అన్నమయ్య కీర్తన ఒకపరి కొకపరి

అన్నమయ్య కీర్తన ఒకపరి కొకపరి

శ్లోక 1

రాగం: ఖరహరప్రియ

(పెద తిరుమలాచర్యుల రచన)

22 ఖరహరప్రియ మేల

ఆ: స రి2 గ2 మ1 ప ద2 ని2 స

అవ: స ని2 ద2 ప మ1 గ2 రి2 స

తాలం: ఆది

పల్లవి

ఒకపరి కొకపరి కొయ్యారమై ।

మొకమున కలలెల్ల మొలచినట్లుణ్డె ॥

చరణం 1

జగదేకపతిమేన చల్లిన కర్పూరధూలి ।

జిగికొని నలువఙ్క చిన్దగాను ।

మొగి చన్ద్రముఖి నురమున నిలిపెగాన ।

పొగరు వెన్నెల దిగబోసి నట్లుణ్డె ॥

ఒకపరి కొకపరి కొయ్యారమై (ప..)

చరణం 2

పొరిమెరుగు చెక్కుల పూసిన తట్టుపునుగు ।

కరగి ఇరుదెసల కారగాను ।

కరిగమన విభుడు గనుక మోహమదము ।

తొరిగి సామజసిరి తొలికినట్లుణ్డె ॥

చరణం 3

మెరయ శ్రీవేఙ్కటేశుమేన సిఙ్గారముగాను ।

తరచైన సొమ్ములు ధరియిఞ్చగా ।

మెరుగు బోడి అలమేలు మఙ్గయు తాను ।

మెరుపు మేఘము గూడి మెరసినట్లుణ్డె ॥

ఒకపరి కొకపరి కొయ్యారమై।

మొకమున కలలెల్ల మొలచినట్లుణ్డె ॥