Meenakshi Pancha Ratna Stotram
മീനാക്ഷീ പഞ്ച രത്ന സ്തോത്രമ്
Meenakshi Pancha Ratna Stotram
മീനാക്ഷീ പഞ്ച രത്ന സ്തോത്രമ്
ശ്ലോക 1
ഉദ്യദ്ഭാനുസഹസ്രകോടിസദൃശാം കേയൂരഹാരോജ്ജ്വലാം
ബിമ്ബോഷ്ഠീം സ്മിതദന്തപങ്ക്തിരുചിരാം പീതാമ്ബരാലങ്കൃതാമ് ।
വിഷ്ണുബ്രഹ്മസുരേന്ദ്രസേവിതപദാം തത്ത്വസ്വരൂപാം ശിവാം
മീനാക്ഷീം പ്രണതോഽസ്മി സന്തതമഹം കാരുണ്യവാരാന്നിധിമ്
ശ്ലോക 2
മുക്താഹാരലസത്കിരീടരുചിരാം പൂര്ണേന്ദുവക്ത്രപ്രഭാം
ശിഞ്ജന്നൂപുരകിങ്കിണീമണിധരാം പദ്മപ്രഭാഭാസുരാമ് ।
സര്വാഭീഷ്ടഫലപ്രദാം ഗിരിസുതാം വാണീരമാസേവിതാം
മീനാക്ഷീം പ്രണതോഽസ്മി സന്തതമഹം കാരുണ്യവാരാന്നിധിമ്
॥ 1 ॥
ശ്ലോക 3
ശ്രീവിദ്യാം ശിവവാമഭാഗനിലയാം ഹ്രീങ്കാരമന്ത്രോജ്ജ്വലാം
ശ്രീചക്രാങ്കിതബിന്ദുമധ്യവസതിം ശ്രീമത്സഭാനായകീമ് ।
ശ്രീമത്ഷണ്മുഖവിഘ്നരാജജനനീം ശ്രീമജ്ജഗന്മോഹിനീം
മീനാക്ഷീം പ്രണതോഽസ്മി സന്തതമഹം കാരുണ്യവാരാന്നിധിമ്
॥ 2 ॥
ശ്ലോക 4
ശ്രീമത്സുന്ദരനായികാം ഭയഹരാം ജ്ഞാനപ്രദാം നിര്മലാം
ശ്യാമാഭാം കമലാസനാര്ചിതപദാം നാരായണസ്യാനുജാമ് ।
വീണാവേണുമൃദങ്ഗവാദ്യരസികാം നാനാവിധാമമ്ബികാം
മീനാക്ഷീം പ്രണതോഽസ്മി സന്തതമഹം കാരുണ്യവാരാന്നിധിമ്
॥ 3 ॥
ശ്ലോക 5
നാനായോഗിമുനീന്ദ്രഹൃത്സുവസതീം നാനാര്ഥസിദ്ധിപ്രദാം
നാനാപുഷ്പവിരാജിതാങ്ഘ്രിയുഗലാം നാരായണേനാര്ചിതാമ് ।
നാദബ്രഹ്മമയീം പരാത്പരതരാം നാനാര്ഥതത്വാത്മികാം
മീനാക്ഷീം പ്രണതോഽസ്മി സന്തതമഹം കാരുണ്യവാരാന്നിധിമ്
॥ 4 ॥