અપરાધ ક્ષમાપણ સ્તોત્રમ્

અપરાધ ક્ષમાપણ સ્તોત્રમ્

શ્લોક 1

અપરાધસહસ્રાણિ ક્રિયન્તેઽહર્નિશં મયા ।

દાસોઽયમિતિ માં મત્વા ક્ષમસ્વ પરમેશ્વરિ

શ્લોક 2

આવાહનં ન જાનામિ ન જાનામિ વિસર્જનમ્ ।

પૂજાં ચૈવ ન જાનામિ ક્ષમ્યતાં પરમેશ્વરિ

॥ 1 ॥

શ્લોક 3

મન્ત્રહીનં ક્રિયાહીનં ભક્તિહીનં સુરેશ્વરિ ।

યત્પૂજિતં મયા દેવિ પરિપૂર્ણં તદસ્તુ મે

॥ 2 ॥

શ્લોક 4

અપરાધશતં કૃત્વા જગદમ્બેતિ ચોચ્ચરેત્ ।

યાં ગતિં સમવાપ્નોતિ ન તાં બ્રહ્માદયઃ સુરાઃ

॥ 3 ॥

શ્લોક 5

સાપરાધોઽસ્મિ શરણં પ્રાપ્તસ્ત્વાં જગદમ્બિકે ।

ઇદાનીમનુકમ્પ્યોઽહં યથેચ્છસિ તથા કુરુ

॥ 4 ॥

શ્લોક 6

અજ્ઞાનાદ્વિસ્મૃતેર્ભ્રાન્ત્યા યન્ન્યૂનમધિકં કૃતમ્ ।

વિપરીતં ચ તત્સર્વં ક્ષમસ્વ પરમેશ્વરિ

॥ 5 ॥

શ્લોક 7

કામેશ્વરિ જગન્માતઃ સચ્ચિદાનન્દવિગ્રહે ।

ગૃહાણાર્ચામિમાં પ્રીત્યા પ્રસીદ પરમેશ્વરિ

॥ 6 ॥

શ્લોક 8

યદક્ષરપદભ્રષ્ટં માત્રાહીનં ચ યદ્ભવેત્ ।

તત્સર્વં ક્ષમ્યતાં દેવિ પ્રસીદ પરમેશ્વરિ

॥ 7 ॥

શ્લોક 9

ગુહ્યાતિગુહ્યગોપ્ત્રી ત્વં ગૃહાણાસ્મત્કૃતં જપમ્ ।

સિદ્ધિર્ભવતુ મે દેવિ ત્વત્પ્રસાદાન્મહેશ્વરિ

॥ 8 ॥

શ્લોક 10

સર્વરૂપમયી દેવી સર્વં દેવીમયં જગત્ ।

અતોઽહં વિશ્વરૂપાં ત્વાં નમામિ પરમેશ્વરીમ્

॥ 9 ॥

શ્લોક 11

ઇતિ અપરાધક્ષમાપણસ્તોત્રં સમાપ્તમ્ ॥