Goda Devi Ashtottara Sata Nama Stotram

गोदा देवी अष्टोत्तर शत स्तोत्रम्

श्लोक 1

ध्यानम् ।

शतमखमणि नीला चारुकल्हारहस्ता

स्तनभरनमिताङ्गी सान्द्रवात्सल्यसिन्धुः ।

अलकविनिहिताभिः स्रग्भिराकृष्टनाथा

विलसतु हृदि गोदा विष्णुचित्तात्मजा नः ॥

अथ स्तोत्रम् ।

श्रीरङ्गनायकी गोदा विष्णुचित्तात्मजा सती ।

गोपीवेषधरा देवी भूसुता भोगशालिनी

श्लोक 2

तुलसीकाननोद्भूता श्रीधन्विपुरवासिनी ।

भट्टनाथप्रियकरी श्रीकृष्णहितभोगिनी

॥ 1 ॥

श्लोक 3

आमुक्तमाल्यदा बाला रङ्गनाथप्रिया परा ।

विश्वम्भरा कलालापा यतिराजसहोदरी

॥ 2 ॥

श्लोक 4

कृष्णानुरक्ता सुभगा सुलभश्रीः सुलक्षणा ।

लक्ष्मीप्रियसखी श्यामा दयाञ्चितदृगञ्चला

॥ 3 ॥

श्लोक 5

फल्गुन्याविर्भवा रम्या धनुर्मासकृतव्रता ।

चम्पकाशोकपुन्नागमालतीविलसत्कचा

॥ 4 ॥

श्लोक 6

आकारत्रयसम्पन्ना नारायणपदाश्रिता ।

श्रीमदष्टाक्षरीमन्त्रराजस्थितमनोरथा

॥ 5 ॥

श्लोक 7

मोक्षप्रदाननिपुणा मनुरत्नाधिदेवता ।

ब्रह्मण्या लोकजननी लीलामानुषरूपिणी

॥ 6 ॥

श्लोक 8

ब्रह्मज्ञानप्रदा माया सच्चिदानन्दविग्रहा ।

महापतिव्रता विष्णुगुणकीर्तनलोलुपा

॥ 7 ॥

श्लोक 9

प्रपन्नार्तिहरा नित्या वेदसौधविहारिणी ।

श्रीरङ्गनाथमाणिक्यमञ्जरी मञ्जुभाषिणी

॥ 8 ॥

श्लोक 10

पद्मप्रिया पद्महस्ता वेदान्तद्वयबोधिनी ।

सुप्रसन्ना भगवती श्रीजनार्दनदीपिका

॥ 9 ॥

श्लोक 11

सुगन्धावयवा चारुरङ्गमङ्गलदीपिका ।

ध्वजवज्राङ्कुशाब्जाङ्कमृदुपादलताञ्चिता

॥ 10 ॥

श्लोक 12

तारकाकारनखरा प्रवालमृदुलाङ्गुली ।

कूर्मोपमेयपादोर्ध्वभागा शोभनपार्ष्णिका

॥ 11 ॥

श्लोक 13

वेदार्थभावतत्त्वज्ञा लोकाराध्याङ्घ्रिपङ्कजा ।

आनन्दबुद्बुदाकारसुगुल्फा परमाणुका

॥ 12 ॥

श्लोक 14

तेजःश्रियोज्ज्वलधृतपादाङ्गुलिसुभूषिता ।

मीनकेतनतूणीरचारुजङ्घाविराजिता

॥ 13 ॥

श्लोक 15

ककुद्वज्जानुयुग्माढ्या स्वर्णरम्भाभसक्थिका ।

विशालजघना पीनसुश्रोणी मणिमेखला

॥ 14 ॥

श्लोक 16

आनन्दसागरावर्तगम्भीराम्भोजनाभिका ।

भास्वद्वलित्रिका चारुजगत्पूर्णमहोदरी

॥ 15 ॥

श्लोक 17

नववल्लीरोमराजी सुधाकुम्भायितस्तनी ।

कल्पमालानिभभुजा चन्द्रखण्डनखाञ्चिता

॥ 16 ॥

श्लोक 18

सुप्रवाशाङ्गुलीन्यस्तमहारत्नाङ्गुलीयका ।

नवारुणप्रवालाभपाणिदेशसमञ्चिता

॥ 17 ॥

श्लोक 19

कम्बुकण्ठी सुचुबुका बिम्बोष्ठी कुन्ददन्तयुक् ।

कारुण्यरसनिष्यन्दनेत्रद्वयसुशोभिता

॥ 18 ॥

श्लोक 20

मुक्ताशुचिस्मिता चारुचाम्पेयनिभनासिका ।

दर्पणाकारविपुलकपोलद्वितयाञ्चिता

॥ 19 ॥

श्लोक 21

अनन्तार्कप्रकाशोद्यन्मणिताटङ्कशोभिता ।

कोटिसूर्याग्निसङ्काशनानाभूषणभूषिता

॥ 20 ॥

श्लोक 22

सुगन्धवदना सुभ्रू अर्धचन्द्रललाटिका ।

पूर्णचन्द्रानना नीलकुटिलालकशोभिता

॥ 21 ॥

श्लोक 23

सौन्दर्यसीमा विलसत्कस्तूरीतिलकोज्ज्वला ।

धगद्धगायमानोद्यन्मणिसीमन्तभूषणा

॥ 22 ॥

श्लोक 24

जाज्वल्यमानसद्रत्नदिव्यचूडावतंसका ।

सूर्यार्धचन्द्रविलसत् भूषणाञ्चितवेणिका

॥ 23 ॥

श्लोक 25

अत्यर्कानलतेजोधिमणिकञ्चुकधारिणी ।

सद्रत्नाञ्चितविद्योतविद्युत्कुञ्जाभशाटिका

॥ 24 ॥

श्लोक 26

नानामणिगणाकीर्णहेमाङ्गदसुभूषिता ।

कुङ्कुमागरुकस्तूरीदिव्यचन्दनचर्चिता

॥ 25 ॥

श्लोक 27

स्वोचितौज्ज्वल्यविविधविचित्रमणिहारिणी ।

असङ्ख्येयसुखस्पर्शसर्वातिशयभूषणा

॥ 26 ॥

श्लोक 28

मल्लिकापारिजातादिदिव्यपुष्पस्रगञ्चिता ।

श्रीरङ्गनिलया पूज्या दिव्यदेशसुशोभिता

॥ 27 ॥

श्लोक 29

इति श्रीगोदाष्टोत्तरशतनामस्तोत्रम् ।