దేవీ అశ్వధాటీ (అమ్బా స్తుతి)

దేవీ అశ్వధాటీ (అమ్బా స్తుతి)

శ్లోక 1

(కాలిదాస కృతమ్)

చేటీ భవన్నిఖిల ఖేటీ కదమ్బవన వాటీషు నాకి పటలీ

కోటీర చారుతర కోటీ మణీకిరణ కోటీ కరమ్బిత పదా ।

పాటీరగన్ధి కుచశాటీ కవిత్వ పరిపాటీమగాధిప సుతా

ఘోటీఖురాదధిక ధాటీముదార ముఖ వీటీరసేన తనుతామ్

శ్లోక 2

॥ 1 ॥ శా ॥

ద్వైపాయన ప్రభృతి శాపాయుధ త్రిదివ సోపాన ధూలి చరణా

పాపాపహ స్వమను జాపానులీన జన తాపాపనోద నిపుణా ।

నీపాలయా సురభి ధూపాలకా దురితకూపాదుదన్చయతుమామ్

రూపాధికా శిఖరి భూపాల వంశమణి దీపాయితా భగవతీ

శ్లోక 3

॥ 2 ॥ శా ॥

యాలీభి రాత్మతనుతాలీనకృత్ప్రియక పాలీషు ఖేలతి భవా

వ్యాలీ నకుల్యసిత చూలీ భరా చరణ ధూలీ లసన్మణిగణా ।

యాలీ భృతి శ్రవసి తాలీ దలం వహతి యాలీక శోభి తిలకా

సాలీ కరోతు మమ కాలీ మనః స్వపద నాలీక సేవన విధౌ

శ్లోక 4

॥ 3 ॥ శా ॥

బాలామృతాంశు నిభ ఫాలామనా గరుణ చేలా నితమ్బ ఫలకే

కోలాహల క్షపిత కాలామరాకుశల కీలాల శోషణ రవిః ।

స్థూలాకుచే జలద నీలాకచే కలిత వీలా కదమ్బ విపినే

శూలాయుధ ప్రణతి శీలా దధాతు హృది శైలాధి రాజ తనయా

శ్లోక 5

॥ 4 ॥ శా ॥

కమ్బావతీవ సవిడమ్బా గలేన నవ తుమ్బాభ వీణ సవిధా

బిమ్బాధరా వినత శమ్బాయుధాది నికురుమ్బా కదమ్బ విపినే ।

అమ్బా కురఙ్గ మదజమ్బాల రోచి రిహ లమ్బాలకా దిశతు మే

శం బాహులేయ శశి బిమ్బాభి రామ ముఖ సమ్బాధితా స్తన భరా

శ్లోక 6

॥ 5 ॥ శా ॥

దాసాయమాన సుమహాసా కదమ్బవన వాసా కుసుమ్భ సుమనో

వాసా విపఞ్చి కృత రాసా విధూత మధు మాసారవిన్ద మధురా ।

కాసార సూన తతి భాసాభిరామ తను రాసార శీత కరుణా

నాసా మణి ప్రవర భాసా శివా తిమిర మాసాయే దుపరతిమ్

శ్లోక 7

॥ 6 ॥ శా ॥

న్యఙ్కాకరే వపుషి కఙ్కాల రక్త పుషి కఙ్కాది పక్షి విషయే

త్వం కామనా మయసి కిం కారణం హృదయ పఙ్కారి మే హి గిరిజామ్ ।

శఙ్కాశిలా నిశిత టఙ్కాయమాన పద సఙ్కాశమాన సుమనో

ఝఙ్కారి భృఙ్గతతి మఙ్కానుపేత శశి సఙ్కాశ వక్త్ర కమలామ్

శ్లోక 8

॥ 7 ॥ శా ॥

జమ్భారి కుమ్భి పృథు కుమ్భాపహాసి కుచ సమ్భావ్య హార లతికా

రమ్భా కరీన్ద్ర కర దమ్భాపహోరుగతి డిమ్భానురఞ్జిత పదా ।

శమ్భా ఉదార పరిరమ్భాఙ్కురత్ పులక దమ్భానురాగ పిశునా

శం భాసురాభరణ గుమ్భా సదా దిశతు శుమ్భాసుర ప్రహరణా

శ్లోక 9

॥ 8 ॥ శా ॥

దాక్షాయణీ దనుజ శిక్షా విధౌ వికృత దీక్షా మనోహర గుణా

భిక్షాశినో నటన వీక్షా వినోద ముఖి దక్షాధ్వర ప్రహరణా ।

వీక్షాం విధేహి మయి దక్షా స్వకీయ జన పక్షా విపక్ష విముఖీ

యక్షేశ సేవిత నిరాక్షేప శక్తి జయ లక్షావధాన కలనా

శ్లోక 10

॥ 9 ॥ శా ॥

వన్దారు లోక వర సన్ధాయినీ విమల కున్దావదాత రదనా

బృన్దారు బృన్ద మణి బృన్దారవిన్ద మకరన్దాభిషిక్త చరణా ।

మన్దానిలా కలిత మన్దార దామభిరమన్దాభిరామ మకుటా

మన్దాకినీ జవన భిన్దాన వాచమరవిన్దాననా దిశతు మే

శ్లోక 11

॥ 10 ॥ శా ॥

యత్రాశయో లగతి తత్రాగజా భవతు కుత్రాపి నిస్తుల శుకా

సుత్రామ కాల ముఖ సత్రాసకప్రకర సుత్రాణ కారి చరణా ।

ఛత్రానిలాతిరయ పత్త్రాభిభిరామ గుణ మిత్రామరీ సమ వధూః

కు త్రాసహీన మణి చిత్రాకృతి స్ఫురిత పుత్రాది దాన నిపుణా

శ్లోక 12

॥ 11 ॥ శా ॥

కూలాతిగామి భయ తూలావలిజ్వలనకీలా నిజస్తుతి విధా

కోలాహలక్షపిత కాలామరీ కుశల కీలాల పోషణ రతా ।

స్థూలాకుచే జలద నీలాకచే కలిత లీలా కదమ్బ విపినే

శూలాయుధ ప్రణతి శీలా విభాతు హృది శైలాధిరాజ తనయా

శ్లోక 13

॥ 12 ॥ శా ॥

ఇన్ధాన కీర మణిబన్ధా భవే హృదయబన్ధా వతీవ రసికా

సన్ధావతీ భువన సన్ధారణే ప్యమృత సిన్ధావుదార నిలయా ।

గన్ధానుభావ ముహురన్ధాలి పీత కచ బన్ధా సమర్పయతు మే

శం ధామ భానుమపి రున్ధాన మాశు పద సన్ధాన మప్యనుగతా

శ్లోక 14

॥ 13 ॥ శా ॥