അപരാധ ക്ഷമാപണ സ്തോത്രമ്

അപരാധ ക്ഷമാപണ സ്തോത്രമ്

ശ്ലോക 1

അപരാധസഹസ്രാണി ക്രിയന്തേഽഹര്നിശം മയാ ।

ദാസോഽയമിതി മാം മത്വാ ക്ഷമസ്വ പരമേശ്വരി

ശ്ലോക 2

ആവാഹനം ന ജാനാമി ന ജാനാമി വിസര്ജനമ് ।

പൂജാം ചൈവ ന ജാനാമി ക്ഷമ്യതാം പരമേശ്വരി

॥ 1 ॥

ശ്ലോക 3

മന്ത്രഹീനം ക്രിയാഹീനം ഭക്തിഹീനം സുരേശ്വരി ।

യത്പൂജിതം മയാ ദേവി പരിപൂര്ണം തദസ്തു മേ

॥ 2 ॥

ശ്ലോക 4

അപരാധശതം കൃത്വാ ജഗദമ്ബേതി ചോച്ചരേത് ।

യാം ഗതിം സമവാപ്നോതി ന താം ബ്രഹ്മാദയഃ സുരാഃ

॥ 3 ॥

ശ്ലോക 5

സാപരാധോഽസ്മി ശരണം പ്രാപ്തസ്ത്വാം ജഗദമ്ബികേ ।

ഇദാനീമനുകമ്പ്യോഽഹം യഥേച്ഛസി തഥാ കുരു

॥ 4 ॥

ശ്ലോക 6

അജ്ഞാനാദ്വിസ്മൃതേര്ഭ്രാന്ത്യാ യന്ന്യൂനമധികം കൃതമ് ।

വിപരീതം ച തത്സര്വം ക്ഷമസ്വ പരമേശ്വരി

॥ 5 ॥

ശ്ലോക 7

കാമേശ്വരി ജഗന്മാതഃ സച്ചിദാനന്ദവിഗ്രഹേ ।

ഗൃഹാണാര്ചാമിമാം പ്രീത്യാ പ്രസീദ പരമേശ്വരി

॥ 6 ॥

ശ്ലോക 8

യദക്ഷരപദഭ്രഷ്ടം മാത്രാഹീനം ച യദ്ഭവേത് ।

തത്സര്വം ക്ഷമ്യതാം ദേവി പ്രസീദ പരമേശ്വരി

॥ 7 ॥

ശ്ലോക 9

ഗുഹ്യാതിഗുഹ്യഗോപ്ത്രീ ത്വം ഗൃഹാണാസ്മത്കൃതം ജപമ് ।

സിദ്ധിര്ഭവതു മേ ദേവി ത്വത്പ്രസാദാന്മഹേശ്വരി

॥ 8 ॥

ശ്ലോക 10

സര്വരൂപമയീ ദേവീ സര്വം ദേവീമയം ജഗത് ।

അതോഽഹം വിശ്വരൂപാം ത്വാം നമാമി പരമേശ്വരീമ്

॥ 9 ॥

ശ്ലോക 11

ഇതി അപരാധക്ഷമാപണസ്തോത്രം സമാപ്തമ് ॥