिर्भीषणानना ।

कौमारी कुलजा कुन्ती कुलस्त्री कुलपालिका

॥ 53 ॥

श्लोक 72

कीर्तिर्यशस्विनी भूषा भूष्या भूतपतिप्रिया ।

सगुणा निर्गुणा धृष्टा निष्ठा काष्ठा प्रतिष्ठिता

॥ 54 ॥

श्लोक 73

धनिष्ठा धनदा धन्या वसुधा स्वप्रकाशिनी ।

उर्वी गुर्वी गुरुश्रेष्ठा सगुणा त्रिगुणात्मिका

॥ 55 ॥

श्लोक 74

महाकुलीना निष्कामा सकामा कामजीवना ।

कामदेवकला रामाऽभिरामा शिवनर्तकी

॥ 56 ॥

श्लोक 75

चिन्तामणिः कल्पलता जाग्रती दीनवत्सला ।

कार्तिकी कीर्तिका कृत्या अयोध्या विषमा समा

॥ 57 ॥

श्लोक 76

सुमन्त्रा मन्त्रिणी घूर्णा ह्लादिनी क्लेशनाशिनी ।

त्रैलोक्यजननी हृष्टा निर्मांसा मनोरूपिणी

॥ 58 ॥

श्लोक 77

तडागनिम्नजठरा शुष्कमांसास्थिमालिनी ।

अवन्ती मथुरा माया त्रैलोक्यपावनीश्वरी

॥ 59 ॥

श्लोक 78

व्यक्ताऽव्यक्ताऽनेकमूर्तिः शर्वरी भीमनादिनी ।

क्षेमङ्करी शङ्करी च सर्वसम्मोहकारिणी

॥ 60 ॥

श्लोक 79

ऊर्ध्वतेजस्विनी क्लिन्ना महातेजस्विनी तथा ।

अद्वैता भोगिनी पूज्या युवती सर्वमङ्गला

॥ 61 ॥

श्लोक 80

सर्वप्रियङ्करी भोग्या धरणी पिशिताशना ।

भयङ्करी पापहरा निष्कलङ्का वशङ्करी

॥ 62 ॥

श्लोक 81

आशा तृष्णा चन्द्रकला निद्रान्या वायुवेगिनी ।

सहस्रसूर्यसङ्काशा चन्द्रकोटिसमप्रभा

॥ 63 ॥

श्लोक 82

वह्निमण्डलसंस्था च सर्वतत्त्वप्रतिष्ठिता ।

सर्वाचारवती सर्वदेवकन्याधिदेवता

॥ 64 ॥

श्लोक 83

दक्षकन्या दक्षयज्ञनाशिनी दुर्गतारिका ।

इज्या पूज्या विभा भूतिः सत्कीर्तिर्ब्रह्मरूपिणी

॥ 65 ॥

श्लोक 84

रम्भोरुश्चतुरा राका जयन्ती करुणा कुहुः ।

मनस्विनी देवमाता यशस्या ब्रह्मचारिणी

॥ 66 ॥

श्लोक 85

ऋद्धिदा वृद्धिदा वृद्धिः सर्वाद्या सर्वदायिनी ।

आधाररूपिणी ध्येया मूलाधारनिवासिनी

॥ 67 ॥

श्लोक 86

अज्ञा प्रज्ञा पूर्णमनाश्चन्द्रमुख्यनुकूलिनी ।

वावदूका निम्ननाभिः सत्या सन्ध्या दृढव्रता

॥ 68 ॥

श्लोक 87

आन्वीक्षिकी दण्डनीतिस्त्रयी त्रिदिवसुन्दरी ।

ज्वलिनी ज्वालिनी शैलतनया विन्ध्यवासिनी

॥ 69 ॥

श्लोक 88

अमेया खेचरी धैर्या तुरीया विमलाऽऽतुरा ।

प्रगल्भा वारुणी छाया शशिनी विस्फुलिङ्गिनी

॥ 70 ॥

श्लोक 89

भुक्तिः सिद्धिः सदाप्राप्तिः प्राकाम्या महिमाऽणिमा ।

इच्छासिद्धिर्विसिद्धा च वशित्वोर्ध्वनिवासिनी

॥ 71 ॥

श्लोक 90

लघिमा चैव गायत्री सावित्री भुवनेश्वरी ।

मनोहरा चिता दिव्या देव्युदारा मनोरमा

॥ 72 ॥

श्लोक 91

पिङ्गला कपिला जिह्वारसज्ञा रसिका रसा ।

सुषुम्नेडा भोगवती गान्धारी नरकान्तका

॥ 73 ॥

श्लोक 92

पाञ्चाली रुक्मिणी राधाराध्या भीमाधिराधिका ।

अमृता तुलसी वृन्दा कैटभी कपटेश्वरी

॥ 74 ॥

श्लोक 93

उग्रचण्डेश्वरी वीरा जननी वीरसुन्दरी ।

उग्रतारा यशोदाख्या दैवकी देवमानिता

॥ 75 ॥

श्लोक 94

निरञ्जना चित्रदेवी क्रोधिनी कुलदीपिका ।

कुलवागीश्वरी वाणी मातृका द्राविणी द्रवा

॥ 76 ॥

श्लोक 95

योगेश्वरी महामारी भ्रामरी बिन्दुरूपिणी ।

दूती प्राणेश्वरी गुप्ता बहुला चमरी प्रभा

॥ 77 ॥

श्लोक 96

कुब्जिका ज्ञानिनी ज्येष्ठा भुशुण्डी प्रकटा तिथिः ।

द्रविणी गोपनी माया कामबीजेश्वरी क्रिया

॥ 78 ॥

श्लोक 97

शाम्भवी केकरा मेना मूषलास्त्रा तिलोत्तमा ।

अमेयविक्रमा क्रूरा सम्पत्शाला त्रिलोचना

॥ 79 ॥

श्लोक 98

स्वस्तिर्हव्यवहा प्रीतिरुष्मा धूम्रार्चिरङ्गदा ।

तपिनी तापिनी विश्वा भोगदा धारिणी धरा

॥ 80 ॥

श्लोक 99

त्रिखण्डा बोधिनी वश्या सकला शब्दरूपिणी ।

बीजरूपा महामुद्रा योगिनी योनिरूपिणी

॥ 81 ॥

श्लोक 100

अनङ्गकुसुमाऽनङ्गमेखलाऽनङ्गरूपिणी ।

वज्रेश्वरी च जयिनी सर्वद्वन्द्वक्षयङ्करी

॥ 82 ॥

श्लोक 101

षडङ्गयुवती योगयुक्ता ज्वालांशुमालिनी ।

दुराशया दुराधारा दुर्जया दुर्गरूपिणी

॥ 83 ॥

श्लोक 102

दुरन्ता दुष्कृतिहरा दुर्ध्येया दुरतिक्रमा ।

हंसेश्वरी त्रिकोणस्था शाकम्भर्यनुकम्पिनी

॥ 84 ॥

श्लोक 103

त्रिकोणनिलया नित्या परमामृतरञ्जिता ।

महाविद्येश्वरी श्वेता भेरुण्डा कुलसुन्दरी

॥ 85 ॥

श्लोक 104

त्वरिता भक्तिसंसक्ता भक्तवश्या सनातनी ।

भक्तानन्दमयी भक्तभाविका भक्तशङ्करी

॥ 86 ॥

श्लोक 105

सर्वसौन्दर्यनिलया सर्वसौभाग्यशालिनी ।

सर्वसम्भोगभवना सर्वसौख्यनिरूपिणी

॥ 87 ॥

श्लोक 106

कुमारीपूजनरता कुमारीव्रतचारिणी ।

कुमारीभक्तिसुखिनी कुमारीरूपधारिणी

॥ 88 ॥

श्लोक 107

कुमारीपूजकप्रीता कुमारीप्रीतिदा प्रिया ।

कुमारीसेवकासङ्गा कुमारीसेवकालया

॥ 89 ॥

श्लोक 108

आनन्दभैरवी बालभैरवी बटुभैरवी ।

श्मशानभैरवी कालभैरवी पुरभैरवी

॥ 90 ॥

श्लोक 109

महाभैरवपत्नी च परमानन्दभैरवी ।

सुधानन्दभैरवी च उन्मादानन्दभैरवी

॥ 91 ॥

श्लोक 110

मुक्तानन्दभैरवी च तथा तरुणभैरवी ।

ज्ञानानन्दभैरवी च अमृतानन्दभैरवी

॥ 92 ॥

श्लोक 111

महाभयङ्करी तीव्रा तीव्रवेगा तपस्विनी ।

त्रिपुरा परमेशानी सुन्दरी पुरसुन्दरी

॥ 93 ॥

श्लोक 112

त्रिपुरेशी पञ्चदशी पञ्चमी पुरवासिनी ।

महासप्तदशी चैव षोडशी त्रिपुरेश्वरी

॥ 94 ॥

श्लोक 113

महाङ्कुशस्वरूपा च महाचक्रेश्वरी तथा ।

नवचक्रेश्वरी चक्रेश्वरी त्रिपुरमालिनी

॥ 95 ॥

श्लोक 114

राजराजेश्वरी धीरा महात्रिपुरसुन्दरी ।

सिन्दूरपूररुचिरा श्रीमत्त्रिपुरसुन्दरी

॥ 96 ॥

श्लोक 115

सर्वाङ्गसुन्दरी रक्तारक्तवस्त्रोत्तरीयिणी ।

जवायावकसिन्दूररक्तचन्दनधारिणी

॥ 97 ॥

श्लोक 116

जवायावकसिन्दूररक्तचन्दनरूपधृक् ।

चामरी बालकुटिलनिर्मला श्यामकेशिनी

॥ 98 ॥

श्लोक 117

वज्रमौक्तिकरत्नाढ्या किरीटमुकुटोज्ज्वला ।

रत्नकुण्डलसंयुक्तस्फुरद्गण्डमनोरमा

॥ 99 ॥

श्लोक 118

कुञ्जरेश्वरकुम्भोत्थमुक्तारञ्जितनासिका ।

मुक्ताविद्रुममाणिक्यहाराढ्यस्तनमण्डला

॥ 100 ॥

श्लोक 119

सूर्यकान्तेन्दुकान्ताढ्यस्पर्शाश्मकण्ठभूषणा ।

बीजपूरस्फुरद्बीजदन्तपङ्क्तिरनुत्तमा

॥ 101 ॥

श्लोक 120

कामकोदण्डकाभुग्नभ्रूकटाक्षप्रवर्षिणी ।

मातङ्गकुम्भवक्षोजा लसत्कोकनदेक्षणा

॥ 102 ॥

श्लोक 121

मनोज्ञशष्कुलीकर्णा हंसीगतिविडम्बिनी ।

पद्मरागाङ्गदज्योतिर्दोश्चतुष्कप्रकाशिनी

॥ 103 ॥

श्लोक 122

नानामणिपरिस्फूर्जच्छुद्धकाञ्चनकङ्कणा ।

नागेन्द्रदन्तनिर्माणवलयाङ्कितपाणिनी

॥ 104 ॥

श्लोक 123

अङ्गुरीयकचित्राङ्गी विचित्रक्षुद्रघण्टिका ।

पट्टाम्बरपरीधाना कलमञ्जीरशिञ्जिनी

॥ 105 ॥

श्लोक 124

कर्पूरागरुकस्तूरीकुङ्कुमद्रवलेपिता ।

विचित्ररत्नपृथिवीकल्पशाखितलस्थिता

॥ 106 ॥

श्लोक 125

रत्नद्वीपस्फुरद्रत्नसिंहासनविलासिनी ।

षट्चक्रभेदनकरी परमानन्दरूपिणी

॥ 107 ॥

श्लोक 126

सहस्रदलपद्मान्तश्चन्द्रमण्डलवर्तिनी ।

ब्रह्मरूपा शिवक्रोडा नानासुखविलासिनी

॥ 108 ॥

श्लोक 127

हरविष्णुविरिञ्चीन्द्रग्रहनायकसेविता ।

शिवा शैवा च रुद्राणी तथैव शिववादिनी

॥ 109 ॥

श्लोक 128

मातङ्गिनी श्रीमती च तथैवानङ्गमेखला ।

डाकिनी योगिनी चैव तथोपयोगिनी मता

॥ 110 ॥

श्लोक 129

माहेश्वरी वैष्णवी च भ्रामरी शिवरूपिणी ।

अलम्बुषा वेगवती क्रोधरूपा सुमेखला

॥ 111 ॥

श्लोक 130

गान्धारी हस्तजिह्वा च इडा चैव शुभङ्करी ।

पिङ्गला ब्रह्मदूती च सुषुम्ना चैव गन्धिनी

॥ 112 ॥

श्लोक 131

आत्मयोनिर्ब्रह्मयोनिर्जगद्योनिरयोनिजा ।

भगरूपा भगस्थात्री भगिनी भगरूपिणी

॥ 113 ॥

श्लोक 132

भगात्मिका भगाधाररूपिणी भगमालिनी ।

लिङ्गाख्या चैव लिङ्गेशी त्रिपुरा भैरवी तथा

॥ 114 ॥

श्लोक 133

लिङ्गगीतिः सुगीतिश्च लिङ्गस्था लिङ्गरूपधृक् ।

लिङ्गमाना लिङ्गभवा लिङ्गलिङ्गा च पार्वती

॥ 115 ॥

श्लोक 134

भगवती कौशिकी च प्रेमा चैव प्रियंवदा ।

गृध्ररूपा शिवारूपा चक्रिणी चक्ररूपधृक्

॥ 116 ॥

श्लोक 135

लिङ्गाभिधायिनी लिङ्गप्रिया लिङ्गनिवासिनी ।

लिङ्गस्था लिङ्गनी लिङ्गरूपिणी लिङ्गसुन्दरी

॥ 117 ॥

श्लोक 136

लिङ्गगीतिर्महाप्रीता भगगीतिर्महासुखा ।

लिङ्गनामसदानन्दा भगनामसदागतिः

॥ 118 ॥

श्लोक 137

लिङ्गमालाकण्ठभूषा भगमालाविभूषणा ।

भगलिङ्गामृतप्रीता भगलिङ्गस्वरूपिणी

॥ 119 ॥

श्लोक 138

भगलिङ्गस्य रूपा च भगलिङ्गसुखावहा ।

स्वयम्भूकुसुमप्रीता स्वयम्भूकुसुमार्चिता

॥ 120 ॥

श्लोक 139

स्वयम्भूकुसुमप्राणा स्वयम्भूपुष्पतर्पिता ।

स्वयम्भूपुष्पघटिता स्वयम्भूपुष्पधारिणी

॥ 121 ॥

श्लोक 140

स्वयम्भूपुष्पतिलका स्वयम्भूपुष्पचर्चिता ।

स्वयम्भूपुष्पनिरता स्वयम्भूकुसुमग्रहा

॥ 122 ॥

श्लोक 141

स्वयम्भूपुष्पयज्ञांशा स्वयम्भूकुसुमात्मिका ।

स्वयम्भूपुष्पनिचिता स्वयम्भूकुसुमप्रिया

॥ 123 ॥

श्लोक 142

स्वयम्भूकुसुमादानलालसोन्मत्तमानसा ।

स्वयम्भूकुसुमानन्दलहरीस्निग्धदेहिनी

॥ 124 ॥

श्लोक 143

स्वयम्भूकुसुमाधारा स्वयम्भूकुसुमाकुला ।

स्वयम्भूपुष्पनिलया स्वयम्भूपुष्पवासिनी

॥ 125 ॥

श्लोक 144

स्वयम्भूकुसुमस्निग्धा स्वयम्भूकुसुमात्मिका ।

स्वयम्भूपुष्पकरिणी स्वयम्भूपुष्पवाणिका

॥ 126 ॥

श्लोक 145

स्वयम्भूकुसुमध्याना स्वयम्भूकुसुमप्रभा ।

स्वयम्भूकुसुमज्ञाना स्वयम्भूपुष्पभागिनी

॥ 127 ॥

श्लोक 146

स्वयम्भूकुसुमोल्लासा स्वयम्भूपुष्पवर्षिणी ।

स्वयम्भूकुसुमोत्साहा स्वयम्भूपुष्परूपिणी

॥ 128 ॥

श्लोक 147

स्वयम्भूकुसुमोन्मादा स्वयम्भूपुष्पसुन्दरी ।

स्वयम्भूकुसुमाराध्या स्वयम्भूकुसुमोद्भवा

॥ 129 ॥

श्लोक 148

स्वयम्भूकुसुमाव्यग्रा स्वयम्भूपुष्पपूर्णिता ।

स्वयम्भूपूजकप्राज्ञा स्वयम्भूहोतृमातृका

॥ 130 ॥

श्लोक 149

स्वयम्भूदातृरक्षित्री स्वयम्भूरक्ततारिका ।

स्वयम्भूपूजकग्रस्ता स्वयम्भूपूजकप्रिया

॥ 131 ॥

श्लोक 150

स्वयम्भूवन्दकाधारा स्वयम्भूनिन्दकान्तका ।

स्वयम्भूप्रदसर्वस्वा स्वयम्भूप्रदपुत्रिणी

॥ 132 ॥

श्लोक 151

स्वयम्भूप्रदसस्मेरा स्वयम्भूतशरीरिणी ।

सर्वकालोद्भवप्रीता सर्वकालोद्भवात्मिका

॥ 133 ॥

श्लोक 152

सर्वकालोद्भवोद्भावा सर्वकालोद्भवोद्भवा ।

कुण्डपुष्पसदाप्रीता कुण्डपुष्पसदारतिः

॥ 134 ॥

श्लोक 153

कुण्डगोलोद्भवप्राणा कुण्डगोलोद्भवात्मिका ।

स्वयम्भूर्वा शिवा धात्री पावनी लोकपावनी

॥ 135 ॥

श्लोक 154

कीर्तिर्यशस्विनी मेधा विमेधा शुक्रसुन्दरी ।

अश्विनी कृत्तिका पुष्या तेजस्का चन्द्रमण्डला

॥ 136 ॥

श्लोक 155

सूक्ष्माऽसूक्ष्मा बलाका च वरदा भयनाशिनी ।

वरदाऽभयदा चैव मुक्तिबन्धविनाशिनी

॥ 137 ॥

श्लोक 156

कामुका कामदा कान्ता कामाख्या कुलसुन्दरी ।

दुःखदा सुखदा मोक्षा मोक्षदार्थप्रकाशिनी

॥ 138 ॥

श्लोक 157

दुष्टादुष्टमतिश्चैव सर्वकार्यविनाशिनी ।

शुक्राधारा शुक्ररूपा शुक्रसिन्धुनिवासिनी

॥ 139 ॥

श्लोक 158

शुक्रालया शुक्रभोगा शुक्रपूजासदारतिः ।

शुक्रपूज्या शुक्रहोमसन्तुष्टा शुक्रवत्सला

॥ 140 ॥

श्लोक 159

शुक्रमूर्तिः शुक्रदेहा शुक्रपूजकपुत्रिणी ।

शुक्रस्था शुक्रिणी शुक्रसंस्पृहा शुक्रसुन्दरी

॥ 141 ॥

श्लोक 160

शुक्रस्नाता शुक्रकरी शुक्रसेव्याऽतिशुक्रिणी ।

महाशुक्रा शुक्रभवा शुक्रवृष्टिविधायिनी

॥ 142 ॥

श्लोक 161

शुक्राभिधेया शुक्रार्हा शुक्रवन्दकवन्दिता ।

शुक्रानन्दकरी शुक्रसदानन्दाभिधायिका

॥ 143 ॥

श्लोक 162

शुक्रोत्सवा सदाशुक्रपूर्णा शुक्रमनोरमा ।

शुक्रपूजकसर्वस्वा शुक्रनिन्दकनाशिनी

॥ 144 ॥

श्लोक 163

शुक्रात्मिका शुक्रसंवत् शुक्राकर्षणकारिणी ।

शारदा साधकप्राणा साधकासक्तमानसा

॥ 145 ॥

श्लोक 164

साधकोत्तमसर्वस्वा साधकाभक्तरक्तपा ।

साधकानन्दसन्तोषा साधकानन्दकारिणी

॥ 146 ॥

श्लोक 165

आत्मविद्या ब्रह्मविद्या परब्रह्मस्वरूपिणी ।

त्रिकूटस्था पञ्चकूटा सर्वकूटशरीरिणी

॥ 147 ॥

श्लोक 166

सर्ववर्णमयी वर्णजपमालाविधायिनी ।

इति श्रीकालिकानामसहस्रं शिवभाषितम्

॥ 148 ॥

श्लोक 167

गुह्याद्गुह्यतरं साक्षान्महापातकनाशनम् ।

पूजाकाले निशीथे च सन्ध्ययोरुभयोरपि

॥ 149 ॥

श्लोक 168

लभते गाणपत्यं स यः पठेत् साधकोत्तमः ।

यः पठेत् पाठयेद्वापि शृणोति श्रावयेदपि

॥ 150 ॥

श्लोक 169

सर्वपापविनिर्मुक्तः स याति कालिकापुरम् ।

श्रद्धयाऽश्रद्धया वापि यः कश्चिन्मानवः स्मरेत्

॥ 151 ॥

श्लोक 170

दुर्गं दुर्गशतं तीर्त्वा स याति परमाङ्गतिम् ।

वन्ध्या वा काकवन्ध्या वा मृतवत्सा च याङ्गना

॥ 152 ॥

श्लोक 171

श्रुत्वा स्तोत्रमिदं पुत्रान् लभते चिरजीविनः ।

यं यं कामयते कामं पठन् स्तोत्रमनुत्तमम् ।

देवीपादप्रसादेन तत्तदाप्नोति निश्चितम्

॥ 153 ॥

श्लोक 172

इति श्रीकालिकाकुलसर्वस्वे हरपरशुरामसंवादे श्री कालिका सहस्रनाम स्तोत्रम् ।