Devi Mahatmyam Durga Saptasati Chapter 12

देवी माहात्म्यं दुर्गा सप्तशति द्वादशोऽध्यायः

श्लोक 1

फलश्रुतिर्नाम द्वादशोऽध्यायः ॥

ध्यानं

विध्युद्धाम समप्रभां मृगपति स्कन्ध स्थितां भीषणां।

कन्याभिः करवाल खेट विलसद्दस्ताभि रासेवितां

हस्तैश्चक्र गधासि खेट विशिखां गुणं तर्जनीं

विभ्राण मनलात्मिकां शिशिधरां दुर्गां त्रिनेत्रां भजे

देव्युवाच

श्लोक 2

एभिः स्तवैश्च मा नित्यं स्तोष्यते यः समाहितः।

तस्याहं सकलां बाधां नाशयिष्याम्य संशयम्

॥1॥

श्लोक 3

मधुकैटभनाशं च महिषासुरघातनम्।

कीर्तियिष्यन्ति ये त द्वद्वधं शुम्भनिशुम्भयोः

॥2॥

श्लोक 4

अष्टम्यां च चतुर्धश्यां नवम्यां चैकचेतसः।

श्रोष्यन्ति चैव ये भक्त्या मम माहात्म्यमुत्तमम्

॥3॥

श्लोक 5

न तेषां दुष्कृतं किञ्चिद् दुष्कृतोत्था न चापदः।

भविष्यति न दारिद्र्यं न चै वेष्टवियोजनम्

॥4॥

श्लोक 6

शत्रुभ्यो न भयं तस्य दस्युतो वा न राजतः।

न शस्त्रानलतो यौघात् कदाचित् सम्भविष्यति

॥5॥

श्लोक 7

तस्मान्ममैतन्माहत्म्यं पठितव्यं समाहितैः।

श्रोतव्यं च सदा भक्त्या परं स्वस्त्ययनं हि तत्

॥6॥

श्लोक 8

उप सर्गान शेषांस्तु महामारी समुद्भवान्।

तथा त्रिविध मुत्पातं माहात्म्यं शमयेन्मम

॥7॥

श्लोक 9

यत्रैत त्पठ्यते सम्यङ्नित्यमायतने मम।

सदा न तद्विमोक्ष्यामि सान्निध्यं तत्र मेस्थितम्

॥8॥

श्लोक 10

बलि प्रदाने पूजायामग्नि कार्ये महोत्सवे।

सर्वं ममैतन्माहात्म्यं उच्चार्यं श्राव्यमेवच

॥9॥

श्लोक 11

जानताजानता वापि बलि पूजां तथा कृताम्।

प्रतीक्षिष्याम्यहं प्रीत्या वह्नि होमं तथा कृतम्

॥10॥

श्लोक 12

शरत्काले महापूजा क्रियते याच वार्षिकी।

तस्यां ममैतन्माहात्म्यं श्रुत्वा भक्तिसमन्वितः

॥11॥

श्लोक 13

सर्वबाधाविनिर्मुक्तो धनधान्यसमन्वितः।

मनुष्यो मत्प्रसादेन भविष्यति न संशयः

॥12॥

श्लोक 14

श्रुत्वा ममैतन्माहात्म्यं तथा चोत्पत्तयः शुभाः।

पराक्रमं च युद्धेषु जायते निर्भयः पुमान्

॥13॥

श्लोक 15

रिपवः सङ्क्षयं यान्ति कल्याणां चोपपध्यते।

नन्दते च कुलं पुंसां महात्म्यं ममशृण्वताम्

॥14॥

श्लोक 16

शान्तिकर्माणि सर्वत्र तथा दुःस्वप्नदर्शने।

ग्रहपीडासु चोग्रासु महात्म्यं शृणुयान्मम

॥15॥

श्लोक 17

उपसर्गाः शमं यान्ति ग्रहपीडाश्च दारुणाः

दुःस्वप्नं च नृभिर्दृष्टं सुस्वप्नमुपजायते

॥16॥

श्लोक 18

बालग्रहाभिभूतानं बालानां शान्तिकारकम्।

सङ्घातभेदे च नृणां मैत्रीकरणमुत्तमम्

॥17॥

श्लोक 19

दुर्वृत्तानामशेषाणां बलहानिकरं परम्।

रक्षोभूतपिशाचानां पठनादेव नाशनम्

॥18॥

श्लोक 20

सर्वं ममैतन्माहात्म्यं मम सन्निधिकारकम्।

पशुपुष्पार्घ्यधूपैश्च गन्धदीपैस्तथोत्तमैः

॥19॥

श्लोक 21

विप्राणां भोजनैर्होमैः प्रॊक्षणीयैरहर्निशम्।

अन्यैश्च विविधैर्भोगैः प्रदानैर्वत्सरेण या

॥20॥

श्लोक 22

प्रीतिर्मे क्रियते सास्मिन् सकृदुच्चरिते श्रुते।

श्रुतं हरति पापानि तथारोग्यं प्रयच्छति

॥21॥

श्लोक 23

रक्षां करोति भूतेभ्यो जन्मनां कीर्तिनं मम।

युद्देषु चरितं यन्मे दुष्ट दैत्य निबर्हणम्

॥22॥

श्लोक 24

तस्मिञ्छृते वैरिकृतं भयं पुंसां न जायते।

युष्माभिः स्तुतयो याश्च याश्च ब्रह्मर्षिभिः कृताः

॥23॥

श्लोक 25

ब्रह्मणा च कृतास्तास्तु प्रयच्छन्तु शुभां मतिम्।

अरण्ये प्रान्तरे वापि दावाग्नि परिवारितः

॥24॥

श्लोक 26

दस्युभिर्वा वृतः शून्ये गृहीतो वापि शतृभिः।

सिंहव्याघ्रानुयातो वा वनेवा वन हस्तिभिः

॥25॥

श्लोक 27

राज्ञा क्रुद्देन चाज्ञप्तो वध्यो बन्द गतोऽपिवा।

आघूर्णितो वा वातेन स्थितः पोते महार्णवे

॥26॥

श्लोक 28

पतत्सु चापि शस्त्रेषु सङ्ग्रामे भृशदारुणे।

सर्वाबाधाशु घोरासु वेदनाभ्यर्दितोऽपिवा

॥27॥

श्लोक 29

स्मरन् ममैतच्चरितं नरो मुच्येत सङ्कटात्।

मम प्रभावात्सिंहाद्या दस्यवो वैरिण स्तथा

॥28॥

श्लोक 30

दूरादेव पलायन्ते स्मरतश्चरितं मम

॥29॥

श्लोक 31

ऋषिरुवाच

॥30॥

श्लोक 32

इत्युक्त्वा सा भगवती चण्डिका चण्डविक्रमा।

पश्यतां सर्व देवानां तत्रैवान्तरधीयत

॥31॥

श्लोक 33

तेऽपि देवा निरातङ्काः स्वाधिकारान्यथा पुरा।

यज्ञभागभुजः सर्वे चक्रुर्वि निहतारयः

॥32॥

श्लोक 34

दैत्याश्च देव्या निहते शुम्भे देवरिपऽउ युधि

जगद्विध्वंसके तस्मिन् महोग्रेऽतुल विक्रमे

॥33॥

श्लोक 35

निशुम्भे च महावीर्ये शेषाः पातालमाययुः

॥34॥

श्लोक 36

एवं भगवती देवी सा नित्यापि पुनः पुनः।

सम्भूय कुरुते भूप जगतः परिपालनम्

॥35॥

श्लोक 37

तयैतन्मोह्यते विश्वं सैव विश्वं प्रसूयते।

सायाचिता च विज्ञानं तुष्टा ऋद्धिं प्रयच्छति

॥36॥

श्लोक 38

व्याप्तं तयैतत्सकलं ब्रह्माण्डं मनुजेश्वर।

महादेव्या महाकाली महामारी स्वरूपया

॥37॥

श्लोक 39

सैव काले महामारी सैव सृष्तिर्भवत्यजा।

स्थितिं करोति भूतानां सैव काले सनातनी

॥38॥

श्लोक 40

भवकाले नृणां सैव लक्ष्मीर्वृद्धिप्रदा गृहे।

सैवाभावे तथा लक्ष्मी र्विनाशायोपजायते

॥39॥

श्लोक 41

स्तुता सम्पूजिता पुष्पैर्गन्धधूपादिभिस्तथा।

ददाति वित्तं पुत्रांश्च मतिं धर्मे गतिं शुभां

॥40॥

श्लोक 42

॥ इति श्री मार्कण्डेय पुराणे सावर्निके मन्वन्तरे देवी महत्म्ये फलश्रुतिर्नाम द्वादशोऽध्याय समाप्तम् ॥

आहुति

ॐ क्लीं जयन्ती साङ्गायै सशक्तिकायै सपरिवारायै सवाहनायै वरप्रधायै वैष्णवी देव्यै अहाहुतिं समर्पयामि नमः स्वाहा ॥