ದೇವೀ ಅಶ್ವಧಾಟೀ (ಅಮ್ಬಾ ಸ್ತುತಿ)

ದೇವೀ ಅಶ್ವಧಾಟೀ (ಅಮ್ಬಾ ಸ್ತುತಿ)

ಶ್ಲೋಕ 1

(ಕಾಲಿದಾಸ ಕೃತಮ್)

ಚೇಟೀ ಭವನ್ನಿಖಿಲ ಖೇಟೀ ಕದಮ್ಬವನ ವಾಟೀಷು ನಾಕಿ ಪಟಲೀ

ಕೋಟೀರ ಚಾರುತರ ಕೋಟೀ ಮಣೀಕಿರಣ ಕೋಟೀ ಕರಮ್ಬಿತ ಪದಾ ।

ಪಾಟೀರಗನ್ಧಿ ಕುಚಶಾಟೀ ಕವಿತ್ವ ಪರಿಪಾಟೀಮಗಾಧಿಪ ಸುತಾ

ಘೋಟೀಖುರಾದಧಿಕ ಧಾಟೀಮುದಾರ ಮುಖ ವೀಟೀರಸೇನ ತನುತಾಮ್

ಶ್ಲೋಕ 2

॥ 1 ॥ ಶಾ ॥

ದ್ವೈಪಾಯನ ಪ್ರಭೃತಿ ಶಾಪಾಯುಧ ತ್ರಿದಿವ ಸೋಪಾನ ಧೂಲಿ ಚರಣಾ

ಪಾಪಾಪಹ ಸ್ವಮನು ಜಾಪಾನುಲೀನ ಜನ ತಾಪಾಪನೋದ ನಿಪುಣಾ ।

ನೀಪಾಲಯಾ ಸುರಭಿ ಧೂಪಾಲಕಾ ದುರಿತಕೂಪಾದುದನ್ಚಯತುಮಾಮ್

ರೂಪಾಧಿಕಾ ಶಿಖರಿ ಭೂಪಾಲ ವಂಶಮಣಿ ದೀಪಾಯಿತಾ ಭಗವತೀ

ಶ್ಲೋಕ 3

॥ 2 ॥ ಶಾ ॥

ಯಾಲೀಭಿ ರಾತ್ಮತನುತಾಲೀನಕೃತ್ಪ್ರಿಯಕ ಪಾಲೀಷು ಖೇಲತಿ ಭವಾ

ವ್ಯಾಲೀ ನಕುಲ್ಯಸಿತ ಚೂಲೀ ಭರಾ ಚರಣ ಧೂಲೀ ಲಸನ್ಮಣಿಗಣಾ ।

ಯಾಲೀ ಭೃತಿ ಶ್ರವಸಿ ತಾಲೀ ದಲಂ ವಹತಿ ಯಾಲೀಕ ಶೋಭಿ ತಿಲಕಾ

ಸಾಲೀ ಕರೋತು ಮಮ ಕಾಲೀ ಮನಃ ಸ್ವಪದ ನಾಲೀಕ ಸೇವನ ವಿಧೌ

ಶ್ಲೋಕ 4

॥ 3 ॥ ಶಾ ॥

ಬಾಲಾಮೃತಾಂಶು ನಿಭ ಫಾಲಾಮನಾ ಗರುಣ ಚೇಲಾ ನಿತಮ್ಬ ಫಲಕೇ

ಕೋಲಾಹಲ ಕ್ಷಪಿತ ಕಾಲಾಮರಾಕುಶಲ ಕೀಲಾಲ ಶೋಷಣ ರವಿಃ ।

ಸ್ಥೂಲಾಕುಚೇ ಜಲದ ನೀಲಾಕಚೇ ಕಲಿತ ವೀಲಾ ಕದಮ್ಬ ವಿಪಿನೇ

ಶೂಲಾಯುಧ ಪ್ರಣತಿ ಶೀಲಾ ದಧಾತು ಹೃದಿ ಶೈಲಾಧಿ ರಾಜ ತನಯಾ

ಶ್ಲೋಕ 5

॥ 4 ॥ ಶಾ ॥

ಕಮ್ಬಾವತೀವ ಸವಿಡಮ್ಬಾ ಗಲೇನ ನವ ತುಮ್ಬಾಭ ವೀಣ ಸವಿಧಾ

ಬಿಮ್ಬಾಧರಾ ವಿನತ ಶಮ್ಬಾಯುಧಾದಿ ನಿಕುರುಮ್ಬಾ ಕದಮ್ಬ ವಿಪಿನೇ ।

ಅಮ್ಬಾ ಕುರಙ್ಗ ಮದಜಮ್ಬಾಲ ರೋಚಿ ರಿಹ ಲಮ್ಬಾಲಕಾ ದಿಶತು ಮೇ

ಶಂ ಬಾಹುಲೇಯ ಶಶಿ ಬಿಮ್ಬಾಭಿ ರಾಮ ಮುಖ ಸಮ್ಬಾಧಿತಾ ಸ್ತನ ಭರಾ

ಶ್ಲೋಕ 6

॥ 5 ॥ ಶಾ ॥

ದಾಸಾಯಮಾನ ಸುಮಹಾಸಾ ಕದಮ್ಬವನ ವಾಸಾ ಕುಸುಮ್ಭ ಸುಮನೋ

ವಾಸಾ ವಿಪಞ್ಚಿ ಕೃತ ರಾಸಾ ವಿಧೂತ ಮಧು ಮಾಸಾರವಿನ್ದ ಮಧುರಾ ।

ಕಾಸಾರ ಸೂನ ತತಿ ಭಾಸಾಭಿರಾಮ ತನು ರಾಸಾರ ಶೀತ ಕರುಣಾ

ನಾಸಾ ಮಣಿ ಪ್ರವರ ಭಾಸಾ ಶಿವಾ ತಿಮಿರ ಮಾಸಾಯೇ ದುಪರತಿಮ್

ಶ್ಲೋಕ 7

॥ 6 ॥ ಶಾ ॥

ನ್ಯಙ್ಕಾಕರೇ ವಪುಷಿ ಕಙ್ಕಾಲ ರಕ್ತ ಪುಷಿ ಕಙ್ಕಾದಿ ಪಕ್ಷಿ ವಿಷಯೇ

ತ್ವಂ ಕಾಮನಾ ಮಯಸಿ ಕಿಂ ಕಾರಣಂ ಹೃದಯ ಪಙ್ಕಾರಿ ಮೇ ಹಿ ಗಿರಿಜಾಮ್ ।

ಶಙ್ಕಾಶಿಲಾ ನಿಶಿತ ಟಙ್ಕಾಯಮಾನ ಪದ ಸಙ್ಕಾಶಮಾನ ಸುಮನೋ

ಝಙ್ಕಾರಿ ಭೃಙ್ಗತತಿ ಮಙ್ಕಾನುಪೇತ ಶಶಿ ಸಙ್ಕಾಶ ವಕ್ತ್ರ ಕಮಲಾಮ್

ಶ್ಲೋಕ 8

॥ 7 ॥ ಶಾ ॥

ಜಮ್ಭಾರಿ ಕುಮ್ಭಿ ಪೃಥು ಕುಮ್ಭಾಪಹಾಸಿ ಕುಚ ಸಮ್ಭಾವ್ಯ ಹಾರ ಲತಿಕಾ

ರಮ್ಭಾ ಕರೀನ್ದ್ರ ಕರ ದಮ್ಭಾಪಹೋರುಗತಿ ಡಿಮ್ಭಾನುರಞ್ಜಿತ ಪದಾ ।

ಶಮ್ಭಾ ಉದಾರ ಪರಿರಮ್ಭಾಙ್ಕುರತ್ ಪುಲಕ ದಮ್ಭಾನುರಾಗ ಪಿಶುನಾ

ಶಂ ಭಾಸುರಾಭರಣ ಗುಮ್ಭಾ ಸದಾ ದಿಶತು ಶುಮ್ಭಾಸುರ ಪ್ರಹರಣಾ

ಶ್ಲೋಕ 9

॥ 8 ॥ ಶಾ ॥

ದಾಕ್ಷಾಯಣೀ ದನುಜ ಶಿಕ್ಷಾ ವಿಧೌ ವಿಕೃತ ದೀಕ್ಷಾ ಮನೋಹರ ಗುಣಾ

ಭಿಕ್ಷಾಶಿನೋ ನಟನ ವೀಕ್ಷಾ ವಿನೋದ ಮುಖಿ ದಕ್ಷಾಧ್ವರ ಪ್ರಹರಣಾ ।

ವೀಕ್ಷಾಂ ವಿಧೇಹಿ ಮಯಿ ದಕ್ಷಾ ಸ್ವಕೀಯ ಜನ ಪಕ್ಷಾ ವಿಪಕ್ಷ ವಿಮುಖೀ

ಯಕ್ಷೇಶ ಸೇವಿತ ನಿರಾಕ್ಷೇಪ ಶಕ್ತಿ ಜಯ ಲಕ್ಷಾವಧಾನ ಕಲನಾ

ಶ್ಲೋಕ 10

॥ 9 ॥ ಶಾ ॥

ವನ್ದಾರು ಲೋಕ ವರ ಸನ್ಧಾಯಿನೀ ವಿಮಲ ಕುನ್ದಾವದಾತ ರದನಾ

ಬೃನ್ದಾರು ಬೃನ್ದ ಮಣಿ ಬೃನ್ದಾರವಿನ್ದ ಮಕರನ್ದಾಭಿಷಿಕ್ತ ಚರಣಾ ।

ಮನ್ದಾನಿಲಾ ಕಲಿತ ಮನ್ದಾರ ದಾಮಭಿರಮನ್ದಾಭಿರಾಮ ಮಕುಟಾ

ಮನ್ದಾಕಿನೀ ಜವನ ಭಿನ್ದಾನ ವಾಚಮರವಿನ್ದಾನನಾ ದಿಶತು ಮೇ

ಶ್ಲೋಕ 11

॥ 10 ॥ ಶಾ ॥

ಯತ್ರಾಶಯೋ ಲಗತಿ ತತ್ರಾಗಜಾ ಭವತು ಕುತ್ರಾಪಿ ನಿಸ್ತುಲ ಶುಕಾ

ಸುತ್ರಾಮ ಕಾಲ ಮುಖ ಸತ್ರಾಸಕಪ್ರಕರ ಸುತ್ರಾಣ ಕಾರಿ ಚರಣಾ ।

ಛತ್ರಾನಿಲಾತಿರಯ ಪತ್ತ್ರಾಭಿಭಿರಾಮ ಗುಣ ಮಿತ್ರಾಮರೀ ಸಮ ವಧೂಃ

ಕು ತ್ರಾಸಹೀನ ಮಣಿ ಚಿತ್ರಾಕೃತಿ ಸ್ಫುರಿತ ಪುತ್ರಾದಿ ದಾನ ನಿಪುಣಾ

ಶ್ಲೋಕ 12

॥ 11 ॥ ಶಾ ॥

ಕೂಲಾತಿಗಾಮಿ ಭಯ ತೂಲಾವಲಿಜ್ವಲನಕೀಲಾ ನಿಜಸ್ತುತಿ ವಿಧಾ

ಕೋಲಾಹಲಕ್ಷಪಿತ ಕಾಲಾಮರೀ ಕುಶಲ ಕೀಲಾಲ ಪೋಷಣ ರತಾ ।

ಸ್ಥೂಲಾಕುಚೇ ಜಲದ ನೀಲಾಕಚೇ ಕಲಿತ ಲೀಲಾ ಕದಮ್ಬ ವಿಪಿನೇ

ಶೂಲಾಯುಧ ಪ್ರಣತಿ ಶೀಲಾ ವಿಭಾತು ಹೃದಿ ಶೈಲಾಧಿರಾಜ ತನಯಾ

ಶ್ಲೋಕ 13

॥ 12 ॥ ಶಾ ॥

ಇನ್ಧಾನ ಕೀರ ಮಣಿಬನ್ಧಾ ಭವೇ ಹೃದಯಬನ್ಧಾ ವತೀವ ರಸಿಕಾ

ಸನ್ಧಾವತೀ ಭುವನ ಸನ್ಧಾರಣೇ ಪ್ಯಮೃತ ಸಿನ್ಧಾವುದಾರ ನಿಲಯಾ ।

ಗನ್ಧಾನುಭಾವ ಮುಹುರನ್ಧಾಲಿ ಪೀತ ಕಚ ಬನ್ಧಾ ಸಮರ್ಪಯತು ಮೇ

ಶಂ ಧಾಮ ಭಾನುಮಪಿ ರುನ್ಧಾನ ಮಾಶು ಪದ ಸನ್ಧಾನ ಮಪ್ಯನುಗತಾ

ಶ್ಲೋಕ 14

॥ 13 ॥ ಶಾ ॥