মূক পঞ্চ শতি 1 - আর্য শতকম্

মূক পঞ্চ শতি 1 - আর্য শতকম্

শ্লোক 1

কারণপরচিদ্রূপা কাঞ্চীপুরসীম্নি কামপীঠগতা ।

কাচন বিহরতি করুণা কাশ্মীরস্তবককোমলাঙ্গলতা

শ্লোক 2

কঞ্চন কাঞ্চীনিলযং করধৃতকোদণ্ডবাণসৃণিপাশম্ ।

কঠিনস্তনভরনম্রং কৈবল্যানন্দকন্দমবলম্বে

॥1॥

শ্লোক 3

চিন্তিতফলপরিপোষণচিন্তামণিরেব কাঞ্চিনিলযা মে ।

চিরতরসুচরিতসুলভা চিত্তং শিশিরযতু চিত্সুখাধারা

॥2॥

শ্লোক 4

কুটিলকচং কঠিনকুচং কুন্দস্মিতকান্তি কুঙ্কুমচ্ছাযম্ ।

কুরুতে বিহৃতিং কাঞ্চ্যাং কুলপর্বতসার্বভৌমসর্বস্বম্

॥3॥

শ্লোক 5

পঞ্চশরশাস্ত্রবোধনপরমাচার্যেণ দৃষ্টিপাতেন ।

কাঞ্চীসীম্নি কুমারী কাচন মোহযতি কামজেতারম্

॥4॥

শ্লোক 6

পরযা কাঞ্চীপুরযা পর্বতপর্যাযপীনকুচভরযা ।

পরতন্ত্রা বযমনযা পঙ্কজসব্রহ্মচারিলোচনযা

॥5॥

শ্লোক 7

ঐশ্বর্যমিন্দুমৌলেরৈকত্ম্যপ্রকৃতি কাঞ্চিমধ্যগতম্ ।

ঐন্দবকিশোরশেখরমৈদম্পর্যং চকাস্তি নিগমানাম্

॥6॥

শ্লোক 8

শ্রিতকম্পসীমানং শিথিলিতপরমশিবধৈর্যমহিমানম্ ।

কলযে পটলিমানং কঞ্চন কঞ্চুকিতভুবনভূমানম্

॥7॥

শ্লোক 9

আদৃতকাঞ্চীনিলযমাদ্যামারূঢযৌবনাটোপাম্ ।

আগমবতংসকলিকামানন্দাদ্বৈতকন্দলীং বন্দে

॥8॥

শ্লোক 10

তুঙ্গাভিরামকুচভরশৃঙ্গারিতমাশ্রযামি কাঞ্চিগতম্ ।

গঙ্গাধরপরতন্ত্রং শৃঙ্গারাদ্বৈততন্ত্রসিদ্ধান্তম্

॥9॥

শ্লোক 11

কাঞ্চীরত্নবিভূষাং কামপি কন্দর্পসূতিকাপাঙ্গীম্ ।

পরমাং কলামুপাসে পরশিববামাঙ্কপীঠিকাসীনাম্

॥10॥

শ্লোক 12

কম্পাতীচরাণাং করুণাকোরকিতদৃষ্টিপাতানাম্ ।

কেলীবনং মনো মে কেষাঞ্চিদ্ভবতু চিদ্বিলাসানাম্

॥11॥

শ্লোক 13

আম্রতরুমূলবসতেরাদিমপুরুষস্য নযনপীযূষম্ ।

আরব্ধযৌবনোত্সবমাম্নাযরহস্যমন্তরবলম্বে

॥12॥

শ্লোক 14

অধিকাঞ্চি পরমযোগিভিরাদিমপরপীঠসীম্নি দৃশ্যেন ।

অনুবদ্ধং মম মানসমরুণিমসর্বস্বসম্প্রদাযেন

॥13॥

শ্লোক 15

অঙ্কিতশঙ্করদেহামঙ্কুরিতোরোজকঙ্কণাশ্লেষৈঃ ।

অধিকাঞ্চি নিত্যতরুণীমদ্রাক্ষং কাঞ্চিদদ্ভুতাং বালাম্

॥14॥

শ্লোক 16

মধুরধনুষা মহীধরজনুষা নন্দামি সুরভিবাণজুষা ।

চিদ্বপুষা কাঞ্চিপুরে কেলিজুষা বন্ধুজীবকান্তিমুষা

॥15॥

শ্লোক 17

মধুরস্মিতেন রমতে মাংসলকুচভারমন্দগমনেন ।

মধ্যেকাঞ্চি মনো মে মনসিজসাম্রাজ্যগর্ববীজেন

॥16॥

শ্লোক 18

ধরণিমযীং তরণিমযীং পবনমযীং গগনদহনহোতৃমযীম্ ।

অম্বুমযীমিন্দুমযীমম্বামনুকম্পমাদিমামীক্ষে

॥17॥

শ্লোক 19

লীনস্থিতি মুনিহৃদযে ধ্যানস্তিমিতং তপস্যদুপকম্পম্ ।

পীনস্তনভরমীডে মীনধ্বজতন্ত্রপরমতাত্পর্যম্

॥18॥

শ্লোক 20

শ্বেতা মন্থরহসিতে শাতা মধ্যে চ বাড্ভনোঽতীতা ।

শীতা লোচনপাতে স্ফীতা কুচসীম্নি শাশ্বতী মাতা

॥19॥

শ্লোক 21

পুরতঃ কদা ন করবৈ পুরবৈরিবিমর্দপুলকিতাঙ্গলতাম্ ।

পুনতীং কাঞ্চীদেশং পুষ্পাযুধবীর্যসরসপরিপাটীম্

॥20॥

শ্লোক 22

পুণ্যা কাঽপি পুরন্ধ্রী পুঙ্খিতকন্দর্পসম্পদা বপুষা ।

পুলিনচরী কম্পাযাঃ পুরমথনং পুলকনিচুলিতং কুরুতে

॥21॥

শ্লোক 23

তনিমাদ্বৈতবলগ্নং তরুণারুণসম্প্রদাযতনুলেখম্ ।

তটসীমনি কম্পাযাস্তরুণিমসর্বস্বমাদ্যমদ্রাক্ষম্

॥22॥

শ্লোক 24

পৌষ্টিককর্মবিপাকং পৌষ্পশরং সবিধসীম্নি কম্পাযাঃ ।

অদ্রাক্ষমাত্তযৌবনমভ্যুদযং কঞ্চিদর্ধশশিমৌলৈঃ

॥23॥

শ্লোক 25

সংশ্রিতকাঞ্চীদেশে সরসিজদৌর্ভাগ্যজাগ্রদুত্তংসে ।

সংবিন্মযে বিলীযে সারস্বতপুরুষকারসাম্রাজ্যে

॥24॥

শ্লোক 26

মোদিতমধুকরবিশিখং স্বাদিমসমুদাযসারকোদণ্ডম্ ।

আদৃতকাঞ্চীখেলনমাদিমমারুণ্যভেদমাকলযে

॥25॥

শ্লোক 27

উররীকৃতকাঞ্চিপুরীমুপনিষদরবিন্দকুহরমধুধারাম্ ।

উন্নম্রস্তনকলশীমুত্সবলহরীমুপাস্মহে শম্ভোঃ

॥26॥

শ্লোক 28

এণশিশুদীর্ঘলোচনমেনঃপরিপন্থি সন্ততং ভজতাম্ ।

একাম্রনাথজীবিতমেবম্পদদূরমেকমবলম্বে

॥27॥

শ্লোক 29

স্মযমানমুখং কাঞ্চীভযমানং কমপি দেবতাভেদম্ ।

দযমানং বীক্ষ্য মুহুর্বযমানন্দামৃতাম্বুধৌ মগ্নাঃ

॥28॥

শ্লোক 30

কুতুকজুষি কাঞ্চিদেশে কুমুদতপোরাশিপাকশেখরিতে ।

কুরুতে মনোবিহারং কুলগিরিপরিবৃঢকুলৈকমণিদীপে

॥29॥

শ্লোক 31

বীক্ষেমহি কাঞ্চিপুরে বিপুলস্তনকলশগরিমপরবশিতম্ ।

বিদ্রুমসহচরদেহং বিভ্রমসমবাযসারসন্নাহম্

॥30॥

শ্লোক 32

কুরুবিন্দগোত্রগাত্রং কূলচরং কমপি নৌমি কম্পাযাঃ ।

কূলঙ্কষকুচকুম্ভং কুসুমাযুধবীর্যসারসংরম্ভম্

॥31॥

শ্লোক 33

কুডূমলিতকুচকিশোরৈঃ কুর্বাণৈঃ কাঞ্চিদেশসৌহার্দম্ ।

কুঙ্কুমশোণৈর্নিচিতং কুশলপথং শম্ভুসুকৃতসম্ভারৈঃ

॥32॥

শ্লোক 34

অঙ্কিতকচেন কেনচিদন্ধঙ্করণৌষধেন কমলানাম্ ।

অন্তঃপুরেণ শম্ভোরলঙ্ক্রিযা কাঽপি কল্প্যতে কাঞ্চ্যাম্

॥33॥

শ্লোক 35

ঊরীকরোমি সন্ততমূষ্মলফালেন ললিতং পুংসা ।

উপকম্পমুচিতখেলনমুর্বীধরবংশসম্পদুন্মেষম্

॥34॥

শ্লোক 36

অঙ্কুরিতস্তনকোরকমঙ্কালঙ্কারমেকচূতপতেঃ ।

আলোকেমহি কোমলমাগমসংলাপসারযাথার্থ্যম্

॥35॥

শ্লোক 37

পুঞ্জিতকরুণমুদঞ্চিতশিঞ্জিতমণিকাঞ্চি কিমপি কাঞ্চিপুরে ।

মঞ্জরিতমৃদুলহাসং পিঞ্জরতনুরুচি পিনাকিমূলধনম্

॥36॥

শ্লোক 38

লোলহৃদযোঽস্তি শম্ভোর্লোচনযুগলেন লেহ্যমানাযাম্ ।

ললিতপরমশিবাযাং লাবণ্যামৃততরঙ্গমালাযাম্

॥37॥

শ্লোক 39

মধুকরসহচরচিকুরৈর্মদনাগমসমযদীক্ষিতকটাক্ষৈঃ ।

মণ্ডিতকম্পাতীরৈর্মঙ্গলকন্দৈর্মমাস্তু সারূপ্যম্

॥38॥

শ্লোক 40

বদনারবিন্দবক্ষোবামাঙ্কতটীবশংবদীভূতা ।

পূরুষত্রিতযে ত্রেধা পুরন্ধ্রিরূপা ত্বমেব কামাক্ষি

॥39॥

শ্লোক 41

বাধাকরীং ভবাব্ধেরাধারাদ্যম্বুজেষু বিচরন্তীম্ ।

আধারীকৃতকাঞ্চী বোধামৃতবীচিমেব বিমৃশামঃ

॥40॥

শ্লোক 42

কলযাম্যন্তঃ শশধরকলযাঽঙ্কিতমৌলিমমলচিদ্বলযাম্ ।

অলযামাগমপীঠীনিলযাং বলযাঙ্কসুন্দরীমম্বাম্

॥41॥

শ্লোক 43

শর্বাদিপরমসাধকগুর্বানীতায কামপীঠজুষে ।

সর্বাকৃতযে শোণিমগর্বাযাস্মৈ সমর্প্যতে হৃদযম্

॥42॥

শ্লোক 44

সমযা সান্ধ্যমযূখৈঃ সমযা বুদ্ধযা সদৈব শীলিতযা ।

উমযা কাঞ্চীরতযা ন মযা লভ্যতে কিং নু তাদাত্ম্যম্

॥43॥

শ্লোক 45

জন্তোস্তব পদপূজনসন্তোষতরঙ্গিতস্য কামাক্ষি ।

বন্ধো যদি ভবতি পুনঃ সিন্ধোরম্ভস্সু বম্ভ্রমীতি শিলা

॥44॥

শ্লোক 46

কুণ্ডলি কুমারি কুটিলে চণ্ডি চরাচরসবিত্রি চামুণ্ডে ।

গুণিনি গুহারিণি গুহ্যে গুরুমূর্তে ত্বাং নমামি কামাক্ষি

॥45॥

শ্লোক 47

অভিদাকৃতির্ভিদাকৃতিরচিদাকৃতিরপি চিদাকৃতির্মাতঃ ।

অনহন্তা ত্বমহন্তা ভ্রমযসি কামাক্ষি শাশ্বতী বিশ্বম্

॥46॥

শ্লোক 48

শিব শিব পশ্যন্তি সমং শ্রীকামাক্ষীকটাক্ষিতাঃ পুরুষাঃ ।

বিপিনং ভবনমমিত্রং মিত্রং লোষ্টং চ যুবতিবিম্বোষ্ঠম্

॥47॥

শ্লোক 49

কামপরিপন্থিকামিনি কামেশ্বরি কামপীঠমধ্যগতে ।

কামদুঘা ভব কমলে কামকলে কামকোটি কামাক্ষি

॥48॥

শ্লোক 50

মধ্যেহৃদযং মধ্যেনিটিলং মধ্যেশিরোঽপি বাস্তব্যাম্ ।

চণ্ডকরশক্রকার্মুকচন্দ্রসমাভাং নমামি কামাক্ষীম্

॥49॥

শ্লোক 51

অধিকাঞ্চি কেলিলোলৈরখিলাগমযন্ত্রতন্ত্রমযৈঃ ।

অতিশীতং মম মানসমসমশরদ্রোহিজীবনোপাযৈঃ

॥50॥

শ্লোক 52

নন্দতি মম হৃদি কাচন মন্দিরযন্তা নিরন্তরং কাঞ্চীম্ ।

ইন্দুরবিমণ্ডলকুচা বিন্দুবিযন্নাদপরিণতা তরুণী

॥51॥

শ্লোক 53

শম্পালতাসবর্ণং সম্পাদযিতুং ভবজ্বরচিকিত্সাম্ ।

লিম্পামি মনসি কিঞ্চন কম্পাতটরোহি সিদ্ধভৈষজ্যম্

॥52॥

শ্লোক 54

অনুমিতকুচকাঠিন্যামধিবক্ষঃপীঠমঙ্গজন্মরিপোঃ ।

আনন্দদাং ভজে তামানঙ্গব্রহ্মতত্ববোধসিরাম্

॥53॥

শ্লোক 55

ঐক্ষিষি পাশাঙ্কুশধরহস্তান্তং বিস্মযার্হবৃত্তান্তম্ ।

অধিকাঞ্চি নিগমবাচাং সিদ্ধান্তং শূলপাণিশুদ্ধান্তম্

॥54॥

শ্লোক 56

আহিতবিলাসভঙ্গীমাব্রহ্মস্তম্বশিল্পকল্পনযা ।

আশ্রিতকাঞ্চীমতুলামাদ্যাং বিস্ফূর্তিমাদ্রিযে বিদ্যাম্

॥55॥

শ্লোক 57

মূকোঽপি জটিলদুর্গতিশোকোঽপি স্মরতি যঃ ক্ষণং ভবতীম্ ।

একো ভবতি স জন্তুর্লোকোত্তরকীর্তিরেব কামাক্ষি

॥56॥

শ্লোক 58

পঞ্চদশবর্ণরূপং কঞ্চন কাঞ্চীবিহারধৌরেযম্ ।

পঞ্চশরীযং শম্ভোর্বঞ্চনবৈদগ্ধ্যমূলমবলম্বে

॥57॥

শ্লোক 59

পরিণতিমতীং চতুর্ধা পদবীং সুধিযাং সমেত্য সৌষুম্নীম্ ।

পঞ্চাশদর্ণকল্পিতমদশিল্পাং ত্বাং নমামি কামাক্ষি

॥58॥

শ্লোক 60

আদিক্ষন্মম গুরুরাডাদিক্ষান্তাক্ষরাত্মিকাং বিদ্যাম্ ।

স্বাদিষ্ঠচাপদণ্ডাং নেদিষ্ঠামেব কামপীঠগতাম্

॥59॥

শ্লোক 61

তুষ্যামি হর্ষিতস্মরশাসনযা কাঞ্চিপুরকৃতাসনযা ।

স্বাসনযা সকলজগদ্ভাসনযা কলিতশম্বরাসনযা

॥60॥

শ্লোক 62

প্রেমবতী কম্পাযাং স্থেমবতী যতিমনস্সু ভূমবতী ।

সামবতী নিত্যগিরা সোমবতী শিরসি ভাতি হৈমবতী

॥61॥

শ্লোক 63

কৌতুকিনা কম্পাযাং কৌসুমচাপেন কীলিতেনান্তঃ ।

কুলদৈবতেন মহতা কুড্মলমুদ্রাং ধুনোতু নঃপ্রতিভা

॥62॥

শ্লোক 64

যূনা কেনাপি মিলদ্দেহা স্বাহাসহাযতিলকেন ।

সহকারমূলদেশে সংবিদ্রূপা কুটুম্বিনী রমতে

॥63॥

শ্লোক 65

কুসুমশরগর্বসম্পত্কোশগৃহং ভাতি কাঞ্চিদেশগতম্ ।

স্থাপিতমস্মিন্কথমপি গোপিতমন্তর্মযা মনোরত্নম্

॥64॥

শ্লোক 66

দগ্ধষডধ্বারণ্যং দরদলিতকুসুম্ভসম্ভৃতারুণ্যম্ ।

কলযে নবতারুণ্যং কম্পাতটসীম্নি কিমপি কারুণ্যম্

॥65॥

শ্লোক 67

অধিকাঞ্চি বর্ধমানামতুলাং করবাণি পারণামক্ষ্ণোঃ ।

আনন্দপাকভেদামরুণিমপরিণামগর্বপল্লবিতাম্

॥66॥

শ্লোক 68

বাণসৃণিপাশকার্মুকপাণিমমুং কমপি কামপীঠগতম্ ।

এণধরকোণচূডং শোণিমপরিপাকভেদমাকলযে

॥67॥

শ্লোক 69

কিং বা ফলতি মমান্যৌর্বিম্বাধরচুম্বিমন্দহাসমুখী ।

সম্বাধকরী তমসামম্বা জাগর্তি মনসি কামাক্ষী

॥68॥

শ্লোক 70

মঞ্চে সদাশিবমযে পরিশিবমযললিতপৌষ্পপর্যঙ্কে ।

অধিচক্রমধ্যমাস্তে কামাক্ষী নাম কিমপি মম ভাগ্যম্

॥69॥

শ্লোক 71

রক্ষ্যোঽস্মি কামপীঠীলাসিকযা ঘনকৃপাম্বুরাশিকযা ।

শ্রুতিযুবতিকুন্তলীমণিমালিকযা তুহিনশৈলবালিকযা

॥70॥

শ্লোক 72

লীযে পুরহরজাযে মাযে তব তরুণপল্লবচ্ছাযে ।

চরণে চন্দ্রাভরণে কাঞ্চীশরণে নতার্তিসংহরণে

॥71॥

শ্লোক 73

মূর্তিমতি মুক্তিবীজে মূর্ধ্নি স্তবকিতচকোরসাম্রাজ্যে ।

মোদিতকম্পাকূলে মুহুর্মুহুর্মনসি মুমুদিষাঽস্মাকম্

॥72॥

শ্লোক 74

বেদমযীং নাদমযীং বিন্দুমযীং পরপদোদ্যদিন্দুমযীম্ ।

মন্ত্রমযীং তন্ত্রমযীং প্রকৃতিমযীং নৌমি বিশ্ববিকৃতিমযীম্

॥73॥

শ্লোক 75

পুরমথনপুণ্যকোটী পুঞ্জিতকবিলোকসূক্তিরসধাটী ।

মনসি মম কামকোটী বিহরতু করুণাবিপাকপরিপাটী

॥74॥

শ্লোক 76

কুটিলং চটুলং পৃথুলং মৃদুলং কচনযনজঘনচরণেষু ।

অবলোকিতমবলম্বিতমধিকম্পাতটমমেযমস্মাভিঃ

॥75॥

শ্লোক 77

প্রত্যঙ্মুখ্যা দৃষ্টযা প্রসাদদীপাঙ্কুরেণ কামাক্ষ্যাঃ ।

পশ্যামি নিস্তুলমহো পচেলিমং কমপি পরশিবোল্লাসম্

॥76॥

শ্লোক 78

বিদ্যে বিধাতৃবিষযে কাত্যাযনি কালি কামকোটিকলে ।

ভারতি ভৈরবি ভদ্রে শাকিনি শাম্ভবি শিবে স্তুবে ভবতীম্

॥77॥

শ্লোক 79

মালিনি মহেশচালিনি কাঞ্চীখেলিনি বিপক্ষকালিনি তে ।

শূলিনি বিদ্রুমশালিনি সুরজনপালিনি কপালিনি নমোঽস্তু

॥78॥

শ্লোক 80

দেশিক ইতি কিং শঙ্কে তত্তাদৃক্তব নু তরুণিমোন্মেষঃ ।

কামাক্ষি শূলপাণেঃ কামাগমসমযদীক্ষাযাম্

॥79॥

শ্লোক 81

বেতণ্ডকুম্ভডম্বরবৈতণ্ডিককুচভরার্তমধ্যায ।

কুঙ্কুমরুচে নমস্যাং শঙ্করনযনামৃতায রচযামঃ

॥80॥

শ্লোক 82

অধিকাঞ্চিতমণিকাঞ্চনকাঞ্চীমধিকাঞ্চি কাঞ্চিদদ্রাক্ষম্ ।

অবনতজনানুকম্পামনুকম্পাকূলমস্মদনুকূলাম্

॥81॥

শ্লোক 83

পরিচিতকম্পাতীরং পর্বতরাজন্যসুকৃতসন্নাহম্ ।

পরগুরুকৃপযা বীক্ষে পরমশিবোত্সঙ্গমঙ্গলাভরণম্

॥82॥

শ্লোক 84

দগ্ধমদনস্য শম্ভোঃ প্রথীযসীং ব্রহ্মচর্যবৈদগ্ধীম্ ।

তব দেবি তরুণিমশ্রীচতুরিমপাকো ন চক্ষমে মাতঃ

॥83॥

শ্লোক 85

মদজলতমালপত্রা বসনিতপত্রা করাদৃতখানিত্রা ।

বিহরতি পুলিন্দযোষা গুঞ্জাভূষা ফণীন্দ্রকৃতবেষা

॥84॥

শ্লোক 86

অঙ্কে শুকিনী গীতে কৌতুকিনী পরিসরে চ গাযকিনী ।

জযসি সবিধেঽম্ব ভৈরবমণ্ডলিনী শ্রবসি শঙ্খকুন্ডলিনী

॥85॥

শ্লোক 87

প্রণতজনতাপবর্গা কৃতবহুসর্গা সসিংহসংসর্গা ।

কামাক্ষি মুদিতভর্গা হতরিপুবর্গা ত্বমেব সা দুর্গা

॥86॥

শ্লোক 88

শ্রবণচলদ্বেতণ্ডা সমরোদ্দণ্ডা ধুতাসুরশিখণ্ডা ।

দেবি কলিতান্ত্রষণ্ডা ধৃতনরমুণ্ডা ত্বমেব চামুণ্ডা

॥87॥

শ্লোক 89

উর্বীধরেন্দ্রকন্যে দর্বীভরিতেন ভক্তপূরেণ ।

গুর্বীমকিঞ্চনার্তি খর্বীকুরুষে ত্বমেব কামাক্ষি

॥88॥

শ্লোক 90

তাডিতরিপুপরিপীডনভযহরণ নিপুণহলমুসলা ।

ক্রোডপতিভীষণমুখী ক্রীডসি জগতি ত্বমেব কামাক্ষি

॥89॥

শ্লোক 91

স্মরমথনবরণলোলা মন্মথহেলাবিলাসমণিশালা ।

কনকরুচিচৌর্যশীলা ত্বমম্ব বালা করাব্জধৃতমালা

॥90॥

শ্লোক 92

বিমলপটী কমলকুটী পুস্তকরুদ্রাক্ষশস্তহস্তপুটী ।

কামাক্ষি পক্ষ্মলাক্ষী কলিতবিপঞ্চী বিভাসি বৈরিঞ্চী

॥91॥

শ্লোক 93

কুঙ্কুমরুচিপিঙ্গমসৃক্পঙ্কিলমুণ্ডালিমণ্ডিতং মাতঃ ।

শ্রীকামাক্ষি তদীযসঙ্গমকলামন্দীভবত্কৌতুকঃ

জযতি তব রূপধেযং জপপটপুস্তকবরাভযকরাব্জম্

॥92॥

শ্লোক 94

কনকমণিকলিতভূষাং কালাযসকলহশীলকান্তিকলাম্ ।

কামাক্ষি শীলযে ত্বাং কপালশূলাভিরামকরকমলাম্

॥93॥

শ্লোক 95

লোহিতিমপুঞ্জমধ্যে মোহিতভুবনে মুদা নিরীক্ষন্তে ।

বদনং তব কুবযুগলং কাঞ্চীসীমাং চ কেঽপি কামাক্ষি

॥94॥

শ্লোক 96

জলধিদ্বিগুণিতহুতবহদিশাদিনেশ্বরকলাশ্বিনেযদলৈঃ ।

নলিনৈর্মহেশি গচ্ছসি সর্বোত্তরকরকমলদলমমলম্

॥95॥

শ্লোক 97

সত্কৃতদেশিকচরণাঃ সবীজনির্বীজযোগনিশ্রেণ্যা ।

অপবর্গসৌধবলভীমারোহন্ত্যম্ব কেঽপি তব কৃপযা

॥96॥

শ্লোক 98

অন্তরপি বহিরপি ত্বং জন্তুততেরন্তকান্তকৃদহন্তে ।

চিন্তিতসন্তানবতাং সন্ততমপি তন্তনীষি মহিমানম্

॥97॥

শ্লোক 99

কলমঞ্জুলবাগনুমিতগলপঞ্জরগতশুকগ্রহৌত্কণ্ঠ্যাত্ ।

অম্ব রদনাম্বরং তে বিম্বফলং শম্বরারিণা ন্যস্তম্

॥98॥

শ্লোক 100

জয জয জগদম্ব শিবে জয জয কামাক্ষি জয জযাদ্রিসুতে ।

জয জয মহেশদযিতে জয জয চিদ্গগনকৌমুদীধারে

॥99॥

শ্লোক 101

আর্যাশতকং ভক্ত্যা পঠতামার্যাকটাক্ষেণ ।

নিস্সরতি বদনকমলাদ্বাণী পীযূষধোরণী দিব্যা

॥100॥

শ্লোক 102

॥ ইতি আর্যাশতকং সম্পূর্ণম্ ॥