అపరాధ క్షమాపణ స్తోత్రమ్

అపరాధ క్షమాపణ స్తోత్రమ్

శ్లోక 1

అపరాధసహస్రాణి క్రియన్తేఽహర్నిశం మయా ।

దాసోఽయమితి మాం మత్వా క్షమస్వ పరమేశ్వరి

శ్లోక 2

ఆవాహనం న జానామి న జానామి విసర్జనమ్ ।

పూజాం చైవ న జానామి క్షమ్యతాం పరమేశ్వరి

॥ 1 ॥

శ్లోక 3

మన్త్రహీనం క్రియాహీనం భక్తిహీనం సురేశ్వరి ।

యత్పూజితం మయా దేవి పరిపూర్ణం తదస్తు మే

॥ 2 ॥

శ్లోక 4

అపరాధశతం కృత్వా జగదమ్బేతి చోచ్చరేత్ ।

యాం గతిం సమవాప్నోతి న తాం బ్రహ్మాదయః సురాః

॥ 3 ॥

శ్లోక 5

సాపరాధోఽస్మి శరణం ప్రాప్తస్త్వాం జగదమ్బికే ।

ఇదానీమనుకమ్ప్యోఽహం యథేచ్ఛసి తథా కురు

॥ 4 ॥

శ్లోక 6

అజ్ఞానాద్విస్మృతేర్భ్రాన్త్యా యన్న్యూనమధికం కృతమ్ ।

విపరీతం చ తత్సర్వం క్షమస్వ పరమేశ్వరి

॥ 5 ॥

శ్లోక 7

కామేశ్వరి జగన్మాతః సచ్చిదానన్దవిగ్రహే ।

గృహాణార్చామిమాం ప్రీత్యా ప్రసీద పరమేశ్వరి

॥ 6 ॥

శ్లోక 8

యదక్షరపదభ్రష్టం మాత్రాహీనం చ యద్భవేత్ ।

తత్సర్వం క్షమ్యతాం దేవి ప్రసీద పరమేశ్వరి

॥ 7 ॥

శ్లోక 9

గుహ్యాతిగుహ్యగోప్త్రీ త్వం గృహాణాస్మత్కృతం జపమ్ ।

సిద్ధిర్భవతు మే దేవి త్వత్ప్రసాదాన్మహేశ్వరి

॥ 8 ॥

శ్లోక 10

సర్వరూపమయీ దేవీ సర్వం దేవీమయం జగత్ ।

అతోఽహం విశ్వరూపాం త్వాం నమామి పరమేశ్వరీమ్

॥ 9 ॥

శ్లోక 11

ఇతి అపరాధక్షమాపణస్తోత్రం సమాప్తమ్ ॥