ദേവീ അശ്വധാടീ (അമ്ബാ സ്തുതി)

ദേവീ അശ്വധാടീ (അമ്ബാ സ്തുതി)

ശ്ലോക 1

(കാലിദാസ കൃതമ്)

ചേടീ ഭവന്നിഖില ഖേടീ കദമ്ബവന വാടീഷു നാകി പടലീ

കോടീര ചാരുതര കോടീ മണീകിരണ കോടീ കരമ്ബിത പദാ ।

പാടീരഗന്ധി കുചശാടീ കവിത്വ പരിപാടീമഗാധിപ സുതാ

ഘോടീഖുരാദധിക ധാടീമുദാര മുഖ വീടീരസേന തനുതാമ്

ശ്ലോക 2

॥ 1 ॥ ശാ ॥

ദ്വൈപായന പ്രഭൃതി ശാപായുധ ത്രിദിവ സോപാന ധൂലി ചരണാ

പാപാപഹ സ്വമനു ജാപാനുലീന ജന താപാപനോദ നിപുണാ ।

നീപാലയാ സുരഭി ധൂപാലകാ ദുരിതകൂപാദുദന്ചയതുമാമ്

രൂപാധികാ ശിഖരി ഭൂപാല വംശമണി ദീപായിതാ ഭഗവതീ

ശ്ലോക 3

॥ 2 ॥ ശാ ॥

യാലീഭി രാത്മതനുതാലീനകൃത്പ്രിയക പാലീഷു ഖേലതി ഭവാ

വ്യാലീ നകുല്യസിത ചൂലീ ഭരാ ചരണ ധൂലീ ലസന്മണിഗണാ ।

യാലീ ഭൃതി ശ്രവസി താലീ ദലം വഹതി യാലീക ശോഭി തിലകാ

സാലീ കരോതു മമ കാലീ മനഃ സ്വപദ നാലീക സേവന വിധൌ

ശ്ലോക 4

॥ 3 ॥ ശാ ॥

ബാലാമൃതാംശു നിഭ ഫാലാമനാ ഗരുണ ചേലാ നിതമ്ബ ഫലകേ

കോലാഹല ക്ഷപിത കാലാമരാകുശല കീലാല ശോഷണ രവിഃ ।

സ്ഥൂലാകുചേ ജലദ നീലാകചേ കലിത വീലാ കദമ്ബ വിപിനേ

ശൂലായുധ പ്രണതി ശീലാ ദധാതു ഹൃദി ശൈലാധി രാജ തനയാ

ശ്ലോക 5

॥ 4 ॥ ശാ ॥

കമ്ബാവതീവ സവിഡമ്ബാ ഗലേന നവ തുമ്ബാഭ വീണ സവിധാ

ബിമ്ബാധരാ വിനത ശമ്ബായുധാദി നികുരുമ്ബാ കദമ്ബ വിപിനേ ।

അമ്ബാ കുരങ്ഗ മദജമ്ബാല രോചി രിഹ ലമ്ബാലകാ ദിശതു മേ

ശം ബാഹുലേയ ശശി ബിമ്ബാഭി രാമ മുഖ സമ്ബാധിതാ സ്തന ഭരാ

ശ്ലോക 6

॥ 5 ॥ ശാ ॥

ദാസായമാന സുമഹാസാ കദമ്ബവന വാസാ കുസുമ്ഭ സുമനോ

വാസാ വിപഞ്ചി കൃത രാസാ വിധൂത മധു മാസാരവിന്ദ മധുരാ ।

കാസാര സൂന തതി ഭാസാഭിരാമ തനു രാസാര ശീത കരുണാ

നാസാ മണി പ്രവര ഭാസാ ശിവാ തിമിര മാസായേ ദുപരതിമ്

ശ്ലോക 7

॥ 6 ॥ ശാ ॥

ന്യങ്കാകരേ വപുഷി കങ്കാല രക്ത പുഷി കങ്കാദി പക്ഷി വിഷയേ

ത്വം കാമനാ മയസി കിം കാരണം ഹൃദയ പങ്കാരി മേ ഹി ഗിരിജാമ് ।

ശങ്കാശിലാ നിശിത ടങ്കായമാന പദ സങ്കാശമാന സുമനോ

ഝങ്കാരി ഭൃങ്ഗതതി മങ്കാനുപേത ശശി സങ്കാശ വക്ത്ര കമലാമ്

ശ്ലോക 8

॥ 7 ॥ ശാ ॥

ജമ്ഭാരി കുമ്ഭി പൃഥു കുമ്ഭാപഹാസി കുച സമ്ഭാവ്യ ഹാര ലതികാ

രമ്ഭാ കരീന്ദ്ര കര ദമ്ഭാപഹോരുഗതി ഡിമ്ഭാനുരഞ്ജിത പദാ ।

ശമ്ഭാ ഉദാര പരിരമ്ഭാങ്കുരത് പുലക ദമ്ഭാനുരാഗ പിശുനാ

ശം ഭാസുരാഭരണ ഗുമ്ഭാ സദാ ദിശതു ശുമ്ഭാസുര പ്രഹരണാ

ശ്ലോക 9

॥ 8 ॥ ശാ ॥

ദാക്ഷായണീ ദനുജ ശിക്ഷാ വിധൌ വികൃത ദീക്ഷാ മനോഹര ഗുണാ

ഭിക്ഷാശിനോ നടന വീക്ഷാ വിനോദ മുഖി ദക്ഷാധ്വര പ്രഹരണാ ।

വീക്ഷാം വിധേഹി മയി ദക്ഷാ സ്വകീയ ജന പക്ഷാ വിപക്ഷ വിമുഖീ

യക്ഷേശ സേവിത നിരാക്ഷേപ ശക്തി ജയ ലക്ഷാവധാന കലനാ

ശ്ലോക 10

॥ 9 ॥ ശാ ॥

വന്ദാരു ലോക വര സന്ധായിനീ വിമല കുന്ദാവദാത രദനാ

ബൃന്ദാരു ബൃന്ദ മണി ബൃന്ദാരവിന്ദ മകരന്ദാഭിഷിക്ത ചരണാ ।

മന്ദാനിലാ കലിത മന്ദാര ദാമഭിരമന്ദാഭിരാമ മകുടാ

മന്ദാകിനീ ജവന ഭിന്ദാന വാചമരവിന്ദാനനാ ദിശതു മേ

ശ്ലോക 11

॥ 10 ॥ ശാ ॥

യത്രാശയോ ലഗതി തത്രാഗജാ ഭവതു കുത്രാപി നിസ്തുല ശുകാ

സുത്രാമ കാല മുഖ സത്രാസകപ്രകര സുത്രാണ കാരി ചരണാ ।

ഛത്രാനിലാതിരയ പത്ത്രാഭിഭിരാമ ഗുണ മിത്രാമരീ സമ വധൂഃ

കു ത്രാസഹീന മണി ചിത്രാകൃതി സ്ഫുരിത പുത്രാദി ദാന നിപുണാ

ശ്ലോക 12

॥ 11 ॥ ശാ ॥

കൂലാതിഗാമി ഭയ തൂലാവലിജ്വലനകീലാ നിജസ്തുതി വിധാ

കോലാഹലക്ഷപിത കാലാമരീ കുശല കീലാല പോഷണ രതാ ।

സ്ഥൂലാകുചേ ജലദ നീലാകചേ കലിത ലീലാ കദമ്ബ വിപിനേ

ശൂലായുധ പ്രണതി ശീലാ വിഭാതു ഹൃദി ശൈലാധിരാജ തനയാ

ശ്ലോക 13

॥ 12 ॥ ശാ ॥

ഇന്ധാന കീര മണിബന്ധാ ഭവേ ഹൃദയബന്ധാ വതീവ രസികാ

സന്ധാവതീ ഭുവന സന്ധാരണേ പ്യമൃത സിന്ധാവുദാര നിലയാ ।

ഗന്ധാനുഭാവ മുഹുരന്ധാലി പീത കച ബന്ധാ സമര്പയതു മേ

ശം ധാമ ഭാനുമപി രുന്ധാന മാശു പദ സന്ധാന മപ്യനുഗതാ

ശ്ലോക 14

॥ 13 ॥ ശാ ॥